قصائد الــ كعده ( الــ كعديه )

كعدة .. لاستشهاد الرسول صلى الله عليه وآله (بحضنك ياعلي ). بحضنك ياعلي خل تغمض عيوني واهل الفتن ما اريدن يحضروني وبعدي كلهم اعليك .. ينگلبون اوصيك واهل الفتن ما اريدن حضروني **** علي ياصمصام عزمي وياكهف كل شده اليه إليوم ياكرار اريدك تستعد لاعظم رزيه وراسي تخليه بحضنك گربت جنها المنية إنه احس ياخير العمل بيه نزل خطب الأجل وبالدنية ماضل كل أمل وهاي آخر ساعة هيه يحزام الجنت بالكلفة احشمنه حجرك بيه امان و ريحة الجنه واخر كلمة احاجيك ...ينگلبون اوصيك " ادري الهضمت فراگي كلبك من الالم جمره لجن استخلف الباري عالمصاب الراح يجره ياعلي وبيدك اريد تنشف الدمعة الزهرة ما تحمل الزهرة بعد أعله افراگي تذبل جالورد وشمعه وتذوب من الفكد وحيلها فگدي يكسره بيت احزان ابني الفاطمية اعليه وهيه اول الناس التلتحق بيه تنعاني وتنادي...ينگلبون اوصيك " المارضوا اكتب كتابي وعني كالوا صار يهجر همه ذوله اسباب موتي والظلع فاطمة تكسر وليك هم يمتد ظلمها وبالحسن وحسين تغدر ذوله الأساس الكل ظلم يدورون عن كرسي الحكم وهمه الشريك بكل جرم أعله أمتي شما راح يصدر وبأجر بالسقيفة الي يعقدوها اول فتوة زينب كوموا اسبوها سقيفتهم تاذيك ... ينكلبون اوصيك ...... من بعد زينب واهلها الشيعتك يمتد المهم وكل عصر عدهم سقيفة تشرعن الفتوة فتنهم صح ينطقون الشهادة بس يسجدون الصنمهم كل دين ماعدهم ابد ولاصدق كلمة ولاوعد وي اليهود الهم عهد وتعرف الغاية التلمهم كلمة ياعلي بس كون تمحيها تبيع أرواحه ولبليس تنطيها البالبيعة تهنيك ...ينكلبون اوصيك " انفس الملعونه بأجر تنجمع من كل مدينة ياعلي وللشيعه تگصد كلها أحقاد وضغينه تطفي نور الله هدفها ويأبى الا يتم دينه وبشارة هاي الشيعتك شما مر عليها بغيبتك ينصر الباري الحبتك وايد تحرسهم امنيه ايدي المهدي بالشدات ترعاهم الغايب اسمه لكن حاضر وياهم وميهاب اليعاديك ...ينكلبون اوصيك " المصيبة بأجر المهدي حفيدك ياعلي للشيعة حامي وهو يابو حسين بأجر يكمل النهضة وقيامي ويأخذ بثارات أهله وجده المذبوح ضامي مايبقه بالدونية ظلم ولا بامتي يمر الهظم وبسيفه الحك والعزم وماتطيح الراية بايدو. وينشر الحك والعدالة سيد اياد الغالبي ٢٠٢٦/٨/٩

كعديه لاستشاد النبي الاكرم صلوات الله عليه وعلى اله مقتول مقتول هادي البشر مقتول القاتل نعرف اخباره ما يخفون اثاره هادي البشر مقتول ----------------- اليحوف بليل اظلم وظنه ماسحها الادله هم يجي عليه النهار وينكشف للناس فعله هذا ديدان الزمان وشارة الايام عدله اشلون بيت اوفه وفي يبوكَه الحرامي ويختفي اليقنع بهاي و يكتفي قاصر وسطحي ونكَلّه ميطول ميطول سرّ البوكَه ميطول اليخفي الاثر هم لازم يوم ايبان للوادم هادي البشر مقتول --------------- ابليس من عاند الباري يغوي كل هاي البريه يخلي كل الخلك تكفر وينشر افكاره الغويّه عرف وبامرالله يفشل ويهْل الانوار البهيّه الا عبادك يعترف المخلَصين هنا يقف بس اكّد بحلفه الصلف يسبّب الهم كل أذيّه منقول منقول بالتاريخ منقول مامن نبي ما عانه منّه بايد اعوانه هادي البشر مقتول ------------- ما اختفه تاريخ طه وسيرته ومنهج حياته بحكمة الباري ورحمته وصل لينه بخط دعاته وحتى المخالف وصيته هم نقل كلشي لرواته واقرينه واعرفنه الجره بين السطور وينقره الناس العليه متآمره كلمن اسمه وكل صفاته مسؤول مسؤول عن الجره مسؤول الخالف طه باقواله تخبرك ليش افعاله هادي البشر مقتول --------------- سمموه واصبح عليل حين وصّه وهاك طالع بالغدير هناكه ماضل كل عذر لهل المطامع صار راي اهل الخيانه بقتل ابو الزهره تسارع وابعدهم بجيش الفتح والخبر نار اعله الرمح من جيش اسامه اخذ الشرح تباطئ ولن تالي راجع شتكَول شتكَول للميطيع شتكَول الماراح وبقه يماطل حقك تجعله القاتل هادي البشر مقتول --------------- هاك والاثار دلت كل عقل بانصاف يقره ذيج الاخبار النقلها الزمن تحجيلك الغدره حين طه بامر كًلهم لا تِلدّوني آنه ادره وبعلّتي عندي علم بس الي راسمله رسم بتخطيطه نيته ينتقم من النبي وما خافي سرّه مخذول مخذول ال لدهّ بليل مخذول مخلي بهالدوه اسمومه مبينه وحَيْل مفهومه هادي البشر مقتول --------------- بالخميس البي رزيّه الكَبله امّرهم أُسامه انفذوا هالجيش كرر على الجميع ويامه يامه وبقّه ابو حسين بحضرته يدري هاي اخر ايامه وما نفّذوا ذاك الامر اكبر دليل اعله الغدر جمعه وسبت وأحّد يمر وابد متنفذ كلامه ولن اسود ايام الدهر جاب اعله الاكوان الخطر بيه ارتحل سيد البشر وابتدت اعظم ظُلامه مرسول مرسول اشرف نبي ومرسول يرحل محد ايحضره بس كم شخص والعتره هادي البشر مقتول ----------------- ويلي للزهره الزجيّه اشلون يوم المرّ عليها وعلى الوصي اصعب مصاب بدنيته الي عاش بيها بالنحيب تودْع ابوها ويبجي جبريل لبجيها تودع الابو بفيض الدمع بحسرة كَلب جن ينشلع وتخلّي اديته اعله الضلع وتحس باجر لو لفتها اخلاف ابوها من المصايب --------------------- قاسم آل واعي الرميثي

