قصائد الخادم حسن البوخضر

( نخوه بجاه الرسول الأعظم ) انصيح كلنا ابمعتقد يا رسول الله مدد يا محمد    يا محمد -------------------- يا نبي الله يا تاج السياده يا أساس الدين يا سر العباده جا لك اليوم الموالي باعتقاده ابلايه شك ابمآتمك يآخذ مراده كلمن البابك گصد ما يرد خايب أبد يا محمد    يا محمد -------------------- اسألك يالمصطفى ابجاه الزچيّه عندي طلبه و اسألك تگضيها ليّه ودّي أگصد كربله الگبر الشفيّه أرد ازوره او بالحرم أنصب عزيّه من أوصّل كربله ابخدّي دمعي أهمله يا محمد    يا محمد -------------------- ابجاهك أنت سيّدي نرفع إيدينه ياللّي أنت رحمة الباري علينه بالصدرها امكسّره منّه ضلعينه بالگبرها مخفي او ما ندري وينه بالزچيّه امّ الحسين لا تردنا خائبين يا محمد    يا محمد -------------------- كل محب گاصد لك او دمعه يسيله ياللّي امن الله صرت لينا وسيله نطلبك باللّي مشت فوگ الهزيله كم عليل الـ عدنا و الله او كم عليله كل مريض ابعلّته انريد ترجع صحته يا محمد    يا محمد -------------------- كل موالي ابدمعته أصبح ينادي يا رسول الله يبو الزهره يهادي اگضي الحاجه او حقّق لي مرادي باللّي رضّت صدره اخيول الأعادي كلمن ابإسمك يصيح لا ترد گلبه جريح يا محمد    يا محمد -------------------- على بابك نرتجي مولانه نظره او كل أمر متعسّر ابفضلك تيسره باللّي بارض الغاضريّه انگطع نحره ما يخيب اللّي گصد بابك ابأمره رحمة الله الواسعه و ينقبل بيك الدعه يا محمد    يا محمد -------------------- يوم السبت : ٢٧ / ٢ / ١٤٤١ هـ الخادم الأقل : حسن البوخضر https://t.me/alive_100

( رسول الله يخبر السيّدة الزهراء بالمصائب ) وا نبيّاه     وا نبيّاه     وا نبيّاه    وا نبيّاه -------------------- نادى رسول الله او دمعاته جريّه ودعيني يا زهره گبل حين المنيّه عندي إلچ يا فاطمه هاي الوصيّه صبري عگب عيني على أعظم رزيّه --------------------  وسفه أمرنا هالأعادي ايخالفونه و الوصي بالبيعه ابغدرهم يغصبونه او ضلعچ ابگوّه من العصره يكسرونه او محسن على الأعتاب تالي ايسگّطونه --------------------  او حيدر مصابه خلّه لگليبي ايتفطّر في وسط محرابه او لن راسه ايتطبّر او لمّن يخر عالقاع يامّ احسين حيدر بوسط السما ينادي الملَك الله أكبر --------------------  او معلوم عندچ هالخبر يا زهره معلوم چبد الحسن ولدچ يگطعوها بالسموم او حتى بعد موته يظلّ الحسن مظلوم بارض البقيع اشلون گبره ايصير مهدوم --------------------  او بمصاب ابو اليمّه الشهيد احسين داري من يذبحونه او يبگى فوگ الترب عاري او دمّه يظلّ امن النحر يا ويلي جاري او جسمه المگطّع من يچفنونه ابّواري ---------------------  او زينب مصيبتها تبچّي جملة النّاس مسبيّه تصبح من بعد الحْسين او عبّاس تبگى وحيده او ضايعه ما بين الارجاس و الشمر ويّه زجر ليها اتصير حرّاس ---------------------  او من بعد ما خلّص رسول الله وصيْته ودّع ابدمعات الألم كل أهل بيته او صار القضا او حانت أبو القاسم منيْته او أمّ الحسن صاحت أخذني اوياه ليته ---------------------  ننخاك يا طه إجينا ابدمع مدرار ابجاه الزچيّه فاطمه او حيدر الكرار تكتبنا للمهدي الولي هالليله أنصار او نآخذ ابثارك سيّدي و العتره الاطهار ---------------------  ليلة السبت : ٢٨ / ٢ / ١٤٣٩ هـ الخادم الأقل : حسن البوخضر https://t.me/alive_100

