قناة الرادود السيد عدنان الموسوي

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

رجعت من اليسر يخواني الاحنان تلگو ام الخدر يخواني الاحنان —————— رجعت وجايبتني الخوة يحسين اريد ادفن وياك اعيوني الاثنين رجعت باربعينك ظهري مكسور ماتن بالدرب نص النساوين انكسر ظهر العمر يخواني الاحنان اتلگو ام الخدر يخواني الاحنان ———————- افتحو اگبوركم و اتلگو اختكم عَشرة و شهر صار امفارگتكم امشي وروسكم تنگط عالاچتاف جبت الروس بيدي وجايتكم تعبت امن الشمر يخواني الاحنان تلگو ام الخدر يخواني الاحنان ————- ولا چن انه زينب راجعه اخيال عابر حتى عظمي اچتاف الاحبال رجعتلكم امحدبة اهلال عاشور وعلى اصفاحي ادية مثل الادلال تره عيووني حمر يخواني الاحنان تلگو ام الخدر يخواني الاحنان ——— الخوة الوصلتني الغاضرية ترة الخوة سحب تسحب بدية اجيت بلا بنات احسين لحسين اجيت بلا صفية ولا رقية ماتن والعذر يخواني الاحنان تلگو ام الخدر يخواني الاحنان ————— اريد انفض اترابي بصف الاگبور تره اتراب العلية امنهد عاشور و ارش اگبوركم من ماي العيون و اشعل روحي يمكم موش الابخور احجزولي گبر يخواني الاحنان تلگو ام الخدر يخواني الاحنان ————- اگعدو المگبرة اتثگل حملكم شگو الحودكم واتلگو اهلكم انچفينة على الگبور اچفاية الماي كلمن راح لابنه و انه الكم اجيت اعله العطر يخواني الاحنان تلگو ام الخدر يخواني الاحنان —————— علي هادي الخزعلي

تــم نشــر قصائد للحسن ع https://t.me/abbasns5 انظم للقناة يصلك كل جديد

( عمت عينك يذباح ) * تعب جدمي بكثر ما دوريته لگيت حسين بس گاضي لگيته أطلعت عود ارد احشمه يطفي الخيام شفت حاله أستحيت و ما نخيته لا اني العرفته و لا عرفني نشدته ياهو انته و هم نشدني غاط بالدم و جزيته و ما عرفته ياهو انتي نشدني مضيع أخته يخويه حسين گلي هاذا انته شفته بدمه سابح بدت يمه النوايح عد الوادم تهون الصدگ عدنه الفواتح گتله تگوم وياي اني بعازت فياي حرگوها الخيم گوم يبن أمي يوفاي __ طلعت أركاض من الخدر للببر طريت الزلم الله و أكبر عطشانه و شدهني مصاب الحسين و من المستحه بممشاي أعثر طريت الزلم و الخيل و النار و تأشر عليه كبار و زغار نخيتك يا جفيل أختك يجيدوم حيهم يبو الحيهم مو محل نوم الگوم الگوم طبت للخيم گوم محد گام اليه هلي لحگو عليه مو حي الله و تهون عقيله و هاشميه شافتني الخلگ هاا حيهم يا هلي هناا وادم صاحت أم عون اه يحسين أويلاا ___ طلعت من الخيم طلعتي بهمه اريد حسين من ياخذني يمه صعدت التل عساني ما صعدته عمت عيني شفت سابح بدمه أشر بيده راد يگوم بس طاح طاح و فوگ صدره گعد ذباح شفت ذباح گاعد فوگ صدره عمت عيني طبر بالسيف نحره مو وحده و تفض ثنعش طبره كمش لحيته بيده بده يحز بوريده شفته و شيب الراس فرر عينه لعضيده عمت عينك يذباح عوف حسين يرتاح من كل كتر مصيوب شبعد شتريد مو طاح ___ حيهم لا أخوان و لا ولد عم حيهم نار وجت بالمخيم أحشمن بعد كل أهلي ميتين حيهم يا علي الحيد الملثم حيهم يا علي بتك بحيره بتك فاجده بالطف عشيره هاي النار هاي النار و الخيل ما خلت تره بزينبكم الحيل هسه تهون بس شلون بليل شلون اليل لو حل هنا زينب شتندل فوگ الضيم يحسين شفت جابو الهزل شفتهن هزل النوگ الذبحكم بيهن يسوگ طحت و اندارت الناس علينه عيون و حلوگ ____ موسى الحسناوي

