Amany pharmacy

مرحبا رجعت وياكم صيدلانيه اماني اشرحلكم عن تسويق الكتروني هسه راح نحچي عن سؤال كل أصحاب المشاريع يسألوه… شوكت أروّج؟ وبشكد أروّج؟ وشلون أروّج؟ أول شي… خليني أصدمك ان هذه أكبر فكرة غلط. هواي ناس عبالهم : “أول ما أسوي إعلان ممول… راح تجيني مبيعات.” لا… مو هيچ يشتغل الترويج. ❌ الإعلان مو عصا سحرية. إذا صفحتك فارغة، ومحتواك ما يقنع، والناس ما تعرف منو إنت… حتى لو تصرف مليون دولار على الإعلان، راح تروح فلوس وماتحقق نتيجه !! زين شسوي لعد !! لازم بالبداية نصنع محتوى. محتوى يعرف الناس عليكم… محتوى يخليهم يثقون بيكم… محتوى يجاوب أسئلتهم… ويحل مشاكلهم… بعدين يجي دور الترويج. الترويج شيسوي؟ بس يجيب ناس أكثر يشوفون هذا المحتوى. نسوي قاعده مثل رياضيات إذا المحتوى قوي = الإعلان راح يضاعف النتائج. أما إذا المحتوى ضعيف= الإعلان راح يضاعف خسارتك. لهذا دائمًا أگول: المحتوى هو اللي يبيع… والإعلان بس يسرّع عملية البيع. فلا تستعجل على السبونسر. زين شون مافشل !! بكل بساطه اسأل نفسك أولًا: إذا دخل شخص جديد لصفحتك… راح يقتنع يشتري؟ اكو فيديوهات، بوستات، آراء عملاء، وشرح للمنتج؟ لو مجرد صور وأسعار؟ اكو فضول يخليني اشتري واجرب منتج اكو حل لمشكله معينه ؟؟ إذا جوابك لا… لا تروّج هسه. ابنِ محتواك أول، وبعدها صرف على الإعلان. لأن الإعلان يجيب الناس للباب… بس المحتوى هو اللي يخليهم يدخلون ويشترون. @amanykareem123

مرحبا أغلب المسجات اللي وصلتني البارحة “شون أحصل فرصة عمل بالتسويق الالكتروني ؟” بس قبل لا نحچي عن فرص العمل، لازم نعرف شنو هو التسويق الالكتروني أصلًا وشنو الاختصاصات الموجودة بيه؟ التسويق الإلكتروني بكل بساطة هو تروجين لمنتج أو خدمة عن طريق السوشيال ميديا. يعني بهالزمن، إذا عندك منتج أو مشروع، موكافي تعتمدين بس على المندوب أو البيع المباشر، لازم يكون عندك وجود قوي بالسوشيال ميديا. التسويق حاله حال الطب عام يعني ، ، بيه اختصاصات هواي وكل شخص يختص المجال اللي يناسبه. زين شنو اختصاصات موجوده بعراق ؟ واكدر اشتغل بيها ؟ Copywriter * Content Creator * Video Editor * Photographer * Graphic Designer * Social Media Specialist * AI Content Creator * Performance Marketer * Media Buyer * Digital Marketing Manager وأهم ملاحظة… تقريبًا كل هاي الاختصاصات تكدرين تشتغلينها أونلاين ومن أي مكان. زين شلون أعرف شنو المجال المناسب إلي؟ بكل بساطة، راح أسويلكم سلسلة أشرح بيها كل اختصاص وحده وحده، حتى تعرفون شنو طبيعة الشغل وشنو المهارات المطلوبة بيه. وأول اختصاص راح نبدي بيه هو: Copywriter وبصراحة هذا كان بداية دخولي لمجال التسويق. شنو يعني ؟ الكوبي رايتر هو العقل اللي ورا المحتوى التسويقي. أي إعلان عجبك، أي فكرة شدت انتباهك، أي ريل كملته للآخر، غالبًا وراه كوبي رايتر ليش؟ لأن هو المسؤول عن الأفكار، الرسائل، وكتابة المحتوى اللي يخلي الناس توقف وتقرا وتتفاعل. أما شلون تتعلمينه؟ وشنو المهارات اللي يحتاجها؟ وشلون تحصلين فرصة عمل بيه؟ هاي كلها راح نحچي عنها بالايام الجاية. هسه احجولي : منو سامع بالكوبي رايتر ؟ قبل؟ ومنو يفكر يدخل مجال الكتابه محتوى ؟ @amanykareem123

شلون أشتغل بالمكاتب العلميه كإدارية؟ هذا أكثر سؤال يجيني باليوم. مرحبًا، أني أماني، صيدلانية وأعمل كمديرة تسويق إلكتروني لمكتب علمي دوائي، وطالبة ماجستير إدارة أعمال / قسم التسويق الإلكتروني. هواي يعتقدون أن فرص الصيدلة انتهت وتقتصر فقط على التواجد بالصيدلية أو العمل كمندبة، لكن حاليًا أكو مجال مهم ومطلوب كلش بالسوق، وهو التسويق الإلكتروني. هذا المجال ممكن يكون أونلاين أو حضوري، وتكدر تشتغل من خلال: • المكاتب العلمية • شركات السكن كير • البراندات والمشاريع المختلفة • أي بزنس يحتاج تسويق وحتى إذا عندك صيدلية خاصة، أو ناوي تبني مشروعك، أو تريد تصير مؤثر على السوشيال ميديا،. وأكو هواي فرص عمل بهالمجال أكثر مما تتوقعون. هسه احجولي… سامعين بهالمجال من قبل؟ @amanykareem123

بما ان رفع الحظر عن التليكرام فقرررت امددد تسجيل على الكورس !!