﴿گعديه﴾ على طريقة قصيدة دنياك .. عندك فاكره وتدري بخبرها للمرحوم عميد الرواديد الحاج جاسم النويني ____ عاشور .. يا خدّام ابو الاكبر أمانه العالم رِخصَت ادموم  ..  خاطر صرخته اتدّوم يا خدّام ابو الاكبر أمانه °°°°°°°°°°°°°°°°°°°°°°°°°°°°°°°°°°°° ملحمة عاشور دامت    ترتوي بدم المناحر ربنه شاء ايتم ذكرهه   رغم اَنِف كل طاغي جائر وسَلَف ما ننسه فضلهم   ماتو وأحيو شعائر لحسين صارو سِلسله نحْر ابنحَر متواصله كل ارض صارت كربله وصار في كل يوم عاشر مشكور .. كلمن مات وبموته حِيانه هذا اليفدي العيون  .. وذاك المات مسجون يا خدّام ابو الاكبر أمانه °°°°°°°°°°°°°°°°°°°°°°°°°°°°°°°°°°°° لاجل عاشور الكرامه   ولاجل مضمونه ايتخلّد چم حُسيني بعصر اميه   عن هله وناسه تِبَعّد عن "عطيه العَوفي" اقره  العاش كل عمره مُشرّد بـ الاربعين ازيارته وجمرة العاشر خلته "الحجاج" ينتف لحيته وأُمَر أنْ بالسوط يُجلَد منذور .. دمّه حتّى ماتبرد دمانه متموت العزيات  ..  وايام الزيارات يا خدّام ابو الاكبر أمانه °°°°°°°°°°°°°°°°°°°°°°°°°°°°°°°°°°°° الينوي چان اعله الزياره   للخطر روحه يعِدهه لو يرد لو ينطي عمره     لبني العباس وحقدهه القَررت تگطع ايادي     ومشت ناس ونِطَت يَدهه لكربله لو زاير عِزَم يتباره وي اهله الذِمَم بهالدرب چم غالي انعدَم بموقفه الزهره سَعَدهه مأجور .. تگله يالردت ترفع لوانه بالمحشر اجازيك  ..  من الكوثر اروّيك يا خدّام ابو الاكبر أمانه °°°°°°°°°°°°°°°°°°°°°°°°°°°°°° فتره عاشرنه بعمرنه    حاكم وزمره لئيمه چان ذكر حسين عدهم   يُعتبر اكبر جريمه سجن تعذيب ومشانق   الحظر مأتم او يقيمه الزمره اويه طاغيهه انتهت مدّه وعلينه عاودت ارهاب يا ما فجرت وعشنه يوميه هضيمه وانزور .. مشّايه وبقه عامر عزانه لا تنسون الايام  ..  شگد راوونه آلام يا خدّام ابو الاكبر أمانه °°°°°°°°°°°°°°°°°°°°°°°°°°°°°°°°°°°°° هالمجالس والمواكب    للبشر اعظم هِدايه وبصعوبه وصلت النه   على اجراحات الضحايه كون من نحچي بشأنهه   نخشع ونقراهه آيه هالفرصه لازم تُستغَل نصدق ونخلص بالعمل انحافظ عليهه من الجدل ونلتم بصافي النوايه جمهور .. بس حسين يرضه كل رجانه خوّان ايد بالإيد  ..  شهره وسمعه منريد يا خدّام ابو الاكبر أمانه °°°°°°°°°°°°°°°°°°°°°°°°°°°°°°°°°°°°° يخوتي عدنه مصيبه   نعوف كل شي ونجزع الهه زينب بظهريه سوده    صرعه شافت كل اهلهه حرگو اخيمهه عليهه   وصعدت اتلوع اعله تَلهه شبچت العشره وانحنت صاحت تره الخيل اعتنت ﴿ولحدود المخيم دنت﴾ *وتقرأ مابدا لك من ابيات نعي بعد اخر بيت دون الرجوع الى المستهل ياسر حسن

كعده بعد انتهاء الاربعينيه ايام اربعينك ياضوه العين خلصت وانتهت بدموع يحسين والخدام يبجون من رجعو لأهلهم ١ الخادم بليل اربعينه واگف بدمع انتظاره فارغ الشارع يعاين خلصت بساع الزياره ناده واتسمعه المواكب ينظر بحيره ومراره خلصت الخدمه بيا وضع مابين آهات ودمع والخادم المحني ضلع خدمة الزاير شعاره بكل لهفه المواكب من ينصبون تعال انظر عليهم من يرجعون بالمدمع ينوحون من رجعو لأهلهم ٢ اربعين الخدمه جنه وتگصد العشاگ ليها والمواكب كلها تحضر تستعد تنوي وتجيها اسبوع واسبوعين تخدم الزهره واتعاين عليها كل المواكب والخيم مقبوله أي كلها نعم صك الشفاعه للخدم اتوقعه الزهره بديها بخدمت اربعينيتك علامه الزهره اتسلمك صك الخدامه بشاره خل يسمعون من رجعو لأهلهم ٣ الخدمه حلوه وبيها لذه من تعوف اهلك وتحضر تشعر بعابس الخدمه چنك وتشعر بقنبر الناس تزغر بالخدامه وبربعينك انته تكبر تحضر وجاي بنيتك تشعر اللذه بخدمتك بس المصيبه برجعتك بيك ترجع نار تسعر تنظر للدرب مابي مواكب خلصت خدمتك والگلب ذايب وانقبلوا يسألون من رجعو لأهلهم ٤ سنه يجمع ابو الموكب فلوس ويحسها قليله حتى بيها اسبوع يخدم وخدمته ايحسها طويله يدعي كل هاي الخدامه كون ترضاها العقيله من تخلص الخدمه بألم اتشيل المواكب والخيم والخادم ايحس بالندم ويرجع اهمومه ثگيله وتهل الخدم بالحيره دمعه وبطارف الموكب كلها تنعه كلها تبچي لعيون من رجعو لأهلهم ٥ تفرغ بساع المواكب والمواجع تبدي بينه نسأل وماندري احنه بره لو جوه السفينه حسين نسأل بالمدامع خاف ماقابل علينه لو شافنه انهل الدمع وانحلفه بكسر الضلع يقبلنه ندري بأي وضع حسين ابو الروح الحنينه ينزف نحر ابو اليمه عجايب مذبوح ويحن اعله المواكب چم عاشگ ومجنون من رجعو لأهلهم المصيبه خلصن ايام الخدامه واربعين حسين عده ورجعت اتون المواكب والحنين البيها بعده اتعاين الخادم بحيره صافن ودمعه اعله خده رافع اديه صوب السمه عالخدمه روحه هايمه ايحلف الباري بفاطمه ايسجل اسماء المواكب والخدم هاي المسيه لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

#تـراث #گعديـة أمـسه .. راس الـحـسـين ويا الجسم أمسه والـراس يـشـكي لحاله .. للسحگته الخياله أمـسه راس الـحـسـين ويا الجسم أمسه ــــــــــــــــــــــــــــــــــــــ عـن لـسـان الحال أبين خبر عن راس الحسين مـن تـلاگه ويـا الجسم بالگبر يوم الأربعين حـين شاف الجسم راسه انعطف وابداله الحنين واظهـر الـصوت مـن الـنـحـر يــاراس بـن ســيـد الــبـشـر عگبــك عــلــي تـدري شـصـدر لـعـبـت الخيل على صدري وبالحوافر رضته دمـي .. غـسـلـني وادي كربلا بدمي مـتـوسـد عـلى رماله.... للسحگته الخياله امـسـه راس الـحـسـين ويا الجسم أمسه ــــــــــــــــــــــــــــــــــــــ وبـالـشمر تخبر بيوم اللي على صدري إعتله وافـرزك عـنـي بـراس حسين بن عقد الوله وارفـعـك عـالرمح وآنه بگيت مرمي بالفله دمــي مــن جــروحــي يـكـت ومــن دم وريــدي تــغــسـلـت بــذاري الــوطــيــه تچفــنـت الـراس ناده النوب أخبرك حالي واجرت دمعته راسـك... يـا جـسم تدري بالگطع راسك عـالـرمـح لـمن شاله..... للسحگته الخياله أمـسـه راس الـحـسـين ويا الجسم أمسه ـــــــــــــــــــــــــــــــــــــ هـنا ياجسمي انچان ذاري الريح سوالك چفن راسـك بـديـرة الـكوفه ابطن تنور إنسجن تـشـهـد بهاي الحواري النولت ويا أم الحسن بــهــودج الــنـور مـن الـسـمـه يــاجــســم وأمــي فــاطـمـه مــنــهــا الــمـدامـع سـاجـمـه ومـاتـم بـدار الـخـوله على مصابي نصبته مـصـابـي.... وأمي الزهره تحن على مصابي وعـيـونـهـا هـمـاله.... للسحگته الخياله أمـسـه راس الـحـسـين ويا الجسم أمسه ــــــــــــــــــــــــــــــــــــــ الجسم ناده هنا ياراسي من الضمه چبدي إنفطر وسـهـم المثلث بگلبي مضى ومطلاعه الظهر ومـابگى مفصل صحيح وعظم سالم ما انكسر وتــعـلـم الـجـمـّـال اشـصـنـع بــالــخــاتــم إغــتـر وطـمـع وبــخــنــجــره الچفـّـي گطـع حـتـى نـور الـلـي عـليّه آل أميه سلبته ظـامـي.... يـاراس مـنـهو المنچتل ظامي ومـثـلـي إنـفـطر دلاله والسحگته الخياله أمـسـه راس الـحـسـين ويا الجسم أمسه ــــــــــــــــــــــــــــــــــــــ إمـّوذر بـحـد الـمواضي مهشم بحافر الخيل ومـن بنى سد لعد دفني اگصدت وتعين العليل بـيـن إديـهـا تـشيل مني كتر والثاني يميل ومــن بــنــى ســد شــاهـدت حــالــي عـلـى مـصـابـي جـرت ومــن عـلـي الـسـجـاد إنـشـدت هـالـشـهـيد إشچان ذنبه وطاحنيها الجثته دمـه... مـالـه عـشـيـره الـتطلب بدمه وتـنـشـد عـلى چتاله... للسحگته الخياله أمـسـه راس الـحـسـين ويا الجسم أمسه ــــــــــــــــــــــــــــــــــــــ الـراس ناده هنا ياجسمي يهون البحالك سدر لاچن الـلـي جرى بحالي يفسر الصم الصخر آنـه بـاريـت الـعـيال الدرب كله بهالسفر وآنــه الــمـشـيـت ويـالـضـعـن وجــرعــت چاســات الــمــحـن وانــظــر خــواتــي تــلـوعـن بـالـعصي وشفت العليل الطوگ جرح رگبته عـيـالـه ..... شـحال اليشوف بعينه عياله تـحـمـل عصى الجماله..... للسحگته الخياله أمـسـه راس الـحـسـيـن ويالجسم أمسه ــــــــــــــــــــــــــــــــــــــ يـاجـسم واللي هظمني وخله دمعي يكت حمر مـن شـفت متن إختي من السوط صاير بيه أثر وكل عصي اللوعت زينب لچمت صواب الحجر وعــيـنـي عـلـى اطـفـالـي تـرب ودمــعــي عــلـيـهـا مـنـسچب آنــه انــضــرب مـن تـنـضـرب والـطـفـل مـن يـضـربونه يستجير بعمته راسـك.... يـاجسم من فوگ الرمح راسك يـجـري الـدمع لطفاله.... للسحگته الخياله أمـسـه راس الـحـسـيـن ويالجسم أمسه ــــــــــــــــــــــــــــــــــــــ وشـفت بالكوفه مصايب لاچن الأعظم الشام مـدري الـفرجة الوادم اصد لو ارعى الأيتام شـفـت بـالـمجلس حريمي واجفه بين اللئام وزيـنـب الـحـره مـچـتــتــفـه مــهــبــطــه الــراس واجـفـه حــارت بــنــات الـمـصـطـفـى وگام إبـن هـنـد يتخطى يعرف زينب رادته زيـنـب.... ياجسم ما تدري شجرى بزينب مـن الـهـر واهـواله ..... للسحگته الخياله أمـسـه راس الـحـسـيـن ويالجسم أمسه ــــــــــــــــــــــــــــــــــــــ الـجـسـم نـاده بهالمصيبه كل مصيبه هونت لاچن اخـبـرنـي عيالك كلها وياك ارجعت؟ وبـعـد مـنـها يابو السجاد بالشام اعگبت نــاداه يــتــيــمــه تــعگبـت مــوعــدلــه لاچنــهــا گضـت مــاتــت غـصـب مـن شـاهـدت شـبـيـدي... ياجسم حگك لاچن شبيدي عـلـيّـه دنـت آجاله.... للسحگته الخياله أمـسـه راس الـحـسـيـن ويالجسم امسه الشاعر المرحوم كاظم المنظور الكربلائي #اللهم_عجل_لوليك_الفرج