بلكت الله يعود عــباس بـ سلامـه بلكت الله ومـااصيـر مـن اليتامـه بلكت الله وگلبي مايصدگ كلامـه 🔹🔹🔹🔹 آنــــه يـاعــالــم رقـــيـــه يل سمـعتـوا اونيني مـن اجيت امـن المديـنـه الفرح تارس عـينـي تـفــتـر طـيـور الـمـنــيــه هسه فـوگ سنينـي جروح عندي ومن اعدها هــواي وأتـأذيــنـي إي رقيـه أسمـي والهم كـلـه بيــه إي رقيـه الماي عــز روحــه عليـه إي رقيـه وليلي دافـني بــضلامـه 🔹🔹🔹🔹 عمتي زينب مـن تجيني ومـن تـقــبـل راسـي بـجـسمي تـتسلل الـونـه وچن تضيگ انفاسي چـني اشعـر بالمـصـيبـه ووكتي اصبح قاسي وسـط اهـلي آنه وأشعر اليـتـم بـ أحـساسـي مو يتيمه بـس عـبرتي چنها غـيمـه مو يتيمه لكن اشـعـر بـ الـهـضيـمـه مو يتيمه وحالي شو حال الحمامه 🔹🔹🔹🔹 آنــه طـفـلـه وچـني ورده بـس چثيره هـمومي واحـد مـن هـمومـي هـوه وغـيرالـي ارسـومـي گلبي ضامي وچـن احسه نـار حـدر هــدومــي گـال اجـيب الماي عـمـي وعاف گلبي يحومي بيه خوفه خاف اموت ومااشوفـه بيه خوفه الماي مايـوصل چفوفـه بيه خوفه عـگـبـه ليلـي مـا انـامـه 🔹🔹🔹🔹 من اصد العمتي زينب والابـويـه الغالـي چن تـضيج الدنيه بيـه وموتي يـتراوالي وآنـه اگـولـن يـارقــيـه شنـو غـير حـالي عگب كل عـزي ودلالي حيره تترس بالي ياظحكتي گبل فـوك خدودي چنتي ياظحكتي وبــمكانـج دمـعـه عـفـتي ياظحكتي عـالـوجـه مـاألـج عـلامـه 🔹🔹🔹🔹 مـو صـلاة الليـل گـالــوا أجــر بـيـها هــوايـه مـستـجابـه الدعـوه بيها وبيها حكمـه وغايـه عـمـه زينب راح اگومـن وافـرش امـصـلايـه وادعـي للباري بـصلاتـي يـرد راعــي الـرايـه ادعي ربي وارد اسولـف قهر گـلـبي ادعي ربي بـلكي يـترس نـور دربي ادعي ربي يـبدل همومـي أبتسامـه 🔹🔹🔹🔹 ضـاگـت الـوسـعــه عـلـيـه وروحـي مدري شـبيـها للـشــريـــعــه راح عـــمــي ومــو بــعــيـده ادريـها خـبـر واصـل آنـــه اشـكـن خــوفــي مــن تـالـيـها حچايـه عند حسين ابويـه ومــاگــدر يـحـچــيــها وجهه داره بـس شعـرت ابـأنكساره وجهه داره وشفت بعيونه الخساره وجهه داره واعرفت عمري وختامه 🔹🔹🔹🔹 للشاعر الحسيني علي القريشي …… .