Amany pharmacy pinned «� الكورس الي وعدتكم بيه رسميًا انفتح التقديم عليه!! كورس أساسيات التسويق الإلكتروني 📈✨ إذا تريد تدخل مجال التسويق الإلكتروني وتعرف شلون تشتغل بي، وشلون تختار التخصص المناسب إلك بالمجال فهذا الكورس إلك 👌🏻 حيكون العدد محدود جدًا ⚠️ فـ لا تضيعون الفرصة»

هواي من صياادله عبالهم بس اكو فرص للتواجد والمندبه لكننن هذه قسم انفتح حاليا بمكاتب العلميه ! ومطلوب جداااا!!

للعلم الصيادله الخريجين والطلاب يكدرون يشتغلون بالتسويق الالكتروني !!

� إذا تريد تبدي بمجال التسويق الإلكتروني من الصفر وتعرف شلون تحصل فرص عمل أونلاين وتبني مهاراتك ✨ فهذا الكورس إلك 👌🏻 يشمل الكورس: • أساسيات التسويق الإلكتروني • شلون تبني مهاراتك بالمجال • شلون تحصل وظائف أونلاين • شلون تسوي CV وملف أعمال يخليك مطلوب • أسرار بناء السمعة بالمجال 📅 مدة الكورس: 3 أيام 💻 أونلاين بالكامل 💰 السعر: 50 ألف فقط ⚠️ العدد محدود جدًا للاستفسار والتسجيل راسلوني خاص � @amanykareem123

� الكورس الي وعدتكم بيه رسميًا انفتح التقديم عليه!! كورس أساسيات التسويق الإلكتروني 📈✨ إذا تريد تدخل مجال التسويق الإلكتروني وتعرف شلون تشتغل بي، وشلون تختار التخصص المناسب إلك بالمجال فهذا الكورس إلك 👌🏻 حيكون العدد محدود جدًا ⚠️ فـ لا تضيعون الفرصة

تفاصيل الكورس حنعلنها يوم ٥/٨ والعدد محدود جداااااا حيكون اونلاين لمده ٣ ايام فمن هسه دانطيكم خبر لان يوم جمعه حينفتح حجز لمده ساعه فقط!!!!!

هلوووو للي عندهم استفسارات عن التسويق الإلكتروني 📈 ترقبوا يوم 4/8 🔥 راح نعلن عن كورس جديد + كل تفاصيله وحيكون العددد محدوددد وبشكل اونلايينن إذا عندكم اي استفسار هذه معرفي @amanykareem123

مهم ضروري تصوتون عل اساسه حنحددد كورس اسبوع جاي شون حيكون!!!!!!

للي مايعرف اني اشتغل مديره تسويق الكتروني بمكتب علمي دوائي !! يعني بمجالنا الصيدله

ملاحظه يعني مكاتب علميه دوائيه محتاجين صيادله هلفتره يشتغلون بهل قسم ! فضروري جدا تكون عدكم خبره بهل مجال !!!! او معرفه !

للعلم للطلاب وخريجين حاليا مكاتب علميه دتفتح قسم تسويق الالكتروني عدكم فرصه جدا حلوه تستغلوها

مرحبا شلونكم ؟؟؟؟؟ اريد اسألكم للمهتمين بمجال تسويق الالكتروني اذا نسوي كورس تريدو حضوري لو اونلاين ؟؟؟؟

نزل اول شرح عن تسويق الالكتروني

حتى فرص عمل حتكون موجوده بهل حساب

مرحبا شلونكم ؟ بعد اختفاء سنتين 🥲✨ احس صرت غريبه عن هل قناة 😂😂 على رغم بعد مرور سنتين اني لازلت احب اشرح وانطي معلومات فحابه اشرحلكم عن مجال ديجتل ماركتنك الي حيفيد الطلاب ( لان تكدرون تشتغلون اونلاين) والخريجين والي هوه حاليا اني اشتغل بيه ك مانجر باحد مكاتب علميه فتابعو الاكاونت مال شروحات حتى نتعلم سويا وايضا حتكون اكو قناه فرص عمل حتى نظمن موبس نتعلم يكون عدنا jobs بهل مجال https://www.instagram.com/amany_digital?igsh=MTRtcTQxaHYyaGMxZA%3D%3D&utm_source=qr