قصائد استشهاد الامام الكاظم (ع)

بحق الإمام الكاظم (ع) مشتاگ♦️ مشتاگ♦️ مشتاگ أروحن للولي بالكاظميـــــــــه محتاج♦️ محتاج♦️ محتاج أطوف بحضرته هاي المسيه هاليله ذكر مصابه يا ريت اشوف اعتابه بالكاظميه بالكاظميه  الليله يا مولاي روحي حنت اعله اعتابـــك ونت وناحت مهجتي من ذكـــرت امصابــك تذكرت غـدرة الطـاغي السمـك ومـا هابـــك نزلت ادموعي عله خدي وجيت اذبها ابابك اهنـاك ♦️ اهنـاك ♦️ اهنـاك اصبن دمعتي وانصب عزيه حنيت ♦️ حنيت ♦️ حنيت لايام العزه بكل مغربيه حنيت اله بغيابه يا ريت اشوف اعتابه بالكاظميه بالكاظميه  كاظــم الغيــظ بصفاتــك عابــد انتــه وزاهد فلــــذلك صـار عمـــرك بالسجــن متواعـــد ابتـــده (المهدي) اعتقـالك هــذا أول واحـــد وكمل (الهادي) اضطهاده وموقعة فخ شاهد يردون ♦️ يردون ♦️ يردون يمحـون الاثر لبن الزچيه ينهون ♦️ ينهون ♦️ ينهون مشروع ابتده وي آل أميه الطاغي ليك شجابه يا ريت اشوف اعتابه بالكاظميه بالكاظميه  نعرف بقصة قيود وسجن والطاموره ونعرف تكمل ظلمهم بالرشيد وجوره راد علم الله ورسوله يختفي بكل صوره وهو نور الدنيا كلهه تستضيء بنوره يا نـور ♦️ يا نـور ♦️ يا نـور من الله يشع اعله البريه يطفوك ♦️ يطفوك ♦️ يطفوك نيتهــم تـــزول الجعفريه يالشعلتك لهابه يا ريت اشوف اعتابه بالكاظميه بالكاظميه  هددت عرش الطغاة أو ارقت مضجعهم صار ذكرك يبن جعفر كل وكت يفجعهــم بالسجن تگضي حياتك والقصر مهجعهم تالي من قعر المطامر صوتك ايجعجعهم هيهات ♦️ هيهات ♦️ هيهات ننسه افعالهم ننسه الأذيه بالذات ♦️ بالذات ♦️ بالذات تبقــه مصيبتــك حد المنيه الظالم أبد ما هابه يا ريت اشوف اعتابه بالكاظميه بالكاظميه  تأسست من السجون المدرسه الفقهيه وصارت الطاموره مصدر اجوبه الشرعيه الراد ما يوصلنه صوته تورط بهالنيه وحتى سجانه تمرد رفض هالوضعيه واحتار ♦️ واحتار ♦️ واحتار ما بين التخاذل والتقيه واختار ♦️ واختار ♦️ واختار عصيان لاوامرها الرديه تغيير السجن باسبابه يا ريت اشوف اعتابه بالكاظميه بالكاظميه الخادم ان شاء الله / أبو حسين العبودي

بحق الامام الكاظم (ع) من كل أرض ممشه اجت زوارك يالكاظـــم الليلـــه نطـــب مزارك ***** اجينالك نعــزي لــــدارك اليوم وبكل عــام نحيي ذكــرك ودوم منفذ كـل حزين وملجأ المظلوم خطار بضيافة سيدي المسموم """"""" يمك وصلنه اتلگه كل خطارك يالكــاظم الليلــه نطـب مزارك ***** نتسابگ اجينه برفعة الرايــــه مو رجلينه تمشي گلوب مشايه تعرف بينه نبقه بعهد وفايــــه وليك بلهفة المحروم عنايـــه """""" ننسه ألمنه من نشوف اسوارك يالكــاظم الليلــه نطـب مزارك ***** علينه بالدرب فرضوا جثير احكام يعتقدون نرضخ زمرة الظــــــلام نفس ذاك الوكت منسوخه هالايام مو من دين جدك ذوله مو اسلام """""" بعنــادهم هاليوم ندخـل دارك يالكــاظم الليلــه نطـب مزارك ***** نستذكر مصابك سيدي وننعاك وگلوب اليحبك دومهه بذكراك يلعــن ربي سجانــك ومن اذاك واللعن الوبيل اعله الذي سماك """""" ما باقي منهم بس بقت اثارك يالكــاظم الليلــه نطـب مزارك ***** طب موكبنه ليك اتوسط الديره تلگتنـــه مـواكـب تخـدم بغيـره ومواقف لليخدمك كلش جبيره تبچي الزاير ويشعر بتقصيره """""" واحنه بمواقف هالخدم نتبارك يالكــاظم الليلــه نطـب مزارك طلب منك نريـدك تحفـــظ الزوار من كل دار أجوك ازغار وي كبار ومثل ما بينه تزرع منهج الاحرار نريدك تقلع من البلد هالاشرار """""" بثار الزچيه انّحلفك وبثارك يالكــاظم الليلــه نطـب مزارك ***** للحجــه مطالـب جبنــه ويانـه مولانه وضع هالنـاس تعبانــه فرت بينه دارت عكـس دنيانــه سل سيفك بوجه الظلم واعوانه """""" مولانــه نبقـه ننتظـر بتـارك والكــاظم الليلــه نطـب مزارك ***** الخادم ان شاء الله أبو حسين العبودي

