١٩٧٢

گتلك هاي دنيا وبيها كل شي يدور والبير التحمده يسولف اسرارك شخبارك تگلي وانتَ بيه تعيل عگب ما موتتني تگلي شخبارك؟

اذا تنسى الشمس خيط الفجر انساك وابطل كل حزن واتعمد الونسة بس اعرفها روحي شما تمر ايام تضل تبچي على طيفك وابد ما تنسى

حاولت شكثر بس للأسف ما فاد طبعهم ما تغير مثل اساميهم كون بغير عالم هيچ مهتمين چا حطوا صورنه بنص جناسيهم

زين وصلني لقرار ! اذبحني بالليل اذا ما تگدر تشوفني النهار زين اذا رايدني المن تنطي بية ؟ زين اذا ما تمدلي ايدك گلي خل اسحب ايدية انه غرگان اكثر من البالنهر بالمغربية

ما ضنيت زرعي يروح فد يوم وعصافير الحزن تگضي البيادر

بفترة من فترات عمري چنت عمري وچنت اشوفك شي مقدس ضامة على يسار صدري لكن الايام دارت والحمامة الچنت اوكلها من ادية من ايدي طارت وروحي شافت منك بس اذية ولان بأيدي چنت اكتبلك احبك صار ست شهور ماحاچي وية ادية.

لأن عشرة زرعتها وگاعها الروح من اول مابدت لليوم متعوب حرگ دم وتعب وآهات ودموع وسلب راحه وسهر والنوم مسلوب وكل موعد فرح واعياد وياه واشوف الكون من يروح مگلوب كل هذا وتگول نعوف وانساه؟ لا ايوب انه ولا انه يعقوب .

مو صعبة اذا انذبح وانگلب كلي جرح بس صعبة اذا انخدع وضنوني بيك اتخيب صح قاسي چان الدرس بس عبرة منه اخذت مرات حتى الجرح بالنار يلا يطيب

والمصبرك شنو ؟ مادام تعذيب يسألني الظنون شبيك ؟ متتوب ؟ اهز ايدي واگلهن ماكو ربحان اذا عفته انغلب ويروح مغلوب

المفروض باول خطوة اعوفك گاطعلي ديرة وجاي اشوفك وتگلي الظروف معاندة وياي فدوة تروحلي انتَ وظروفك

لا تسولفلي اعلى جرحك عمري ضاع الجرح يشفى بس سنيني وين الگيها؟ تبچي چي مايك تبدى اعلى السراب؟ انه روحي لخاطرك چافيها كون مو گد الهوى شجابك عليه؟ چفوفي مو يمك شكو تلاويها؟ لا تبرر ذبلت الوردة بأيدك انتَ مو گدها الشمس شعليها؟ وردة ماتت المن ترشلها ماي؟ وهذا ياهو الگالك تحييها؟

بين ارفض واريد واقتنع واحتار ذبلت الورد بأغصان رغباتي

انه فصلت العمر كله اعله گدك وانه عفت الدنيا كلها وماردتها وردت ودك.

روحي ما مرتاحة ما ادري شتريد بنص محرم گاعد تدورلي عيد الناس جاي تگلي حاچيها وتهيد وانه كل شوية اظل اصقل واعيد لا تظلميها عليّ كلساع اگول شوية هيدي وابد ما تقبل تهيد شلون ياروحي شوكت نصفه اعله راي انتِ من تردين اگولن ما اريد احنا مختلفين شمجمعنا هيچ؟ شلون خلصنا العمر نفس الوريد انه افكر يمته يخلص يومي هاذ وانتِ واهس عندج نحصل البعيد انه يمليني الحزن بالذكريات ويمكن اوگع وانتهي وحيلي يبيد وانتِ اذا متي برهاوة تنازعين هواي متي الموت عندج مو جديد روحي ما مرتاحة ما ادري شتريد انتِ صلفة ورايدتني بحيلي اگوم وحيلي مو ذاك القبل کلش شديد الشفته لو شافه بشر ما اظن يعيش چا تفطر حتى لو شافة الحديد.

حن وانه احن وانه استمع واتذكرك ودموعي تاكل بالجفن ليش أرحلت من دنيتي؟ وسهامك لگلبي دفن يمتى تحن وترد الي؟ والجسد بعدك منطعن دنياي صارت بس وهم وساعاتي صارت بس حزن

اذا ينسى الفجر خيط الشمس انساك وابطل كل حزن واتعمد الونسة بس اعرفها روحي شما تمر ايام تضل تبچي اعلى طيفك وابد ما تنسى.

اني من اشتريتك بعت ناس هواي يمكن ناس فقرة وشورو بية .

وعليك تعاركت من شفت عالوا بيك ولهسة اثار طگهم توجع صفاحي حميتك وانا دمي بطولي ظل يسيل وتكلهم عليّ سكران مو صاحي؟ ولك بعز المعركة من گتلي اريد سلاح عفت روحي بخطر وانطيتك سلاحي!

اكبر امنياتي الوكت يرجع كون مثل امنية ذاك البالغلط يكتل گبل بيه خضار يغيض چم بستان والله مو ضروف الوادم تذبل والله مو وراثة الشيب منك صار نتيجة لامبالاتك عالتوسل اليمد چفة بجحر مو قلق مثلي وياك ما مجبور اضل كل عمري متحمل بصراحة سوالفك ميشيلها الحمال من احطهن عالجبل هم يخسف ويهدل امشيك بدرب منا ومنا نار واگلك تحترك وعناد بيه ازل ما تمشي عدل لو عالحبل مشوك بس انه غشيم وچنت متأمل

ركضت شهگاتي ودموعي وراك شلون ركضة عوزنه بوكت الحصار فحطت خلگي وبعد زعلك طويل ودرب الملاگه عليه شبعده صار روحي ما بيها عشگ خلص عليك وبسمه جروحي حنينك كله طار فرفحت روحي ونكت چفوفي حيل من سمعت بواهسك يم غيري صار‏ .