إمتحانات أحياء

بشرونا بنتائجكم عالبوت @QzCom_bot

السلام عليكم طلاب السادس 💕 شلونكم دورة ادب واسلامية وحفظيات انكليزي تتضمن متابعة وتصحيح والتزام تبدأ تاريخ 7/20 والاتصال بولي الامر في حال عدم الالتزام بالامتحانات نمط الاسئلة يكون وزاري بسعر رمزي وتتضمن طلاب الدور الثاني وطلاب السنة الجديدة للتواصل…

بنية مسويه دورة اذا تفيد احد بيكم 🤍 الدورة غير تابعة لنا

السلام عليكم طلاب السادس 💕 شلونكم دورة ادب واسلامية وحفظيات انكليزي تتضمن متابعة وتصحيح والتزام تبدأ تاريخ 7/20 والاتصال بولي الامر في حال عدم الالتزام بالامتحانات نمط الاسئلة يكون وزاري بسعر رمزي وتتضمن طلاب الدور الثاني وطلاب السنة الجديدة للتواصل :nx10j

شنهو حكم الصيام؟

يعني اللي يبدي ٤/١ عنده بالضبط ٧٥ يوم قبل الامتحانات للمراجعة مو كلش فرق عن دفعتنا بس هم كلش زين

٦/١٤ عمي الله ربكم انتوا😂😂

بالنسبة للعطل عيد الغدير و1 محرم عطل بس يبقى شوكت تصادف بالجدول بالضبط غير معروف يعني عيد الغدير ممكن يصادف 6/14 يعني اول يوم ف يمكن عطلة الخلاصة انه اكو عطلتين بس انتوا لتركزون بموضوع العطلة لأن يجوز يتشتت تفكيركم

السلام عليكم هذا جدول الامتحانات الوزارية تعليقاتنا عالجدول ؟ جدول يعتبر جيد نسبيا مقارنة بالعام الماضي وقت الامتحانات جيد هسة اكيد انتوا من تم نشر الجدول راح تتوترون وتحسون السالفة صارت صدگ 😂 بس هذا شي طبيعي ولتفكرون هواي بالجدول ابقوا على نفس خطتكم ونفس دراستكم وان شاء الله ميضيع تعبكم

السلام عليكم… الي دازلنا رسالة وما رادين عليه يتأكد لأن اكو رسائل من نرد عليها يطلع الشخص مسوي بلوك للبوت بلا ما يعرف ف ميوصله الرد

طلاب السادس قريباً:

الخوف والتفكير بشكل عام شي طبيعي ويفيدك بأن يخليك أكثر حَذَراً شوكت يصير مو طبيعي؟ من يبدي يأثر على انتاجك الدراسي ك طالب سادس زين شنو الحل؟شلون ما أفكر؟ شلون ما أخاف؟ اول شي انت لازم تعرف كلش زين انه بس وصولك لهاي المرحلة يعني انت من ضمن الأقلية الي عبرت معظم صعوبات السادس واستمرت لأن اكو طلاب كلش هواي فوگ ما تتصورون من هسة ومن قبل اشهر قرروا يعيدون هاهية لعدة اسباب منطقية وغير منطقية ف بمجرد وصولك لفترة المراجعة هذا أمر كلش زين واعرف كلش زين انو اللي راح هو الهواي وما باقي إلا القليل ف شنو فرق هذا القليل عن اللي راح؟ أكيد ماكو فرق انت ما بيدك غير انه تقره وأكيد الدعاء. صدگني بقاعة الامتحان راح يفيدك التوفيق اكثر مما تفيدك قرايتك ف لتستهين بالجوانب النفسية وبالعلاقة مع رب العالمين لأن سواء انت سادس أو مو سادس ف راح تلاحظ صعوبة چبيرة بدون الأيمان بوجود إله يدبر إلك كل أمورك ويرتبها وأنت غافل. والله سبحانه وتعالى بالقرآن ذكر آية عظيمة تلخص كلشي: (لَا يُكَلِّفُ اللَّهُ نَفْسًا إِلَّا وُسْعَهَا ) وأنت شنو وسعك؟ القراية بس، ف اذا اقتنعت بهذا الشي راح يكون الخوف عندك مجرد شي اضافي تافه يضرك اكثر مما يفيدك. بالتوفيق للجميع وأعتذر طولت عليكم

لا مو هاهية اكو بعد شي

وهاهية

تبقى آخر شغلة واللي هي الوزاريات واكيد ماكو اثنين يختلفون بأهميتهه أقروا وزاريات لكل المواد شگد ما تگدرون وعلى الأقل مالت أخر ٥ سنوات يعني من ٢٠١٩ لحد ٢٠٢٤ على الأقل وهم ممكن تحلون من تخلصون مراجعة كل مادة نسخة وزارية كاملة حتى تعيشون جو الإمتحان ولو بنسبة قليلة

