قصائد العاشر و الوداع و الوحشه

قناة قصائد العاشر الجديدة https://t.me/alasher1447

الوداع الوداع وي حسين الوداع مابين الخيم يفتر ابو اليمه يتفكد بناته ويعثر ابهمه الفواطم كله اجت وجمعت يمه وحده تقبل ايده وثانيه تشمه بلوجاع بلوجاع. يودعنه باوجاع ─── وكف بين الخيم وبصدره العبره والتمن عليه ذرية الزهره توادع وي بناته الصغره والكبره عزيزات الحسين وضمهن الصدره والوضاع الوضاع. تهضم حيل الوضاع ─── اليوم اخر مسيه حسين وعياله وكام وداع اخير يودع اطفاله باجر بالسيوف اتكطع اوصاله وتتيتم كله الجانت ابجاله والسباع. والسباع. ماتت كله السباع ─── كام يودع عياله ودموعه تصب وبده وداعه الاخير اليوم وي زينب يوصيها بعياله والصبر يطلب اذا شفتيني يختي بالدمه مخضب على الكاع على الكاع. لو شفتيني عالكاع ─── وداع بهل مسيه يفسر المرمر مابين العقيله وبين ابولاكبر تكله خلاف وجهك بيمن اتصبر باجر اه يباجر لو صباحه نطر وجه بساع. اجه بساع العاشرليله اجه بساع ─── يكلله يزينب هل امر محتوم هذا اليوم يختي وياج اخر يوم كله تريد راس حسين هاي الكوم باجر شيبي يتخضب يخويه ادموم والضلاع. والضلاع. خيل ادوس الضلاع رائد جبار الزيادي اهدي ثوابها الى روح والدي 2026

هاي اخر ليله حسين وي العيله. خل نشبع منه وداع خل نلتم يمه. نكعد ونشمه لا يكضي اليل بساع كومن يالفواطم خل نودع حسين اخر ليله هاي تشوفه بيها العين باجر من صباحه الله الوداع يحين اشبعن شوف منه كبل وعد البين يانسوت هاشم. . تحضرن للقادم باجر بي كثره اوجاع خل نلتم يمه. . نكعد ونشمه لايكضي اليل بساع ─── بس هل ليله وي حسين يالخدر باجر ياصبح باجر علينه اكشر شبعن شوف كومن من ابو الاكبر كبل لا بالحوافر جسمه يتطشر بكل حيل البيجن. ودعن واليجن وخذن من صبره شراع خل نلتم يمه. نكعد ونشمه لا يكضي اليل بساع ─── باجر ياخوتي لو طلع فجره تنزل نايبات البين بالغبره واليجن يودع كل هله وذخره يظل وحيد توكع كل حزم ظهره يبقه بلا ناصر. مكسور الخاطر بجدامه تميل الكاع خل نلتم يمه. نكعد ونشمه لايكضي اليل بساع ─── خل نلتم تعالن يم ابو اليمه نقبل منحره وبصدره نشتمه تعالن يارقيه سكينه ياعمه اشبعن من ابوجن وكعدن يمه اخر نضراته. بوجه بنياته خلنها تصير متاع خل نلتم يمه. نكعد ونشمه لايكضي اليل بساع ─── كبل لايكضي ليل العاشر انجمعن وليجن يالفواطم بالعجل ودعن اذا طر الصباح عليجن اتسمعن طاح حسين كومن للسبي تهيئن والخيل تشوفن. على حسين يجولن و يكسرن بيه ضلاع خل نلتم يمه. نكعد ونشمه لايكضي اليل بساع ─── وداع حسين باجر والعطش والنار وشوغات الكلب من كل كتر تندار خيمنه رماد تمسي والمعاره غبار وخيول الجيش تسحك ياخواتي زغار باجر حيرتنه. . من بعد اخوتنه ويشح بيها الفزاع خل نلتم يمه. نكعد ونشمه لا يكظي اليل بساع رائد جبار الزيادي اهدي ثوابها الى والديي 2020