بحق الإمام الكاظم (ع) يالكاظم أجينه الگبرك اعتنينه مقامك گصدنــــاه ومرادك طلبنــــــــاه والكاظم أملنـه والكاظم أملنـــه  يا امام الرافضه .. جينه اعتنينــاك كلنه ممشه لمرقدك .. مولاي جيناك سيدي يابو الرضا .. بالشده ننخاك يابو طلبه للأبد .. أحسبنه ويـــاك لگبرك جينه ماشين أحسبنـــه مواليـــــن جرحك عشنه ويـــاه ومـــرادك طلبنــــــــاه والكاظم أملنـه والكاظم أملنـــه  جينه يسبقنه الامل .. بيك ورجانــــه نخلص من اهمومنه .. وتقبل دعانه تبارك بمسعانه .. وتسيـــــر ابلوانـه ونعلن بإيمانه .. أو حبنه ولانــــه ونعلن هالقضيه بطف الكاظميه امصابك مننساه ومرادك طلبناه والكاظم أملنـه والكاظم أملنـــه  لو وصلنه لگبتك .. نرفع أدينه نسلم عليك ونريد .. أترد علينه دعوه المضطر على اعتابك دعينه وحاشى لن اتعوفنه .. وبيك التجينه ويمك تگضي كلهه يا سرهــــا وأملهـــه ولربنا دعينــــاه ومرادك طلبنــــاه والكاظم أملنـه والكاظم أملنـــه  نعتنيلك قربه للباري وحبيبه ليك أجينه نشارك .. بهاي المصيبه ونقسم اعليك .. ونحلفك بالغريبه تطفي نار البلگلب.. شاجر لهيبه ما تكسر خواطر وتنشف النواظر تخلصنه من الآه ومـــرادك طلبنـــــاه والكاظم أملنـه والكاظم أملنـــه  بفخر تتلگانه .. ارض الكاظميـــــه چنهه طف حسين ..ابن حامي الحميه نذكر ابفگدك ..شهيد الغاضريه ونعزي بمصابك اجينه.. امنه الزچيه نتذكر مصابك بوگفتنه اعله بابك كل هم يمه جبناه ومـــرادك طلبنـــــاه والكاظم أملنـه والكاظم أملنـــه  يا إمامي خوفت ..كل طاغي ملعون زلزلت عرش الظلم ..هزيت هارون أرقت مضجعهم ..وسهرت العيون قرروا تخلص حياتك ..كلهه بسجون تخلص بالمطامير واحنه بشوفك نحير للموت ما وصلناه ومرادك طلبنـــــــاه والكاظم أملنـه والكاظم أملنـــه  بلهفه عالموعد اجت .. الشيعه كلهه من وصلهم خبر منك .. تطلع الهه ما دروا عالجسر .. راح يخيب أملهه مگيد النعش .. وحماميل اتحملها بالســـم كاتلينــــه ونعـــش مگيدينـــــه يطلع چنه نرجاه ومرادك طلبنــــــــاه والكاظم أملنـه والكاظم أملنـــه الخادم ان شاء الله / أبو حسين العبودي

نزلة بحق الإمام الكاظم (ع) زوارك // يمــولاي // زوارك ابدارك // يعزوك // ابدارك ***** جينه الك من كل أرض مشايه عالعهـــــد مولاي نرفــع رايه معتنيـــن لحضرتـــك وفــــايه نبقــه دوم لخدمتــك عنايــــه باسوارك // يطوفون // باسوارك بأنــوارك // يفوزون // بأنــوارك ***** يا وريث المصطفى وعلومه يبن بنته الطاهره المظلومه نقسم بنحر الحسين ويومه كلمن يگصدك تزيل همومه وانظارك // عليه كون // انظارك واثمارك // يضوگون // اثمارك ***** زاد بينه الشوگ اجيناك بعجل ممشه نمشي ونعتنيلــك للازل نخلص من اذنوبنه كلنه امل تسجل زيارتنه والسعي انقبل واعذارك // عالذنوب // اعذارك وبآثارك // يفوزون // بآثارك ***** ما يهمنه لو مشينه كل تعب لا يهمنـــه لايم ولا كل عتب شيعتك واجب وعلينه انكتب نوصلك مولاي ممشه بكل رجب واخبـــارك // يشيعون // اخبــارك وابثـــارك // يطلبون // ابثـــارك ***** رمز ألنه وبيه نظل نتباهه وباب للحاجـات لليرجاهه بجاه أمه الطاهره وبجاهه ربي تحشرنه وي عترة طه وانصارك // تضل دوم // انصارك بإيثــارك // يكشخون // بإيثــارك ***** يلعـن الله الطاغيـــه الاول نريــد ويلعن الثاني والثالث وي يزيـــد وعله السار بنهج هارون الرشيد الف لعنه عليه باللعــــن العتيـــد وبنارك // يموتون // ابنارك خلصنه // يمولاي // خلصنه ***** نعزي مولانه الإمام المنتظر بهالمصاب المؤلم وهذا الخبر گضه مولانه بسجن مخفي الأثر وزادوا علينه الظلم والهم كثر مختارك // رب الكون // مختارك لأحرارك // تجي عون // لأحرارك الخادم ان شاء الله /أبو حسين العبودي

تلبة لطلب الاخوه خدام الحسين ع . . . زوار بدموع العين  .. للكــاظــم اتعنــــينه *** البغـــداد اعتــنيـنه اليـوم .. جيـــنه انزور سيدها باب الله وحشه هالـباب .. بوجوه التجي ايسدها نعم نشتاگــله والشــوگ .. گــــد دجله وروافـدها منشد اعله بابه اعلـــوگ .. احنـه ارواحنه نشدها المتعـــلق بــبـو طلـبه ايبدي اعيونه عالعتبه ماشــفنـه ملـــك مثـله گبــل بابـه فتـــح گلبه *** نشتاگ ويهزنه الشوگ .. للــمـن العــذب اصفه والي يگول هذا اهواي .. لا مـا انصف ابوصفه الماعطشــان للشـــباچ .. مايــعرف شـنو اللهفه كهـف الله ابن جعـفر .. انياله اليحــتمي بكهفه واليتــــوفــــق الـــگــــــبره اتشمــــله نظـــرة الـــزهره ومو عجبه اليجي ابلا روح وتـــردله روحـــه بالحظره *** من تتقـــفل الابـواب .. ومايبــــقـالنـــه معــــبر لايســـره ولايـــمــنه .. نگصد موسى ابن جعفر جربناها مــن اتضيج .. وحيل الدنيـــه تتعــسر تفرج بس عليه نقسم .. بنحر حسين ابو الاكبر اشـــگد ماتكـــبر الشــده حلـــها منـــوجد عــــنده بس نقي السريره وروح جفـــك خـــالـي مـــيرده *** ميـت مايجــي مــثله .. عـــنوان العــزوبيه الانسانيه الِبشخــصه .. فاقــت شكو انسانيه مثله ما نظن موجود .. غـطه الدنيه طاريه خلص بالسجن عمره .. حتى انعيش حريه ينطي ولسه ماوشل مرسل للعـطا مرسل يبـقه الاول ابكلشي ابن جعفر يضل اول *** تـاخذنه الحيــاة بـعـيد .. مــن محنه الى محنه اشگد مانبتعد ونـــروح .. نرجع نلتقي ابصحنه اذا مــــــرات نتـــاخـر .. نحس بالشوگ يذبحنه انطيح وندري اسد بغداد .. يگومنه اذا طـحنه ينــضــح گلــبه حنيه وحنـيتـــه حســـينيه كل خادم عليه غالي وميفــرط ابغـــالــيه *** حيدر تركي الكربلائي

