قصائد باسم الكربلائي

كربلاء لاتهجعي كربلا لا تهجعي ها هنا وابكي معي ها هنا أقتلُ صبراً بسيوف الالـمِ 🔹🔹🔹🔹🔹 صرخت زينبٌ بنت خير الورى يا صريعاً بقى فوق وجه الثرى ساجداً جـرحه والابا كبرا ودم المصطفى دمه اذ جرى اعين الخيل بكت , صدره حين اعتلت هل درت قد سحقت صدر الكتاب المحكمِ 🔹🔹🔹🔹🔹 سار في ضعنه قاصداً كربلا والسما عرشها فوقه ضللا معه فتيةٌ هم نجوم العلا كل نجم صفى للابا منهلا بنفوس زاكية , للمعالي ماضية قدموها في الوغى قربان فخر الاممِ 🔹🔹🔹🔹🔹 هاهنا الاكبر جسمه قطعا وهنا القاسم عانق المصرعا والضما منهما مهجةً صدعا فاطمٌ قلبها لهما قد سعى وفـؤاد المصطفى , لهما قد نزفا وتدلى اللوح يبكي بعيون القلم 🔹🔹🔹🔹🔹 وعلى العلقمي طودنا قد هوى وعلى كفه راح يبكي اللوا ظاميءٌ والثرى من دماه ارتوى كل ماء السما جوده قد حوى وابو الفضل ابا , قلبه ان يشربا وقلوب تتلظى عطشا في الخيمِ 🔹🔹🔹🔹🔹 والرضيع اكتسى حلةً من دم والسما فوقه نجمها يرتمي فبكته دماً اعين الانجمِ غار في نحره الأم الاسهمِ وحسينٌ قد رمى , دمه نحو السما وعليه سجد العرش وصلى بالدمِ 🔹🔹🔹🔹🔹 بخيامي العدا نارهم اوقدوا وبصدر الهدى سيفهم اغمدوا ويتامى لنا بالفلا شردوا بحبال السبا معصمي قيدوا شمرهم سار بنا , ممعناً في سبنا وعليلٌ معنا سار بقيد السقمِ الشاعر مهدي جناح الكاظمي https://t.me/joinchat/AAAAAFR1edBva4n0mGWz0Q

الموت ارتبك ماكو ريبة و ماكو شك صعبة والموت ارتبك هذا ملك الموت حاير بين الأمرين بين أمر رب الجلالة و موت أبوحسين صعبة صعبة والله صعبة 📌📌📌📌📌 العلي اشتاگ لعلي هاي المسية وشتياگ المصطفى و بنته الزچية ودا ملچ الموت يم حامي الحمية يقبض الروح الطهورة و النقية والملك ظل يستعد يوصل لباب و يرد كرر الحالة و يحاول مرة مرتين بين أمر رب الجلالة و موت أبوحسين صعبة صعبة 📌📌📌📌📌 ها يا ملچ الموت أخرت المهمة گال له ارحمني يلاهي إنته رحمة ربي شفت حسين گاعد يبچي يمه و انا شفت المرتضى لصدره يضمه گلبي حتمن ينكسر واني گاعد انتظر كسر جناحي الونين و دمعة العين بين أمر رب الجلالة و موت أبوحسين صعبة صعبة 📌📌📌📌📌 يا إلهي روح حيدر ما خذتها والسبب أم الخدر تلطم شفتها إستحيت و درت وجهي و أجلتها من بچت زينب بچيت و گابلتها ربي أخرني الخجل من دمع زينب نزل أني محتار بأمرها و أمر الإثنين بين أمر رب الجلالة و موت أبوحسين صعبة صعبة 📌📌📌📌📌 وصى حيدر و الهواشم ثبتوها يا بني هاشم وصيتي تذكروها هذه زينب سلمتها بيد أخوها يالله يا عباس إخذها من أبوها ها يا عباس شگلت گله يا بويا كفلت والله وعيونك لجلها أفدي چفين بين أمر رب الجلالة و موت أبوحسين صعبة صعبة 📌📌📌📌📌 آه يزينب دمعتچ تكسر لي ضهري والله يا بويا بمحبتچ الله يدري هذا عزرائيل إجا و متاني أمري والزچية تنتظر هسة على گبري بويا يا زينب ثقة بالطفوف الملتقى من يسلبونچ اذكرچ هالوعد وين بين أمر رب الجلالة و موت أبوحسين صعبة صعبة 📌📌📌📌📌 نلتقي يوم ١١ وانتي سبية من تناديني يبويا لحگ عليه بويا انا بيا وكت مچتوفة ديه والشمر ناداني ها يالهاشمية بينچ و بين الشمر أني أوگف لچ ستر هذا مو هسه يبنتي يجري بعدين بين أمر رب الجلالة و موت أبوحسين صعبة صعبة 📌📌📌📌📌 لا تخافين الشمر انتي و خواتچ والله ما يگدر يمس خيط بعباتچ روحي يم عباس وشكي نايباتچ ميت و ظل مستحي و يطلب رضاتچ لا تراوينه المتن ينجرح يأم الحزن جرح أبوالغيرة يزينب يعني جرحين بين أمر رب الجلالة و موت أبوحسين صعبة صعبة 📌📌📌📌📌 من يطيح حسين ميمونه يفزعچ روحي يمه والشمر أدري يدفعچ أنا گبلچ أحضر المصرع و سمعچ ديري وجهچ بويا لا ينشاف دمعچ حاولي سد النظر من يگطعون النحر من گفاه يذبحه ونتي بولية البين بين أمر رب الجلالة و موت أبوحسين صعبة صعبة الشاعر السيد عبد الخالق المحنه https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

