Overthinking

مفيش حاجة اسمها "كلنا بنتعوض" و كلنا مراحل في حياة بعض ، دي جمل بيقولها اللي مبيعرفوش يحبوا ولا حاسّين بقيمة الناس والفرق بينهم ، لكن الحقيقة في ناس مستحيل تتعوض ومبتتكررش في حياتنا مرتين ، في صاحب لو خسرناه عمرنا ما بنطمن مع غيره ، وفي حد بيخليك تخرج كل الحب والحنية اللي جواك ، وفي حد بتعرف تبقى نفسك معاه وانت مش مكسوف من أخطائك ، في ناس فعلاً ملهـاش بديل ومش بتتعوض.

سوا سوا 🤗❤️ @da_miii

الحب غريب ومش سهل يتفهم لإنه مش بيتقاس بكلام حلو ولا صور ولا وعود كبيرة ، بيتقاس في اللحظات اللي مافيهاش استعراض ، وفي المرض ، والخوف ، والعجز ، والتعب ، وفي الاختيار الصعب إنك تفضل موجود رغم إن الإنسحاب أسهل .. الحب مش حكايات أبطالها رجالة خارقة ، أو ستات ملايكة ، الحب الحقيقي يعني بشر اختاروا يبقوا ضهر لبعض ، واللي يحاوط علاقتهم يكون الأمان ، والاحتواء ، والمسؤولية ، الحب يمكن مايتفهمش ، بس بيتشاف في اللي يشيل ، ويستحمل ، ويكمّل .. دُمتِ لي شيء جميل لا ينتهي 🤍.. @da_miii

”وما رأيتها يومًا إلا وذهب الهم الذي كان في قلبي.“ @da_miii

في الزمن ده نادر لما تلاقي بنت مخلِصة بحبها فعلًا .. بنت بتحب من قلبها مش لمصلحة ، وتستحمل وتعدّي وتسكّت وجعها علشان ما تخسّرش اللي بتحبه ، بنت لو حبت ، حبت بصدق ، ولو وعدت ، أوفت ، صبرت ، لو لقيتها حافظ عليها ، عشان مش هتتعوّض ولا هتلاقي زيّها تاني في الزمن ده ، مش كل يوم بتقابل قلب صافي ، ولا كل مرة تلاقي حد يحبك ويختارك بصدق ، اللي يحبك بإخلاص ده رزق ، والرزق ما بيتكرر ، الإخلاص بقى عملة نادرة واللي يلاقيه لازم يحافظ عليه.

الاحتمال مش قوة .. A strong man should have a Zero Tolerance for something يعني الانسان القوي لازم يكون عنده بعض الحاجات اللي مايقدرش يتحملها ابداً .. زي ما بتعرف تتقبل امور كتير .. و تتهاون في بعض الحدود .. و تعدي بمزاجك اكتر من موقف .. لازم علي النقيض يكون عندك امور ما تقدرش تحتملها و لو ثانية .. حدد ايه الحاجة اللي مش هتأجل رد فعلك عليها و مش هتتهاون فيها .. و خليك واضح جداً في تعاملاتك مع الناس انك بترفضها .. هتلاقي امور كتير احتمالك ليها مالوش مبرر .. زي الصوت العالي من غير مبرر .. اهانة .. تخطي حدود معينة .. و غيرها .. هترتاح اما تعرف نفسك كويس و تصون حقها.

مهما اتكلموا عن لغات الحب، تفضل «المحاولة» هي اللغة الوحيدة اللي ما بتكدبش. إنك تحاول عشان شخص ، مش بالكلام ، لكن بالفعل. تتعب شوية ، تتنازل شوية ، وتكبر شوية ، مش غصب ، لكن برغبة. المحاولة معناها إنك شايف اللي قدامك قيمة ، وإن وجوده فارق معاك. غير كده؟ ده إعجاب ، أو تعلق ، أو احتياج ، لكن مش حب.