يا رهين  البل سجن  أنشد  الگيد شلون ادمه معصمك ثگل الحديد ،،،،،،،،،،،،،،،،،،،،،،،،،،،،،، ارد  أنشدك  يل حديد  اعلل  ولي بسجن  عاش  وظلمته  ما  تنجلي وانت مدمي معصمه  الجده  علي ثار  عندك  لو  طلب  منه  شتريد ،،،،،،،،،،،،،،،،،،،،،،،،،،،،،، شلون مالنت وطحت من معصمه شنهو  فرقك  بل حشر عن ظالمه وباچر  انت  اشتعتذر  من فاطمه من تنشدك طايع أمر  الا  رشيد ،،،،،،،،،،،،،،،،،،،،،،،،،،،،،، من تنشدك  طايع  أمر المبغضين الحيدر  وآله  ونسل  طه  الأمين مدمي ساگه ليش ياگيد السجين شلون گلي من يحل يوم الوعيد ،،،،،،،،،،،،،،،،،،،،،،،،،،،،،، شلون گلي من يحل يوم الحساب وموسى  ابن جعفر  يقدم  للكتاب وشيعته ابدمع الحمر تنطر جواب منك  وكل  آه   جمره   ما  تهيد ،،،،،،،،،،،،،،،،،،،،،،،،،،،،،، آه يل كاظم تصيح اشكم مصاب بلسجن وألوان شفت  من العذاب گمر چنت  الشيعتك  والگمر  غاب وضاعت اخبارك عليهه يل عميد ،،،،،،،،،،،،،،،،،،،،،،،،،،،،،، ضاعت  اخبارك  عليهه من سنين ما درت  ميت  يموسى  لو  رهين بل  دمع   تنشد  عليك  وبل  أنين الفرج يمته والظلم  يگضي يحيد ،،،،،،،،،،،،،،،،،،،،،،،،،،،،،، الظلم يمته ينجلي ونورك تشوف جمرة اغيابك  مثل جمر الطفوف ضاعت آمال الفرج  واندار خوف يوم سمعت علجسر موسى شهيد ،،،،،،،،،،،،،،،،،،،،،،،،،،،،، مثل زينب ركضت الصوب الجسر شيعتك    والآه   جمره    وتستعر شافت  السجان  واكف  چل شمر ولا أهل  يمك  يمسموم  اوحيد ،،،،،،،،،،،،،،،،،،،،،،،،،،،،،، لخادم خدمة الحسين ع ابو عمار الدراجي

استشهاد الامام الكاظم ع ميمر يابو الرضا عمرك گضه السم الچبد ناح الفضه ولمصابك الليله الكون من دم يهل دموعه **** اشيقنعها غير الدمه عيوني النوحك من چبدتك معقوله كل اجروحك مقتنع انا السجن طلع روحك بضلمه العمر خلص صبر صحت الفرج فوگ الجسر ثاريها من همك ذاك ونة فرج مسموعه **** عين الگمر يالكاظم ادري عيونك عندك سمار ابكتبنه ايوصفونك ثاري ضلام السجن غير لونك بذاك السجن گد ما تون لونك صبح لون الحزن آ يالغريب اشچم آه تتصبر اليالوعه **** يالعاشرت بس سبحتك والتربه غربه واهل يمك تره مو صعبه كلش صعب وحدك تموت بغربه يومك وصل جاك الاجل وضعك صعب ماكو اهل ماكو حبيب الينعاك ويحني عليك ضلوعه **** فوگ السلاسل دمعتك تجريها روحك وصل حدها وچنت تدريها إجنازتك منهو اليصلي اعليها بحيره صرت وتألمت منهو اليغسلك لو متت وسفه اليسمك جناز صبحك گرب بطلوعه **** حضرت الشيعه اعله الوعد بالجمعه بدال الفرح صار اللقاء بدمعه ثاري الفرج نعشك تجي وتشيعه الدمع انفرش كلشي اندهش ثاريها انته بهل نعش يالكاظم اشگد قيود بجنازتك مطبوعه **** الشاعر اياد الديراوي