يتامى يا علي يتامه ياعلي باجر يتامه إذا ترحل على الدنيا السلامه يوالينه .. تخلينه .. جرح بينه 🔹🔹🔹🔹🔹 قـمر ينزف دمه و يهتف فزت بيها الصلاة رادت جرح راسك يصليها شـفت رمـشك بده يرسم مآسيها بني هاشم بديت أسمع بواجيها إجـت زيـنـب يـبـو زينب دحاجيها تقلك يا علي عد من تخليها عسانـي لاشـفـت يـومـك عساني يحيدر يفرح الفقدك زماني يأذينه .. تخلينه .. جرح بينه 🔹🔹🔹🔹🔹 إجت يمك جرح دامي تون سكته تقلك هاك إخذ روحي و تظل إنته صـعـب يومك ولا بحسابي حاسبته نده وينك يبو فاضل عهد ردته حـجي عندي يبو الغيره و إجه وكته لزم إيده و يخليها إعله إيد إخته أمانه زيـنـب بـإيـدك أمـانـه يـظل عند يبو فاضل لوانه توافينـه .. تخلينه .. جرح بينه 🔹🔹🔹🔹🔹 عـهـد مـنـي لـخليها أنا إبعيني يبو الحمله وأبد ماعوفن احسيني يـزيـنـب كـل ألـم عـندج يأذيني تره اليسره إلج فدوه فده إيميني يـزيـنـب والـوعد بالطف تشوفيني و إذا عالمشرعه أوقع تعذريني عليـه إوداعـتج خدرج عـلـيه و إعذريني إذا توقع إيديه تشوفينه .. تخلينه .. جرح بينه 🔹🔹🔹🔹🔹 بجه إبحسره ونظر نظره لبو الأكبر شبح عينه و بده يعاين عله المنحر إلـك بـالطف يضي عيني جرح أكبر أشد من هامتي يبني و بعد أكثر تظل وحدك و لا من هاشم اليحضر رغم جرحك تظل عينك عله الخدر أنـظرك لو طـحـت ضـامي أنظرك يبويه آنه و الزهره نحضرك تبجينه .. تخلينه .. جرح بينه 🔹🔹🔹🔹🔹 بده إيـطـيل النظر وأحبابه متجمعه أبو الأكبر إجه يمه و يهل دمعه سـمـع زيـنـب تـنادي يمه يالبضعه يجاوبها الحسن ونه و حنه ضلعه وإبـو فـاضـل لزم زينب إجه إيودعه عسنك لا فجر باجر بلا طلعه مصيـبه يـاعـلي فقدك مصيبه تموت إنت يبو الحمله عجيبه يحادينه .. تخلينه .. جرح بينه 🔹🔹🔹🔹🔹 يظـل أظلم بعد ياوسفه محرابك تظل سوح الحرب عطشانه لحرابك يـبو الرحمه تعال إنظر على بابك إلك أيتام إجت تسأل عله إصوابك حـبيب إنت تعال وشاهد أحبابك و لا غيرك يصبرهم على إغيابك يبونـه لا تـفارقـنـه يبونـه يتاماك وتره الوادم نسونه يحامينه .. تخلينه .. جرح بينه 🔹🔹🔹🔹🔹 بعد عينك يظل منهو اليمر بينه يناشدنه و يصبرنه و يواسينه إذا جـار الزمن بويه وقسه إعلينه نروح إلمن يحيدرنه دحاجينه نحلفك يا علي إبجمرة بواجينه يبويه إوياك إخذنه ولا تخلينه .. تخلينه .. جرح بينه الشاعر سيد عبدالخالق المحنة https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

عاشر محرم هالليلة عاشر محرم هالليله عاشر محرم هالليله ‌▪️⁩‌▪️⁩‌▪️⁩‌▪️ ليلة وداع العايله آخر مسيه إبكربله عاشر محرم هالليلة ‌▪️⁩‌▪️⁩‌▪️⁩‌▪️ أم و إبن إخت و إخو و إتوادعو إبن و أبو عاشر محرم هالليله ‌▪️⁩‌▪️⁩‌▪️⁩‌▪️ رمله إويه جاسم هالمسه مركب مصايبهن رسه عاشر محرم هالليله ‌▪️⁩‌▪️⁩‌▪️⁩‌▪️ ليله و إبنها إتودعه يهمل دمعها المدمعه عاشر محرم هالليله ‌▪️⁩‌▪️⁩‌▪️⁩‌▪️ ما بين الحسين و قمر هالليله يقضوها سهر عاشر محرم هالليله ‌▪️⁩‌▪️⁩‌▪️⁩‌▪️ وأم الطفل هم حايره تنظر طفله و منحره عاشر محرم هالليله ‌▪️⁩‌▪️⁩‌▪️⁩‌▪️ سكنه ورقيه إبيا وضع قعدن سوه و يجري الدمع عاشر محرم هالليله ‌▪️⁩‌▪️⁩‌▪️⁩‌▪️ باجر إذا فجره طلع و العسكر إعليهن فزع عاشر محرم هالليله ‌▪️⁩‌▪️⁩‌▪️⁩‌▪️ طولي يا ليله إويه الأهل لو رحتي ما يبقه أمل عاشر محرم هالليله ‌▪️⁩‌▪️⁩‌▪️⁩‌▪️ زينب لخوها إتناشده منهو اليرد هاي العده عاشر محرم هالليله ‌▪️⁩‌▪️⁩‌▪️⁩‌▪️ علمها كل شي اللي يمر قال إلها يازينب صبر عاشر محرم هالليله ‌▪️⁩‌▪️⁩‌▪️⁩‌▪️ حاجاها و إيهل ناظره و إسكينه كسرت خاطره عاشر محرم هالليله ‌▪️⁩‌▪️⁩‌▪️⁩‌▪️ إسكينه خويه إتألمت صبريها باجر لو بجت عاشر محرم هالليله ‌▪️⁩‌▪️⁩‌▪️⁩‌▪️ و إرقيه فرقاها صعب شوفتها تكسر كل قلب عاشر محرم هالليله ‌ للشاعر السيد عبدالخالق المحنه https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