قصيدة وعظيه  (گعديه ) حزن هاي الدنيا ماشايف ختامه شلت من بالي ارد منها ابسلامه خلت النكبات للراحه ختام الگلبه صاحي لاتظن عينه تنام فارضه الدنيا قوانين الحزن ★★★★★ فكرت سبعين مره  ليش ظالمني زماني وحلم ليش الراحه صارت  موحلم كل هم لفاني ليش طبع الدنيا هذا  الي دهه الوادم دهاني ضلت على هذا الشكل مابيها رحمه ولاعدل الراحه شفتها ترتحل  مابقت بس الاماني ليل أسود ماتبره من ظلامه والعنيد اعناده يكثر بالملامه هذا لوصار التعب بيها نظام اقره يبن آدم على الراحه السلام فارضه الدنيا قوانين الحزن ★★★★★★ دنيا شيبدل طبعها  بالظلم ياروحي زادت شلون دنيا المو أمينه بالشهيد حسين خانت عافت اهل الخير  كلهم  وليزيد الطاغي راحت من إدروسها اتعلم گلت سنين بسطر واحد حرت عبره ولامنها خذت  روحي مهبط حزن صارت شوكت اعرف دهري واتجنب أيامه ولويكشر نابه ما أكول ابتسامه وأشد من السيف طعنات الكلام ومنهو شد الغربه بجروحي وسام فارضه الدنيا قوانين الحزن ★★★★★ وگلت ليش الشعب حاير  كل وكت مغلوب امره چان يحلم دنيا حلوه  الخير بيها والمسره غيمه سوده بينه مرت تنشطر كل جمره جمره گلنه انتهينه من الظلم ثاري بدايات الهظم طعنات وصلت للعظم  والكسر ياهو اليجبره بنوا يامه احلام ورديه وكرامه وابد من الخير ماشفنه علامه شفنه بس تهويل منهم وانتقام ثار عدهم  هدوا ابحور الظلام فارضه الدنيا قوانين الحزن ★★★★★ العفا على الدنيا الرديه  تبيع بينه وتشترينه رسم النه الباري نوره  وبرسم نوره اهتدينه مشينه نتحده النوايب  شماتمر ازمات بينه للمهدي شدينه العزم وبالمهدي حتما نلتزم لابد يجي يوم الحسم  وراية حسين بيمينه ايعجل الباري بظهوره وبقيامه بخدمته للموت نفخر بالخدامه بطلعته نبتشر يابدر التمام ماتهمنه الدنيا يا آخر إمام فارضه الدنيا قوانين الحزن الشاعر حسن لعيبي الحريشاوي

قصيدة گعده  لزيارة الاربعين ملايين اعتنت    لإبن الزچيه من كل صوب لأرض الغاضريه آلاف وملايين   كلها أعتنت لحسين من كل صوب لأرض الغاضريه ★★★★★ على الاعادي شگد ثگيله  وصعبه أيام الزياره وأقسى يوم وأقسى حاله ومن تشاهد هلغياره أتعنت اتزور ابواليمه   للعشگ رهن الإشارة منهج أميه المعترض كله انتقادات ورفض عن غيض واحقاد وبغض  ناتج الباطل خساره الزياره أقرار من بيت الهدايه لا عن بدعه  لارغبه  وهوايه وعن هاي المضامين   كلها أعتنت لحسين من كل صوب لأرض الغاضريه ★★★★★ منها حب حسين لمن   نبتغي لله الوسيله أقوال عن آل الهدايه أتوضح الحق وسبيله أعدانه ضلت بس تحاول  أبد مانفعت الحيله هاذي اساليب الغدر ثغره تدور كل كتر زلات خاطر  تِنَّشِر   لعبه مكشوفه وهزيله بكل صوره وشكل وبكل عباره رادوا تنمنع    هاي الزياره الزياره نصرت الدين  كلها أعتنت لحسين من كل صوب لأرض الغاضريه ★★★★★ رعب بگلوب الاعادي زيارتك خلته ابحيره ألتزم لا تخل بيها   غاية الحاقد خطيره لاتخليها الاعادي  اتنال من هاي الشعيره الجده الدعي وابن الدعي خل يدعي شمايدعي مادام عن فكر او وعي  أمكلله هاي المسيره شمامرت نوايب موقليله   غير حسين ماعدنه وسيله جموع ابشوگ ماشين  كلها أعتنت لحسين من كل صوب لأرض الغاضريه ★★★★★ خلها تزهي ياموالي  أتحَيَّر الظالم صفاتك والتزم وكت الزيارة وحافظ اعليها صلاتك ابصدر ابوالسجاد طعنه لوفرض من عدها فاتك وعلى المهم قدم الأهم يلمنتهج درب القيم درب الذي مابيه ندم   درب ابواليمه نجاتك درب حسين معروف النهايه كرامه وجنه من أول بدايه وتلگاها المحبيين  كلها أعتنت لحسين من كل صوب لأرض الغاضريه ★★★★★ أفهم وأعرف الغايه يلتحب نصرة الهادي كون لاتجهل المعنى  ولاتصير ابغير وادي وخلي نهجك بالزياره  شوكه بعيون الاعادي حسين قرآن الفجر يمه السعاده والاجر باچر أذا صار الحشر     هله ابزواري ينادي يلردت الفرج يوم القيامه يم حسين تلگاها السلامه لأن تكسب الدارين   كلها أعتنت لحسين من كل صوب لأرض الغاضريه الشاعر حسن لعيبي الحريشاوي