لا أنكر أنَّني قضيت عمري أبحث عن الحب، مهما ظهرْت أمام الناس وكأنني أرفضه كل الرفض، مهما تعالَيْت بـ كبرياء على كل المشاعر الطيبة ومهما منعني الخوف من تكرار كل مأساة قديمة استهلكتني، هُنا قلبًا أهْلَكَتْهُ علاقات لم تكتمل. بعد كل هذا العمر وبعد كل هذه التجارب التي صنعت مني شخص مهترئ ورخو، بعد كل هذه التجارب التي علمتني ألَّا أثق، ألَّا أؤمن، ألَّا أصدق أحدًا، عدت منها مهزومًا مكسورًا لا أصلح إلا للصمت والبكاء بعد منتصف الليل وحدي أتهاوى في ظلامي، عدتُ منها ک جندي تائهًا في صحراء، يسير بين جثث أصدقاؤه الذين غادروا الحياة في ساحة الحرب، حدث وظهرتِ أنتِ فجأة، تعرفين شخصًا مثلي لا يمتن للبشر، لا يؤمن بأن ثمة من يستحق الامتنان من أولئك الذين أفسدوا حياتنا وابتكروا في خلق كل الحِيَل لتحطيمنا، امتناني دائمًا للموسيقى التي أنقذتني يومًا من هواني، لـ دعوة سيدة عجوز في طريقٍ عابر، لرسائل اللّٰه التي تنقذنا وتربط على قلوبنا في أشد لحظات ضعفنا ويأسنا، ممتن لرواية جميلة هونت وحشية الوحدة، وللكتابة التي سمعتني بعدما تخلى الجميع عني، امتناني دائمًا لكل ما هو لا ينطق بالوعود، لا يجيد نطق الكلمات الجميلة لا أشعر معه بالحرج والتوتر والخوف، وأنتِ كنتِ هنا في أشد لحظات ضعفي وانهياري، في أشد أوقات تشتتي ويأسي ورغبتي الشديدة في الخلاص، كنت حقًّا لا أستطيع التنفس بطريقة صحيحة من فرط الآلام، وكنتِ أنتِ بمثابة قبلة الحياة التي أنقذتني من هواني في اللحظة الأخيرة، أنتِ أغنيتي المفضلة، تلك الرواية التي لن تغادرني يومًا، الوطن العظيم الذي قرر أن يحتويك بعد سنوات من الغربة والقسوة، عوض من القدر عما رحل عني، الحلم الذي قررت الحياة أن تكافئني به بعد عمرًا من الحطام واليأس، ظلامي الجميل ووِحدَتي الخاصة. أنتِ بالنسبة لي نهاية كل الطرق الحزينة 🤍.. @da_miii

الوحيد الي عرفت تغيرني للاحسن حبيت نفسي وحبيت كل حاجه علشان انت حبتني بقيت انت صحبي وسندي واهلي وحبيبي بقيت حته من روحي. 🤍 عمري مااحتاجت لحد طول ماانت موجود ولو مش موجود ببقا هموت ومش عارفه اي حاجه تايهه وتعبانه.. 🤍 بس عارف من وقت وجودك عمري مزعلت علشان انت معوضني عن غياب اي حد واي حاجه في حياتي.. 🤍 هو الوحيد الي عرفت ابقا علي طبيعتي معاه وعرفت معني الحب الي بجد معاه وهو الوحيد الي حبني بكل عيوبي وباقي عليا رغم غلطاتي ومبهونش عليه وهو ديما معايا في كل مشاكلي وواقف معايا. 🤍 ومستعد يعمل اي حاجه تخليني مبسوطه ومش بيزعلني ابدا 🤍 ديما حاسه معاه ب الامان ومتاكده انو مش هيسيبني وواثقه فيه اااوووي 🤍.. بحبككك يااحن واحسن حد في حياتي 🤍🤗 @am_diii