(ليلة العاشر) ياشيعي هل دمعك . والطم على ضلعك تتكسر اضلاع الحــــسين الليلة حتى الصبر بالدمعة هم يبچيلة ـــــــــــــــــــــــــــــــــــــــــــــــــــــــــ امزاحم الحسرات والون والدمع الليلة منـــــها الدنيا يتكسر ضلع جود بدموعك يشيعي بهالوضع حسين يطــــــشر بعد ما ينجمع ياويلي بالعـــــــاشر .. من حافر الحافر الحافر يدوس اعله الصدر كل حيله حتى الصـــــبر بالدمعة هم يبچيلة ــــــــــــــــــــــــــــــــــــــ مو فقط أهل الارض عدهم حزن الملائك بالسمــــــــه تبچي وتون ماينام ويلتقي ابجفنه الجـــــــفن المدامع حرب عالخـــد خل تشن اهل السمه ابحسرة .. كلمن لطم صدرة كلمن بچه ودمع المصيبه ايهيله حتى الصبر بالدمعة هم يبچيلة ــــــــــــــــــــــــــــــــــــ مايكـــــــــفيها الدمع مـــهما تصب حسين مصحف صعبه يوگع عالترب الصدر وي الظــــــــهر هذا الصعب ينطبگ ياويلي چــن طَـــوْي الكتب و (سورةُ الفجرِ) .. ضجت على النحري القرآن ضج ومــــــختلف ترتيله حتى الصبر بالدمعة هم يبچيلة ـــــــــــــــــــــــــــــــــــــــ اتخيل إمامك وعـــــيش انت الالم شلون من صوب الظهر يطلع سهم حسين ماضل بيه ضلع واحد سِلَّم مو كسر لا والله كل ضــــلع انهشم ابيا كلمة اتحدث .. عن سهم المثلث هذا الالم صدر الحسين ايشيله حتى الصبر بالدمعة هم يبچيلة ــــــــــــــــــــــــــــــــــــــــــ الحجر هاللــــــــــيلة لو طر جبهته بالدمه تغرگ إمــــــــــــامك لحيته آه ما گايل ابد عـــــــــــــــن حالته الآه چانت من يناظـــــــــــر خيمته من فرّن الخدَّر .. ينهض ولا يگدر والصبر يم جسمه ايصيح ادخيله حتى الصبر بالدمعة هم يبچيلة ـــــــــــــــــــــــــــــــــــــــ خادم الزهراء خالد لطيف العطوي محرم 1448

قصيدة ( غربة الشام ) يا حَبيبي يا حُسَينْ ... نُورَ عَيني يا حُسَينْ ................................................................................................................. يا خويه من شام الغُرب والأحزان ناديت يبن أمــي الذبيح العطشـان آني انسبـيـت وإنتـه فــوگ التربان ولمصيبتك ناحــت يخويـه الأكوان وَبَكَتْكَ كُلُّ عَينْ ... نُورَ عَيني يا حُسَينْ ................................................................................................................. بـسـيـاطـهــم يا مُهـجـتي ضربونـي ولو صحت إحضر يا علي يشتموني جَــدّي النــَّبــي وبحـبــالهـم چتفوني بيش الـعــده وشـعــدهــم يطلبــوني صاحَ جُرحي يا حُسَينْ .. نُورَ عَيني يا حُسَينْ ................................................................................................................. حالــة عـلـي السـجــاد ما تـتـوصّف مَحني الظهر مكسور من يوم الطف حزّت رُگُـبْـتَــه الجامـعـــة وامچتّف من هالقيود اجــروحه أبد ما تنشــف ويُناديْ يا حُسَينْ .. نُورَ عَيني يا حُسَينْ ................................................................................................................. خويه الحَــرم تبـچــي وتون ليليّـه ما بــيــن ثكلــى وأرمـلـه ومسبـيّـه وهـــاي اليــتامـــى كلهــه لاذت بيّه درب الســبـــي ما يـنـعــرف تالــيّـه أَيْنَ نَمضي يا حُسينْ .. نُورَ عَيني يا حُسَينْ ................................................................................................................. تـنـشــد رقـيـه اعليــك يا مـاي العيـن وتگلــي عَـمّــه والــدي ســافــر ويـــن يمنعوهه تبچي إعداك يا خويه حسين محــتــاره ظلـيــت وگـطــع بـيّـه البين جارَ دَهري يا حُسَينْ .. نُورَ عَيني يا حُسَينْ ................................................................................................................. مظــلـم نـهــار الشـــام آه امن الشـــام والليل وحــشـــه ولا رضــت عين تنام كل ساعه ويرعبــونــه ذولــه الظــــلّام وسياطــهـــم تــلـچــم اجــروح الأيتام خَطَّ دَمْعي يا حُسينْ .. نُورَ عَيني يا حُسَينْ ................................................................................................................. لازم أكــابــر عالحــزن مـهــمــا صــار فوّضــــت أمـــري للـعــزيــز الجــبــار ما أطـــخ راســـي وآنـــي بنت الكرار والباري أقوى بقدرتـــه امـــن الأشرار وهْوَ حَسْبي يا حُسينْ .. نُورَ عَيني يا حُسَينْ ................................................................................................................. خادم الإمام الحسين عليه السلام عمار هليل الواسطي ١٤٤٨ هجري / ٢٠٢٦ ميلادي