( شهادة الرسول الأعظم ) بالنبي الهادي نعزّي امّ الحسين -------------------- بالنبي الهادي نعزّي فاطمه و التعازي نرفع الحامي الحمه نبچي او منّا المدامع ساجمه نعزّي الزهره او أمير المؤمنين -------------------- جينا و المدمع على الوجنه انهمل و الگلب چم هم على امصابه حمل بالنبي مآجور يا خير العمل فگده و الله خلّى كل گلبٍ حزين -------------------- سيّدي امصابك فجع منّا الگلب ظل ينادي او يبچي الليله المحب يا حبيب الله ترى افراگك صعب كل موالي بعدك ايزيد الونين --------------------  هالمصيبه هدّت اركان الشرع لجلك يحنّ الأصل ويّه الفرع او كلمن ينادي او دليله منفجع اليوم غايب عنّا مولى المسلمين -------------------- جاتك احبابك تعزّي عترتك او كل وگت تنعاك و الله شيعتك و الله ما ننسى يطه امصيبتك او يبگى ذكرك سيّدي طول السنين --------------------  يا رسول الله إخذ منّا العهد و الله ما ننساك حتى للأبد او نسأل امن الله يمولايَ المدد نبگى ويّاكم يا سيْد المرسلين -------------------- يوم السبت : ٢٥ / ٢ / ١٤٣٨ هـ الخادم الأقل : حسن البوخضر https://t.me/alive_100

( شهادة الرسول الأعظم ) ​إجينا ابكل حزن نواسي امّ الحسن صارت الدنيا كئيبه من بعد خير الأنام او لجله اتنوح ابگبرها عترته الطيْبه الكرام -------------------- ​هاي الاملاك العظيمه بالسمه بالحزن نزلت تعزّي فاطمه او بالعويل او بالدموع الساجمه على امصاب النبي ظلّت لاطمه ​ملايك بالسمه تعزّي فاطمه ​ابهالمصيبه اللّي لجلها انطمست اعلام الوجود و الگمر أصبح ينادي طه طه ما يعود -------------------- ​حضرت الشيعه ابدمع ويلي همول و الگلوب اتوجّهت دار البتول و اصبحت تلطم على الهامه او تگول فاطمه مأجوره في طه الرسول ​ابگلبنا المنفجع نصب عالخد دمع ​او كلنا هالليله ننادي فاطمه يامّ الحسين نحيي هالذكرى الأليمه ابكل ثبات او كل يقين -------------------- ​كل موالي حضر هالليله ابحزن رايد ابحزنه يواسي امّ الحسن ايسيل دمعه بالألم اعلى الوجن او على امصاب المصطفى يبچي او يون ​يونّ ابدمعته او ينادي ابصرخته ​امصيبة المرسول طه خلّت الكون ابظلام او ناح كلّ الكون لجله او ناحت الفگده الايتام -------------------- ​هوّد الليل ابظلامه و الگمر يبچي او ينحب على سيْد البشر او فاطمه من حولها دار الخطر لأن باچر بيها يغدر هالدهر ​يكسرونه الضلع أويلي هالجمع ​او من ورى الباب الزچيّه تصرخ ابگلبٍ أليم إرحموني إرحموني أنا بنت طه الكريم -------------------- ١٤٣٤ هـ الخادم الأقل : حسن البوخضر https://t.me/alive_100