كعديه للحكومه احچي واسمعوها للذمه باعوها اهل السياسه للاسف كل غيره ماعدهم 1 راح اسولفلك واشرح فترة الچانت اليمه بيها چان الظلم حاكم انادي كل احنه الظليمه بفتره چان الحاكم اعمه وچانت افكاره لئيمه شفنه الظلم شفنه العجب والاضطهاد ابلا سبب نتمنه يصبح للشعب حاكم وذاته سليمه لكن ابـــد ماصار والشعب ظل محتار والشعب عاش ومضطهد والسبب قائدهم 2 وبعد حفنه سنين مرت سقط طاغوت الرذيله وانتهت محنة شعبنه محنته الچانت طويله من بعد ذيچ المآسي الچانت بهمها ثگيله من بعد ماراح الشبح گلنه الشعب هذا نجح عاش برفاهيه وفرح فتره لاچنها قليله بس الفرح مادام والشعب عاش اوهام من الوعود الكاذبه القدمها سيدهم 3 ياشعب مو كافي اصحه لشوكت تبقه انته نايم جبت عمرك ياشعبنه ظالم ايسلمك الظالم للشعب ينراد حاكم مثل حيدر كون حاكم ياشعب اصحه يا آبي منك وبيك الاجنبي والظالم بهيئة نبي هواي خدعونه العمايم خدعونه ياوسفه كل واحد انحلفه مشكول ذمه للابد كلمن القلدهم 4 هسه صرنه بحاله اتعس والشعب مو شاب راسه گبل نسمع بالتعاسه هسه عشناها التعاسه بالنفط احنه اغنه دوله لكن انعيش انتكاسه يگلون من جد وجد وانعيش احنه عالوعد والنفط حتى لو صعد الشعب اعلن افلاسه ذوله السياسيه كلهم حراميه صعدو على اچتاف الشعب خوف الله ماعدهم 5 دوله نفطيه وغنيه تمشي بس ابلا قياده احزاب تيارات كثره بيها صار البوگ عاده الله ليوفق السياسي الطاغي ويخون ابلاده ايبوگ السياسي بي طبع شما زادت فلوسه جشع كل هذا ويدور نفع وگصته حمره من العباده بالوعد خلونه للأسف خدعونه تالي اكتشفنه للاسف چذاب واحدهم 6 الله يلعنها السياسه والله يلعن كل منافق ماتحسن كل وضعنه وصار اتعس من السابق ردنه واحد يحس بينه من تگله الله خالق ياهو اليصير النه سند من بعد ما خانو عهد واهل السياسه بهل بلد ياهو منهم چان صادق والبلد خلوها تنزف وشافوها التاريخ يلعنهم وابد لا مايخلدهم لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

آه يا الاربعين كعدة كل آيه تبدي ابّسمله والحزن يبدي بكربله ما تنوصف جمرة مآسيها اولها موت وحسره تاليها يا ألمهه ياألمهه ------------- كربله مهد المصيبة من خلقهه خالق الكون لو حچت كل جرح يسكت كل فجيعه گبالهه تهون وحتى ما يخمد لهبهه خلق الهه گلوب وعيون هالدمع يشعل هالجمر ومحرم اعليها الصبر ويرخص بساحتهه العمر والحزن منها اخذ لون ما ينعرف شكل الجرح ضربة نصل طعنة رمح بلون الدمه انصبغت بواديها اولهه موت وحسره تاليها يا ألمهه ياألمهه ---------- كربله بالموت والدم ابتدت والعطش والنار الموت بيهه چان ظامي والنجيع يفيض انهار يشوف آلات الدمار وصار الهه يوزّع ادوار للرمح دور وللحجر وسلط السيف اعلى النحر ومن خله نبلات القدر ما تعرف كبار وزغار بعين الكفيل وجربته وصدر ابو اليمه وچبدته سهام الغدر صابت مراميها اولهه موت وحسره تاليها يا ألمهه ياألمهه ------------- العطش جيش انتهازي يستغل نيران الحروب السيف بي تنحز مناحر والعطش بي تسعر گلوب ما ترك من آل طه مهجه إلا بجمرته تذوب ما رحم شاب ولا كهِل وكل لهفه يسگيهه بنبل وبيه انذبح حتى الطفل بسهم غادر عمره منهوب هاي ام لابنهه تودّعه والجفن ناشف منبعه وذيچ اتعرف بغياب واليها اولهه موت وحسره تاليها يا ألمهه ** يا ألمهه -------------- السيف بيهه اخذ دوره وما ترك للعايله ارجال مثل ما حزّ المناحر گطّع ابكربله الآمال من بعد عين الاماجد بس عليل وحرم واطفال لمن گضه انهار الدمه وامست العيله بلا حمه بنات الوحي اغطاهه السمه بلا خيم نامت على ارمال نامت على ارماد الخيم والخوف والهم والالم امسى عگب عباس حاميها اولهه موت وحسره تاليها يا ألمهه ياألمهه --------------- الليل ما طالت احلامه الشمس للهم رفعت اعلام وروس تلمع چالكواكب انرفعت اعلى ارماح ظلام والهزل حنت اونت وشربت من دموع الايتام للكوفه طب ضعن اليسر عالآه يمشي وعالجمر وزينب خلص منها العمر بين جرح الكوفة والشام طلعت من الكوفة تون للشام دخلت بالحزن بخوله ورقية الدهر سابيها اولهه موت وحسره تاليها ياألمهه يا ألمهه ------------ آه يا شام الخرابة ويا خرابة ذيچ الارواح استقبلوا ضعن السبايا بالشماته وصوت الافراح زينب بمجلس يزيد وراس ابو اليمه اعلى الرماح شاهِدَت كل هاي المحن وتوقف بدمها الزمن ولنهه ابحزنها اويه الضعن بكربله چن ديرةاشباح عافت جسوم اعلى الثره ردت وشافت مگبره ضمت اخوتها وكل امانيها اولهه موت وحسره تاليها يا ألمهه يا ألمهه ------------- كربله اولهه موت وظمه ونار وجمر آهات وهذا تاليهه مصيبه على الخوّه ولهب حسرات وزينب اعلى اگبور اهلهه صبّت من الگلب عبرات من لحد تتعنه اللحد منهن تشم عطر الورد تناديهم ومحّد يرد وهيه تدري حسين ما مات لا ضوّه مصباح الهده ولا كافل يرد الصده تحت الترب غابت رواسيها اولهه موت وحسره تاليها يا ألمهه يا ألمهه ------------ عقيل الكاظمي

گعديه  (عن استشهاد كريم اهل البيت الامام الحسن المجتبى عليه السلام ) ليش الخلگ يابوالكرم    ماانصفوا حالك الطعنوك مولاي الحسن والنهبوا ارحالك شفت الاعاجيب     يامعدن الطيب ماانصفوا حالك ★★★★★ جهلوا اسرار الامامة  اصحاب الافكار الهزيله عوسج وسعدان صاروا رفظوا اورود الخميله نكروا وجهلوا مقامك      وانته للباري وسيله يلماردت واحد يظل غرگان ببحور الجهل شگد حاولت وبلاملل     دغش لكن واهل حيله ياسيدي يلمجتبى      الغايات معروفه شماظموا  ابليل الغدر  بالنور مكشوفه والغايه تسليب     يامعدن الطيب ماانصفوا حالك ★★★★★ عالمك طيب وتسامح ماكسرت ابيوم خاطر ياظميرك من يعرفه  الفحم وين من الجواهر ماتريد ابعيشه ضنكه الناس لومر بيها  باچر يبن الزچيه اتوقعت حنوا على ذاك الوكت لهذا السبب ماقصرت     خاطبت كل الظماير أفعال من طه وعلي. يلملتزم  بيها يلجملتها ابحكمتك  للناس تهديها لوباچر اتغيب     يامعدن الطيب ماانصفوا حالك ★★★★★ ياسبط احمد ونوره وسطوته ومنبعه الصافي ياكريم العتره تعجز  توصفك سيل  القوافي شقدمت من ذنب حته قابلوك  بهلتجافي متحجرة ابواب الفهم تريد الشرايع تنهدم ظاهر حقدهم علعلم  وبيّنت كل الخوافي جان الهدف ياسيدي  من مايقدمونك يتقدم المايستحق    لمن ياخرونك والقصد تخريب   يامعدن الطيب ماانصفوا حالك ★★★★★ مايفهمون الرساله     ولايعرفون باهلها الناس من تطلب هواها هذا  ناتج عن جهلها اطماع وقتيه  وتخلص  تنتهي ويبقه فشلها ماحكمّوا راي وعقل درب الجهل عدهم سهل ماميزوا وين العدل  وياهو كل شدّه يحلها وين اليثمنك سيدي   وين اليميزونك لوميزوا حتما  تره     لامايضيعونك ابكثر المطاليب     يامعدن الطيب ماانصفوا حالك ★★★★★ مو ضعف من صالحتهم  واحسمت هاي القضيه عن درايه وعزم ثابت     تحفظ أرواح البريه ياوفي للدوم دينك        هاي وادم مو وفيه ياجبل  عزمك ماضعف چم معترض ضدك وگف ماميزوا تالي اسف   للجهل صاروا ضحيه العارضوا حيدر گبل   عارضوا افعالك وإلي على حيدر جره   يردون يجرالك جرحك فلا ايطيب    يامعدن الطيب ماانصفوا حالك الشاعر حسن لعيبي الحريشاوي

