علي رشم

https://t.me/+elbyQ1xFyx43ZTY6

♥️

واهس ليل جرحي شكد سوالف بي عليّ كل ذِكرى مرّت تنحسب لچمة هوّت روحي وهوّت بس ما هوتها الناس حچي عيوني سَهل بس جيب اليفهمه

الهوه يلتم عليّ منين ما ذكروك وادگ رجلي واضل بعازة الخنگه واغص بريحتك ما گمت اغص بالزاد المفارگ.. النسمه العابره تغرگه موبس الصواب.. النفس هم كتال سهم يمشي الخريف بنية الورگه نيتك صافيه وتعرف شلون تروح وتندل يا حلم من ليلك تشگه صصحره بعين بدوي اتمنى روحي اتصير عله حرورة رملها يطگ عشب خلگه .

فوكَ اغصان روحي تحط سكتك ليل وأدورك طيف غافي بكل غصن يذبل اشد عين السوالف من يمر طرواك

أشم ريحَة خيالك من تمر عالباب وأسألك ليش من عيوني طيفك غاب جبت بيدي لهفة وعيوني تمطر شوگ حمل فوق الجتف شاليك أنا عتاب خجل يعرگ خِيالي من أرد أسولف بيك أنا الشايل گلب لا مو گلب سَرداب ليش استعجلت مو هسة وكت الموت