◾ قصائد شهادة الرسول الأعظم أرواحنا له الفداء 👇🏼

( شهادة ولدي مسلم بن عقيل ) عظّم الله اجرك يمسلم بن عقيل -------------------- عظّم الله اجرك يمسلم بن عقيل ابهالمصاب من بعد عينك اطفالك شافوا الوان العذاب فرّوا بالدهشه يويلي حين حرگوها الاطناب او توّهوا بالبر و لا ليهم سبيل عظّم الله اجرك يمسلم بن عقيل -------------------- ابكربلا اولادك يمسلم ما رحم بيهم زجر حين الخْيام احرگوها فرّوا ويلي بالذعر و اندهش گلب العقيله او حيل حيّرها الأمر و انفجع لمصابهم گلب العليل عظّم الله اجرك يمسلم بن عقيل -------------------- بالسجن ظلّوا يويلي او بالاگياد امربّطين ابذيچ هالحاله الأليمه ما لهم باگي معين او كل من اينادي الثاني هالفرج يمتى يحين اللّي شافوا من مصايب مو قليل عظّم الله اجرك يمسلم بن عقيل -------------------- يا سفير احسين تدري باللّي باولادك جرى العدو ابحگده عليهم ما رحم بيهم ترى گطع ويلي الروس او خلّى الاوداج امهبّره او على الغبره ظلّت ادماهم تسيل عظّم الله اجرك يمسلم بن عقيل -------------------- على هالطفلين نبچي و المدامع ساجمه او جينا إنقدّم عزانا للزچيّه فاطمه هالمصيبه ذاب بيها گلب حمّاي الحمه و انفجع گلب النبي طه الجليل عظّم الله اجرك يمسلم بن عقيل -------------------- ابجاه هالطفلين نسأل ينفرج عنّا البلا او نگصد انزور ابو اليمّه المنذبح في كربلا او نگصد الگطعوا اچفوفه او بگى جثّه امجدّله ادخيل بابراهيم و امحمد دخيل عظّم الله اجرك يمسلم بن عقيل -------------------- يوم الثلاثاء : ٢٥ / ٢ / ١٤٤٢ هـ الخادم الأقل : حسن البوخضر https://t.me/alive_100

◾ قصائد شهادة ولدي مسلم بن عقيل عليهما السلام 👇🏼

( الاشتياق لزيارة الإمام الحسين ) يمن رايح تزور احسين بالحضره إخذ روحي تزور امدلل الزهره -------------------- إي و حگ الأكبر او دمعة رقيّه و اشكثر مشتاگ اروح الغاضريّه أرد ازور احسين و اقرا له عزيّه و الثم الشبّاك او دمعاتي جريّه أنه ابگلبي اشكثر متحمّل الحسره إخذ روحي تزور امدلل الزهره -------------------- من أطب ابحضرتك يبن الزچيّه أشكر الباري على هاي العطيّه أسجد ابأعتابك او روحي شجيّه ابكل حنانك سيّدي تمسح عليّه الهالزياره الگلب و الله خلص صبره إخذ روحي تزور امدلل الزهره -------------------- ياللّي رايح عند ابو اليمّه إمامي من تطب الحضرته بلغه سلامي تدري بيّه ابشوگي عايش و ابهيامي ازيارة احسين او عضيده كل مرامي إذا توصل ضريحه او تسكب العبره إخذ روحي تزور امدلل الزهره -------------------- على بابك و الدمع بالخد أسيله إحنا غيرك و الله ما عدنا وسيله ابجاه أختك زينب الحرّه العقيله أرد ازورك و امسح اذنوبي الثجيله على بابك مُحبّك يرتجي نظره إخذ روحي تزور امدلل الزهره -------------------- يا حبيب او حالة المشتاگ صعبه او أبد ما عندي ابّابك إلا طلبه ابجاه اللّي بالسهم مشلوع گلبه ابدفتر الزوّار عندك إسمي حسبه قسم باللّي انگطع في كربلا نحره إخذ روحي تزور امدلل الزهره -------------------- ليلة الخميس : ٥ / ١ / ١٤٤١ هـ الخادم الأقل : حسن البوخضر https://t.me/alive_100

