علی جوادپور

ادبیات روایت‌لری ادبیات چئوره‌لرینده ایللردیر خاطیرلانان مشهور بیر روایته گؤره، "اورحان ولی" ایله "ساییت فاییق " تئز-تئز بیر آرایا گلر، "جمهوریت" قزئتینده‌کی بولماجالاری[جدول]لری حل ائده‌ر و اؤز آرالاریندا کیچیک مَرجه گیره‌رمیشلر. روایته گؤره گونلرجه داوام ائدَن یاریش‌لاردا "ساییت فاییق" همیشه اودوزدوغوندان آخیردا دؤزمه‌ییب سوروشور: - نئجه اولور کی، هر دفعه سن قالیب گلیرسن؟ اورحان‌ولی ایسه گولومسه‌یرَک بئله جاواب وئریر: - چونکی جدول‌لری من حاضیرلاییرام. @alijavadpur

«من گلَر اولمادیم، یولو قارشیلا»، «اوردا قاپی یوخدو، نییه دؤیورسن؟»، «داریخما، دوزلمه‌یه‌جک»، «گوندوزدو، قارانلیق ایچیندن کئچیر»، «بوغولماق دا اولمور، دایازدیر دونیا»، «هئی آرایا دوشورم کنار سس کیمی»، «بو گون واختیم یوخدو، بو گون اولورم»، «نئجه اؤلورسوز، دوستلار؟»... سانکی بو دونیانین کوبود رئاللیقلاری ایله، هر شیئین اَریییب چکیسینی، قورولوشونو ایتیردییی ایلغیم‌واری شفافلیقلار آراسیندا هاوادان آسیلی تارازسیزلیقدا کئچن بو عومور یولونون مضمون و منظره‌لری بوتون یارادیجیلیغیندان آنا خط کیمی کئچیر... آتا-آنا، دوست-تانیش، آرواد-اوشاقچون، لاپ ائله وطنچون یاشایان اینسان عومرونون سون ایللرینده جنّتچون یاشار – آتا-آناسیز، آرواد-اوشاقسیز، وطنسیز یئرچون. یاخود، هله ده بیلمیریک کی، سئوگی نه‌دیر: یاتاقدا قادینین ساچیندان اؤپمکدی، یوخسا، بیر تیکه چؤرَیی آجیندان اوپمکدی؟ بو گونلرده انسان عومرونون ان حل‌ائدیجی حسابات دؤنمی ساییلان ۶۰ یاشینین تمامینا قدم قویاجاق سالامی بو علامتدار یوبیلئی تاریخی مناسبت ایله تبریک ائتمه‌یین اؤزو ده آداما او سببدن قریبه و بیر قدر یؤنده‌مسیز گلیر کی، بوتون بو آلتمیش ایلی اونون هارادا اولدوغونو، هر شئیین چکیسی، قیمتی، رقمی بیلینن بو دونیادا، یوخسا، اونون هانسیسا آیری قاتیندا - «رقم»، «تاریخ»، «تقویم» آنلاییشلارینین ایشلمه‌دییی باشقا اراضی‌لرده یاشادیغینی و بو سببدن، حقیقتنمی ۶۰، یوخسا ۱۶۰، یا ۱۶ یاشینین تمامینا چاتدیغینی دقیق معین ائتمک، آنلاماق اولمور... عمومن ادبییاتیمیز اوچون علامتدار اولان بو عزیز گونده نه شهرت، نه وار، نه «خوشبخت عایله تابلو‌سو» ایله اووودولماسی مومکون اولمایان بو آغریلار عاشیقینه آرزوم - گلیب نئجه‌سه چاتدیغی یووارلاق رقمی‌نین و اونون «حل‌ائدیجیلییی‌نین» کنارین‌دان، همین او کسه چکیسیزلییی ایله اوتوشوب گؤزل غمی‌نین قوینوندا - ایلاهی عشق و کدر ساچان شفقتلی سؤزلرینین، ایشیقلی آغریلار دولو مصراعلارینین آراسیندا یاشاماغا دوام ائتمه‌سی، بو دونیانین ایشلریندن بی‌خبر آزاد راحاتلیقدا اوزون و معنا‌لی عومور سورمه‌سیدیر... @alijavadpur