#ليالي شهر محرم الحرام 1448 هّــ (ختام عزاء) النار وصلت للخيم وين الزلم واهل الشيم تفزعلي هسه بهل ضيم حيلي بمصايب منهدم وطاح شيال العلم وبحسين نبلات السهم رايحلي كافل يم نهر عباس وينك يا كمر ------------------- ولحيل ماكو ياهلي والله هضيمه ياولي زينب انه بتك علي وحدي بغرب وماكو لي وهلنار لينه تعتلي ولخيل مصليه صلي تقبله امشي ع جمر عباس وينك يا كمر ------------------- وبمخصر هذا الحچي صراخ بس خويه وبچي عليمن يخويه انه انتچي لو اتعب بنص المشي محتاره منه ومن كلشي عليكم يخويه ارد اجي وشكيلكم هم الصبر عباس وينك يا كمر ------------------- لكافلني ونطاني الوعد ميهمه كل هذا العدد وبيوم مابيهم رعد راح بغدر ذاك العمد وما باقلي هنانه سند التربان هاي التشهد كم مره مكسور الظهر عباس وينك يا كمر ------------------- فوگ القهر هذا البيه مسبيه باجر مسبيه الهضمتني ومنه ها هيه جروا ترجية رقيه كل الجره هذا عليه واكثر بعد صاير ليه نذكر بعد واكثر واكثر عباس وينك يا كمر ------------------- حيدر قاسم الخفاجي

قصيدة لسان حال السيده العليله ديار هاشم خاليات. وين بويه الليله ابات البارحه وياي البنات البارحه ذيچ تدعي وهاي تقره الفاتحه صبحت بس أنه شو ما رايحه عني كلهن رايحات وين بويه الليله ابات البارحه بحضني عبد واحجيله الليله ياهي تكمطه ياهي تشيله الليله بيت حسين خالي الليله يادموعي الطايحات وين بويه الليله ابات ردت اسير عود واسمع صوتهم وآل هاشم خاليات بيوتهم الليله سالفة العليله تفوتهم حلوه لمته الاخوات وين بويه الليله ابات البارحه اتكلي رقيه امشينه وأبو فاضل گاعد يتانينه الليله وحشه البيت ماهي سكينه الليله كلهن شايلات وين بويه الليله ابات الليله ادور عالمحنه ادواره الليله وحدي الليله اضل محتاره الليله بس الموت يرهم چاره الليله بالبر بايتات وين بويه الليله ابات ,,,,,,,,,,,,,,,,,,

ياحبيبي ياحسين ياحبيبي ياحسين ،،،،،،،،،،،،،،،،،،،،،،،،،،،،،،،،،،،،،،،،،،،،،،، هـــــــذا محرم اجاك ياكلبي مـــوت بهواك خلي المصيبــه عليك والدنـــــيا خلها وراك ،، ياگلبي باچر محبوبي حاير حـدر الحوافر ،،يطيح الحافر يوجعه يكسرله ضلعه محد يسمعه ،،يصيح عطشان ارحمـــو بالعطشان تعبان ارحمــــــــــو بالتعبان لخيامي ارجعو لاترحــــون بخيامي ماضل بس نسوان ،،،،،،،،،،،،،،،،،،،،،،،،،،،،،،،،،،،،،، هبـــــت رياح الخيام وشتـد يگلبي الضلام يعنـي بنـات الرســول لا مــن عشيره وعمام ،، بالهيمه فرن بلا خيمه ضلن  لياديره يرحن ،،جواب مذبوح ابوهن وليه ولوهن گــــوه سبوهن ،،عذاب ياگلبي نوح وكثـــــر النوح وبچي يگلبي اعله المذبوح باچر عطاشـــه الكل تموت وفوگ الهزيله الحره تروح ،،،،،،،،،،،،،،،،،،،،،،،،،،،،،،،،،،،،، باچـــر يگلبي الحبيب عالغبره والخــد تريب يبقئ وحيــد الحسين لاناصـر ولا مجيــــب ،، للخيمه عينه محــــد يعينه  روحـه الحنينه ،،تروح يتبده دمـه بس غربـــــــه يمه تبدي تلچمه ،،الجروح انطانــــه كلشي ومامنطيه عود انعم الله نبچي اعليه بس بسوالف شمسويـــــن يوميـــه نگعــــد نلچم بي ،،،،،،،،،،،،،،،،،،،،،،،،،،،،،،،،،،،،،،،،،، اعلن يگلبــي الحـــــداد وياروحي البسي السواد باچـــــــر خيام الحسين ياگلبي تصبــــــــح رماد ،، تضل اليتامه ادور السلامه ومامش سلامه ،،حرام ياگلبي خنگه الشبعانه حرگه كـل همها تلگه ،،خيام بالهيمه باچــــر علويات شبعانه ضيــم وتعبانات بالهيمه باچـر وين تروح الرجليها ترفه ومحترگات ،،،،،،،،،،،،،،،،،،،،،،،،،،،،،،،،،،،،،،،، مصطفئ الصالحي ،،، شور استقبال محرم