قصيدة ( السلام على شهيد كربلاء) السَّلامُ عَليكَ يا شَهيدَ كربلاءْ .................................................................................................................... سلام أم الخــدر والصــبــر والآلام يوصــل كربــلاءك من مَــرار الشام بسم ضعن السبايه وحسرة الأيتام بسم كل عين بعدك ساهره ومتنام السَّلامُ عليكَ يا غريبَ الغُرباءْ السَّلامُ عَليــكَ يا شَهيدَ كربلاءْ .................................................................................................................... سلام امن العليل بروح ملهوفه برگبته الجامعة ومقيّده چفوفه حيّ بعدك يريت وعينك اتشوفه انهدم حيله يشاهد عمْته مچتوفه السَّلامُ عليكَ يا سَليلَ الأتقياءْ السَّلامُ عَليــكَ يا شَهيدَ كربلاءْ .................................................................................................................... من بعد السلام الحــال غير الحــال بس غمضت اعيونك ضاعت الأمال شبه ارجال أميه وماكــو كل رجـّال طغو واتجاسروا عالحرم والأطفال السَّلامُ عليكَ يا وَريثَ الأنبياء السَّلامُ عَليــكَ يا شَهيدَ كربلاءْ .................................................................................................................... المثل زينب عفيفة يا شريف الذات يضربوهه بسياط وعالهضيمه تبات تطب للسوگ وسفه وتسمع الشمّات يلاگوهه بطبول الفرح والضحكات السَّلامُ عليكَ يـا أبا الشُـهَــداءْ السَّلامُ عَليــكَ يا شَهيدَ كربلاءْ .................................................................................................................... مظـلـم كل نـهـار الشـام مابـي نور غربه بلا مُعيـن ولا حِمه ولا ســور إنحنى ظهر العقيلة والزمان يدور مثل ظهرك على العباس هم مكسور السَّلامُ عليكَ ظامِئاً من دونِ ماءْ السَّــلامُ عَليــكَ يا شَهيــدَ كربلاءْ .................................................................................................................... تصلّي من جلوس أم الصبر حقهه الزمن عنّك يبــو السجــاد باعدهه تجــمــع باليــتــامى وكلسع تعدهه تكابر عالدمــع عــن لا يمس خدهه السَّلامُ عليكَ يا ذَبيحاً في العَراءْ السَّلامُ عَليــكَ يا شَهيدَ كربلاءْ .................................................................................................................... ليالي الشام صعبه وراحه ما بيهه ورقيّه ابْـنَـيّـتَك تدري شحصل ليهه شما تشتاگ الك تـــبــدي بواچيهه تسكّتــهــه العــده بسياط طاغيهه السَّلامُ عليكَ ومِنَ العَرشِ النِداءْ السَّلامُ عَليــكَ يا شَهيدَ كربلاءْ .................................................................................................................... خادم الإمام الحسين عليه السلام عمار هليل الواسطي ١٤٤٨ هجري/ ٢٠٢٦ ميلادي

لسان حال الحسين-عليه السلام- يوم العاشر من محرم محتار … بين الخيمة و بين النار محتار … واگف بس دمعي ينهار منا خيل و منا نار منا صوت اطفال ازغار و منا زينب …………………….. من هجمت اخيول العدة شافوني واگف وحْدِي و آني من ثلث تيام ما راوي النبع چبدي صحت صوت الحسين آني فنّة اليوصل الحدّي كل هذا العطش و الضيم و كل هذا الجمع ضدّي صرخات…اسمع من الخيمة اتجيني صرخات… لا يا بوية لتخليني يا ربّ انتة اعلم بالصار منا صوت اطفال ازغار و منا زينب ………………. هجمت اعلة الزلم و الخيل جبتهة اليمنة عاليسرة اليهد كون اعلة ظهره احزام و كل اخوانه ابكتره اباوع بس خيم بگفاي و زينب واگفة الحرة اسمعها تصيح بصوت اتحفظك امي الزهرة يحسين… اسمعها اتنادي و تتحسر يحسين… خوية ارجعلي و لا تتأخر امن العترة انتة آخر تذكار منا صوت اطفال ازغار و منا زينب ………………… و هنانة شفت واحد شايلّه حجر و يصيح ضربني بجبهتي و سبني و ظل دمي اعلة خدي ايسيح خذت دمي مسحت الشيب بهاي اللحظة هبت ريح و اجاني سهم المثلث و احس گلبي اكبالي ايطيح يا رب… اتقبل هذا القربان يا رب… و احفظ زينب لا تنهان و جبرائيل ايگلي اختار منا صوت اطفال ازغار و منا زينب ……………. بسم الله طحت للگاع و انادي ربي اقبلني اذا هذا الجرة يرضيك بعد يا ربِّ اخذ مني و ابْحَرّ الرمل حسّيت و كل اجروحي لچمني صحت عباس يعضيدي وينك يالرحت عني عباس…وينك يا شبل الكرار عباس… وين جفوفك و البتار انهض خوية و شوف الصار و منا صوت اطفال ازغار و منا زينب ………………… اباوع للأخت ركضت و يا ركضتها هدتني صعدت تبجي فوگ التل وي دمعتها بچّتني صاحتلي عدل يحسين لو سوط السبي ابمتني صحت لكن اجروحي اغماگ مدري عاد سمعتني؟ زينب … خوية اوصيتي بالعيال زينب … لا يبقى دمعچ همال و الموت أولى من العار و منا صوت اطفال ازغار و منا زينب السيد محمد آل بهية