نزله لمصيبة الامام الكاظم عليه السلام الرافضه اليوم ابحزن ... مات ابوها بالسجن __________________________________ اليوم دين الله تضعضع والكتاب ايهل دمع الجنه متوشحه ابحزنها او شعلت الليله شمع مات موسى او عترة الله لجله محنية ضلع مات وآثار السلاسل تركت ابجسمه طبع الشيعه مسحونه سحن ... مات ابوها بالسجن _________________________________ اليوم كون العين تعمه والبچي ما ينگطع (ويلي ياموسى ابن جعفر ) صوتنه ايضل مرتفع او ننعه للكاظم نواعي الگلب منها ينشلع لطم واصياح او بواچي على الكاظم ننفجع روحه لا زالت تون ... مات ابوها بالسجن _________________________________ آه يا موسى ابن جعفر حزنك ابگلبي غضا اشلون ما اهمل دموعي وانت المبچي الفضا اليوم من اجديد نسمع مات امام الرافضه امسمم . او من السلاسل كل عظامه امرضرضه وي قيوده يندفن ... مات ابوها بالسجن _________________________________ سيدي الشيعه اجتك قافله ابسد قافله چنها ليلة عاشر اتمر بل صحن في كربلا النعش صاير الها كعبه عونه مَن يوصل اله او صوت من الگبه نادى هلا بل زاير هلا صوت مبحوح او يحن ... ... مات ابوها بالسجن _________________________________ موكب ايسلم الموكب جيل جيل ابهل درب احسين . والكاظم . عشگنه او بيهم ايدگ الگلب انچان من كربلا نطلع يعني للكاظم نطب هاذه مبدأ . هاذي حكمه . هاذه دين او هاذه حب آنه بيهم منفتن ... مات ابوها بالسجن _________________________________ انشيع . انقيم المجالس نبچي واندگ الصدر الك يل كاظم عهدنه حد نوسّد بل گبر اشما تضدنه الدنيا كلها ابزود اسمكم ننتصر او نضل لجلك رافضيه او نفتخر يوم الحشر اعهود لا ما ينّسن ... ... مات ابوها بالسجن _________________________________ ابو فاطمة الطائي

مـو زين حال الشيـعه مو زيـن الموسى ابن جعفر دامعه العين مات ابقهر وابلوعه .. .. امنگّـعه الگيد ادموعه __________________________________ هل ليله مصيوب الگلب وللكاظم المدمع يصب مسموم طاح ابسجن هارون يتلوه وحده بالسجن ايدير الاعيون او يون واحشاه يلهب بيها چانون أيحن اعله أهله والاهل عنّه بعيدين ياهل سجن بيه اشعمل طر گلبه نصين ما عنده سلوه او لا صبر بس دمعة العين لو صاح محد يسمع الصوت يا ناس سجنه چنه تابوت محنيه كل اضلوعه .. .. امنگّـعه الگيد ادموعه __________________________________ وي كل نفس وي كل نبض اتضيگ اعله موسى هل ارض خلص حياته بل مطامير محروم من شم الهوه لعيونه ممنوع الضوه مكسور جنحه كسرة الطير يا حزن موسى بل سجن وابروحه شيصير امگيد او سجانه اضربه وايصيح تكبير يسكت او يذكر فاطمه او دم مدمعه ايدير يا ويل گلبي ابهل حزن ضال شابح اللون او حاله يا حال اعليه السمه مفجوعه .. .. امنگّـعه الگيد ادموعه __________________________________ چاس المنيه اتجرّعه والسم دليله ايگطعه ينعه او يگول الولد مريود ايعاين الباب او يرتجي رايدله لو واحد يجي ايوسده اعله حجره ايفك الاقيود لاچنها حسره او ياوسف محد تعناه مات ابمطامير السجن واندفنت الآه بس السلاسل والجرح هل ضلن وياه عگب العشيره المثل الاشموس ميت . او جفنه ادموع متروس وآثار بي مطبوعه .. .. امنگّـعه الگيد ادموعه __________________________________ مات. او حسرته باقيه واصبح جنازه خاويه بس روحه تبچي علجسد ليش جناز ماكو الهل جسد لامن گرايب لا ولد الله واكبر منطلب بيش قرآن ناطق هل وجه محد يغطيه ما واحد ابگلبه رحم محد يحن ليه احماميل تاليها اربعه بره اطلعو بيه شالو امگيد فوگ الامتون ابنظرة حقد واعليه ينظرون ولا ناعيه المسموعه .. .. امنگّـعه الگيد ادموعه __________________________________ عل جسر نعشه انوضع او صوت عدوانه انسمع هاذه امام الرافضه مات مات سكته ابعلته او ما علينه ابدفنته هيهات موسى انشيله هيهات او لن الحكيم اعليه يمر ويعاين الحال عاين لبن جعفر واذا منه الدمع سال هاذه الغريب ابلا أهل ؟ ردو علي گال بلغو العشيره او وصلو الاخبار الهاذه المسمّم تطلب الثار واضح تره موضوعه .. .. امنگّـعه الگيد ادموعه __________________________________ يل حكيم اسمع الي هل نعش عنده ولي لابد يصيح الثار يل ثار ذخر باقي امن السمه بيه ريحة فاطمه حتمن ايگوم او بيده بتار يظهر مثل شمس الدجه ويداوي الاجروح ياخذ ابثارات السلف او لا مَظلمه اتروح البسمار . والطبره .اوچبد والمات مذبوح او للكاظمين ايرد الاحگوگ او ثار السبيه او وگفة السوگ كلها او علي مرجوعه .. .. امنگّـعه الگيد ادموعه __________________________________ ابو فاطمة الطائي

ويلي عل كاظم واجروحه ويلي عل كاظم واجروحه ____________________________ ويلي عله ارسومه الغدت ذبلانه ويلي عله اعيون اتهمل حيرانه موسى ابن جعفر موتنّه احزانه طاموره. واقيود . او حقد سجّانه بل ألم هل فاضت روحه ويلي عل كاظم واجروحه ____________________________ ويلي الگيود الحافرات أعظامه من عدها كل ليل اليمر ما نامه اوجاع موسى امن الجدم للهامه ايذكرني ابطف كربلا او آلآمه مهجته امن السم مذبوحه ويلي عل كاظم واجروحه ____________________________ بين جدران السجن يتلوّه اشسوه سم السندي بي اشسوه الكاظم احشاه ابلهب تتچوه او ماله أحد لا أهل لا أخوه ويلي الدمعاته او نوحه ويلي عل كاظم واجروحه ____________________________ مات ابن جعفر أسير اينادي يا هلي . يا ساده. يا اولادي ما تجوني او تنزعون اصفادي او شوفو يا ضيم العلي ضل سادي عيني اعليكم مشبوحه ويلي عل كاظم واجروحه ____________________________ مات موسى او ما اجوه اعزازه شنهي ذنبه ابهل هظم يتجازه اجنازته ما شفنه منها اجنازه بس سناسل ماكو كل حرّازه او عل جسر ضلت مطروحه ويلي عل كاظم واجروحه ____________________________ ابو فاطمة الطائي