( طلب الزيارة من حبيب بن مظاهر ) يا حبيب ابدمعة المشتاگ أسأل إن شا الله في دفترك إسمي تسجّل ابخدّي عبره هامله ودّي أوصل كربله -------------------- جيتك أسألك و الدمع بالخد تجاره إنچان إسمي ما تسجّل للزياره أقسم عليك او گلبي باين بانكساره ابجاه الگمر من گطعوا ايمينه او يساره لا تردني سيّدي ابكسرة الخاطر ابهالسنه بالأربعين احسبني زاير صوتي بالنوح اعتله ودّي أوصل كربله -------------------- أقسم عليك ابدمعة الطفله رقيّه هالطلب هذا سيّدي تگضيه ليّه سجّلني زاير هالسنه للغاضريّه ودّي أزور احسين من گبل المنيّه او بالصحن أنصب على احسين المآتم او أصرخ ابگلبي أنه لحسين خادم او تستمع كلّ المله ودّي أوصل كربله -------------------- كلمن يزور احسين يتعلّى مقامه او بالگبر يتعنّى او يزوره احسين امامه بالحشر يحضى سيّدي ابفوز او سلامه و الجنّه تصبح له ذخر يوم القيامه او لجل هذا جيت يم بابك أنادي ازيارة احسين او عضيده كل مرادي يمتى يمتى أوصله ودّي أوصل كربله -------------------- فاز اللّي زار احسين لو بالعمر مرّه او هنياله و الله اللّي وصل داخل الحضره ما نگدر انعدّ الأجر عند الله أجره او تشفع له في يوم الحشر فاطمه الزهره هذا وارد في الكتب ويّه السنّه بالحشر مضمونه للزاير الجنّه هالفضل كلّه إله ودّي أوصل كربله -------------------- ابهذا الطلب جيتك انادي ابدمع عيناي او كل واحد ابشوگه صبح إينادي ويّاي بحسين هاللّي ما شفت مثله ابدنياي ودّي ابيوم الأربعين اعتني مشّاي أگصد المظلوم يم بابه او أزوره و اسجد ابأعتابه و اشتم من عطوره عندي بس هالمسأله ودّي أوصل كربله -------------------- يوم الأربعاء : ١٢ / ١٢ / ١٤٤٠ هـ الخادم الأقل : حسن البوخضر https://t.me/alive_100

( طلب الزيارة من حبيب بن مظاهر ) أدعي ربّي من دموعي يا إلهي يا مجيب جيت ازور احسين بالله سجّل اسمي يا حبيب -------------------- يا حبيب ابن مظاهر گاصدك في هالأَمر جيت يم بابك أنادي و المدامع تنهمر سجّل اسمي للزياره انچان مرّه بالعمر جيت ازور احسين بالله سجّل اسمي يا حبيب -------------------- عايش ابفكري او خيالي يمتى أوصل للضريح و الزم الشبّاك بيدي او أصرخ ابگلبي او أصيح أنا ما عندي وسيله غير ابو اليمّه الذبيح جيت ازور احسين بالله سجّل اسمي يا حبيب -------------------- ابدفتر الزوّار إسمي رايدك إتسجّله او هالسنه في أربعينه أعتني مشّاي اله ما أريد الدنيا أنا بس أريدن كربله جيت ازور احسين بالله سجّل اسمي يا حبيب -------------------- أقسم اعليك او أنادي و الدمع بالخد ذروف حاجه عندي او أنت تدري يا أبو الگلب العطوف طلبه يا مولاي طلبه ابجاه مگطوع الچفوف جيت ازور احسين بالله سجّل اسمي يا حبيب -------------------- أدري يا مولاي و الله ما تردني ابهالقسم جيت احلفك يا حبيبي ابجاه شيّال العلم بالعمد مفضوخ راسه او عينه مصيوبه ابسهم جيت ازور احسين بالله سجّل اسمي يا حبيب -------------------- إِسمع الليله تنادي بيك كلّ المؤمنين او تنتحب مثل الزچيّه يا حبيبي يا حسين نرتجي كل هالأسامي اتصير ويّه الزائرين جيت ازور احسين بالله سجّل اسمي يا حبيب -------------------- مُعتقد عندي او أدري أنت تدري ابحاجتي ازيارة احسين او عضيده هذي بس كل طلبتي او يم ضريحه أطلب الله اهناك تصبح موتتي جيت ازور احسين بالله سجّل اسمي يا حبيب -------------------- يوم الجمعة : ١ / ١٠ / ١٤٣٩ هـ كربلاء المقدسة الخادم الأقل : حسن البوخضر https://t.me/alive_100