اووودولماز آغریلار عاشیقی/ آفاق مسعود □ یازیچی «آفاق مسعود»دان شاعیر «سالام ساروان» حاققیندا بیر یازی □کؤچورَن وسهمانلایان: علی جوادپور معاصیر آذربایجان پوئزییاسی شعیر و غزل نووع‌لری، پوئما و بایاتی‌لاری ایله زنگین و موختلیف اولدوغو کیمی، یازی اوسلوبو، خاراكتئری، نَفَسى و فلسفه‌سی ایله بیر-بیریندن فرقلی شاعیر اوبراز‌لاری ایله ده کیفایت قَدَر موختلیف و زنگیندیر. بو گون بو سیرا‌دا شخصیتی، طالعی و اثرلری ایله پوئزییا تاریخیمیزده بیر-بیریندن فرقلی و سیلینمَز ایزلر بوراخمیش میکاییل موشفیق، صمد وورغون، رسول رضا، علی کریم، واقیف صمداوغلو، نصرت کسمنلی، رامیز روشن، واقیف بایاتلی کیمی تانینمیش سؤز اوستادلاری ایله بیر آرا‌دا، ییغجام عینی زاماندا درین فلسفی یوکلو شعیرلرینین تأثیر و سرایت گوجو ایله تانینیب سئویلن استعدادلی شاعیر "سالام ساروان" دا یئر آلیر. دونیانی اؤزونده، اؤزونو دونیادا نئجه‌سه آیری جور گؤرن، دونیا و اؤزو ایله باغلی چیخاردیغی کومپرومیس‌سیز[اوزلاشماز،  باریشماز]، سَرت قرارلاری اینسانی «اینسان» و «مووجودلوق» حاققیندا داها درین دوشونمه‌یه وادار ائدن بیزیم صبیرلی، ساکیت و تواضعکار سالام... سالام نه صمد وورغون کیمی آذربایجانی و اونون گؤزللیک‌لرینی وصف ائدیر، نه رسول رضا کیمی دونیانین ماهیتینه واریب آلت و اوست قاتیندا یاتانلاری آراشدیریر، نه واقیف بایاتلی کیمی یئر کوره‌سینی کایناتین سئوگیلیسی گؤرور، نه ده رامیز رووشن کیمی وطنینین دردلی قلب‌لرینی آذربایجان دیلینین پوئتیک فووقونه تیتردیر... بو دونیایا سانکی شاعیر اولوب شعیر یازماق اوچون یوخ، اونو اوزوندن خیلاص ائده‌جک مقدس زیارتگاهینی، محرم پیرینی آختاران عذاب‌کئش زیارتچی قیسمینده گوندریلمیش سالام‌لا سالاملاشماغین اؤزو ده مستثنا مراجعت اوصولو طلب ائدیر «سالام، سالام...» سببی سانکی مؤلفینین اوزونه ده بئللی اولمایان درین روحی اضطرابلار، دونیا و اونون آمانسیز منطیق‌سیزلییی ایله بیتمز ساواشلار، قانلی یارالانمالار، اینتیحار و اولوملرله دولو بو یارادیجیلیغی «بؤیوک آغریلار داستانی»، یاخود «اووودولماز اضطرابلار ساقاسی» آدلاندیرماق اولار. یازا-یازا اؤلوب، اؤلوب، سونرا بیر ده اینتیحار ائدن شاعیرین همین بو آغریلار دریاسیندا اؤزونو - محرم سولاریندا اوزن آزاد بالیق‌تک راحات و توخونولماز حس ائتمه‌سی، ایچینی قوووران عذاب و اوزونتولرینی، سوسامیش‌تک، قریبه بیر یانغی ایله ایچیب، چؤره‌ک عوضی یئمه‌سی، سیزیلتی و اینیلتی‌لر دولو بو آجی طعام‌دان آنلاشیلماز ذؤوق و نَشئه دویماسی زامان-زامان بؤیوک داستایئوسکی‌نین «من او قدر آغریدیم کی، آخیردا آغرینین اؤزونو سئودیم» کلامینی یادا سالیر... چیخیر بو هفته ده اؤز یئددیسی‌تک گونلر بیر-بیرینی گؤرمه‌ییب کئچیر. وطنلر اوغروندا شیرین جانیندان بَدن‌لر نوکر‌تک باش اَییب کئچیر. داها فنرلر ده قارانلیق سالیر، گئدیرم، آردیمجا ایزیم گلمه‌ییر... اولوم قاپیسینی آچمادی منه، عومره ده دؤنمه‌یه اوزوم گلمه‌ییر... بوغولماق دا اولمور، دایازدیر دونیا. بو عومرون دیبی وار، دنیزی یوخدو. دوروب توللاناسان بیر چپر اوستدن، دوشنده گؤره‌سن یئر اوزو یوخدو... قبول اولونموش پوئتیک فندلردن، معلوم «سؤز یارادیجیلیغی» اینسترومئنت‌لریندن استفاده ائتمه‌دن، اوسلوب، قافیه، وزن و سایر کیمی عنعنه‌وی شرطللیک‌لرین یانیندان نئجه‌سه، کسه یوللارلا اوتوشوب اوخوجوسو ایله اوزبه‌اوز، محرم تنهالیقدا «تمیز صؤحبت‌لر» آپاران بو بر-بزه‌کسیز، ناخیشسیز سطیرلرین آغریسی، هله اونلاری اوخومازدان اوول، شعیرلرین باشلیقلاریندان دویولور...