ابوذيات لمصيبة الامام الكاظم عليه السلام أصوابك بالگلب ما فاد .....    شله ابن سندي يموسى اعليك ... شلّه ؟ موّت حيلك او بل گيد ...      شله او متت مالوم چن موت الزچيه ... ولا بيرغ من الساده ...      لَف الها اجنازة موسى بس الهم ..  لِفه الها لحد شالها امن اهله ......   لا فلها امگيد مات ويلي ابهل مسيه ... يون مثل الذي داست ...  عليه خيل غريب . او ما يهل دمعه .. عليه خِل يحفار الگبر وسّع ........    عليه خَل ينام ابهل گبر نومه هنيه ... ليل ابلا مناحه اعليه ..      ما چل او من سيل الدمع والآه ... ما چل ابأدينه الگيد  وابرجليه .... ماچل الوجع بل عظم والونه خفيه ... غميجه اجروحه ما يرهم ...  شفه الها السلاسل للعظم وصلت ....     اشيفلها يمهدي اجنازة الكاظم ......  شوف الها چاره . او گوم واريها الوطيه .... وبلسان حال أمه الزهراء سلام الله عليها اتگول : الدهر وياي يصلح !! مو سجيته عفت الحسين ضامي ... ما سجيته فوگ آلآم ضلعي ....... موسى اجيته لگيته امسمم او فوگ الوطيه .... ابو فاطمة الطائي

أبوذيات. الى موسى ابن جعفر ع.. بلاك  الــدهر  يالكــاظم      بعدوان وإلك وسط الكلب لوعه     بعدوان عكــبك بالشدد نــكصد      بعدوان سجين وفرجت عليك       المــنيه                 ★★★ الدنيه بسجن كــاظمها       وحرها وبردها إجرعه ومــرها      وحرها عليَ سابع سمه حزنت    وحورها تلطم والجنان تــنوح       هــــيه                 ★★★ الأمل مولاي البكلبي       بطلبه وإجيتك ياأبو طلبــه       بطلبه جودك سيدي بخدمه       بطلبه حــاشا تردني ليــث     الكاظميه                 ★★★ كظم غيظه بصبر كلبي   ولامــال وظنه مــــابكت عندي     ولامــال منهم مــاردت سلــطه     ولامــال حكموني بسجن مضلم   عــــليه                 ★★★ عليه الشمس ماظن يوم    مــرت سجــــين ودنيتي وياي     مـَـرت أحس روحي تريد الموت    مرات نكطع منها الأمل بكيود  إديــــه               ★★★ قصيده دموعي نظمن   ونسجن ليك ومــن ونك  يــراهــب   ون سجن ليك تــدري إنت بمحــبتك   ون سجن ليك سجــنك بالكــلب حد.   المــــنيه               ★★★ الضلم ينــقاس بالــدنيه   مضلــماي أنه بطــاموره ياشيعه     مضلــماي بعيني من كثر دمعي      مضلــماي بجت دم ودمع هــيه    علــيــه               ★★★ الشاعر نسيم الحميداوي ونسألكم الدعاء https://t.me/NasimAlhamdawi

كأني بمولاتي فاطمة المعصومة ع وهي ترثي والدها بهذه الأبيات فتقول له يا بو الرضا ذكرك خليلي وبـفـراگـك اتعذب دليلي بـعـدك فـلا نايمـته ليـلي يا بويه .... يا بويه ================= ذكرك أنيس بوحشتي يل ماخذ البال اوياك يابـويـه وچبـير الهجر ملعون كلـمن سـمّـاك عليك ادموعي تجري يا هوى الريه نـعـاوي ابّـابـك بـهـالساعـه مـقـريـه محنـيه اعـلـه فـگـدك دوم محـنـيه فاطـمتك يـروحي وحـيـل مـا بيـه صاحوا غريب الكاظميه واتـذكـرت خيـل ورزيـه هظمتني كلش هالمسيه يا بويه .... يا بويه ================= مشتاگه وبعيد الدرب وياك اموت اتمنيت الذيچ الليالي الدافية يگليبي كلش حنيت بـگيـدك نار گلـبي اعلـيك متوجـر ميـت والطـبيب الشخّـصك يستر شـو جسـمك نحـيل اهواي متغير يوسفه ابموتتك كلمن حسد ينطر عندك مره عاشـت مراره عدها گلب مسـتـعره ناره اتهل الدمع عگبك خساره يا بويه .... يا بويه ================= الفرج بالجمعة وگمت عطرت بيتي الجيتك لكن جنازه اعله الجسر كسرت ظـهر لبنيتك انكسر ظهري ومولاي الرضا حاير وانـته التـعـلم المكـتوب والصـاير ألـم هـجـرانك بگلـب الخلگ دايـر أگـضي حاجـتـه كلـمـن ألـك زايــر يـا گـاضـي حاجـات العلـيله يل ما حصل شخصك مثيله ألـسمـمك بــاچــــر يـــويـلـه يا بويه .... يا بويه ================= ثقل الحديد الموتك لو سـم ابن شاهك ذاك وسفه يبن سيد الرسل بالسجن دهرك خلاك محروم النِفَس ويلوج ظـل وحده المنـيه حـضـرته والأهـل مو عنده خده اعله الترب هم يا خلگ خده مـظـلوم وگضـه نحـبه مـثل جـده اتـمنـاهـم بـوكـت المـنـيـه ايحضرونه والدمعه جريه يـومـك كـأنـه الـغـاضـريـه يا بويه .... يا بويه ================= يكتل رحيلك يالأبو تمنيت اشـوفك ياريت للهظم والهم والحزن معصومه بنتك خليت يل وجـهك گمر واحچايتـك سلوه بـلـوه روحـتـك جابـتلـي كـل بلـوه يمـك رجـوه عـنـدي واقبل الرجوه الخدم وفقها تخدم خدمتك حلوه حـيا الله خـدام الزچـيه نعـمه الخـدامه والـعزيه خدموا غريب الكاظميه يا بويه .... يا بويه ================= 13/1/2026 يوم الثلاثاء 23/رجب الأصب 1447 هـ خويدم آل محمد الشاعر الميرزا محمد الساعدي