( طور يرايه ليش لوحدچ ) ضلت وحيده بلا ولي زينب غريبه بنينوى ~~~~~ زلم الكلايف مادرت زينب تعاينها الغرب يهل المجالس والبخت وين العشاير والعرب تنادي الهواشم للفزع تبجي ومدامعها تصب تمشي تعثر بالجثث ينزف دماها اعله الترب اهل الحرايب والعدم وين الينومس بالحرب شاخ بيها الماله راي هاي اخت حسين هاي ~~~~~ وين اليوث الموزمه الخيل طبت للخيم فرت بناتج فاطمه يمه استحن من الزلم ناس بحقدها محزمه ماعدها غيره ولاشيم الكافل يعاين عملتي لوعينه غاطيها السهم وجفوفه اضنها مكطعه جيش العميد بلا علم ظني راح يجيب ماي هاي اخت حسين هاي ~~~ زلم الهواشم عالثره وين اليهد لصيحتي حافر يدوس اعله الصدر والجسم ذابل هيبتي ضاعت رسومه من السحگ تكسر الخاطر يخوتي عينه اعله اخيته شابحه ويگلي ردي لعيلتي يالزهره حضري لكربله يمه ثچيله مصيبتي مات ياعشرة صباي هاي اخت حسين هاي ~~~~~ لشام النفاق بهل درب امشي على ضهور الهزل ياسوگ اطبنه النذبح نسوه ويرافجها النذل خدر العقيله ينكشف ماهي بكرامه ولاعدل نمشي بسياط وننشتم وياي انشمل حتى الطفل طاحت رقيه من الهظم سكنه مدامعها تهل والنذل يصرخ وراي هاي اخت حسين هاي ~~~~~~ نمنه بخرابه اعله الرمل وآني الأميره ام الخدر ضلمه صباحي بلاشمس وليلي وحشه بلا بدر مجلس يزيد الخاتمه طبينه دار المو بشر ناحت رقيه ذكرتك لسان المنافق ليها امر جاب لعزيزتكم طشت ماتت يخويه من القهر روسكم هيبه لحماي هاي اخت حسين هاي ~~~~~ الشاعرالحسيني / زهيرقاسم الغليمي

واطلعت مشدوه بالي ساعه اعثر ساعه اكوم جيتك بدمعة عيالي مو وكت يبن امي نوم حسين ضلمه وكلي شو بالضلمه شلكه ابني من اعثرت بي راداني اشبكه كلي يا يمه جروحي هواي صارن وكال شيليني تره انه امه حكه كتله بهضم كتله خالك عذباني بطيحته ونومه اخيامي طاحت اخيامي والاكثر هضمني سلبو هدومه ____ بليل اتعنه لخوتي وارد امد شليل همي بسكته بس ما طلعه صوتي خاف لا تلفيني امي خايفه الزهره تجيني بهذا وضعي شرد اكلها من تناشدني اعله دمعي؟ شلون اكلها اوليدج ينام بصحاري ! وانه اعداءه يكلولي اطلعي ! بالبر امشي واتعثر ارد الم ايتام لو الحك اخوتي؟ حيره وشحت الغيره هاي اول مره يطلع يهلي صوتي ___ بين الخيام وحنانك هالدرب كلش طويل امشي اريد اوصل مجانك هالجدم صاير عليل كوه انكل جدمي من خطوه للاخره شلون اصدك عالصدر خياله عشره والتعثره احجاره سهله يكوم منها شلون وانه عالترابه اخواني عثره كوه اطلعت كوه جاباني حنيني وعشرة سنينك خويه صحت خويه شينسيني خويه بيني ما بينك ____ خويه وعيونك حياتي اتحولت اه وجحيم اتشتت كل امنياتي وودعت خدري العظيم شلون عفتك عالدرب معقوله اعوفك خويه من فوك الرمح مدلي جفوفك والله من كد ما اعزك ياحبيبي وانه فوك الهزّل بصفي اشوفك كلبي انكسر كلبي يبعد اختك تره اختك سبي راحت خدري انهب خدري وبطيحة الرايه دمعتي طاحت ___ مادريت شصار بيه احجي لو اجرح عيونك صاحو بوجهي سبيه وطلعوا خويه ضعونك انه اريد اسئل العدهم موته قبلي هم تركتو الميت اعله الكاع مثلي؟ انه عفت اهلي على ارمال الوطيه والحده بضعني تره كتال اهلي شايل حبل شايل زحمه انمد ادينه ياهو اليشدهن الهزله عاليه الهزله شيصعد الفواطم حيل ماعدهن ____ علي رضا المحمداوي