هسة نجي للمصادر إحنا نگللكم ١)مصدركم لا تغيروه ،لاتغيرون مصدركم (الموضوع بيه هواي سلبيات اذا انت چنت معتمد على فد ملزمة كتاب مدري شنو لا تغيره هسة ،حالياً وقت تضبيط للمادة مو ترجع تغير المصدر وتبدي من جديد ديربالك ديربالك ديربالك تغير مصدرك) زين اذا اكتشفت مصدري بيه نقص فد تعريف اثنين عشرة ؟ عادي تگدر تضيفهم للمصدر بس اهم شي لا تغيره يعني انت معتمد على ملزمة ولكيت بيهه نقص عادي ضيف هذا النقص بس لا تغير المصدر كله ٢)إثرائيات لا تقرون ولا تضيعون ثانية من وقتكم عليهن أبد أبد أبد إلا اللهم المتسعة وهم مو اثرائيات مجرد اسئلة تتغير بيها المطاليب وهم اي واحد ما قاري عدا اسئلة الكتاب والوزاريات يگدر يجاوبه(اني ما قاري حرف اثرائي وجاوبت السؤال الي جابوه النه لأن چان بسيط وچذبوا عليكم من گلولگم صعب) ممكن هواي تسمعون حچي يجيبون اثرائيات بالرياضيات وهاي هم چذب ،أي شي خارجي ميجيبون ،أقوه فكرة عندهم هي الربط ببين موضوعين وكلنا متفقين انو اسئلة الربط الي يجيبوهه اسهل حتى من الأسئلة العادية مجرد ممكن يكون الحل مطول

شلون يصير جدولي اليومي (گعدتي ونومتي)بفترة المراجعة؟ هسة خلونا نتفق على انه نومة الليل افضل من السهر والنوم بالنهار عند الاغلبية واكدر اجيب الف آية وحديث ودراسة تأكد هذا الشي بس إحنا مو بصدد هذا الموضوع لذلك راح اگللكم بإختصار: ((إقره بالوقت الي تحس بيه قرايتك أحسن)) هسة سواء چان هذا الوقت الفجر الصبح المغرب معلينا أهم شي انت تكون مرتاح وأكيد أكيد أكيد لازم تاخذ فترة كافية من النوم بس يعني مو ياخذك الواهس وتجرهه ١٢ ساعة نوم عود شوفوني المراجعة تعبتني😂😂 زين هسة اكو فد شغلة منتشرة هم، (بس اللي يقره الصبح يجيب معدل) اني اتفق قراية الصبح افضل بهواي من غير وقت وخصوصاً بالحفظ بس لا مو شرط واني اول واحد چنت ابقى للفجر اقره (هذا الشي اكيد مو صحيح بس مو شرط اللي يبقى للفجر ميجيب معدل)

أخلي استراحات ببين المواد لو لا؟ تقريباً كل طلاب السادس المتخرجين يتفقون انه فترة المراجعة طويلة وتحتاج تاخذ بريك عن الدراسة لأن بالأخير أنت انسان مو روبوت هسة إحنا دفعتنا چانت تختلف ومراجعتنا گوه گوه لزگناها ويادوب كملنا المادة ف طبيعي ما گدرنا ناخذ ريست كافي ببين المواد بس انتوا الحمدلله وضعكم نوعاً ما افضل من ناحية المدرسين عرفوا هالسنة ماكو حذوفات والمفروض تأقلموا ويه الوضع وما أخروكم مثلنا . هسة فرضاً انت اليوم اجيت تخلي جدول المراجعة مالتك وقسمت المواد وشفت اكو عندك چم يوم فد يومين او ٣ فراغ زايدات (هاي بغض النظر عن عدد المراجعات يعني هاي ورة ما كملت جدولك بشكل كامل سواء مراجعة وحدة او عشرة)هنا انت راح تخلي هاي الايام ببين مادتين صعبة او ما شابه (حسب جدولك) بس خلي ابشرك من هسة انت راح تسخت وتخلي جزء من المادة بيهن وتضيع عليك الاستراحة ف بهاي النقطة انت تحتاج انضباط عالي جداً حتى تكمل المادة بايامهه المفروضة وتستراح بهذا اليوم الي انت محدده. بالأخير،تكدر تسوي جدول بلا استراحات ؟ اي كلش طبيعي واني عن نفسي بالمراجعة ما چان عندي استراحة يوم كامل يادوب لحگت اكمل المادة

أراجع مرة وحدة لو أكثر؟ شوفوا القاعدة الثابتة هي المراجعة الوحدة كافية جداً اذا چانت صحيحة وهواي طلاب كلش هواي مراجعة وحدة وكلش عادي جابوا معدلات عالية. بالنسبة للمراجعة الثانية ف هي صراحةً سلاح ذو حدين، أكيد هي بيها فائدة كلش چبيرة باعتبار راح تراجع جزء او كل المادة مرة ثانية وغالباً راح تكون قريبة على فترة الامتحانات وهذا الشي راح يساعدك بالاستذكار للمعلومات، بسسسس ديربالك الف مرة انو تتهاون بالمراجعة الاولى وتعوف شغلات وإن كانت بسيطة بإعتبار انت عندك مراجعة ثانية، اذا سويت هيچ ف انت تكون ضيعت كل تعبك واني من الناس تهاونت بچم شغلة وان كانت بسيطة وگلت اعوضهن بالمراجعة الثانية تاليها ما لحگت وظلت كابوس الي لحد قاعة الامتحان من استلمت الاسئلة وشفت جزء منهن قابل للترك وجزء منهن ما جاي بالاسئلة، هاي صراحةً مراهنة ومقامرة على حساب درجاتك ومعدلك اني غلطت هاي الغلطة والحمدلله ما تضررت هواي بس متأكد غيري سواهه وتضرر وقل معدله هواي بسبب هاي السالفة.