هزت بيارغها بحزن..  .للكاظم ومشايه ونصبت مواكب بدرب.. تسمع لطم وقرايه باب المراد تريده ماكو مسافه بعيده للكاظم ومشايه هزت بيارغ بلحزن..وتحزمت بحزامين تمشي وتدك عله الصدر..والدمع غورك بلعين كالو بعد مات الولي… والمثله ونجيبه منين مصابه ابد لا موسهل… يشبه تره مصاب حسين للجسر متعنيه اليوم لو شافته تزيد هموم للكاظم ومشايه من بعيد وتصد للجسر.. وتذكر الصار وياه من جابه سجان السجن.. ومطروح فوكه وخلاه بلغربه محد من هله.. الشيعه ويمشي وياه ميت مكيد بلحبل… محد تدنه وحلاه بسم العده وهل مذبوح فوك الجسر ضل مطروح للكاظم ومشايه الشيعه متعنيه وتون… مابطلت ون عليه كالوها هل كلمه وصدك.. لو يمه ابد مانطي مو مال نفدي بذهب.. برواحنه احنه ونفدي ولاساعه وحده وبسجن.. وشلون وحنه انخلي انموت كل احنه وياه وهارون جا ماسماه للكاظم ومشايه لبست سواد وگوطرت.. من البصره ولحد بغداد بهل يوم موعد نلتقي… وداير سنه وهم ينعاد المحتار وبشده كصد.. يوصله ويرد بمراد ما ننثني عله زيارته .. وكل سنه تزيد العداد مانبطي عنه وننساه لو بيدنه نموت وياه للكاطم ومشايه بخطواتها تحس بلفخر ..وكالو ابد مانوفي ونشيعه ونعيد الحزن ..باب النجاة نسمي عگال وعلئ روس الزلم… والكاظم احنه انخلي هارون وين وزمرته ..محد لهج وبطاري ويمامنه يظل للدوم كل شيعي لجله ومهموم للكاظم ومشايه ابو سلام الجابري https://t.me/jjdicjcsk

يا إمامي يمسموم   يا إمامي يمسموم   /////1📜 ياهو مثلك عمره خلص بالسلاسل والحزن رافكَـ خياله ودمعه هامل الحالك الزهراء ناحت وابو فاضل الك صار /// موكب ابكَـد السمه الك صار /// والتقوده فاطمه الك صار /// يبجي حماي الحمه يمسموم /// كلشي الك اصبح يون يمسموم /// ولابس اثياب الحزن يمسموم /// حتى حيطان السجن حزنانه الهذا يوم يا إمامي يمسموم ///2📜📜 فرحه ما مرت حياتك بس مصيبه لوعتك مثل البقت عالتل غريبه وروحك حسين ابسلاسلهم سليبه بالسجون /// خلَّصت عمرك قهر بالسجون /// اسنين مو يوم شهر بالسجون /// الجامعه فوكَـ النحر على الآه /// كل وكت عايش صرت   على الآه /// ليلك اشكَـد ساهرت على الآه /// العين غمضَّت اومتت أيامك كَـضت صوم يا إمامي يمسموم ////3 📜📜📜 اكثر ايام العشتهه غيمه سوده ماكو كَـدك سيدي انكَـاد بقيوده واحد انته اكَـبال هارون وحشوده  ألحسين /// جنك ابطف كربله ألحسين /// من بقى محد اله ألحسين /// الفرق بس سلسله فلا طاب /// جرحك الاخر نفس فلا طاب /// قسم بالصدره انرفس فلا طاب /// والجفن دمعه حبس لمصابك يمضلوم يا إمامي يمسموم ////4📜📜📜📜 كلشي ساكت وانته ناطق جنت الاول جبل شامخ واليضدك مات مختل وصوت هيهات المذله وصَّل التل صمودك /// حيَّر اجموع الكفر   صمودك /// هد عروش اهل الغدر صمودك /// صار تاريخ العصر تحديت /// كل طواغيت الزمن   تحديت /// بصبرك اصحاب الفتن تحديت /// وصار دستورك وطن تاريخك يضل دوم يا إمامي يمسموم /////5📜📜📜📜📜 وباجر المهدي ابظهوه ايقيم ثوره وياخذ ابثارك والثار المات كَٓوه العينه ظلت على اخيامه وعلى الخوه يجي اليوم /// ويظهر ابن الطالبي يجي اليوم /// وياخذ ابثار العبي  يجي اليوم /// وتنتهي قصت السبي إلك ثار /// ما يعوفه المهدي ابد إلك ثار /// ياخذه بعده وعدد إلك ثار /// ابصوت يا حيدر مدد بي ثارك يمعصوم يا إمامي يمسموم <><><><><><<><><><><><><><><>< ✍️🏻 كلمات #موسى_الخادم ٢٠٢٦ #٢٥رجب