يمولاي اليحب ما يحمل فراك تعال وارحم المن زغره مشتاك كلش جبيرة الفركه يا ماي ياهو البعد يرويني بضماي ___ خيم وبروحي محتركه يمهدي وتكتل الفركه      اريدن منك النظرة ولو طيف وتمر بية دعاء  الندبة  ليلية         احطه أكبالي واقرة انته   الامان  الما وصل  واحد  امانك  مره انته اليحبك ينذبح من كلبة مو من نحره حاجيني مو مال انتظر وعيوني صارت حمره أدري اليتاني مو عمر أدري اليتاني فتره عليك جروح زينب باوع الحال هظم روحي يفطر حتى الجبال عطشان اشوف بوجهك الماي ياهو البعد يرويني بضماي __ يبعد عيوني يا كلشي وكع وي الدمع رمشي     كسر وبكلبي كاسرني عميت وما اشوف آنه ضعت وجدامي تعبانه   وسط صحره البعد ذبني بس اعلمودك صفنتي وهذا الوجع والحركه والعايش احساس البعد ينسى يعيش الضحكه دليني وين انطي النظر شو ما اشوف الملكه هذا اليحب يا سيدي يكضيها خنكه ب خنكه على جفوفي اثر من اللطم صار اثاري العاشك يضل عمره محتار فاكد حبيبه الفاكد الراي ياهو البعد يرويني بضماي __ بشر وإمعاشر جروحه تضل المن بعد روحه؟    يمهدي وتدري احوالي سواد ذنوبي عاميني مسافه ابينك وبيني     واخسرك اول وتالي كلبك جبير واعتذر عن كل ذنب سويته ما أستحق بس العفو من يمك احتاجيته هوه اليعوفك ينهدم مهما جبير ابصيته غايب صدك .بس الصدك دومك تضل ابيته ركضت اعلى السراب وما درت عين جنت وين وصرت يا سيدي وين؟ طبع الغدر مو طبعي وفاي ياهو البعد يرويني بضماي _ بدونك حتى ما اسوه صفيت اعله النفس كوه   نحيل ونسمه تدفعني وادور بلكي لن عينك يبو صالح صحت وينك    ضياع الغربة ضيعني كل جمعة ينعاد الجرح وارجع واعيش الآمي والغربه تاخذني شكثر حدما تتعب اجدامي اخذ اليحب يم الجرف يرجع يكلك ضامي هيج آنه وفراكك اخذ من عيني حتى احلامي اعيش الوحشه كل ما مرني الغروب واضل اعلة البجي يا مهدي جندوب؟ من البجي ما تبقى عيناي ياهو البعد يرويني بضماي ___ اسالك رايد إخبارك صدك ما تنطفي نارك؟    بخيالك شايل العاشر تشوف حسينك الضامي بقى فوك رمل دامي    ويسحكه بكربلة الحافر تبقى اعلة بالك كربلة وذاك الحبيب ونحره وعماتك الطاحن عطش من الركض بالصحره يالكاضي ليلك بس سهر تبقى الفجر منتظره ياهو الوصل حزنك بعد حزنك يمهدي شكبره بخيالك زينب الطاحت على الكاع تكوم  وتعثر  ومجوية  كل  ساع حزنك جبير وهمك اهواي ياهو البعد يرويني بضماي ____ طلال حسن الشريفي