( طلب الزيارة من حبيب بن مظاهر ) سجّل اسمي يا حبيب زاير احسين الغريب يا حبيب يا حبيب -------------------- زاير أبو اليمّه مقامه عالي معروف ابيوم القيامه ايأمّنه الباري من الخوف و الهذا أطلب بالدعا او أرفع هالچْفوف سجّلني زاير يا حبيب او أمشي ازحوف لا تردني ابهالطلب ابجاه خدر اللّي انسلب يا حبيب يا حبيب -------------------- من مدّه أنا صابر او گلبي يعاني و انتظر يمتى تنگضي أغلى الأماني و الشوفة الگبّه أنه أحسب ثواني او عندي عقيده ابدفترك ألگى عنواني او من أطلبك ما أَخيب و انت للطالب مجيب يا حبيب يا حبيب -------------------- رايد أنشدك يا حبيب او دمعي صوبين و اشحالة اللّي عمره ما زاير للحْسين ملتهب گلبه او يصفچ اشماله باليْمين و ايگول يمتى ابكربلا اتگر منّي العين او أوصل لذاك الضريح و انتخي بسمه او أصيح يا حبيب يا حبيب -------------------- في هالمسيّه كل محب زايد حنينه او ينخاك جا لك يا حبيب ابدمع عينه زاير تسجله للحسين ابأربعينه او يمشي مع المشّايه و الرايه ابيمينه او بالمواكب من يصير يخدم احسين الأمير يا حبيب يا حبيب -------------------- أنخاك نخوه ابجاه بو اليمّه الشفيّه سجّلني زاير هالسنه للغاضريّه تدريني مشتاگن أزور ابن الزچيّه او كل خوفي مازوره او تصادفني المنيّه او هالعمر أنا ماريد إذا ما زرت الشهيد يا حبيب يا حبيب -------------------- جانا خبر و ابلايه شك هالخبر مدروس كل من يريد المسكن ابجنّة الفردوس ايزور اللّي ظلّوا جثث عالغبره بلا روس او بيهم جنازه او صدرها بالخيل مديوس أعني بو اليمّه الحسين ويلي مگطوع الوتين يا حبيب يا حبيب -------------------- يوم الثلاثاء : ٥ / ١ / ١٤٣٩ هـ الخادم الأقل : حسن البوخضر https://t.me/alive_100

◾ قصائد زيارة المولى الحسين 👇🏼

( السيّدة زينب عند قبر العبّاس بيوم الأربعين ) عبّاس عبّاس رجعنا الكربله -------------------- ابحالة الگشره إجيت امن اليسر شاب راسي او گلبي بالهم منفطر يا عضيدي گوم ليّه امن الگبر استقبل اضعوني او ضمني بالصدر ذايب دليلي من الضيم و البله -------------------- خويه يا عبّاس يا ضنوة علي ياللّي من بعدك بگيت ابلا ولي امن السفر ردّيت لك إنهض إلي او أطلبك يا خويه نزّل محملي رديت أنا او معاي العايله -------------------- على گبرك جيت أشكي حالتي و اخبرك يا بو الفضل بمصيبتي سلّبوني و احرگوها خيمتي او شمر ويّه زجر گادوا ناگتي او سبني او هضمني او ضربني حرمله -------------------- اشلون اسولف لك يخويه بو الفضل و ادري گلبك يالگمر ما يحتمل بعد عزّي ركّبوني عالهزل و ابرگُبتي حطّوا يا خويه الحبل و آنا اللّي بحماك يخويه امدلـله -------------------- بعد عينك صرت بالحال الصعب او صار ممشايه يخويه اويه الغرب او من أصيح او دمعي من عيني يصب الشمر بالسوط يضربني ضرب أصرخ و اصيحن و انادي معوله -------------------- خويه جيت امن السبي او دربه الطويل و الظهر منّي انحنى او جسمي نحيل و اللّي ذوّب مهجتي حال العليل على الناگه امگيّد ابگيدٍ ثگيل او من أثر الگْيود دمومه سايله -------------------- و المصيبه الخلّت احزاني تزيد لمّن العدوان جابونا اليزيد دخّلونا ابمجلسه مثل العبيد و ابعصاته كسّر اسنان الشهيد ريتك تشوفه يبن عقد الولا -------------------- ليلة السبت : ١٩ / ٢ / ١٤٤٦ هـ الخادم الأقلّ : حسن البوخضر https://t.me/alive_100