https://t.me/alasher1447 تم نقل قصائد هذه القناة الى هذا المعرف ☝️بسبب غلقها يرجى الانتقال لطفا

Channel photo removed

The owner of this channel has been inactive for the last 17 months. If they remain inactive for the next 10 days, they may lose their account and admin rights in this channel. The contents of the channel will remain accessible for all users.

اهوازيه .  (( #وداع_الثاكلات )) …………………………………………………………… اشوي ريّض يحادي النوگ . خل نتوادع اوياهم اهلـنه اعل الرمل نيّام   .  رحنه وما دفناهم …………………………………………………………… احنه النسه المسبيات . وبلا زلم ضلينه انمشي اعليك رب الكون . للتوديع خلينه ابد يا حادي منعطلك . وفوگ النوگ خلّينه واضربنه ابحجر وبسوط . اذا للكاع نزلينه هم تسمع يهل حادي جثثهم ظلت اتنادي علينه وصوت كلّه آهات . يطلع من مناحرهم …………………………………………………………… يحادي وگلبي ماهوه . ظل يم الوَلد يفتر ابني الفرس فرّت بيه . طبت نص المـ عسكر صم حنطه انثر بالكاع . هيجي اوليدي امطشر لزوم اعرفت ياهي آنه . المسبيه  ام علي الاكبر الجيش وكله ذباحه ابجمسه انشتلت ارماحه جسم ابني وصفه فرهود . عليه وصاح صايحهم …………………………………………………………… اوچب بله يالحادي . وخل اوحيدي اودعنه امسابگ صار لچفوفه . ادمومه وسبگت الحنه بيرغ ابيض احسابي . ابخيمة عرسه اعلگنه مو زفه ابفرح صحبان . ارماح و نبل زفّنه من فركاه مسلوله ونّه ابدال هلهوله ام جاسم المافرحيت . عمامه وبالعرس كلهم …………………………………………………………… وصوت امن البچي مبحوح . تگل للحادي إتهدّه اوليدي وبيه شوغة ماي . ما شابع لعب بعده شلون ايظل بلايه اگماط . لو دفنوه وسط لحده بالنبله اذبحو انبني . وردّو سلّبو مهده ام الطفل عبدالله المحد گاله اصملّه راح اوليدي رايد ماي . رد ابنحره نبلتهم …………………………………………………………… ولن صاحن بنات اثنين . هونك يلّي ماخذنه نتوجّه الصوب الماي . و نسلّم على عمّنه نگله السوط شل امتون . هذا الحبل جاتفنه آنه أرقيتك يحـ نين . وآنه أرويحتك سكنه يعمي و عالو اعليه امن اذني وخذوا ترچيه نشرد من لهيب النار . يجينه ايدوس حافرهم …………………………………………………………… صاح الخدر افجع صوت . وچن الصاحت الزهره اوچب خل أگل لحسين . اختك مشت متيسره ظهري امن السياط اهلال.واجدام ابركض حمره حيلي اخذنه مني الخيل .من لعبت على صدره وداعاً يا نظر زينب ابحر الشمس وامسلّب جثث أصحابك وميتين . وهاشم ما بگه منهم ……… ................................................. ليظل بالكم يخوان . انا الكافله العيله عبايه امن الله الي تفصال . مُحمد خيّط الشيله اختكم چن علي من چان . شاب ويا كُبر حيله حمزه اللي صگر سفيان . واليدنالي يا ويله رغم اچفوفي مچتوفه أچتف الشام والكوفه لو شافوني چن ريشات . والعباس طبّاهم …………………………………………………………… ✍️ ( سيد خضر الزاملي )