قصائد استشهاد الامام الحسن المجتبى عليه السلام كعدة محفور بذاكرة العالم اسمك يا مظلوم انت النوّر شمعة آدم اسمك يا مظلوم منهاجك يل حسن خالد رغم الزمن اسمك يا مظلوم ............ رابع اسماء الجلالة الزيِنَت عرش الله واللوح النوِّرَت خطوات آدم واستقر بيها فلك نوح للسمه أسرار صارت للأرض أوتاد وصروح اسمك الثاني للحجج رابع لأبواب الفرج واللي سِلَك دربك عِرج عن الدنيا لعالم الروح سر هذا الكون وانواره اسمك يا مظلوم يقود الافلاك الدواره اسمك يا مظلوم بيك السر مؤتمن خالد رغم الزمن اسمك يا مظلوم ------------- 1 نورك البي خلَص آدم واهتده بأقدس تراتيل من صلب آدم لحوّه روح صار بجسد هابيل لچن زل خصمه وتهاوه من ترك منهجك قابيل باسمك ابراهيم افتخر اسماعيل عالشده صُبر ويوسف على البير انتصر من لگاك بنبض راحيل يالناصر داوود وموسى اسمك يا مظلوم يالحافظ إلياس وعيسى اسمك يا مظلوم وايوب اعلى المحن خالد رغم الزمن اسمك يا مظلوم -------------- 2 اسمك اللي كشف ذاك الانحراف بذات إبليس خلّص من الحوت يونس رفع للجنات إدريس وگبُل رمشة طرف عين الملَك أحضر عرش بلقيس الما عرف نهجك ما عرف كلشي وعن الحق انحرف وجدّك الهادي ما وصف شخصك الا بأجل تقديس ما عافك دوم اعلى لسانه اسمك يا مظلوم لكل مؤمن واضح تبيانه اسمك يا مظلوم بصوت الهادي انعلن خالد رغم الزمن اسمك يا مظلوم ------------ 3 جدك المختار چان يصيح ويركز البرهان الحسن وحسين (إنْ قاما وإنْ قَعَدا إمامان) الحسن مني وآنه منه وِجْعلك توأم القرآن وتعادله بنفس الثقل واثنينكم من فد أصل بغيرك ابد ما يعتدل للعدل والخير ميزان بكل خطبه يعيده ويتكرر اسمك يا مظلوم راد بهذا الحب يتصدر اسمك يا مظلوم يل حطّمت الوثن خالد رغم الزمن اسمك يا مظلوم ----------- 4 هاي ذره من كيانك هاي من جدك براهين كلها ما قنعت الامة وضيّعَت كل الموازين لون جدك چان حاضر اينصرك بكل الميادين سلمٌ الى من سالمك حرب لكل من خاصمك قدّسك ، نزّه عالمك يا عطر جنة الرياحين للمختار انت الريحانه اسمك يا مظلوم واليطفي جروحه واحزانه اسمك يا مظلوم بضعة جنة عدن خالد رغم الزمن اسمك يا مظلوم ----------- 5 ابو الزهره راد اجره يكون ود الامه وياك خسرَت اول اختبار وباعتك يالحسن لعداك بالحرب عافتك وحدك بالصلح كرهت وصاياك ومن گبُل ما يطلع فجر ونار الخيانه تستعر ابرجلك نزل خنجر غدر والاثر ما فارگ حشاك مكتوبه حروفه اعلى الخنجر اسمك يا مظلوم ثابت عالحگ ما يتغير اسمك يا مظلوم حاشه يصيبك وهن خالد رغم الزمن اسمك يا مظلوم ------------- 6 الخنجر المسموم جرحه يهون يم جرح الخيانات سمّموا چبدك الطاهر من بعد ذيچ العذابات بالطشت چبدك قذفته وللاجل بانت علامات ما كفّه بالسم تنچتل جثّتك صابوهه بنبل حرموك من سيد الرسل وللحقد رفرفت رايات ام الغي تشوف وتنكر اسمك يا مظلوم يم جدك ما رادت تذكر اسمك يا مظلوم وانت بهاي الفتن خالد رغم الزمن اسمك يا مظلوم -------------- 7 عقيل الكاظمي

كعديه سلمان المحمدي (ع) وفاته (٨) من شهر صفر الليله بالدمع سلمان اذكره وحصل أجر من والد العتره امن اهل البيت سلمان گال النبي الهادي 1 جاب كل العمر يبحث يسأل الدنيه شجاها دنيه بيها الناس كثره وهذا بس مو محتواها الوادم ابلا هادي منقذ هواي تتخبط لگاها ظل يبحث ابكل العمر واسنينه تمشي وينتظر من زغره والحد الكبر ينتظر محبوبه طه وبتالي العمر شاف المؤيد من اشرق على الدنيه محمد والماحبه خسران گال النبي الهادي 2 بعد كل رحلة عذابه وبعد رحلة هم طويله ماتغيرت ابد روحه ناصعه وظلت اصيله ايشوف هاي الدنيه كلها ابلا وعي وچانت دخيله من اجه المنقذ ايده ورحلة نشر وياه بده سلمان الله امسدده وبالوعي گلبه دليله للأسلام اصبح بي اصبح ركيزه والطه اقترب صار وعزيزه وللتضحيه عنوان گال النبي الهادي 3 وارتبط سلمان اسمه بتضحية حبه ونضاله اخذ علمه وغذه فكره من اهل بيت الرساله صبح قدوه للصحابه بكل تفانيه وخصاله والنعم سلمان الأبي اصبح خصم للناصبي واقترب كلش للنبي وصار من اقرب رجاله سلمان الوفي واضح بيانه ربك جاعله بأرفع مكانه بهل البيت ولهان گال النبي الهادي 4 واخذ من حيدر اعلومه من تيقن علمه واسع لأن يعرف زين حيدر عالنبي بيه يدري طالع اتمسك بنهجه ودروسه يعرف بنهجه المنافع عن درب حيدر مايزل بيه يدري دينه يكتمل من يمشي وي حيدر عدل والقدم عالقدم طابع عنه مايزل درب الحقيقه بحيدر مؤمن ويمشي بطريقه رفض مبدأ الخذلان گال النبي الهادي 5 نال جاه ونال رفعه برحلته الشائكه وخطره وانتهت رحلت حياته وبالمدائن صار گبره اكراما السلمان ربك ارسله الحيدر يحظره ارد انه اجاوب سائلي حيدر دفن اشرف ولي سلمان ويدفنه علي بهل كرامه ختم عمره طه ايگول زوروه بمكاني والجافاه معناها جفاني زوره اتحصل أيمان گال النبي الهادي لاتنسون والدي ووالدتي وأبني عباس من الرحمه والغفران خادمكم رياض الرسل الجابري