ليلة العاشر هايخيل شبيج وخري حسين نايم عله التراب لاتسحگين أعله صدره بينت جايه الرباب فاجعة عبدالله لسه مگطعه نياط الگلب كلشي ضلمه بعيني صاير كمت اشوفن بس سراب فوگ صدره يوادم شفتها الخيل شلون اوخرنه اخيي وچلچل الليل وانا حرمه وجبيره وماكو كل حيل ////////////////////////////// شرد اسولف علمصايب فتتن لب الگلب الحافر بعيني انه شفته بلصدر لمن يطب ياال هاشم مادريتو والوصلكم شي قليل مطشر أعله الگاع كلها تارس حسين الدرب خلصو بساع اهلنه خلصو بساع كلها موته اخوتي وماكو فزاع دم اهلنه يوادم تارس الگاع //////////////////////// فرن النسوان بلبر حافي داسن علجمر گبال عيني وشفته يگطع رگبت حسين الشمر ماگدرت اوصل يخويه جثث متروس الدرب كون ميته ولاشفتكم هوه خلصان العمر كون ميته ولاشفته انه مذبوح هدم ماكو أعله اخيي بس الجروح شلون بيه يوادم طلعت الروح /////////////////////////! // گوم يمدلل خواتك ركضن گبال الزلمَ شلون ترضاها يخويه المثل زينب تنشتم والله وسفه ياال هاشم حاضن التربان اخوي بحقد داسنه الحوافر گولو ياوادم شلم منين اندار اشوفن وذره لحسين جروح اخيي يوادم عبرن الفين ال هاشم كضو من عميه هل عين ///////////////////////////// امجد عداي الزيدي

بيك شگد نخيت بحرگة اخيامي مـاشـفتك وشفت الشمر گدامي بيك شگد نخيت بحرگة. خيامي ❁ 💔 ❁ 💔 ❁ 💔 ❁ 💔 ❁ ضليت التفت والعـــــــين مرعوبة بيك شگد نخيت مـــــــن عگبك عليه الدنيا مگلوبة بيك شگد نخيت مــــن شفت البواتر كلهه منصوبة بيك شگد نخيت يلكافل أخــــــيتك هسه مضروبة وانـته ولا سـمـعـت نــوح لالامي بيك شگد نخيت بحرگة اخيامي ❁ 💔 ❁ 💔 ❁ 💔 ❁ 💔 ❁ جتفوني يخوي وعـــيني هماله بيك شگد نخيت گلت بعده الكفلني حاطني باله بيك شگد نخيت تعال الحگ لخوك أرعبوا عياله بيك شگد نخيت شفته منن ذبح ويوصي بطفاله ونـيران المـخيم يجـونً اجدامي بيك شگد نخيت بحرگة اخيامي ❁ 💔 ❁ 💔 ❁ 💔 ❁ 💔 ❁ تقبل خويه غيرك يحدي بضعوني بيك شگد نخيت وهظمني الشمر من گلهم يضربوني بيك شگد نخيت جنــت مــــدلله وهساع يسبوني بيك شگد نخيت شــيــفيد الـدمع لو صبته عيوني بيك شگد نخيت وضـل ليل المأسي يگود بحلامي بيك شگد نخيت بحرگة اخيامي ❁ 💔 ❁ 💔 ❁ 💔 ❁ 💔 ❁ بــيدك ركبـتني بصـعدت الناگه بيك شگد نخيت مــن گتلك المثلك يوجع افراگه بيك شگد نخيت عفـت دلال زيـنب ذايبه اشواگه بيك شگد نخيت ومـاشــوفـك وي الشـمر أتلاگه بيك شگد نخيت أرجع خويه لي ولحسينك الضامي بيك شگد نخيت بحرگة اخيامي ❁ 💔 ❁ 💔 ❁ 💔 ❁ 💔 ❁ خوية انه الهظمني الگال مسبية بيك شگد نخيت نفـسه لحرگ بــيتي جتف أرقية بيك شگد نخيت درب الــشام نار أســحگه رجلية بيك شگد نخيت جـنت مـدلله وهــم بيك محمية بيك شگد نخيت ومن گلالي عينه أنطفت بسهامي بيك شگد نخيت بحرگة اخيامي ❁ 💔 ❁ 💔 ❁ 💔 ❁ 💔 ❁ الشاعر محمد البنداوي