أ.زيدون الجبوري

السلام عليكم البنات الجدد غدًا تعويض الاستفهام المحاضرات الاولى ب 9 والسبت اول محاضرة بموضوع النفي وبداية رحلة ممتعة بين ثنايا ادوات النفي واسرار ما نُفيَمن كلام وما أُثبت 🦋🌺

بسم الله وبالله وخير الاسماء لله والحمد لله اولًا واخيرًا الف مبارك لطالباتي العزيزات رشا سعد الاولى على العراق زينب سعد الرابعة على العراق هذا الانجاز الرائع والفخر اللا متناهي، وتم تكريم الاولى ( رشا ) بسيارة مقدمة من اسرة ثانوية فرج الله الاهلية للبنات 🦋🌺

السلام عليكم تقبل الله زيارتكم وصالح اعمالكم وخدمتكم غدًا ثاني محاضرة بموضوع الاستفهام في ( معهد نون للبنات ) البنات اللي راسلوني تعالو غدًا الساعة 9 صباحًا 🦋🌺

السلام عليكم الطالبات الجدد والراغبات بالتسجيل في معهد نون للبنات غدًا اول محاضرة باذن الله تعالى الساعة ( 7 ) صباحًا، ومن يوم غدٍ تبدأ رحلة جميلة مليئة بالعزم والاصرار والجد نحو تحقيق الدرجة الكاملة باللغة العربية، والله الموفق 🦋🌺

بعد تحقيق المراكز الاولى على مستوى العراق والمحافظة تقرر استقبال الطلاب الجدد والراغبين بدراسة العربية بالصورة الصحيحة وبالطريقة التي تضمن ال 💯 فأهلًا وسهلًا بمن يلتحق بركب المتفوقين 🦋🌺

الكلام موجه لطلاب دفعة 2027 كلكم شفتوا النتائج وتفوق الطلاب والحمد لله حصد استاذكم بالعربية المراتب الاولى وكل هذا ماكان يكون بدون شغل صح واجتهاد حقيقي واعطاء المادة حقها الكافي من كل الجوانب ومن الطرفين الاستاذ والطالب، لان بدون اجتهادكم وتحضيركم ومراجعتكم مراح يتحقق هالشي، وكذلك اختيار الاستاذ الصح اللي يكون كد المسؤولية ويحقق هالمنجز الكبير. دائمًا اسمعوا النصيحة والتزموا بكلام استاذكم وانتم ابدًا مو اقل من ان تكونوا الاوائل بس بشرط الجدية بكل شي. والله الموفق 🦋🌺

بسم الله الرحمن الرحيم اللهم صل على محمد وال محمد الفضل لله سبحانه والشكر لله ولاهل البيت كنت خير استاذ وخير اخ وخير أب أخواتك طلعن 100 كنت سبب من بعد الله بهذا المعدل جزيل الشكر والامتنان وشكرا على شرحك الي جان مميز والمخططات والإبداع الحمدلله والشكر وكانت المشاركه بالدرس أجمل شي وتحفيزك الدائم النه الله يوفقك ويرضى عنك .

الحمد لله وكل هذا بفضل رب العالمين وبفضل تعبكم بناتي الورود 🦋🌺

أستاذ زيدون، حبيت أتوجه لحضرتك بشكر خاص ومميز. حصولي على درجة 100 بمادة اللغة العربية ما جان صدفة، وإنما يرجع لجهودكم الكبيرة ويانا طول السنة. الصراحة، حضرتك ما جنت مجرد مدرس يدرسنا منهج وبس، أنتَ خليتني أحب العربي وأتعلق بالمادة بطريقة ما كنت متوقعتها وكنت السبب بعد الله إني أثق بنفسي وأتطور بالمادة. شُكرًا لك لكل كلمة، ولكل حرصك علينا، ولكل تعب تعبته ويانا، ربي يجزيك كل خير ويحفظك، وألف مبروك لكل طلابك اللي نجحوا بفضل تدريسك الرائع، وإن شاء الله تبقى سببًا بنجاح طلاب هواية بالسنوات القادمة 🤍

السلام عليكم طلابنه المؤجلين واللي قرروا يعيدون ابد لتضوجون وثقوا بالله رب العالمين ضاملكم عوض بكد طموحكم، واللي ما حققوا المعدل اللي ابالهم دائمًا تذكروا ( الخير فيما اختاره الله ) ثقوا بالله دائمًا والنجاح حليفكم إن شاء الله بالنسبة للي يسألوني ( رشا ) وين جانت داخلة ( واني ما اريد اتاجر بنجاحها وانجازها لان هذا مو ثوبي ) بس بنفس الوقت ما اسمح بسرقة تعبي وانجازي تكدرون تسألوها وتسألون باقي الاساتذة هي طالبتي فقط ( نقطة راس سطر ) 🦋🌺

رشا سعد جاسم الأولى بالعراق من محافظة بابل قضاء كوثا

وصل اسم بنتي لكل العراق الف الف مُبارك

رقية محمد بنت صديقي وبنتي الثالثة على مستوى العراق ( هم كولو طالبتي )

أُستاذي 🤎 صراحةً ما أعرف شلون أشكرك واللهِ العظيم شنو أكتب ؟ اليوم درجتي بالعربي 100 بفضل الله وفضلك ،انت قدمت هواي لِسلسبيل مُستحيل أگدر أختصر تعب أُستاذ زيدون بهاي الدرجة أصلًا ،انت ثقفتني أدبيًا وفكريًا وبفضلك اليوم أنا أگدر أدرِّس طُلاب والله وأغلب الناس يعرفون هذا الشيء بعدما كنت متوسطة إلى ضعيفة باللّغة العَربية حاليًا أگدر أصير أُستاذة عربي ،هواي مُمتنة لك الله يوفقك ويفتحها بوجهك بحق مُحمد وآل مُحمّد مستحيل ننساك وننسى فضلك عَلينا مُخلد بِالذاكرة دائمًا وأبدًا أُستاذ زيدون ✨

الحمد لله رب العالمين كدرت اوصل لهالمرحلة الكبيرة، واليوم كلي ثقة انو طلابي دائمًا يكونون من الاوائل باذن الله تعالى

كلام مليان مشاعر حلوة وفرحة لتفوق استاذها واخوها الكبير من طالبتي سابقًا والدكتورة حاليًا ( فاطمة محمد )

انتوا جزء چبير من هالنجاح ، كلش شكرا❤️.