الليلة نـامو ع التـراب الدللونـه الليلة حارسنه غريب وموش اخونه امس جنـــه مدللات وهسه المدللنه مـات الليلة كلنـــه بحبل واحــــد جتفـــونه ــــــــــــــــــــــــــــــــــــــ امــس جنــه مــدللات بهيبــة وبعــــزة نـفس وابد ما يرضون اهلنا وجوهنا تشوف الشمس اليوم طكَونه وبجينه وشدنه بحبــال الــرجس دارت الدنيا اعلى زينب وين هسه ووين امس امس تحــرسني السبــــــاع هسه وحدي وكل شي ضاع وهذا حال الكل اخوته يفاركونه      الليلة كلنه بحبل واحد جتفونه ــــــــــــــــــــــــــــــــــــــ جانت حجايتنه تمشي وماكو جلمة بلايه رد والاخـو لـو ردنه حــاجه يجيبهـا كبل الولــد مالنه حجاية ويه واحــد هسه والعِــز انفكَــد وراحت ايــام الدلال ومـاكو شتكَـــولن بعــد الليلة ضيعنـه الــدلال امس حـال وهسه حال الجان خادم عند ابونه يسب ابونه الليلة كلنه بحبل واحد جتفونه ــــــــــــــــــــــــــــــــــــــ الليلة ممنوعه البواجي وينزل بسكته الدمع الليلة بهــداي الونين وصوتجن مــا ينسمع الماله وادم ماله جلمة ومـن يسولف ينمنع ومن ينوح ينوح سكته ويحتركَ مثل الشمع الليلة لحد تبجي حيل ننسمع والدنيــا ليــل وخاف لو سمعو بجينه يشتمونه الليلة كلنـه بحبل واحــد جتفونـه ــــــــــــــــــــــــــــــــــــــ شالـو الكلهم محنه وصرنـا بيـد المـا يحـن كَبالنه يشتمـون اهلنا وتنطكَـ بسوط التـــون عدهم المذبوح اخوها اعليها ممنوع الحـزن واليطكَ ما عنده رحمه وتوجع سياط المتن علينــه ممنـوع النحيب بخيمة والحارس غريب الفاكَد شلون اعلى دمعه يحاسبونه الليلة كلنــه بحبل واحــد جتفـونــه ــــــــــــــــــــــــــــــــــــــ الليلة بالبـــر گعدونــه بلا فـــراش ولا غطـه الليلة نســـوان الهـــواشم بالحبــال مـربطـه نهضمن وعبـاس اخــوهن كلش عليهن بطـه مدللات حسين صارن وسفه بيد ابن الخطه لا فراش ولا خيام ويفز بالسوط الينام بالسياط التغفه عينه يكعدونه الليلة كلنــه بحبل واحــد جتفـونــه ــــــــــــــــــــــــــــــــــــــ حرمة متعوبة وجبيرة ووحدي وماهم هلي هاي اول مــرة حــرمة مـن ال هاشم تنـولي  كلهـا نسوان ويتـامه وحيلي مـوش الاولـي والربـاب تريــد ابنهــا وليلة تشتـاكَـ لعلــي حايرة وحگي منحير بذمتي زغير وچبير اجبيرة اختكم والجبير يريد عونه الليلة كلنــه بحبل واحــد جتفـونــه ــــــــــــــــــــــــــــــــــــــ آه يــا فگد العشيرة الصــابنــي بنص الگلب البارحة العباس يمي وهسه تحرسني الغرب باجــــر الهــزل رچبنه وكلش بعيــد الـــدرب محد ويانه من اهلنا والتحشــــم تنضـــــرب باجر الممشه اعلى نوگ والعــدو يطببنـا سـوگ واحنا نسوان وفشل لو طببونه الليلة كلنــه بحبل واحــد جتفـونــه رائد الناشي #اللهم_عجل_لوليك_الفرج