الوداع ياحبيبي حسين الوداع الوداع يا حبيبي حسين 🔹🔹🔹🔹🔹 ليل الموادع اريده كون ما يطلع صباحه هي بس هالليله عندي باجر يجينه بجراحه أرد اودعكم ياخويه براحه واعرف ماكو راحه خلي املي عيني بيكم والصبح صبح المناحه 🔹🔹🔹🔹🔹 عيني ما ترمش عسنها ادري هالليله قصيره راسك إلبيه نور الله على الرمح باچر مصيره صدرك إلبيه دمعة أمي ينفرش باجر حصيره ثغرك الكله ابتسامه ينچوي بحر الظهيره 🔹🔹🔹🔹🔹 ويلي يابن امي دخيلك بالله هالخاتم انزعه خنصرك خالي اريده بلكي ما واحد يقطعه جسمك تنثره الحوافر خويه مدري شلون اجمعه بالله خويه انطيني نحرك خل اشمه خل اودعه 🔹🔹🔹🔹🔹 عينك بعيني دخلها ولا تباوع بس الييَ اعرف شرايد توصي لا توصيني برقية باجر بيا حال اشوفك قلي لا تخفي علييَ من يحز الشمر نحرك هم تجي امنا الزجية 🔹🔹🔹🔹🔹 شفنا عبدالله لوداعك يرفض وهذه عجيبة هالطفل يرفض يودعك ما قبل يمك نجيبه تحيرت يا خويه واشعر هالطفل يحمل مصيبه اعتقد عالنهر قبلك ينتهي ويقطع نحيبه الشاعر السيد عبد الخالق المحنه https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

قصيدة كوم ارويها وفاة ام البنين (ع) گوم ارويها گوم ارويها هاي اطفالك گوم ارويها مشبوحة الأنظار لجودك انهض يالمعروف ابزودك كوم إرويها كوم ارويها هاي اطفالك كوم ارويها ▪️▪️▪️▪️▪️ زينب گصدت يم كافلها متگبعه ابضيم الايام محتاره وتتعثر بالهم تشكي العباس الآلام صاحت وينك يابو الغيره بوجودك تقبل ننظام هذا الماي اليجري تشوفه منعتنه انشربه الظلام اگصد ليها .. اگصد ليها جرد سيفك .. واگصد ليها انت بن الكرار اخبرها وبيوم الخندق ذكرها ▪️▪️▪️▪️▪️ انه اختك ياخويه وتدري جيت امن الموطن بحماك ليل انهار اتباري الضعني ما ساعه الغمضت عيناك ما واحد يگدر يهضمني ما طول السيف ابيمناك جيتك يا عباس ابطلبه ما ظني اتردني وحاشاك يا واليها .. ياواليها سر قلب اختك .. ياواليها تشكيلك واسمع شكوتها سهله وما تصعب طلبتها ▪️▪️▪️▪️▪️ بعيونك تنظر للحاله و إتشوف الأطفال اتلوع محتاره شنطيها وتسكت ما ظلت بعيوني ادموع هذا الماي الفايض يجري و اعلينه امحرم ممنوع هاي الما تعرف تتعذر گوم إفتح دربه المگطوع لا تنطيها .. لا تنطيها فرصة رحمه .. لا تنطيها و الرووس الباعت غيرتها إحصدها و حلت ساعتها ▪️▪️▪️▪️ الشاعر السيد سعيد الصافي الرميثي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

3 محرم 1447 مــن تدعين بالمـجلس اذكريني خادم لبنج العباس سجلــــيني ——————- انتي بمجلسج مولاتي موجـوده واحلفج بالعزيز الطاحـت زنوده للموت ابقه بهدوم العزه السوده وكون اعله المنابر تخلص سنـيني ____ يم عباس رايد نضره بالـخــدمه سجليني عبد لحسين ابو الـيــمه يسـمع كلمتج وانـــتي مثل امـه يوفقني اريده وانتي وفــقيني ————— هاي الدنيه تخلص والعمر رمشه اليمشي اليوم باجر ينمشي بنعشه لتعوفيني وحدي ابليلة الوحـشه انتي وابنــج العباس احضـــريني ————— طلب عندي اطلبه لكن بحسره ادعـيــلي بزيارة فاطمه الــزهره لو رحتي لكبرها ودمعتج حــمره وصيها عـــليه وهــاي تكفيـني —————— بمدرسة الشعـائر شفتج الاولــه وابن الزهره ولـدج فــدوه راحوله بس خدمة حسينج خدمه مقبوله بسـتر زينب احلفج لا تعــوفيني ———————- الوجه والجاه دكت بابج انـطتني وبفضلج صـرت والخدمه ربتني ايد وليــــدج العبـاس لزمتـــني شينطيني الكمر هم مثله تنطيني ———— آخر حاجه عندي والدمع هامل وجيـــهاً اجعليني عد ابو فاضـل عَله ساعه النفس صاعد ومانازل بالـــداريـن اريــدنج تكفــليني —————— سيد سلام معتز الحسيني https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