أركضلك بِشِر حافي...بگلبي مو عله اچتافي نعـشَـك أشـيله .. يا موسىٰ بن جعفر ___ يا قريب من الگلب ... واعله نسياني بعيدْ شما يقل بيه العمر ... شـوگي للملگـه يزيدْ هوّه عالمثلك صبر ... يا حبيبــي ما يفــيدْ شلون اعيش وانظرك ... جْنازه مِتگيده بحديدْ گالـو أنته من دونه .. واحد تَـيّهْ اعيـونه بفرگة خليله .. يا موسى بن جعفر ___ ما يلِم شوگي حضن ... مثل حضنك ما لگيت أنته عايش بالسـجن ... و فوگ راسي انه بيت شـلون اتهــنّه بعـذِب ... وانته بالسَم انسگيت وصَل گيـدك للعـظـم ... گــوه بالگـوه مشـيت من ثگـله وَزِن گيدَك .. رادَت تنكِسِر إيـدَك صعبـه تزيلـه ... يا موسى بن جعفر ___ مِـثْـل المـضـيّــع هـلَـه ... سنيـني تلگـاها سَراب وجهي بيه كَسرَة جَرِح ... كافـي يالكاظم غياب من كـثُر شـوگي إلك ... گمـت أشم حتى التراب هيچي أندلَـك و أجي ... بـ يا هَـلا تفتحلي باب أسأل سيدي شلونك ... شو سطره عله عيونك كلش ثجيله ... يا موسى بن جعفر ___ روحـك بـلا عــافِــيــه ... لحالك اتمَلكني خوف ليش يالتگضي الشـدد ... تِنهَض و توگع أشوف گـمر و ابطْنِ الســجـن ... وجهك بحالة خِسوف و مو ســواد اعمامتك ... هذه دم من الچـفوف كل چَف تِنزِف اعظامَه ... تِمسَحـهِن بالعْمـامَه اتضَـمِد مَسيله ... يا موسى بن جعفر ___ كـربلــه بشـيبَك شِــفِت ... والحَبِس چنْ خيمتك مثــل جــدك بالعــطـش ... يـابِـسَــه يا شِـفِّـتَــك صِرِت مِنْ سجن لسجن ... بالصـحاري مَشْــيتـك الضـرَب مَـتْنَـك سيدي ... ضِـرَب زيــنب عـمِتَـك مِـنِّ اسياطه مَحـنيـّـه ... عمتك كلفه مَسبيّـه فوگ الهزيله ... يا موسى بن جعفر ____ روحي تركُــض بالحِـزِن ... تـعـثَـر تگــوم و تطـيح گلت أشــوفك يا ضــوه ... و انصِدَم گلبي الجريح طولـَــك اگـبالي انچـفه ... متـت لكن گمـت أصيح جسمك بنــعشــه سِلَم ... مو مثــل جــدّك ذبيــح مو مثله عله الذاري ... جسمك ما بقه عاري ليله اعله ليله ... يا موسى بن جعفر الشاعر حاتم صبري الكاظمي ..

مــو قَــيـده بچّــاله العين الكاظم ينوح اعله حسين الكاظميّه ... الغاضريّه ... بعيونه __ بحياطين السجن مرســوم گدامـه حـسيـن ايباوع ايحرگـون بخـيامه طعنه فوگ طعنه شيحجي الالامه گــوّه اجروحه يمسحـهن بالعـمامه من العطش ذاب هواي ماي الله حرمـوه الماي بيا منيّه ... الغاضريّه ... بعيونه ___ نِسه ثگل القيــود و كل هضُم حاله و جرح عاشور ابد ما طاح من باله عله طاري الحوافر تبــچــي أغلاله شما يذكــر حـسين اتسحگه خيّاله بي چم رمح ظل مغروس چم حافر بصـدره ايدوس و چم رزيّه ... الغاضريّه ... بعيونه ___ أكل چفّــه الحديد و هـذه ما هَـمّـه يگول حسيــن هاين كل جرح يـمّـه يا ويــلي السِهــام امكسره ابجسـمه اضلوعه مطشره و محد إجه ايـلمّه يا كلــمه لـ جـروحه تـلوگ صدره اويه ظهره مطبوگ بـ هالقضيّه ... الغاضريّه ... بعيونه ____ يگـول انه أموت و جسمي عالقبله و أكو ناس التجي تابوتي و تحمله ثلث تيــام عــاري جدي مـو سهـله محد شيـَّعـه من النـاس بـس قـلّه رحــمة البـاري القــيّوم جسمه بحصيره ملموم جروحه بيّه ... الغاضريّه ... بعيونه ____ چم ديــره و سجــن مَر بيـها بأهاتــه تــذكــر عالهــزل مِــن سِــبوا عـمــاته و ضرب السوط مرسوم اعله دمعاته و شِـمّات العـقيــله اليـوم شــمــاتـــه تــجــرح اعيـون الشـمّــات منـهن گــلــب زينــب مـات زينبيّــه ... الغاضريّه ... بعيونه الشاعر حاتم صبري الكاظمي

هاي الجنازه جنازتي هاي ياشـــــيعه انه المحد وياي  ياغـربتي .. ياغـربتي  ⇔⇔⇔⇔⇔⇔ منين ما عاين شماته ولاشـفت واحد عرف  دايـره الـوادم عليه وين ابو الگـلب الصلف  حـال الينازع وحيد شـلون حاله شـينوصف مني روحي تـريـد تطلع وبسلاسل منچـتف بيدي السلاسل وانه عالگاع  ياروحي اگـلها طلعي بساع  ياغـربتي .. ياغـربتي  ⇔⇔⇔⇔⇔⇔ تريد تطلع روحـي مني وگـمت ادور عالـنفس  انه  أنازع  بالمنيه  ويضحك  بوجهي الحرس    خيل احس بعظامي تطحن والسجن دم انترس  منطرح عالگـاع وانضر واحـد بصدري رفس  مثل الشـمر شـايل حقد چان  ويگلي موت وانت عطـشان ياغـربتي .. ياغربتي   ⇔⇔⇔⇔⇔⇔⇔  ريتي مخنوگه وادور گمت ياصوب الهوه  نار حسـيته  بدليلي سـم  ابـن شـاهـك دوه  مـو بنـيران المــخيم  گـلبي  بالـسم نـچوه  انطفى اليله لـمحمد بالـسجن سـابـع ضوه  الكاظم انه المات مـسـمـوم  وين اليـشيع جنازتي يگـوم  ياغـربتي .. ياغـربتي  ⇔⇔⇔⇔⇔⇔  من دره بساعت مماتي فرح گلب الأرشيد  گـال شـيلوهـا الجنازه ولا تـشـيلون الحديد  عالجسر خـلو گـبالي أرد أعـايـن مـن بعيد  لاعمـام ولاعــشيره  مـتت بالغــربه وحـيد  لـرض المدينه ويـن اليروح  لهلي ويگلهم نعشه مطروح  ياغـربتي .. باغـربتي  ⇔⇔⇔⇔⇔⇔⇔ منين هذا وياهم اهله وليش ما فزعو أله  الناس من واحد  لوحد  هالحچي تتـناقله  صار ثلث ايـام محد  وصل يمه وغـسله انه ياناس الــغريب الماتـو اهله بكــربله    موسى أبن جعفر انه ياناس  أبن الحـسين وعمي عـباس  ياغربتي .. ياغربتي  ⇔⇔⇔⇔⇔⇔ خادم الغريب .. علي عگاب العمـري