يا خواتي •هذا ليل الوحشه صح خوف ونياحه ياخواتي  • ريته دوم ايظل ولا طرة صباحه ابهل ظلام ولا نهار •• يمنه مجتوفه بيسار              يا خواتي يا خواتي …………………………………………………………… يا علويات وصح ظلمه . لافرشه ولاخيمه العدنه كلجن ملتمات اعليه . ننعه ونتباجه لوحدنه صح تعبانات من الركضه .بس اشوه ولاواحد يمنه باجر يبنيات الزهره وتشوفن اهوال مو خيط الصبح اشوفن باجر ضبه احبال وين المسبيّات آخذهن وينادي الجمّال اه باجر • كون ملچ الموت گبلك يعتنينه اه باجر • جيش صوبين بشماته يصد علينه المستحه ويحرگنه نار •• يمّنه مجتوفه بيسار              يا خواتي ياخواتي …………………………………………………………… هاي النسوان الويانه . باجر ليهن كوم التشفع اعمام الهن صاحو يلا . بت عمنه ويانا وخل تطلع بس احنه انظل نكسر خاطر.مامش وادم لينه التفزع وحده اتصد الوحده ابدمعه ومجروح الاحساس ولا واحد رف كلبه اعلينه اشبيها ويانه الناس باجر كلنه انصيح ابدمعه جا وينك عباس يا ابو فاضل • يلي عشنه مدللات ابظل حياتك يا ابو فاضل • هسه ما بين الزلم ظلت خواتك بسمك اتصيح الزغار •• يمنه مجتوفه بيسار            يا خواتي  ياخواتي ……………………………………………………………. اول ما تكشف دنيانه . يبدي اعليجن طف الثاني واحبال الخشنه محضريهه . والنه النوگ الهزله اتاني ابلا هودج هالنوگ اعليها . والسوط ايگلجن هذا اني ظهر النوگ وكلش عالي شلون انصعده شلون واحنه امن الظيم البالعاشر ماظل عدنه متون والتبطي ابصعدتها العسكر بسياط ايضربون حبل واحد • مني ولعد رمله و سكينه ورقيه حبل واحد • والي تعثر يعني طيحتنه سويه يعني باجر انكسار •• يمنه مجتوفه بيسار          يا خواتي  يا خواتي …………………………………………………………… بيا سجه ومدري اليا ديره . باجر مانعرف منوانه ماكو اهلا كل ديره انطبها . و وجوه مكيفه وشمتانه و النوگ ولو مالت بينه . راس حسين يميل ويانه خلّص طف التل والخيمه باجر طف النوگ اشوه السوط و هاي الهيمه وصيوان المحروك بعد الشده الكلش صعبه لو طبينه السوگ بالبدايه •  يا بنات الزهره انتن بالبدايه بالبدايه • الشام لم احجاره يتلكه السبايه من السطوح وماي حار •• يمنه مجتوفه بيسار               يا خواتي  يا خواتي …………………………………………………………… باجر والجمّال ابعمده . ما بين الموته ايمر بينه يا رمله اتصدين لجاسم . من دم اوريده امحنينه يا ليله واخر نظراتج . الاكبر وبدمعه اتودعينه يا ام عبد الله ابنج باجر بالرمله اتخليه مذبوح ومامش كاروكه ولا واحد ساگيه حتى الناكه اتحن الدمعج تبجي وياج اعليه عالشريعه • كون درب النوگ وانظر للكفلني عالشريعه • كوم رد اختك يلبزودك جبتني مني تطلب اعتذار •• يمنه مجتوفه بيسار             ياخواتي ياخواتي …………………………………………………………… ✍️ ( سيد خضر الزاملي )

حسين گال بكربلاء حسين گال بكربلاء گال لأخته بهلنداء استعدي للبلاء   آه يزينب ★★★★★ گال يازينب يبت خير العمل ودعت بحماچ ودعت الاهل صبري يختي شماجره اعلينه وحصل لكل أجل حتماً كتاب الكل أجل نايبتنه ابكربله اعلينه يختي امسجله عينچ على العايله   آه يزينب ★★★★★ صبري يوم الطف إذا مسچ قهر وگلبچ من الفاجعه المره انكسر الله حاميكم اذا يلفي الخطر والله حافظكم يبت خير البشر تگضي هاي الموزمه الصبر احسن خاتمه يبت حماي الحمه   آه يزينب ★★★★★ صبري يابت علي ويابت  فاطمه الله ينجيكم وحگ رب السمه ومايمسكم شر بعد لاموزمه عاقبتكم خير وانتي عالمه ربچ الباري الجليل يعوفكم لامستحيل والخصم باچر ذليل    آه يزينب ★★★★★ صح يزينب باچر يمرچ عسر وتمشي وياچ الحراير للأسر وعينچ تشوف  الزمان المايسر يكسر الريح الجبل ماينكسر جبل انتي من الصبر بوجه كل شده تمر ولله تاليه  الأمر   آه يزينب ★★★★★ صح تمرچ باچر هموم السبي وبلضعن حداي يمشي الأجنبي صبرچ على الهظم يابنت النبي باچر اگبالچ ذليل   الناصبي والنصر يصبح حليف وموقف الظالم ضعيف وموقفچ بالغربه سيف    آه يزينب الشاعر حسن لعيبي الحريشاوي