القصيدة:فاطمه كل عام للشاعر : كرار حسين الكربلائي 📌📌📌📌📌📌 فاطمه كل عام تشكر الخدام لا متنساكم يالخدمتو حسين 📌📌📌📌📌📌 فاطمه بآخر محرمها و صفرها تجازي أصحاب المآتم و الحضرها لليقدم تعزية تقدم شكرها شكرا من الزهراء يا ناس شكبرها ينكتب إسمه بدفتر الخدمة ربنا يرعاكم يالخدمتو حسين 📌📌📌📌📌📌 تگول يومية چنت للمأتم أسعى الناعي و الرادود من يقرا له سمعه لو بچيتو بيدي أحسب دمعه دمعه والله كل دمعه بگبركم تضوي شمعه العبرة لوليدي توگع بإيدي حاضرة وياكم يالخدمتو حسين 📌📌📌📌📌📌 انا ما انسى الخدم و الباري يشهد والصرف درهم ألف مني تسدد يا بشر أقسم وحق شيبة محمد چان يجبر خاطري اليلبس أسود كل شي دين بدين حتى دمع العين گلبي يهواكم يالخدمتو حسين 📌📌📌📌📌📌 اليلطم و يترك على صدره علامة بهالأثر يتميز بيوم القيامة ينحشر للجنة بثياب الخدامة يصير جاري و هذه للخادم كرامة اللي يخدمنا منزله يمنا الجنة مأواكم يالخدمتو حسين 📌📌📌📌📌📌 بالقيامة هناك مجلس عندنا يا ناس نشوف عاشوراء واقع مو بالإحساس من نشوف حسين بس منحر بلا راس و انا بالمحشر أشيل چفوف عباس بساحة المحشر نبچي عالمنحر هناك ألگاكم يالخدمتو حسين 📌📌📌📌📌📌 حسين لمن ينذكر لو چانوا اثنين دوم أصيرن ثالثتهم وهمل العين يالتناشد عني وين و مرقدي وين انا گبري بكل گلب ينحب على حسين ونتي مخفية بكل حسينية جرحي واساكم يالخدمتو حسين https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

نزل مصحف سبايه 19 محرم 1446 هـ نـِزَل مُصْحَف سَبايه رُقيّه ابْضِمْنَه آيه او لِـﮔيت البَسْمَله زينب سِبـيَّـه ** قِرَيت الفاتِحَه واسْتَـفـْـتَحـِت بالآه شِفِت ظـَعْن الرِساله للسَبي مَمْشاه أسْمَع صوت زينب تِحْـﭼـي ما مَعناه ما يِنْهَض أخويه اشلون مِن انخاه !! كِتَب للخُوّه سُوره رِسَم للغيره صُوره او نِزَل قـُرْآنَه بارْض الغاضريه ** شِفِت آيات مَسبيـّه ابْحَبِل تِنْـﮔاد بين الحادي تِمشي او صيحة الجَلّاد شِفِت بِعْيون زينب نَظرَة الأسياد صَح مَسبيـّه لكن ترفض الأصفاد يَهَالتِسْأل عَلى الحَال الجِبَل مَتْهِمَّه الاغلال ابْمَشي زينب شُموخ الهاشمية ** أرَتـِّل آيَه آيَه اوْ دَمْعِي ظـَل هامِلْ بِسْمِ الله بِدَيت ابْسُورة الكافِلْ أقرأ وين عَمِّي ؟ ﭼَم طِفِل قائِلْ ما عَاف السَبايَه راس ابو فاضلْ نَعَم عالرُمِح راسَه بُقه اعْليهُم حِراسَه ابْعَيْنَه الواحِدَه يِحْمِي الرَعيَّه ** رِحِت يَم المُخَيَّم رُوحي مَدْميَّه شِفِت طِفله خَذَوا مِن عِدْها تِرﭼـيَّه اويلاه مِن شِفِتْها دَمْعَة ارْقـَيَّه ﭼَن قـُرآن وانْتِهْكَوا القـُدْسِيَّه الوحي يِنْعَه كِتَابَه رُقيَّه بالخَرابَه اوْهُبَط جِبْريل يَمْهُم هَالمِسيَّه ** يَزَيْنَب يا جَبَل مِن الصَبُر واكْثـَرْ قِرَيتي اشْلون آيَة ﮔـَطـْعَة المَنْحَرْ ! مِن عِفـْتِي الجَسَد بالخَيل يِتْوَذّرْ سُورَة فاطِر الـْهَالحَال تِتْفَطـَّرْ تِشُوف اعْيُونِـﭺ اهْواي اخوﭺ الما شَرَب ماي اوْ شِفـْتي اعْلَه النَهَر جِثـَّه رِمِيَّه ** قِرَيت الـ قـُل أعُوذ ُ مِن ابِن جَوْشَنْ عيونَه اعْله السَبايه ياوِسَف نُظرَن خَلاّهِن أمَام الجيش يِتْعَدَّن واعْيون ابو اليِمَّه اعْلَه الرُمِح دِمْعَن حِبَس دَمْعَه ابْذَبِحْتَه او بِـﭼـِه اهْواي اعْلَه اخْتِه غَيور الفاطمي اعْلَه الفاطِميَّه ** يَقـُرآن السَبايه رَتـَّلِتْ بِيْكُمْ رَب الكون نَزَّلْكُم اوْ حَامِيْكُمْ ابوفاضل وَحي وِتْنَزَّل اعْليكُمْ وحْسين اليِبَلـِّغ هذا واليكُمْ يِبَلـِّغـْها الرِساله اوْتِكَمْلوها ابِّدَاله اهل بيت الرِساله الأحمديّه الشاعر علي هادي العباسي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