#تـراث طفله من يتامه الغاضريه بالشامات وافتها المنيه شبت راس الحسين .. والزينب سبتها ــــــــــــــــــــــــــــــــــــــ طالعت تاريخ عملة كربلا واندهش نوعي وسهم من گوس الـمصايب صابني وخيط ضلوعي ومن دما نحور الضحايه غدت تتواگد دموعي وشفت الضحايه موزعه والروس منها مگطعه وشفت الـحسين ومصرعه إندهش وضعي وزاد روعي وگلبي ظل يحوم على الأرامل ونار الخيم تتواگد مشاعل واحترگت صواوين .. والزينب سبتها ــــــــــــــــــــــــــــــــــــــ چني ويا الضعن ساري من تصدى السبي الكوفه مررونه على المعاره وشفت بيها شلون شوفه هذا مسحول المفاصل وذاك المگطعه چفوفه والـجثث عريه مخدره وحالة ودايع فاطمه نشفت من جسمي الدمه وگلبي عالسجاد خوفه مكسور الگلب والجسم ناحل من الجامعه وثگل السلاسل ومگيد المتنين .. والزينب سبتها ــــــــــــــــــــــــــــــــــــــ سايرت سبي الحريم وروحي مسبيه لسبيها حرم مسبيه وغريبه وبالسياط ملوعيها شدة الكوفه نستها الشام من بين عليها چاوين سبع الگنطره ويشوف بالشام إشجره وعيال عنده ميسره وبالخرابه منزليها ومن ضرب العصي صارت علامه بمتون الأرامل واليتامى وتشاجف بالإيدين .. والزينب سبتها ــــــــــــــــــــــــــــــــــــــ فزت من النوم طفله والگلب مجمور يلهب تشوط نوبه على اليتامه ونوبه تتعلگ بزينب تصيح ابويه حسين وينه گلبي لفراگه تعطب يا عمه شفته بنومتي وانمرد چبده الحالتي وانكسر گلبه الغربتي وبمصيبتنه تصوّب عمه وصدر ابويه مكسرينه وليش بدم وريده مغسلينه والتربان تچفين .. والزينب سبتها ــــــــــــــــــــــــــــــــــــــ هيجت نار الگلوب الچامنه بيها عللها وخلت عيون الفواطم دمعة الغربه تهلها ورجنت الشام اليساره وبالنحب لمصاب اهلها صاح ابن هند على الخدم شمروع گلوب الحرم صيوان عزتها إنهدم خل تنوح الدهر خلها نادوه اليتيمه تريد أبوها وبالنوج اليساره يساعدوها وفاضت دمعة العين .. والزينب سبتها ــــــــــــــــــــــــــــــــــــــ صاح يا غلمان هذا الراس ودوه للتريده وخل تجر لمصابه ونه وتنحب الحزة وريده وخل تشوف الخيزرانه اشسوت بثغره وتچيده الله الله اشعمل والراس لعياله انحمل وخيم على الطفله الأجل وراحت الطفله شهيده وغمضت عالطشت عين اليتيمه وصاحت يالعلي والله شمصيبه وارتجت الكونين .. والزينب سبتها ــــــــــــــــــــــــــــــــــــــ إنحنت مفجوعه زينب على الطفله وگلبتها مالگت روح بجسمها وعلى القبله مددتها والمصيبه على المغسل صاحت اللي غسلتها مسمومه طفلـتكم گضت نادوها من تيسرت بالخيزران تلوعت والسياط الـوسمتها ومصرع هاليتيمه على اليتامه مثل مصرع حسين وعمامه وأثر عالخواتين .. والزينب سبتها الشاعر المرحوم كاظم منظور الكربلائي #اللهم_عجل_لوليك_الفرج

كعدة .... للامام الحسن عليه السلام ( قطب الرحى ). بالدمعة يصدرونك وبصلحك خسران ناس اليختصرونك بالدله وفنجان وناسين انته الحسن قطب الرحى بكل زمن "**** انت يا شمس الحقيقة النورها عالكون ساطع من زمانك لهل اللحضة تعيش مابين المواجع وحته بالناس التحبك سرك ومعرفته ضايع شنهي الحسن محد عرف وجوهره بيارتبة شرف وكلمن كتب عنه اوصف للكرم تلكاه يسارع دورك يختصرونه تكرم للخطار وانته الكون وخلقه كله الاجلك صار الباري عنك علن.... قطب الرحى بكل زمن * ناس تختزلك بدمعه وبالكرم وادم تحجمك وناس بس مظلوم تفهم من يمر اعليها اسمك وناس صلحك ضعف عدها ومنقصة تعتبر حلمك يحجمونك بهالدائرة أهل العقول القاصرة لكن أصحاب الفاكرة تحط رحلها بحر علمك انت العدل المطلق مبعوث الهالكون والشرك الحاربته اتعناك ابيالون واصبحت رغم المحن ..قطب الرحى بكل زمن ** انت امام الحق المطلق.بيه كل الكون يحلم والشرك موصنم واضح لا اجه بعصرك ملثم لابس اثياب الشريعة يريد ضهر الدين يقسم جدك أمس حارب صنم والشرك كدامه انهزم بس انت حريك بيها الم هبل في عصرك تعمم اصعب محنه وحيرة بيها احتار الدين من شمر وأعوانه تنادي بثأر حسين من تصير أهل الفتن...قطب الرحى بكل زمن * محنه لو عاصرت ناس بلا عقول ولاضماير واصلة بيها السخافة تكول عنك مو ش ثائر ومن هوان الدنية والله الحانة تشكل عالمنابر وانت العگر ذاك الجمل من حاطته بزرت هبل وتاريخك بيوم الزعل بالشجاعة اروع مأثر وصفين اكبر شاهد تبقه أعله الايام ويوم الطف هم حاضر بوليدك جسام للثورة انت الوطن ...قطب الرحى بكل زمن *** صوت ام الجمل ذاك العارض وي النبي دفنك والساهم الصوبوها ألبيها يتشفون منك انعادت بهذا زمنه من وصل تشيع ابنك نعش الشرف نفس الحزن يرمونه بسهام اللسن وصارت بني أمية حضن للغرب من أجل حزنك ماتطهر لا والله عربان الصهيون لو بالشط تغسلهم نجسين يضلون والعزه الها ثمن ... قطب الرحى بكل زمن ** جمرة مصابك والمها تعيش بينه المنيه ونار جرحك بينه تسعر مثل نار العارضية وصاحب الثأر بنهضته صارم يطلبه من أمية بثارك يطالب لو ضهر من كل دعي وكل جف غدر وترتفع رايات الفخر للنصر يوم الظهور. وينشر العدل الالهي سيد اياد الغالبي

كعديه للسيده رقيه (ع) عمتي اتناديني يارقيه والدموع بعيني يارقيه راس ابويه العالي عالرمح يبرالي يارقيه ١ طلعت بليل المواجع طفله من الغاضريه تمشي مره اتطيح مره بالضعن راحت سبيه وي الرمح من تمشي تحجي بابا بابا صد عليه تمشي بضعن بي جم طفل واتنادي بدموع التهل محد يفك بويه الحبل والحبل جرح أديه محد ايحاجيني يادمعتي والجمر يجويني يادمعتي والعزيز الغالي عالرمح يبرالي يارقيه ٢ عالرمح تنظر رقيه راس ابوها اتشوفه دمعه اتريد تتقرب لبوها اتحصل من الشمر دفعه عالبعد وتنادي بابا اتمنت ايرد وتسمعه مشوها بدروب اليسر ماتحمل ازغيرة عمر بالدرب تعبها الشمر من الضرب تنحب وتنعه والشمر ياذيني ياهضمتي أمشي ميخليني ياهضمتي من اصد للوالي عالرمح يبرالي يارقيه ٣ وصلت الشام النوايب من الضرب ازرك متنها التعب ماخذها رقيه بالخرابه وجان ضنها من تنام بحضن دافي حسين بس يترس حضنها متعوبه من طول السفر نامت وتشعر بالخطر وياها ابوها ماحضر وهالخبر زيد حزنها ما أضن ناسيني يالهفتي خطوه بينه وبيني يالهفتي يدري ابويه بحالي عالرمح يبرالي يارقيه ٤ نامت بنص الخرابه وزينب اتعاين عليها السفر تعبها وهضمها طفله محروكات اديها فزت من النوم تبجي يحضر ورادت وليها مهضومه بدموع الحزن والشوفت الوالد تحن بالمدمع وضلت تون زينب وتسأل اشبيها يارقيه اشكيلي يالحبيبه شرايده احجيلي يالحبيبه العايش بنص بالي عالرمح يبرالي يارقيه ٥ بين لحظات الموادع جانت واصعب مسيه بين راس وبين دمعه تنظر احتارت رقيه افتح عيونك اشوفك وانته هم عاين عليه ماجاوب الراس وبجت شهكت رقيه وماحجت ماتت بعد متحملت بعد لوعات وأذيه نادت وسمعوها ياعذابي بالغرب دفنوها ياعذابي ينزل وحسبالي عالرمح يبرالي يارقيه المصيبه بين نار وبين حيره زينب وهلت دمعها تنظر اتعاين رقيه من الضرب ازرك ضلعها بصوت عالي اتصيح ماتت حست الراس وسمعها دفنتها زينب بالغرب منظر دفن منظر صعب بالغربه ويفت الكلب يلي تسأل عن رقيه هاي قصتها ودفنها لاتنسون والدي ووالدتي وابني عباس من الرحمه والمغفره خادمكم رياض الرسل الجابري