ابوذيات السيدة زينب تخاطب  الامام الحسين ع اشــكــم طــفــلــه وطفل اختك.. شَكلهه و دخـــــان الــخـــيــــم غــيّــر .. شِكلهه اذا تـسـأل عــلــى امـــتـــونـــي.. شَكلهه بـكـثـر طـعـنــاتـك اســيـــاط الـعـلــيـــه                                     *---------------*---------------* ألـلـيــل لـحـالـــــة الــنـــســــوان.. يربيك ونــظـرهـن بـــعــده لـلـمـــيـــدان.. يربيك طـحـت والشمـر شــوف الــعــيـن.. يربيك شـگلـهـن وأقـنـع اســـكــيـــنـــه ورقـيــــه                                     *---------------*---------------* ✍خادم الحسين ع الشاعر رعد الجريخي

آه يـازيـنـب     **       آه يـازيـنـب *----------------*-------------* بـيـن الـزلـم والخيل صعبه وتـركضين وتصيّح الـشمـات هـاي أخـت الحسين زحمـه وچـبيـره أعـليـچ يالحـره هـايـه تـالـي الـعـمـر والـنـار طــرف الـعـبـايـه *---------------*-------------* ذيـچ الـعـقـيـلـه الـيـوم مـاچـنـچ أنتي بـچـيـتـي حـتى اعـداچ لـمن ركضتي بـخـدرچ ايعـرفـون مضـرب مثل چان اخت الـگمـر وأم عون هسه ام الاحزان *----------------*-------------* چنتي بـوكـت عـبـاس الضلچ احجاب وسـفـه الـدهر خـلاچ مـابين الاجـناب عـمـرچ عبـر خمسين حـرمـه وچبيره المايجـري دمعـه أعليـچ مـيت ضميره *----------------*-------------* عـگـب الاهـل تمشين فـوگ الـهـزيله وعمـداً تـصيـح النـاس هـاي العـقيله طبيتي سـوگ الشـام كـلهـم يشتموت أشگد حملتي اجروح مولاتي يم عون *-----------------*-------------* أشـخلـه بيـچ الـشام هضمه ومـصابه جـرحـت دليلـچ حـيـل ذيـچ الخـرابه مــرت عـلـيـچ أهـنـاك اشــكـم رزيـه گــدامـچ اعـلـه الـراس مـاتت رقـيـه *-----------------*-------------* يـازيـنـب الله ايـعـيـن كـلـبـچ يـحـره ضـل خـاطـرچ مـكسور محـد يجبـره بـصعـب كـسـر خـلـوچ مثـل الـوديعه لـمـن كـفـيلـچ طـاح يـم الـشــريـعـه *--------------------*---------------* ✍خادم السيده زينب (ع) الشاعـر رعـد الـجـريخي