A simple peaceful life .. nothing more. ››››♥️

وإن كنت أقدر احب تاني ، هحبك انت 🤍.. @da_miii

متختارش اللى أنت عايز تعيش معاه ، اختار اللى متقدرش تعيش من غيره ، اختار اللى وجوده جنبك يزيدك حُبّ لنفسك ويكون لك وَنس يريح بالك وقلبك ويطمنك ، اختار اللى يبقى عنده استعداد يعملك كل اللى يفرحك وهو فرحان ، عشان راحتك النفسيَّة عنده أبدى من أي شيء تاني ، اختار اللى كل مواقفه او تصرُّفاته معاك تقولك بحبّك قبل ما لسانه يقولهالك ، الفرق ما بين النجاح والفشل إن فيه شخص أحبط نفسه من أول مُحاولة وقرّر يقف بعدها وإن فيه شخص تاني فضل يحاول مرارًا وتكرارًا لحد ما وصل لليّ هو عايزو ، اختار اللى عافر وتعب عشان يوصلك ، عشان ده وبس اللى عارف قيمتك ومن المُستحيل فى يوم تهُون عليه.

ليه بنحب ناس معينة دوناً عن غيرهم؟ أكتر إجابة مقنعة قرأتها هي إننا بنحب الناس اللي بيجبرونا نطلع صفاتنا الحلوة وإحنا معاهم ، زي الحنان والأدب والجدعنة واللطف. باختصار بيخلونا نكون النسخة الحلوة مننا ونطلع أحسن ما عندنا وإحنا معاهم ، وبالتالي إحنا بنحبهم عشان بيخلونا نحب نفسنا وإحنا معاهم. أما الناس المتعبين المرهقين المقرفين المملين اللي بيطلعوا مننا كل الصفات الوحشة زي العصبية والغضب وضيق الخلق والخداع وطول اللسان ، فـ دول بنكرههم لإنهم بيخلونا نكره شخصياتنا اللي بنظهرها ليهم ، وبالتالي بنكرههم.

صحيح إن الحُب إحساس عظيم ، بس فيه إحساس أكبر منه بكتير ، إحساس مالوش اسم ، بتحسّه من غير ما تعرف تشرحه. وأنت تايه ومتقلق وبتدور على حد يطمنك ، يطلعلك شخص يحتضنك بقلبه قبل إيده ، يحسّسك بالأمان من غير كلام ، ويطفي خوفك بس بوجوده ، وأنت تعبان أو واقع ، تلاقيه بيحييك من جديد ، ويديك مشاعر عمرك ما لقيتها عند حد غيره ، يفرح لفرحك قبل ما تفرح ، ويتوجع عليك قبل ما تحس بوجعك. تلقاه في أيامك السودة قبل الحلوة ، من غير طلب ولا مصلحة ، وتبقى مطمّن إن وسط الزحمة دي كلها في شخص حاطك في قلبه ومش ناوي يسيبك ، الإحساس ده مالوش اسم ، بس قيمته أكبر من أي حب.

وأنت بتختار الإنسان اللي هتكمل معاه حياتك ، لازم تكون متأكد كويس جداً إنه مالي عينك ، لأن في مشوار حياتكم أكيد هتقابل الأحلى ، والأرق ، والأشيك ، والأغنى ، والأذكى ، والأكثر إبهاراً .. لو اللي معاك مش مالي عينك ، مع كل حد هيعدّي قدامك عينك هتتغيّر ، وهتندم وهتبقي عايش في مقارنات ، أو هتتجرّ لخيانة حتى لو في خيالك .. لازم تبقى مقتنع جداً إن شريك حياتك هو الأحسن ليك ، مش الأحسن بشكل مطلق ، لأن مفيش حد أحسن بشكل مطلق ، لكن فيه “الأفضل ليك”: المناسب لظروفك ، اللي شبهك ، واللي بيحبك ، وفاهمك ، ومطمنّك ، وبتحس معاه إنك أنت .. لو شاكك ، أو مش قادر تحدّد إذا كان اللي معاك فعلاً مالي عينك ولا لأ ، متقدّمش على الخطوة دي دلوقتي ، لأن ده ظلم ليك وليه.