استشهاد الكاظم . الفظ انفاسي الاخيره خطرت ابّالي الزغيره لا ابن حذلم حضر ينطي معصومه خبر ++++++++++++ وينه ليرد للمدينه وصوته يعلو بالنحيب يوگف ابربوه وينادي مات ابن جعفر غريب جسمه رضته السلاسل ثوبه من دمعه خضيب عالجسر مرميه جثته لا اهل يمه الحبيب من يعرفون الجرالي تنسمع ونّة عيالي الرضا الأخته نظر ينطي معصومه خبر +++++++++++ اولادي طمنوهم عليه اشمابلغ موتي مريح بالرغم سمّي جبرني آه كل حيلي اصيح لكن اضلوعي سليمه لامتت ضامي وذبيح عيني لاشافت حراير تركض وفوگي تطيح عالاقل لاجسمي عاري لا وگف بشفافي ذاري لا صبع مني انبتر ينطي معصومه خبر +++++++++++ والرضا واخته اعله بابي عالدرب تربي العيون الگعده هذي موجديده عِشره عدنه اويالضعون إليروي سالفتي عليهم ظرفي راح ايقدرون مو سجن واحد سكنته هوايه مريت بسجون وانتهه بزنزانه عمري والهظمني وبدّه صبري وجهي مثل امي انسطر ينطي معصومه خبر +++++++++++ گيدي جارحلي مشاعر مو فقط جارحلي ايد لا شمس جاستني فتره جلدي مايحمل حديد طالت المده او عليه گامت اثيابي تبيد كبرت اعليه العمامه وصعبه الفها من جديد البيها اتغطه عباتي هيه سجادة صلاتي ليلي خلصته سهر ينطي معصومه خبر +++++++++ بلّغ المعصومه عني وانه عايش بالظلام كاتب اهوايه خواطر بالسجن واحله كلام من بعد شوگي وحنيني والتحيه والسلام للحبـيـبه العودتـها الا بـذراعـي تـنام چنتي تغفين اعله ايده نامت امچانچ حديده ابسنسله لفها الدهر ينطي معصومه خبر ++++++++++ عني وصلوها الامانه گلها لا تسهرلي ليل وتنسه رجوة انتظاري والسفر مالي طويل والرضا خل يكفل اخته عني ابو محمد بديل اتموت ادريها العفيفه وتنسبي ابلايه كفيل مثلي هم يفتر زمانه گبره بالغربه مكانه هيچي مذكور القدر ينطي معصومه خبر ثائر الربيعي

استشهاد الامام الكاظم ع بعالم الغربه شفت/ هواي امور وقارنت حالتي بحال السبيه/وبألمها اتصبّرت ++++++++ آنه والغربـه وسوالفها العجيبه حسبه حسبه آخذ الليل واجيبه بين زنزانه وخرابه اجمع مصيبه اتهون بيه الغربه من اذكر غريبه مو مهم سجني ترى المشكله سبي المره بالخرابه الهاشميه لا سگف بيها سمعت ++++++++++++ النومه كلفه للقيوده امجرحاته ابدمعتة المهظوم يتغطه بعباته كل سجين ايعيشه ليله بذكرياته وآنـه بـآلام الخرابـه الليل اباتـه الونّته مـا تنسمع اوسادِته تنگع دمع الساهرت ليل باذيه الها ما ليله نمت +++++++++++ الريحة اهلي شوگي ياخذني وحنيني واطلع اشتم الهوى وسطروها عيني عبرة اسكينه الي خنگتها تجيني للرضا ومعصومه يتخالط ونيني يگضي عمري وماگضه شوگي لعيون الرضا يشبه ال لهفة رقيه والحضن ذاك الطشت +++++++++++ آنه وجه الله ويسطرونه اعله خده شده سجني وعندي وي سجاني شده امگيد وسوطه اعله متني بيش اصده واذكر آلام الحراير وحده وحده من يحسّن بالالم كلفه صيحتها الحرم اشلون افسرها القضيه وآه يازينب صحت ++++++++++ نقله من سجن السجن عذبتلي حالي ايدي مچتوفه وظهرها الناگه عالي روحـي اسألـها وأعـذبها بسـؤالـي اشلون تصعد حرمه اذا ماعدها والي عاليه اظهور الهزل وداير ابچفها الحبل للعقيله اشيبقه بيه والجرحها اتعذبت +++++++++++ راح اموت وعيني عن اهلي بعيده روحي تنعه الروحي موتتها وحيده حته لو موسى يموت ابچفه گيده يبچي لل من الگفه حزوا وريـده في قعر سجني الاجل موتي عن جدي سِهَل خيل لاداست عليه لا صبع مني افگدت ++++++++++ تلّه لا يمـي واخـت تـوگف امامي وينك اتنادي واگلها وجدي ضامي لا جرح معصومه اذنها وخدها دامي لا چوت جدم الرضا حرگة خيامي بثوبي جسمي منستر ايشيعوني اعله الجسر ريته مو بالكاظميه بكربله موتي ردت ثائر الربيعي