خطة حرب 6 محرم 1446 خطة حرب .. گلب ابگلب منا حبيب وعابس وجون ومنا ابو فاضل لليشردون صاروا درع للخيمه صوبين منهو البعد يوصل للحسين گلب ابگلب * واحدهم اگباله وگف مثل الجبل گدامه بجتافهم خله رتب مختومه من اخيامه متحضرين الكل أمر شياب بس خدامه واحدهم السيف الحرب شد الظهر بعمامه ميدان .. شجعان .. لحسين .. خوان صاروا إله .. بكل كربله مو بالاسامي يعد بالاحساس لمن يعد عباس عباس بالحب مثل عابس مجانين منهو البعد يوصل للحسين گلب ابگلب * الواحد وسبعين اخو لبسوا خضار الساده وين اليبيضون الوجه صاروله مثل اولاده من الجهات الأربعه خيل وزلم تعداده حتى الرضيع ابفزعته محسوب من القاده صعبين .. مريين .. ولحسين .. سهلين للآخره .. جم حيدر باعوا الدنيا ورخصوها عشگوا حسين وطلگوها الـ هاليوم عاشوا كل السنين منهو البعد يوصل للحسين گلب ابگلب * رسموا الخطة اتوزعوا كل واحد يسويها واحد يسد الگنطره وواحد أرض يطويها واحد يجيب الهم عبي القاداتهم ينطيها واحد يجيب المشرعه بجف زينب ايخليها فوگاه .. شفناه .. كل صوب .. وياه الخطه ابتدت .. واتنفذت نجحت الخطه بغير تحذير طلعوا يعبدون الدنانير القرآن ما صافح شياطين منهو البعد يوصل للحسين گلب ابگلب * دخلوها من الميمنه عالميسره گلبوها غير الأجوهم راجلاً خيل وزلم سحگوها مثل القلع خيبر قلع روس العده قلعوها حتى الشرد من الحرب براسه الحرب خلوها بالروس .. محبوس .. عباس .. كابوس يم النهر .. جيش انكسر من الخوف وين الجان سّلاب شامر السيف ولابس احجاب حتى الاصحاب اتهز بالإيدين منهو البعد يوصل للحسين گلب ابگلب * دخلوها موت ابكل كتر واحد بظهر الثاني من الكاهلي اليبقه عدل ايطيح ابن نصراني قادات اميه صيحوا من الحسين انعاني سبعين كل واحد بألف هذا العدد رباني لو صال .. خيال .. ينشاف .. زلزال فزعة زلم .. للمنهزم واحتاروا ابيا تل يلبدون من الگاع للشارد يطلعون واحدهم ابجنحان شاهين منهو البعد يوصل للحسين گلب ابگلب * سووا حصار اعله النهر بس هجموا الكفالّه يوگف الفارس اعله الفرس وايطبر الخياله وگفوا على الماي ابعطش واحدهم وما شاله ما دروا من ماي الگصص سووا نهر لعياله اصحاب .. محراب .. للموت .. أحباب فوگ المهر .. دگوا صدر خوه ارتووا والجيش حفاي خلوا اميه ابعازة الماي متفصلين افصال للدين منهو البعد يوصل للحسين گلب ابگلب * فرض الصلاة حل وانسحب جيش الحسين البابه منا بدت حرب الغدر من دنگ ابمحرابه من بعد يرمون السهم ويوگع ابصدر اصحابه طاحوا وما خلوا جدم يوصل امن السلابه ينلاح .. ما طاح .. بسهام .. مرتاح آخر نفس .. ظلوا حرس ارواحهم طلعت بالأسهام وعيونهم ظلت عالخيام ماتوا وينشافون عدلين منهو البعد يوصل للحسين گلب ابگلب * الشاعر حسام الحمزاوي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

قلبي خايف ليلة 10 محرم 1446 گلبي خايف .. وانت شايف .. خوفي حزني واضح .. من ملامح .. شوفي اكسر الخاطر .. وآنه من باچر خوفي * هذا الوداع المو سهل ويحمله گلبي حاچيني يا بعد النفس خل انسه تعبي بس گلي راجع للخيم من اگضي حربي أمني ترجع لو بعد ما تمشي گربي گلي راجع .. وانت سامع .. نوحي دمعي يجري .. وانت تدري .. بروحي گرب العاشر .. وآنه من باچر خوفي ** يعني انته باجر تنذبح والدم انظره توگف غريب ومنظر الچتاله كثره حلي الوحيد اركض على العباس أخبره الحگ حبيبك حطوا السيف اعله نحره ها يكافل .. يابو فاضل .. وينك صدره ضامي .. نحره دامي .. احسينك ظل بلا ناصر .. وآنه من باچر خوفي ** وادعني لكن بس طلب عندي و على أمرك انطيني من هدمك علگ بي الگه عطرك خاف الحوفار باجر اتدوس اعله صدرك خاطر يدليني العطر بيك امن ادورك فكري شارد .. گلبي فاگد .. غالي فدوه لأسمك .. آنا يمك .. بالي ودمعتي تناطر .. وآنه من باچر خوفي ** ودع عيالك كلهم بهاي المسيه انا بغيابك راح اموت بلا منيه غيم محنه وامطر اعله الغاضرية احظن عزيزة گلبك الينبض رقية لحظة صعبة .. غربه غربه .. بصوتك الله يلطف .. چنها تعرف .. موتك ظنت مسافر .. وآنه من باچر خوفي ** انا ومشاعر فرگتك وبـ هالهضيمه وتگلي مسحي دمعتج وشدي العزيمة شيشد عزيمتها التظل مثل اليتيمة والراحوا اخوتها وبقت ما عدها خيمه رايي ذايب .. بالمصايب .. هايه لو مشينه .. ما بدينه .. راية والخصم فاجر .. وآنه من باچر خوفي * تذكر گبل لمّن گلت يا روح اخوتج انخينه گبل اول حرف نفزع لصوتج تذكر سألتك من گلت مو گبلي موتج يا زينب انتي الحاضره بتشييع اخوتج وانا اگلك .. ريته گبلك .. موتي بنفسي عبره .. وحزني نبره .. بصوتي مو حزن عابر .. وآنه من باچر خوفي * ودعتك الله والبقه بعشرتنه لحظة أذن آذان التضحية وصلينه فرضه اهل الله وانطانه السمه وملّكنه ارضه يمن رفعت ايدك گلت خذ حتى ترضه هذا دمك .. يبقى لأسمك .. شاهد سورة وآية .. وانت راية .. وقائد الغائب الحاضر .. وآنه من باچر خوفي الشاعر ايهاب المالكي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