( أربعين الإمام الحسين ) بالصوايح و الحنين صحنا باسمك يا حسين -------------------- سيّدي يبن الزچيّه الطاهره ياللّي روحك في عزانا حاضره إي و حگ أمّك الزهره او حيدره عالعهد ويّاك دنيا او آخره يبن امير المؤمنين صحنا باسمك يا حسين -------------------- على ذكرك سيّدي عشنا العمر و اربعينك يا إمامي من يمر كلنا نصرخ و المدامع تنهمر هالعزا اليوم القيامه يستمر من دمانا اموقّعين صحنا باسمك يا حسين -------------------- يا أبو السجّاد هذي شيعتك من گلب صادق تراها نادتك جنّنتنا جنّنتنا امحبتك ابأربعينك جينا نرفع رايتك رغم كلّ الحاقدين صحنا باسمك يا حسين -------------------- بينا يتجدّد مصابك بالونين او من يمرّ اعلينا يوم الأربعين نعتني مشّايه للطف گاصدين او كلنا نهتف يا لثارت الحسين يا أمير العاشقين صحنا باسمك يا حسين -------------------- ياللّي فضلك قرّره الربّ الجليل ما نعوفك سيّدي لا مستحيل ياللّي عايش ذكرك ابوسط الدليل لو نفدّي ارواحنا هذا قليل مهما صار امقصّرين صحنا باسمك يا حسين -------------------- يوم الثلاثاء : ٢٠ / ٢ / ١٤٤٠ هـ الخادم الأقل : حسن البوخضر https://t.me/alive_100

( السيّدة زينب عند قبر الإمام الحسين بيوم الأربعين ) ابأربعينك جينا يا خويه او على گبرك گعدنا ابأربعينك ما دريت اشصار بينا يا سندنا شفنا أنواع البلا و السبب من كربلا ابأربعينك ابأربعينك -------------------- من بعد سفره طويله او بعد آلام السفر إعتنيتك يبن أمّي ابأربعينك هالشهر خلني يا خويه أسولف حامله ابگلبي قهر تدري جسمي ذاب و الله او عيني تاعبها السهر خويه تدري امكلّفه ابأيتام مدهوشه او نساوين خويه تدري أگضي ليلي او أنا و الله ساهره العين ابذمّتي هالعايله و السبب من كربلا ابأربعينك ابأربعينك -------------------- أرد اسألك خويه بالله او گلبي نار اموجّره ليش خلّيتوا إختكم من بعدكم حايره أنا أمّ الخدر أنا او ظلّي ما حد ينظره او هسّه صرت آنا يخويه بالچْفوف امستّره راح خدري من وگع عبّاس و انگطعت چفوفه راح خدري او يسّروني هالعدى ابّلدة الكوفه او أنا بنْت عقد الولا و السبب من كربلا ابأربعينك ابأربعينك -------------------- خويه عندي احچايه لاچن العذر منّك أريد ما دريت اشصار بينا من دخلنا اعلى يزيد چتّفونا او ربّطونا ابحبل گوّه يالعضيد او علي السجّاد ابرگُبته جامعه او يرفل ابگيد او بالطشت آه شفت راسك يا عزيزي ابحاله گشره او بالطشت آه كسّر اسنانه او هشّم ويلي ثغره او صحت أنا معوله و السبب من كربلا ابأربعينك ابأربعينك -------------------- ظلّت ابگلبي سوالف بيش أبدي او أنتهي تدري ابحالي ضعيفه او كون مگدر عالسبي على الهزّل ركّبونا او شمت بينا الأجنبي و اعرفوني النّاس او گالوا يا عجب بنْت النبي أنتي زينب يا عجب تتّركّبين اعلى المطيّه أنتي زينب وين عنّج إخوتچ و اهل الحميّه چنتي گبل امدلـله و السبب من كربلا ابأربعينك ابأربعينك -------------------- لو يخيروني يخويه كان عنّك ما أروح أبگى يم جسمك و انادي و ابچي اعليك او أنوح اشلون أنسى ذكرياتك و انت ساكن بالجروح او من يجي طاري مصابك تنفجع منّي الروح ابيوم عاشور من نظرتك عالثرى ابآخر انفاسك ابيوم عاشور و الشمر لمّن إجاك او گطع راسك داس صدرك و اعتله و السبب من كربلا ابأربعينك ابأربعينك -------------------- من گبل ما أمشي خويه أستميح آنا العذر من تسايل عن رقيّه راح اخبرك بالأمر ماتت ابذيچ الخرابه و الگلب منها انفطر بالطشت من شافت اهيَ راس ابوها منطبر آه يحسين ما ألوم الطفله لو ماتت ابهالحال آه يحسين لن مصابك يالأخو يفجع الدلال العين لجله هامله و السبب من كربلا ابأربعينك ابأربعينك -------------------- ليلة الخميس : ١٩ / ٢ / ١٤٣٩ هـ الخادم الأقل : حسن البوخضر https://t.me/alive_100