لشاعر الحسيني ظاهر حبيب الهليجي ( كعديه للامام السجاد ع) ‏ ‏اهات ومدامع كل حياتي ‏متل النار تسعر ذكرياتي ‏ من الغاضريه.   والحد المنيه ‏ ‏* ‏زين إلإعباد وسنيني                  ظلن بطف المأسي ‏محني ظهري وسيل دمعي       والحزن بعروگي راسي ‏انه ما ينقاس همي              وتتعب بحمله الرواسي ‏كل لحضه انه بعبرتي ‏ليلي ونهاري بدمعتي ‏چن جمره تلهب حسرتي ‏والهدب شاب ويراسي ‏بعيوني صور ذبح الغوالي ‏ولوعات السبي وذيچ الليالي ‏عايش بلرزيه  والحد المنيه ‏* ‏ ‏موقف إيذوب دليلي              أذكر العمتي وخواتي ‏مگيدات اوديره غربه              لحظه انهت كل حياتي ‏والاشد موتت رقيه                   الخلت الموت بلهاتي ‏ماتنسي ذيچ المحن ‏نوم الخرايب والشجن ‏ينعاد چن بيه الزمن ‏وادعي ساعتها المماتي ‏وجروحي تفز من چلمة اخيام ‏اذكر  تحترگ واتطش الإيتام ‏لوعه اتعيش بيه    ولحد المنيه ‏ ‏* ‏اشما اغمض عيني يسرح             فكري ويعيش المواجع ‏يشوف صورة طفل ضامي            وصوره للأكبر يوادع ‏وصورة تكطع نيط گلبي                   بيرغ العباس واكع ‏وانظر ابوي أعله الثره ‏واعضامه كلها امكسره ‏گدامي گطعوا خنصره ‏موقف ايهيج  المدامع ‏وصوره للطفل بگماطه دامي ‏والسهم بوريده وهو ضامي ‏نيراني سريه   والحد المنيه ‏ ‏* ‏شفت برزخ يوم عاشر             وذيج الأهوال الرهيبة ‏جم يتيمه گبالي تركض           وچم محب ينعه حبيبه ‏وعل التراب اجساد تدمي         موذره بغيض وسليبه ‏جسام طفوا شمعته ‏ومن دمه صارت حنته ‏وامه تزوح وعمته ‏وأنه اصبرهه الغريبه ‏درب الشام آه اشسوه بينه ‏والناس بحجر ترمي علينه ‏منهم بس اذيه والحد المنيه ‏* ‏جم عزيز بأيدي المه                     وكتم بكلبي الرزية ‏وبالحوافر عيني شافت             لحم ابوي الضاع ضيه ‏وشفت اخوتي اولد عمي               موذره بذيج المسيه ‏انظر خواتي تنظرب ‏وايتام مچتوفه برعب ‏وعمتي دمعتها تصب ‏ عل هزل راحت سبيه          ‏واختم هل كلام بدعة العين ‏واسوني يشيعه يا موالين ‏ضليت بعزيه    والحد المنيه       ‏ ‏

كعديه بحق السيدة رقيه (ع) طفله بمدمعها وحيرتها محتاره وتنظر عمتها صاحت يا ويل من صار الليل محتاره وتنظر عمتها ١ اسهام وارماح وعساكر وجثث ليل الغاضريه طفله مرعوبه وتعاين كل اهلها اعله الوطيه تنظر بعين المواجع شاهدت رمح المنيه شافت الراس اعله رمح وجهه مثل وجه الصبح معقوله هذا المنذبح شهگت وصاحت رقيه شلون ابدوني راسك غافي وعايفني يالحضنك دافي مسحوگ بخيل من صار الليل محتاره وتنظر عمتها ٢ كعدت وهدها تعبها وتنظر بعين الزريه وين جانت وين صارت ليل مايرحم شويه من اميره وجاه عدها لحد ماصارت سبيه يم الجسد كعدت تون واتعاين الحضنه وتحن ياويلي يا ليل الحزن يحمل آهات وأذيه حضنت جسمه وياهضمتها سهام هوايه وماخلتها والمدمع سيل من صار الليل محتاره وتنظر عمتها ٣ الشمر طلعها وسحبها طفله ماگايل خطيه بحبل ياوسفه جتفها ومن تون ونه خفيه عالجمر مشاها ترگض هيه والعيله سويه ازغيره بعدها اعله سبي ايعاين عليها الاجنبي ماكو ستر غير العبي بعد ليل الغاضريه مرعوبه وترگض وحدها ومذبوح اتعاين والدها ماضل كل حيل من صار الليل محتاره وتنظر عمتها ٤ راحت اخذوها بدمعها وطبت السوگ المنايه الناس تتفرج عليها وعالارض من تمشي آيه والشمر لمن دفعها وگعت بحضن الرزايه بالسوگ مجبوره تمر ياوسفه وازغيرت عمر يدفعها وتطيح الشمر وساتره اعليها العبايه وبعقلك انته اتخيلها لا والد لا كافل الها لو تمشي اتميل من صار الليل محتاره وتنظر عمتها ٥ وصلت الشام ورقيه بالخرابه دخلوها لاغطه يحميها من حر وعالترب من گعدوها بطشت ماتدري يعالم الها جابو راس ابوها والطشت لمن كشفته بي راس ابوها شبگته مشتاگه حيل وشمته وميته ابنيته لگوها اول طفله ومن حرگتها عالراس اتموت بلوعتها وهموم اتشيل من صار الليل محتاره وتنظر عمتها المصيبه ماتت رقيه بالقهر هالليله من تنعيها وانته بدمعتك يالمحب من تحضر اتواسيها مذخوره كل هذا الدمع يم فاطمه تلكيها تاخذها فاطم دمعتك بالمجلس بكل لوعتك تلگاها انته بحفرتك فاطمه تحضر الخادم بالگبر تنطيه هديه لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

كعديه للسجاد (ع) بدموع بدموع للسجاد بدموع والبكاء عنوانه خلي انجدد احزانه للسجاد بدموع ١ الليله يرحل ابو الباقر ودمعته عالخد جريه من مصاب الطف دمعته تنزل الحد المنيه ماشرب ماي بحياته اله والدمعه سويه عاش المصيبه والمحن عماته من شاهد مشن گدامه من اتيسرن انودعه بهاي المسيه مجروح مجروح عاش ايامه مجروح من دم احنه نبچيله خلي انذكره هالليله للسجاد بدموع ٢ بدمعته وسهر الليالي چان كل نوحه ونحيبه لوعت الطف بخياله وعاش احزان المصيبه ينظر المذبوح ضامي چان والجثه خضيبه ينظر الزينب عمته وعليها تنزل دمعته والزاد نار امصيبته زينب الصارت غريبه الالام الالام تسعر نار الالام تسعر نار بضلوعه خلي انذكره باللوعه للسجاد بدموع ٣ خلي ننحب بالمصيبه ونذكر السجاد بيها أبد ماصارت مثلها وننحب الليله عليها مات من شاهدها عمته بـالحبال امچتفيها ماحمل كل نار اليسر من بعد كل ذاك الخدر ياوسفه تمشي وي الشمر وبحبل مجتفوها اديها مچتوف مچتوف هوه وياها مچتوف مابطلها دمعاته خل نذكرها لوعاته للسجاد بدموع ٤ بعد اصعب نار شاهد علي السجاد الرزيه من وگف بالشام وحده وزينب بديوان أميه من بعد عباس زينب اعليها گالو خارجيه ومنين گالو هالمره مادور هاي مخدره بعدك يسبع الگنطره زينب اخذوها سبيه لوعات لوعات شفنه هناك لوعات من يذكر العلويه اعليها يبچي ليليه للسجاد بدموع ٥ المصيبه الليله اخر ليله عنده وتنتهي رحله حياته عايش السجاد لوعه بين عماته وبناته الباقر الليله بدمعته ينحب بلحظة وفاته يدفن ابوه وينزله وجوه الگبر ينظر اله ماخذها لوعت كربله علي السجاد بحياته عاش آيه ومات آيه لاتنسون والدي ووالدتي وأبني عباس من الرحمه والغفران خادمكم رياض الرسل الجابري