قوة مرة ليلة 9 محرم 1446 قوة مره .. شافت ابنها لابس جفن .. لبست جفنها * ام الاكبر شدت احزامه وتگله يبني من تدخل عليهم سوي خله انت الاكبر انت الاكثر همه قله الجيش اذا يسمع علي ينهار كله توصي يريد .. دم لحضنها لابس جفن .. لبست جفنها * خلت الخوذه على راسه والجهاده تگله يوليدي الك تحلى القياده تگله يمه الـ بالسمه منمتظره ساده يبني رفعة راسي من هاي الشهاده ما بيّنت .. يمه حزنها لابس جفن .. لبست جفنها * للحرب تدخل اريدك بالسياسة يبني من اربع جهات اخذ الرئاسة يبني مثل الريح كونك بالحراسة كون اريد اليلتفت ما يلگه راسه من شافته .. ما راح عنها لابس جفن .. لبست جفنها * يمه ربيتك تره لهذا زماني الميمنه اعله الميسره خلها تعاني كون اريد اعداك تسأل كل ثواني هذا الاكبر لو علي ينشاف ثاني كل فزعته .. تنشاف منها لابس جفن .. لبست جفنها * يا حلاتك يبني من صاعد مهرتك يمه اريدك تترس الطف بضحكتك اريد اشيلن راسي بالخيمه برجعتك سمعة امك يبني من تعله سمعتك يسمع فرح .. ما سمع ونها لابس جفن .. لبست جفنها * يمه اريدن ضربتك تنشاف صوبين مثل ضربة حيدره الما صارت اثنين يبني اريدك توگف ابنص الميادين تگلهم آني حيدره الثارات الحسين لازمته بإيد .. وإيد بضعنها لابس جفن .. لبست جفنها * وداعك انته مو سهل ويريد مدمع يمه بس لحسين فدوه الروح تطلع افتخر لو بس نحر للخيمة ترجع حتى گلبي وياك يوليدي ايتگطع طلعت وراه .. ما رف جفنها لابس جفن .. لبست جفنها * منين اجيب الماي .. يبني ياعلي دربي بعيد هواي .. يبني ياعلي گطعوا يمين العباس يا فاطمة الحزينة * الشاعر حسام الحمزاوي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

حسين كعبتنه :اليلة 6 محرم 1446 هـ يا حبيب ابن مظاهر گوم شيل العلم واظهر ** حسين كعبتنه واجينه انطوفه والمناسك اصبحت بطفوفه ** حسين دين الله فرض يتبع فرض بي صارت كربلا اقدس ارض هو كعبه واحنه حجاج الرفض مو مخيط الحاج ينزع خوفه ** صوت من وحي الشهاده وبينه ضج يا حسين عدنه وياك حج اذن ويأتون ال من كل فج زلم وكت الموزمه معروفه ** بكربله الاحرام فصلناه جفن وبعد غيرك لا عشيره ولا وطن تراب جدمك سيدي جنة عدن واسمك القرآن كل احروفه ** على اخيامك سيدي يصير السعي احنه انصارك وصيحتنه بوعي حاشه يحكمنه الدعي وابن الدعي ارگاب عدنه ما تهاب سيوفه ** نطوف سبع اشواط ميدان الحرب بسمك نلبي حجي لسان وگلب ماي زمزم جود ابو فاضل يصب ينبع اعلينه وفه من اجفوفه ** صار رمي الجمرات ابكربله على جيش يزيد واحنه انقاتله يا هلا بحرب الكرامه يا هله هاي زلمك للمجد مصفوفه ** ما نحل احرامنه انحل الدمه حتى من انطيح نصعد للسمه هي بس وياك حسن الخاتمه وبيك عنوان الصراط انشوفه ** بكربله يختلف تقصير الشعر لجل عينك راح ينگص النحر دون حدك احنه نتگطع وذر والمهم عدنه العهد منعوفه ** ابوذيات : ماجن ، منصار ليلي بغير دمع اعليك .. ما جن وايام الفرج لولاك .. ماجن عابس لولا حبك ابد ما جن ولا جان الجنون اندار بيه ** يهل تنشد على الانصار .. منصار هذوله البيهم التنزيل .. من صار خلقهم ربك الانصار .. من صار حسين وخط اساميهم سويه *** الشاعر وسام الشويلي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

غصبا على الما بايعه 5محرم 1446 غصباً على الما بايعه يبقه امير الكوفه * مسلم بكل خطوة الله امسدده هذا ابو السيرة العظيمة الخالده هُمه بالالاف وهو لـوحده يبقه امير الكوفة غصباً عالعده هو الامير وهيبته هيبة علي المعروفه * واثق الخطوة ملك يمشي ويسير شمرته شمرة علي يعني چبير حيدر الـرباه شـتتوقع يصير بلايه شك يطلع مثل حيدر امير هي الامارة تلوگ إله ميعوفها ومتعوفه * بني هاشم هُمه اسياد العرب وآل امية اعليهم العار انكتب كلشي يلمع مو ذهب الا انحسب الفضة فضة والذهب يبقه ذهب من بني طالب والنعم نخوة وشهامة موصوفه * وحده صح بس يمه يا ويله الـوصل يبين هنانه الجبان امن البطل جبل مسلم والجبل عالي يظل الوادي وينه ووين يوصل للجبل مسكين لـگباله وگف گلبه وگف من خوفه * المسألة مو مسألة كثرة وعدد المسألة الـمنطي عهد يوفي العهد ولابو اليمه وفي چان لاقصى حد وكلمة السر عنده يا حيدر مدد كل ضربة يهتف يا علي والجيش ذل صفوفه * هاشمي وطبع الهواشم ما تذل مسلم ومو بس حچي گول وفعل يدري بالكوفة يموت وينقتل والمهم ثورة احسينه تكتمل لحسين يرخص منحره لاجل النصر بطفوفه * الشاعر انيس الخفاجي الكربلائي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