( السيّدة زينب عند قبر الإمام الحسين بيوم الأربعين ) في أربعينك يا ضنا الزهره جيتك أزورك و اسچب العبره امصابك أبد ما ينّسي ذكره خويه يمظلوم خويه يمظلوم -------------------- الحمد لله إجيتك باربعينك يمن في گلبي ظل ساكن حنينك او رغم كلّ البعد بيني او بينك أنه ابطول الدرب أسمع ونينك من منحرك أسمعهن الونّات چنّك تگلّي صبري عالويلات او صبري على هالحالة الگشره خويه يمظلوم خويه يمظلوم -------------------- إجيتك من بعد سفره طويله او على خدّي دمع عيني أسيله يخويه ركّبوني اعلى الهزيله او صرت في شدّه و ابحاله ثچيله محتاره بامري ابولية الأرجاس لا احسين عندي او لا يجي عبّاس او صرت احسب الحسره على الحسره خويه يمظلوم خويه يمظلوم -------------------- أريدن أشتكي لك يا ضيا العين خذوني اميسّره بين الملاعين يخويه ويني او وين الدواوين او أنه امخدرة بو فاضل و الحْسين گوّه خذوني ابحبل مچتوفه او من كربلا سافرنا للكوفه او أنت او أبو فاضل على الغبره خويه يمظلوم خويه يمظلوم -------------------- يخويه المعذره يبن الزچيّه مشينا او جثّتك ظلّت رميّه لچن و الله ترى غصبٍ عليّه او تعرف انت الشمر و اشسوّه بيّه ابسوطه يجيني لو سمع صوتي و امن الضرب و الله شفت موتي او گلبي يخويه امن الألم جمره خويه يمظلوم خويه يمظلوم -------------------- يخويه هالأعادي مرمروني ابحبل و الله تراهم ربّطوني او أناديكم يخوتي او ما تجوني او تشوفونه زجر ورّم امتوني تدري العدو ما عنده امروّه سوطه على متنيني اتلوّه و امن البچا اعيوني بگت حمره خويه يمظلوم خويه يمظلوم -------------------- إجيت آنا او جبت عندي أمانه جبت راسك يبو اليمّه معانه لچن إعذرني خويه يا رجانه ابأثر ضرب العصا امكسّره اسنانه راسك أنه يا خويه من شفته و ايزيد هشّم بالعصا شفته ناديت او منّي اتعالت الزفره خويه يمظلوم خويه يمظلوم -------------------- يخويه گبل ما روح المدينه أريدن أسألك يا أبو اسكينه شگولن لليگول احسين وينه او شگولن لامّي الزهره الحزينه صعبه أخبّرها عن احوالك و آگول ليها امگطّعه اوصالك خوفي أزيّد لوعة العصره خويه يمظلوم خويه يمظلوم -------------------- ليلة الخميس : ١٩ / ٢ / ١٤٣٩ هـ الخادم الأقل : حسن البوخضر https://t.me/alive_100