╔════════════════════════╝ 🏴 بِسْمِ اللهِ الرَّحْمَٰنِ الرَّحِيمِ 🏴 ╚════════════════════════╝ 📢 القناة الرئيسية والمخزن العام: 👑 قناة قصائد أهل البيت المكتوبة 🔗 https://t.me/alsharg1111 ━━━━━━━━━━━━━━━━━━━━ 🏴 باقة القنوات العاشورائية لخدمة المنبر 🏴 ━━━━━━━━━━━━━━━━━━━━ 🔴 01) قصائد ولائية وعشق للإمام الحسين (ع) 📎 @wlaaiaashq1444 🔹━━━━━━━━━━━━━━━━🔸 🔵 02) قصائد مصاب الإمام الحسين (ع) 📎 @alamamalhussin1444 🔹━━━━━━━━━━━━━━━━🔸 🟢 03) قصائد الهلال 📎 @alhlal1444 🔹━━━━━━━━━━━━━━━━🔸 🟡 04) قصائد مولاتي العليله (ع) والظعن 📎 @alaila1444 🔹━━━━━━━━━━━━━━━━🔸 🟣 05) قصائد مولاي الامام الحسن (المجتبى) (ع) 📎 @alhasan1444 🔹━━━━━━━━━━━━━━━━🔸 🟠 06) قصائد الخدمة 📎 @kadmtalhussin1444 🔹━━━━━━━━━━━━━━━━🔸 🟤 07) قصائد مولاتي أم البنين في الطف 📎 @amalbanin1444 🔹━━━━━━━━━━━━━━━━🔸 ⚫ 08) قصائد مولاي مسلم بن عقيل (ع) 📎 @muslmbnaqil 🔹━━━━━━━━━━━━━━━━🔸 🔴 09) قصائد الانصار (ع) 📎 @ansaralhussin1444 🔹━━━━━━━━━━━━━━━━🔸 🔵 10) قصائد استشهاد مولاي العباس (ع) 📎 @alabas1444 🔹━━━━━━━━━━━━━━━━🔸 🟢 11) قصائد استشهاد مولاي القاسم (ع) 📎 @alqasm1444 🔹━━━━━━━━━━━━━━━━🔸 🟡 12) قصائد استشهاد مولاي الأكبر (ع) 📎 @alakbar1444 🔹━━━━━━━━━━━━━━━━🔸 🟣 13) قصائد استشهاد مولاي الرضيع (ع) 📎 @alradeea1444 🔹━━━━━━━━━━━━━━━━🔸 🟠 14) قصائد مولاتي زينب (ع) في الطف 📎 @zainab1444h 🔹━━━━━━━━━━━━━━━━🔸 🟤 15) قصائد العاشر و الوداع و الوحشه 📎 @alznjeel1447 🔹━━━━━━━━━━━━━━━━🔸 ⚫ 16) قصائد دفن الاجساد الطاهره والسبي 📎 @alsjad1444 🔹━━━━━━━━━━━━━━━━🔸 🔴 17) قصائد الاربعينيه والسبي والمشايه 📎 @alarbainia1444 🔹━━━━━━━━━━━━━━━━🔸 🔵 18) قصائد النزله ( النزلات) 📎 https://t.me/nzlat1444/92 🔹━━━━━━━━━━━━━━━━🔸 🟢 19) قصائد الزنجيل 📎 @alznjeel1444 🔹━━━━━━━━━━━━━━━━🔸 🟡 20) قصائد الموشح 📎 @almushah1444 🔹━━━━━━━━━━━━━━━━🔸 🟣 21) قصائد التجليبة 📎 @altagliba 🔹━━━━━━━━━━━━━━━━🔸 🟠 22) قصائد العكيلي 📎 @alaqile1444 🔹━━━━━━━━━━━━━━━━🔸 🟤 23) قصائد الميمر 📎 @almemar1444 🔹━━━━━━━━━━━━━━━━🔸 ⚫ 24) قصائد الشوط الكربلائي (بحر طويل) 📎 @bahartuel1444 🔹━━━━━━━━━━━━━━━━🔸 🔴 25) قصائد التطبير 📎 @altatbir1444 🔹━━━━━━━━━━━━━━━━🔸 🔵 26) ابيات الابوذية 📎 @alabothia 🔹━━━━━━━━━━━━━━━━🔸 🟢 27) ابيات النعي 📎 @alnaae2 🔹━━━━━━━━━━━━━━━━🔸 🟡 28) قصائد الكعدية 📎 @alkadia1444 🔹━━━━━━━━━━━━━━━━🔸 🟣 29) قصائد مولاتي رقيه (ع) 📎 @rwqaia1444 🔹━━━━━━━━━━━━━━━━🔸 🟠 30) قصائد استشهاد مولاي السجاد (ع) 📎 @alsagad1444 🔹━━━━━━━━━━━━━━━━🔸 🟤 31) القصائد التراثية الخالدة واطوارها 📎 @altrath1444 🔹━━━━━━━━━━━━━━━━🔸 ⚫ 32) قصائد الموعظة والحكمة 📎 @almuaza1444 🔹━━━━━━━━━━━━━━━━🔸 🔴 33) قصائد المهاويل الهوسات (هوسه) 📎 @Alhusat1444 🔹━━━━━━━━━━━━━━━━🔸 🔵 34) قصائد المناسبات المختلفة (المتفرقة) 📎 @aldfna1444 ━━━━━━━━━━━━━━━━━━━━ 📥 لسحب القصائد وإرسالها تواصل عبر المعرف التالي: ╔═━━ஜ    ۩     ஜ━━═╗ https://t.me/AbuHusin ╚═━━ஜ    ۩     ஜ━━═╝ 🙏 أسألكم الدعاء لي ولوالديّ

قصيدة گعده فـــي اخـــر الــزمــان .. ياشيعــة الــزهره القابض على الحسين .. كالقـابض الجمره خلـونه ويـه احسين مثل الرمـش والعين ياشيــعـــة الــزهـره __ ايها الشـــعب الحـــسيني يالـِتــبنـــيتـو القـــضــيه كونو زينا عالحـــسين و مـــوش زيــن الاال امــيه خــيط خل انصير وبره انـــروف جــرح الــغاظريه حتى الحسين انوقره .. وموشخص عادي انصوره غرتنه ليــش الكامـره .. وعــفـــنه كامــرة الــزچيه   وين احنه چنه اوين     هســه احنه اصبحه حــسين بضـــمايرنه     بس بالحچي صحنه المفروض متيـقـنين مثل الرمش والعين ياشيــعة الـــزهــره ----------- اهنا يأصحاب العــقول الواعـــيه واهــل الدرايه ينذبح منبرنه ليش ونـسكت اعــله اهـل الجنايه اتلفلـــفت وادم علينه وصـعدت بطــاري السبايه امن اليوتيوب اخذو اجر .. وعافو اجر ام الخدر منهم اكو عــدنه  اشكــثر .. التاجرو بسم العبايه   لا مومهم احسين     بعبون چـــم منشد كون المهم ايصير     بــهاي الزياره ترند مو چـانو الماضــين مثل الرمش والعين ياشيعــة الــــزهره ----------- حسين ديـن الله الحنيــف المــنزل الاهل البصــاير حسين شوكه بعين كلـــمن رايد ايسقـط الشعـــائر حسين اكـو وادم تخـــدمه واكــو وادم بيه تـتاجر صفي السريره ابهالنــفق .. وعوف الورق لهل الورق اويه احسين ضل لاخر رمق .. بالقيامه اتفــوز باچر   يامن تريد ايعيش     في داخلك عاشور قلد علـي السجــاد     لتقــلد الــمشــهور وابكــي مع الباكين مثل الرمش والعين ياشيعــة الزهـــره ------------ حسين مشكــاة الطــريق المظـــلم بـــدرب الجهــاله حسيـــن رايـــد جـــيل واعـي جيـل بدموعه رساله ومــثل ماحافظ عليـنه كون هــــم نحفـــظ اعيــاله من نحچي عن جرح السبي .. ياريـت منشگگ عبي زحمه تره امــن ابن النبـي .. نسولف بعرضه فشاله   واجب على الجميع     بالحچـــي تتادب ونتبــره مـنه كون     اليهتك خدر زينب ونرفض شكو شي شين مـــثل الرمــش والعيــن ياشيعة الزهره ---------- يـلي عايـشتو محرم عوفـــو سالـــفة المـــصالح اليخدم احسين بضـميره الدنيـــا والاخــره رابح ســلف صــالح چـــان عدنه لايــعامــل لايگـــابح عرفو طريق ام الحسن .. وخلود زمن يتبع زمن عبد الرضه وحمزه اوطن .. مثل للاجيال واضح   لو وي يزيد تصــــير     لو انته ويه احسين حظرة جنـابك ليش      تلعب على الحبلين فازو المــتمــسكين مثل الرمش والعين ياشيعة الزهره --------- حيدر تركي الكربلائي