حلم مذبوح الشاعرالسيد عبد الخالق المحنة على عيونج يزينب حلم مذبوح كل عينج دمع بس ما بجيتي ** بچيتي جروح طهرتي المسافات كل خطوة يسر منبر بنيتي يا هيبة علي دخلت على يزيد خورزتي الزلم و اتسيديتي نظرات الزعل بعيونج سيوف ذو الفقار صوتج من حجيتي سفينة هم سريتي ببحر الدموع على ساحل مصايبهن رسيتي ** اسمحيلي يزينب اسأل اليوم انتي هواي من اتحمليتي لأن مجبور اسألچ عاليأذيچ و ادري بيا مكان اتألميتي اسألچ يالغريبة و چلچل الليل و حارس للحرم انتي إلبقيتي اشوفچ چان بيدچ معصب يلوح احلفچ بالضلع إلمن نخيتي ** نخيت إلكالفچ مقطوع الزنود معذورة لأن وحدچ صفيتي مشيتي بغير طولچ خاف ينشاف ضم روحه النهر لمن مشيتي كل جرة نفس وياها عباس لاچن من وصلتي له اشلقيتي غمضها السهم وحدة من العيون بس الثانية اتشوفچ اجيتي ** صفت انتي وكفيلچ محد وياچ مسموح العتب لو عاتبيتي شقلتي له يزينب قوم وياي وياه چلمة عتب بيها ابتديتي اشقلتي له يزينب وين الوعود مو انت إلقلت قومي بحميتي عمود البيت انت الشايل البيت تدري من يطيح يطيح بيتي شقلتي له يزينب قوم وياي من شفتي الزنود اتعذريتي صحتي بشاربك آنه يعباس ما رف شاربه من حشميتي راويتي يزينب زرقة المتون لو لا بسهم عينه التهيتي لو مديتي ايدچ تلزم الايد من شفتي الزنود اتعذريتي ** قلتيله الخدر يا ابا الفضل راح حرقوا خيمتي و طبوا ثنيتي قلتي له صحت وينك يعباس يضحك شامتچ و اتسلبيتي كل هذا الحچي ما ينهض وياچ قمتي بيا جرح من أيسيتي على طولچ جرح لمن تقومي مثل حسين من قمتي انحنيتي ** رجعتي إلمن رجعتي بس الايتام يسألونچ يعمة شو بطيتي اعرفچ بت علي قد هاي الاحزان مثل عباس يا زينب وفيتي نعم فوق الهزل و الرووس وياچ نعم عقب الخدر ذاك انسبيتي بس الكل تشوفچ اسد مجروح كلها اتميل عنچ لو مشيتي اعذريني يزينب لا تزعلين و آنه بدمعتي اتبين هويتي ** الشاعرالسيد عبد الخالق المحنة https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

اليلة 4 محرم 1446 هـ أربع نشامى لحسين وفّايه ** غيرة علــي بطف كربله ما همهم البين عدهم وصيّه من گلب ذايب بالحسين أُمهم توصّيهــم بقت من يعكس البين لجل الحبيب إنتم وقف يا گرّة العين منهم كفيل الحوراء والرايه ** عونه الصدگ عون وسند لحسين مولاه عاهد أخوه وما خِلَـف هالعـهـــد وياه فرض الشهاده ابْخدمتـــك مولاي محلاه بس ريت گبلك أنذبـــح والمــــوت الگاه كلنه الخدمتك بالروح شرّايه ** كل واحد يشد العــزم والفــرض كـبّـر حيَّ على نصــر الحســيـــــن اللهُ أكبر ثاني اللــيــوث الأربـعـــه زلــــزال بالبر زلزل الجيش بصولِـتـــه حي الله جعفر نادى الحسين إنته الروح والغايه ** ثالث فحل لمن نزل للحـومــــه مغوار خله العساكر ترجف ودخّــلــهـــم إنذار عبد الله ناذرهه النــفــــس لحسين تندار مو عجبه هاي المرجــلــــه تربــات كرار ثابت يقينه وللزود دگ ثايه ** مسك الختام أول گمر بس عالنهر لاح عباس إسمه واللقب خـــطّاف الأرواح كفّال زينب تطمـــئـــن كلما إجه وراح عباس أكبر من سيوف وحرب وارماح عاف الفرات وما ضاگ من مايه ** أم البنــيــن الطاهــرة وصّـــت هالبدور لحسين سور بكربله ويا محلى هالسور ربت زلم تكــتـــب عـهــد من دم النحور نورٌ على نــور وسـطــع من دمـهـم النور كل واحد يعادل جيش وهوايه ** الشاعر عمار هليل الواسطي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