حسين ياخويه حسين ياخويه هذا انت صــــــدك يحسين مامعقوله هذا انته شمسوي انت حته الخيل جسمك هيج دايسته غاد مــن الجسد مشمور اصبعك خويه باوعته وراسك بالجحر مضروب وجسمك حايره بلمته ألم شلون وانـــــت بكل كتر وذره كبلك مــــــاكو جثه بهيمه مطشره بحصيره اكبر حرام انلمت العشره كونك تكــــــــعد لنه يبن امـــــــي انهبنه تعال وشوفنه شلون ضعنه بــــــلا خيمنه ــــــــــــــــــــــــــــــــــــــــــــــــــــــــــــــــــــــ مهنا بنومتك يـــــــــحسين نام ولا يضل بالك انه اختك يروح اختك ابروحي افديهم عيالك بس الهضمه يبن امـــــي جتفني بحبله جتالك يبرالي علي مــــــــن امشي وانت الاخ تبرالك انـــــــــت ارتاح خويه وانه راح امشي وموش ابناكه اركــــــــب راكبه بنعشي جنت كلشي انت عندي وضيعت كلشي ويــــــن الجاب اخيته رحت عــــل ناكه ميته اخ الشام يــــــــحسين ميته ولا دخـــــــــــلته ــــــــــــــــــــــــــــــــــــــــــــــــــــــــــــــــــــــ حداي الضــــــــعن يحسين ذرت رحمه ماعنده جتفني وجابني بسوطه ومن يم جسمك اتعده الحبل بجفوفي مـــــو بهداي خويه بقوته شده ديرتهم مناجل شـــــــوف تحصد لون كل ورده طب لديارهم ضعني وهاك اشصار حته زغارهم تكطف علينه احجار اشاكف عني عن أطفالك انه احتار ناس بلا رحم هاي يمنه وبـــدو الماي شمسويه انه يحسين وشدو هيج وياي ــــــــــــــــــــــــــــــــــــــــــــــــــــــــــــــــــــــ شما نضرت علينه اعيون ياخذنه الخجل ونموت ولو ردنه نــــــــون عليك يبني امي نون بسكوت الهوه خنجر ابذاك السوك بريتنه تره من يفوت من كثر البجي بالشام ماضل عد اخيتك صوت ياخذنه التعب ونام فوك النوك اخ السوك اخ السوك اخ السوك مسبيات هاي الجلمه ابد متلوك راسك بـــــاوع لنه يبجي من انضربنه عطشنه مانطو ماي من المــدمع شربنه ــــــــــــــــــــــــــــــــــــــــــــــــــــــــــــــــــــــ موحلوه بخـــــــــــرابه انبات لابيها سكف لا باب ملتمات بـــــــــــس للنوح مو لمت ضحك وحباب نبجي احنه ودمعنه يطيح ويجينه يضحك السلاب تطيح ادموعنه سهله بس صعبه يطيح احجاب يضحك من يشوف اطيح دمعتنه زحمه ابنص غرب يحسين كعدتنه روس النوك شابت من مصيبتنه لمن اشكي لمن ريحت موت اشمن من كد مابجي عليك راح عيوني يعمن ــــــــــــــــــــــــــــــــــــــــــــــــــــــــــــــــــــــ حسين عبد الزهرة الدراجي

عمه حـــــاجي الحادي يريض بممشانه ضامي كلبي وخــــايفه وسوطهم اذانه عمه شوفي اعيوني من العطش ذبلانه احنه ماحـــــــــــــــاربنه شمالهم ويانه من الحبل ياعمه توجعني اديه انه شمسويه ويكـــودوني سبيه عمه والحداي ماكو بكلبه رحمه زغيره بس السبي شيبني وهضمني ليش كلساع الشمر جاني وضربني متني من اسياطه صارت بيه ورمه عمه زينب وين اهلنه وين اهلنه ــــــــــــــــــــــــــــــــــــــــــــــــــــــــــــــــــــــ احنه شمسويلهم ماي ماينطونه ليش هاي الوادم بلا هله تلكونه زغارهم وكبارهم بالحجر طكونه احنه شمحاجينهم خاطر يسبونه شعدها شو فرحانه ياعمه القبايل وبطــــــــــبل عمه تلكونه وهلاهل عيد عـــــــدهم لو مكيفين بسبينه واحنه بس نسوان ودموع اتجاره وراس عمنه على الرمح تجوينه ناره جي يشوف ادموعنه ويسمع بجينه عمه زينب وين اهلنه وين اهلنه ــــــــــــــــــــــــــــــــــــــــــــــــــــــــــــــــــــــ دمعتي اكبر مني بخدي من اتلالي عمه حته الناكه تبجي حرگه الحالي الوجع موت ايدي عمه فكي احبالي الشمر حته بنومي يطكني يتراوالي من انام احلم بسوط وحرك خيمه وتعرض كبالي مشاهدنه الاليمه وجم جرح ياعمه شفت بهل مشاهد خايفه من اعيونهم شفتج تفرين وعلى ابوي حسين بالهيمه تدورين وأنه اشوفنه على صدر الشمر كاعد عمه زينب وين اهلنه وين اهلنه ــــــــــــــــــــــــــــــــــــــــــــــــــــــــــــــــــــــ عمت عين الـــــدنيه الهيج دارت بينه مـــــــــــــــدللات الزهرة ننسبي تالينه هل ارض نملـــــكها وبالخرابه اصفينه بجتل ابونه وعمنه الناس شمتت بينه عمه ناس الشام مابيهم محنه ماتلكـــــــونه مثل ملكه اهلنه بالخرابه وعل ترايب كعدونه عمه والتبـــــــجي بمتنها يضربوها وليش سكنه اختي خطيه يعذبوها ويلي ونـــــــــواع الشتايم سمعونه عمه زينب وين اهلنه وين اهلنه ــــــــــــــــــــــــــــــــــــــــــــــــــــــــــــــــــــــ حسين عبد الزهرة الدراجي