أعلى درجات الأمان ، إنك تلاقي حد ما تهونش عليه مهما حصل .. حد ما يقدرش يزعَّلك، ولا يسيبك لوحدك، ولا حتى يرمي كلمة توجعك. ‏الأمان مش بس حد يحميك من الدنيا والناس .. الأمان الحقيقي حد يحميك من نفسك، يشيلك في لحظات ضعفك، ويحبّبك في نفسك يوم ما تكرهها. ‏ الأمان إنك تلاقي حضن ترتاح فيه، وصوت تطمن له. ‏ ولو لقيت الأمان ده في عِلاقتك .. صدّقني هتقدر تستحمل أي حاجة، وكل حاجة هتهون طالما قلبك متطمن.

سياسةُ الاعتذار جميلةٌ جدًّا .. لكن ليست كلُّ يدٍ اعتذرت تستحقُّ أن تعود وتمسك زمامَ القُرب؛ يكفي أن تُغلَق صفحةُ الأذى دون أن تُعيد ترتيبَ الكراسيّ لمن كسَّرها من قبل، الرحمةُ منك أن تُزيل الضغينةَ من قلبك، أمّا السذاجةُ فأن تُعيدَ مَن خرَّب حياتك حقَّ الدخول إليها مرَّةً أخرى.

انت هتلاقي فى حياتك اللي بيشوفك أطيب الناس وهتلاقي اللي بيشوفك أسوأهم ، هتقابل ناس بتنسالك خمسين موقف حلو عشان بس قصرت مرة ، وناس بتدور لك على أعذار وبيظهرولك قد ايه انت جميل ، هتقابل ناس ما بتبطلش تنتقدك ، وناس هيخلصوا كل الكلام الجميل فى وصفك ، هتقابل ناس بتكرهك بدون سبب ، وناس بتخترع أسباب تحببها فيك. وفى النهاية انت نفس الشخص ، ولكن كل عين تراك على قدر محبتها لك ، وكل يراك من الزاوية التى تقف فيها من قلبه.

إنسان بدون تحمل للمسؤولية هو إنسان ماجربش يعني إيه يحب حد أكتر من نفسه ، أو يقف وقت الأزمة يحاول يحل بدل ما يهرب ، أو يشيل همّ غيره بإيده وهو مطمن إن ربنا مادام كلفه يبقى هيعينه .. ماجربش معنى إن وجوده يكون أمان لغيره مش عبء عليهم .. اللي بيهرب من المسؤولية يمكن يعيش مرتاح نسبيًا ، بس عمره ما هيعرف إحساس إن يكون له قيمة، ولا هيشوف نظرة تقدير في عين اللي اعتمد عليه ولقاه قدّها .. المسؤولية مش عبء لكن امتحان بيكشف إن كان جواك إنسان يستحق الثقة ويقدر يكون سبب نجاة حد تاني ، ولا نطع قرر يكمل حياته معتمد على غيره للأبد.

طريقتي في الحب بدائية جدًا .. أحب أرسال " صباح الخير " ثم حديث قصير عما سيحدث خلال اليوم ، ثم يبدأ كلانا الأنخراط في يومه وفي منتصف اليوم أحب دائمًا المحادثة بيننا تكون عشوائية ، أقصد ووسط أنشغالنا بـ أحداث اليوم " نرسل لبعضنا البعض الموسيقى ، الصور والفيديوهات العشوائية ، الغداء ، الى اين أنا ذاهب ، ماذا أفعل الأن ، ومن حين لأخر حديث عن موقف عابر حدث وسط اليوم" ومع نهاية اليوم يبدأ فصل أخر من المشاركة والحكي عما حدث خلال اليوم وعما ننوي القيام به مستقبلاً ، الحنية واللين في الحديث والتخفيف من أثقال اليوم ، آرى أن المشاركة هي خير دليل عن الحب. أخصص له كل الوقت مهما كنت مشغولاً 🤍..