عفتوني عليلة 3 محرم 1446 هـ عفتوني عليله .. ما عندي وسيله عمي يا ابو فاضل .. عمي يا ابو فاضل **** يا عمي رايح بالضعن وعيوني تراقب عفتوا المدينه مظلمه بغياب الكواكب راحت بنات المصطفى وما ظلت حبايب وبهاي المنازل .. عمي يا ابو فاضل **** وياكم امشي الكربله ما اصبر وتاني يا عمي جيتك حايره ما يرحم زماني ما ما اعتب انا القدر لو وليه ولاني بعدك عمري راحل .. عمي يا ابو فاضل **** شد بالرحيل وما رجع سلطان الهواشم ومنين اجيبك يا صبر بفراگ الفواطم يا عمي وي طرت الفجر انصب لك مآتم لاجلك دمعي هامل .. عمي يا ابو فاضل **** لو ذبل اعيوني السهر لا تعتب عليها طفله وعليله وكربلا ما ترحم بجيها والغالي من هذا السفر سالم ما يجيها سهرانه يكافل .. عمي يا ابو فاضل **** سفرة مصاب وفاجعة وآهات وملامه ما يخلص عليك الحزن حد يوم القيامة يا عمي فوگ العلقمي تنخاك اليتامه يا تاج المراجل .. عمي يا ابو فاضل **** اطفالك على المشرعه بيا موقف عفتها حال العليله سلوتك لمن ودعتها زينب عزيزه فاطمه بيا حاله شفتها ما بين المحامل .. عمي يا ابو فاضل **** حيرني عاشر كربله واحزانه العجيبه هاليله زينب عمتي حاطتها المصيبه عگب المهابه بالعرب سموها الغريبه ما بين القبائل .. عمي يا ابو فاضل **** الشاعر علي الخفاجي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

عاشور عاش ابدمعتي اليلة 2 محرم 1446 هـ عاشور عاش ابدمعتي حسيناه للموت باقي ابخدمتي حسيناه  *** ابهذا المحرم حاضره اجنوده او راية عزاء احسين موجوده نرفعها وي عباس وزنوده مكتوب دوم ابرايتي حسيناه  *** خلو البجي ايهز الحسينيه او تركوا التنازع والحجي اشويه هوه الحسين ايجازي عالنيه يا ريت توضح غايتي حسيناه  *** يحصل خلاف او هالأمر وارد بس السواد الينتشر شاهد إنَّ الحُسَينْ ابكل زمن خالد موجود يبقى ابمهجتي حسيناه  *** إنسه انتماءك وي ابو اليمه وابقى ابظلام الليل كالنجمه توسع كواكب خيمة الخدمه للكون توسع خيمتي حسيناه  *** حب الحسين اشسوه ما فاهم خله الجنون اتعشكه هالوادم يا ربي نظره انريد من فاطم الزهراء سر امصيبتي حسيناه  *** ابهالخدمه نبقه او بيها ما نتعب اشكد حلوه من تلتم خدم زينب لمة شموع اعله الخيم تنحب وآهات تختم قصتي حُسيناه   للشاعر مهيمن الفاطمي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

:دنيا قهرت بنت علي ليلة 1 محرم 1446 هـ دنيا قهرت بت علــي بهلالها هل عليها محرم وشل حالها **** هل عليها هلال بــي عين وسهم وجف كطيع وجود مرميه وعلم وبي تشوف النار شــبت بالخيم بي تشوف اعــــــله النهر كفالها **** لا تهــل يهــــلال ويهــل الدمـع نادته وتلجم دليلــــــي المنفجع لا تذكرني بعــــلي لـــمن تشــــع جن علي الاكبر تشـــــوفه كبالها **** تذكر حســـين وجبيـنه المنجـــرح تشوفه فوك الكاع طايـــح منذبح وبالهلال تشوف راسه اعله الرمح هاي زينــــــــب والحــــزن يبرالها **** زينب بــيا حـــال وبــيا نايحــــه شافــت بدور الهـــواشم طايحه شافت الشـــــبان كلــــها مذبحه وبالخيم عطشانه كـــــل اطفالها **** بالهلال تشـــوف جربه ومشرعه ورايه طاحت من جفوف مگطعه وبي بنات الهادي كلـــها مـــروعه وهي مذعـــــوره وتلـــــم بعيالها **** حيره حيرتها وتعاين للهلال تشوف قوس ومن يشع يرمي النبال وبي عليل تشـــوفه مكـــيود بحبال وطفله طاحت لجن محــــــد شالها **** تشوف ليل وبي خذوها اعله الهزل بالصياح وسوط وحجار و ‏حبل بالهلال تشوف اهوال وتهل بطلعتك هايه تغير احوالها **** للشاعر سيد آدم الحسني https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆

ليلة 1 محرم الحرام 1446 هـ كل عام وانا بخيمتك خادم شكراً الك گد ما بچت فاطم ** ابسجدة دمع ابدي العزه ناذر ألطم الك من واحد العاشر رادود ناعي لاطم وشاعر كلهن اصير بخدمتك عازم ** مو كيفي اخدمك انته رايدني عن منبرك محد يبعدني عابس اذا اتعب يساعدني هديت كلشي ورايتك لازم ** تتبدل الراية ويهل دمعي يبدي السواد ويختلف وضعي يا ريت كل حافر سحگ ضلعي ما يبقى بيه ولا كتر سالم ** ابقى بعزائك راكض وساعي كلشي بدونك ما إله داعي ابجي المصابك مو شرط ناعي مو موسمي هذا الحزن دائم ** تبقى دمعتي بكل سنة تريدك كلما شفت شاب اذكر وليدك من طاح الأكبر واصفگت ايدك من انظر عرس اذكر عرس جاسم ** كل ما شفت اخ الاخوه فاگد تلطم اذكرك عالنهر گاعد ابطيحة لوائه كسروا القائد ظلمه رحل عنك گمر هاشم ** كلما شفت ماي اذكر اشفافك من العطش متيبسه اطرافك تراب ودمه وطعنه على اجتافك والشمر ذاكه الذبحتك قادم ** فوگ السهام انكسرت اسهامك كلما شفت نار اذكر اخيامك لو تنسحگ لو تنچوي ايتامك ما ظل عندك ولا طفل سالم ** شهر السبي وعيني دمه ناحت كعبة شرف فوگ الهزل راحت روس اخوتي من الرمح طاحت من سمعوا ايسب بعلي اللايم ** الشاعر حمزة السماوي https://t.me/joinchat/AAAAAFR1edBva4n0mGWz0Q قصائد باسم الكربلائي اشترك بالقناة👆👆