◾ قصائد أربعين المولى الحسين أرواحنا له الفداء 👇🏼

( تعزية السيّدة الزهراء بمصاب الإمام الرضا ) مأجوره يا مولاتي يا زهره الحزينه ثامن العتره ابدار غربه سامّينه -------------------- ياللّي من العدوان خدّچ صار ملطوم جدّدي الصيحه و انصبي الماتم ابهاليوم چبد الرضا متگطّعه ويلي بالسْموم او ممدود فوگ افراشه او يجذب ونينه -------------------- گومي يفاطم و البسي ثوب الرزيّه و الطوس روحي و انصبي اهناك العزيّه نوحي لمصابه او خلّي ادموعچ جريّه او لطمي يزهره فوگ ضلع الكاسرينه -------------------- في ابلاد غربه او عزوته عنّه بعيدين او گلبه من الهم يا زچيّه صار شطرين وحده يلوج ابوسط داره او ما له امعين حضريه و لا تبگين في أرض المدينه -------------------- من روضتچ گومي يمكسورة الأضلاع او للرضا إبنچ يا بتوله گصدي هالساع شوفيه فوگ افراشه وسفه اينازع انزاع مدّد ارجوله او هم بعد أسبل يدينه -------------------- او لو تنظرين ابنه الجواد اشلون وضعه من شاف ابوه او چبدته ويلي متگطعه ظل ينتحب لمصيبته او يتجارى دمعه او يلطم ابصدره او يصفگ اشماله ابيمينه -------------------- صاحت الزهره او فوگ خدها الدمع بادي من هالمصايب يا خلگ ذايب افّادي ما گصروا العدوان فجعوني باولادي مسموم هذا او ذاك ويلي ذابحينه -------------------- يوم الأربعاء : ١٦ / ٢ / ١٤٤٦ هـ الخادم الأقل : حسن البوخضر https://t.me/alive_100

( مجيء السيّدة الزهراء للإمام الرضا ) أنا الزچيّه فاطمه بالحسره ناديت لا تحسبوني للرضا في طوس ما جيت -------------------- أنه الزهره او أصيح ابجاري ادموعي خبر جاني او منّه زيّدوا روعي نسيت السطره ويّه العصره و اضلوعي او إلى اوليدي گصدت ابحسرتي او لوعي من طيبه لخريسان أنا له تعنّيت لا تحسبوني للرضا في طوس ما جيت -------------------- عفت گبري او إجيت ابلهفه لخريسان او لبو محمد گصدت ابفاجعه او أحزان على افراشه نظرته امغيّر الألوان يوسفه گطّعوها چبدته العدوان يا ليت چبدي گطّعوها ابداله يا ليت لا تحسبوني للرضا في طوس ما جيت -------------------- الأعادي ما احشموه او ما رعوا قدره او أنه أمّه الزچيّه الطاهره الزهره سگوه السمّ او صارت چبده متفطره او بگى ايلوج او يون او حالته مرّه او من ونّته أنا بعد من گلبي ونّيت لا تحسبوني للرضا في طوس ما جيت -------------------- يحگ لي من أون او أنعي لمصابه او أصيح اعلى الرضا و ادموعي سچّابه او أنه ابعيني أشوفه او چبده لهّابه ابغربه او ما أحد يمّه من احبابه حنّيت لمصابه يشيعه و الله حنّيت لا تحسبوني للرضا في طوس ما جيت -------------------- يشيعه ابهالمصيبه بالله واسوني او على هاي الفجيعه بالله عزّوني ابمصاب السابع امن اولادي فجعوني او خلّوا امن البچي معميّه اعيوني نوّحت لمصابه او عليه الجيب شگيت لا تحسبوني للرضا في طوس ما جيت -------------------- يوم السبت : ١٦ / ٢ / ١٤٤٥ هـ الخادم الأقل : حسن البوخضر https://t.me/alive_100

( شهادة الإمام الرضا ) في طوس مسموم الرضا -------------------- بينا هتف ناعي الأجل و انهلّت ادموع المقل اليوم الرضا عنكم رحل و الجفن ويلي غمّضه -------------------- شاف المآسي ابغربته او فطّروا بالسم مهجته او بفراشه يجذب ونّته و ابگلبه جمرات الغضا -------------------- ابهاي المصيبه المؤلمه ننعى ابمدامع ساجمه انواسي الزچيّه فاطمه و انعزّي جدّه المرتضى -------------------- نلطم ابآهات الصدر و الگلب منّا منفطر وسفه الرضا ابسمّ الغدر چبده غدت متبضّعه -------------------- وسفه گضى ابن المصطفى باب العلم و المعرفه بعده على الدنيا العفى او من بعده ضاگ ابنا الفضا -------------------- إنقيم واجب هالحداد او ننشرها أعلام السواد و انعزّي مولانا الجواد عنّا الرضا شال او مضى -------------------- يوم الخميس : ١٤ / ٢ / ١٤٤٥ هـ الخادم الأقل : حسن البوخضر https://t.me/alive_100