دونیا بیر نردیواندی... 🔸شعر:نریمان حسن‌زاده 🔹اوخویور: تئیمور اَمراه @alijavadpur

• بو دونیا نردیواندی • نریمان حسن‌زاده بو دونیا نردیواندی، قالخاندا مئهریباندی، ائنَنده نه یاماندی... گؤروشدوک پیلله‌لرده، یولون یارسیندا بیز. سن قالخیردین بو دَمده، من ائنیردیم خبرسیز. سنی آرزولارینا قالدیریردی نردیوان. منی خاطیره‌لره ائندیریردی بو زامان. بیریمیز _ گون‌چیخانا، بیریمیز _ گون‌باتانا. قالخا بیلمزدیم داها، نه او گوج، نه او طاقت. حاقلی، حاقسیز وئرمیشدی اؤز حوکمونو طبیعت. گرَک یا دوشمه‌یه‌یدی بو گؤروش هئچ آرایا، یا سن اَول گله‌یدین، یا من سونرا، دونیایا. @alijavadpur

.

قاتار قاییتماز... □شعر: علی جوادپور □ سس: ممد محمودیان □ساز: چنگیز مهدی پور [۱۳۸۳] @alijavadpur

□ سس‌سیز گمی ■ یحیی‌کمال بیاتلی آرتیق دمیر آلماق گونو گلمیش‌سه زاماندان مجهولا گئدَن بیر گمی قالخار بو لیماندان هئچ یولچوسو یوخموش‌کیمی سسسیزجه آلیر یول ساللانماز او قالخیشدا نه مندیل، نه ده بیر قول ریحتیمدا قالانلار بو سیاحتدن اَلَم‌لی گونلرجه سیاه افقا باخار گوزلری نَملی بیچاره کونوللر، نه گئدن سون گمی‌دیر بو هیجرانلی حیاتین نه ده سون ماتمی‌دیر بو دونیادا سئویلمیش و سئون نافله بَکلر بیلمز کی گئدن سئوگیلی‌لر دونمه‌یه‌جک‌لر بیر چوخ گئدنین هر بیری ممنون کی یئریندن بیر چوخ سَنه‌لر کئچدی، دونن یوخ سفریندن. @alijavadpur

آرازام کوره بندم من ستارام منه آنام عشق اودونا دئييب يانام ساراسی يوخ خان چوبانام نئی‌يیم قاليب بو داغلاردا «ستار گول‌محمدی» آدلی کانالیمیزدا: شاعیریمیزین شعیرلری، حیکایه‌لری، دیکلمه‌لری، گؤروش‌لری، شکیل‌لری و... توپلانیب. بو اثرلر اونون دونیاسین، یارادیجیلیغین و یاشامین گؤستریر. بیزیمله یول بیر اولون دوستلار [ستار گول‌محمدی‌©️][تلگرام] https://t.me/settargulmehemmedi [ستار گول‌محمدی‌اوجاغی©️][روبیکا] https://rubika.ir/settargulmehemmedi

https://ishiq.net/?p=37636

• تویونا بورج اولسون ! • علی جوادپور آه، بو تویون، بو تویون بَیی تابوتدا ـ گلینی نییه اویناییر !؟ یوخ، بئله اویناماق اولماز او نئجه وایا اویناییر ! سنه نه وار ، سن دئیَرسن؛ او دلی‌دیر. دئمزسن؛ گزَن اؤلودور. او اؤزو دئییل کۆلودور سوورولور گؤیه اویناییر اؤلن ایگید، داها سنین تویون اولماز گلن یازدان پایین اولماز آخی بئله اویون اولماز اوینایان نه‌یه اویناییر ! گؤیدن یاغان، یاغیش دا یوماز بو قانی بو شهری، خیابانی. کیم او ایگیدلرین جانین، سویله‌دی سویا اویناییر؟!... آخ، بویئرلر، دونیانین بخت‌سیز اؤلکه‌سی دردین قوزئیی کولگه‌سی اَریییب گئتمیر لکه‌سی، اۆزو کوله‌یه اویناییر. آخی بیزی کیم سالیب‌دیر بو اویونا؟... اوینادانلارین تویونا                   بورج اولسون                       دایانما اوینا                        هامی بو تویا اویناییر !...     (قیش۱۴۰۴) @alijavadpur

بیر یئرده‌یم اسیر کی تورپاغی قان ایچر !... فضولی

□ آزادلیق ■ واقیف صمداوغلو سن منیم دوغما آنام‌سان، آزادلیق. من سنین یاد قاپیسیندا بؤیوموش بالان... سن سون اومیدیمین قالدیردیغی آغ بایراقسان، آزادلیق. من سنی یئل‌له‌دن کولک... @alijavadpur

جانیمدا بیر ‌سوسوزلوق وار شعر: علی جاوادپور موسیقی: فرمان فرضی سس: آنار مولان @alijavadpur

🍁 یاخیندا دا دئییلسن بیرجه یول های وئره‌سن... 🔸فلورا کریم‌اووا @alijavadpur

پاییز ناغیللارین ساری گلینی... □ سس: کبری میرحسینی □ شعر: علی جوادپور @alijavadpur

ایچدییی سولارین آلنیندان اؤپَر آت‌لار. 🔸آقشین یئنی‌سی