🌿 • أنثى متشافية • 🌿

أنك تبقى وحدك أفضل بكثير من أنك تعيشي مع واحد بتظلي تعلميه كيف يحبك وكيف يحترمك وكيف يعاملك . #الكوتش_أمل للاستفسار عن الجلسات تواصلي معي 📩: @amelhealing

عميلة كانت دائمًا تشوف في الحلم إن فيه شخص يطاردها ويبغى يأذيها. لما سألتها هل تعرضت للتحرش في طفولتك قالت أيوة لما اشتغلنا على تحرير تأثير التحرش سبحان الله بعد فترة شافت نفس الحلم ولكن النهاية عجيبة الشخص اللي كان بيطاردها مسكته الشرطة وقيدته واخذته ومن وقتها ماعادت شافت الحلم على الاطلاق . المغزى : الأحلام المتكررة أحيانًا بتكون رسالة من عقلك الباطن أنه فيه حدث اتعرضت له ولايزال مأثر عليك في الداخل. بمجرد تتحرري من تأثيره خلاص ماعاد عقلك يعرضه لك كحلم . #الكوتش_أمل للاستفسار عن الجلسات تواصلي معي 📩: @amelhealing

خليني بس أذكرك كل ماطال تأخير أي هدف في حياتك عقلك حيبدأ يستبعد تحقيقه . عشان كذا : لاتصدقي أي فكرة تقولك أنه فات الوقت أو صعب يتحقق وخلي عندك يقين وثقة في أقدار ربنا 🌿 #الكوتش_أمل للاستفسار عن الجلسات تواصلي معي 📩: @amelhealing

عميلتي كان عندها مشكلة وهي أن خطيبها كثير الشك ويتهمها بحجات ماسوتها. لما حكينا عن بعض التفاصيل اكتشفت أنه عنده " اضطراب الشخصية الشكاكة " فطلبت منها أنها تخيره بين : أنه يتعالج عند مختص نفسي أو خلاص كل واحد يروح في طريق . بعدما خبرته رفض تمامًا العلاج والمشكلة أنها تزوجته . بعد فترة قصيرة بدأ يتهمها في شرفها وبحجات ماصارت وهنا بدأت المأساة الحقيقية وبعد 3 أشهر بالضبط ماقدرت تتحمل هلاوسه وطلبت الطلاق . عزيزتي البنت لما تشوفين سلوك مربك أو غير سوي في خطيبك لاتوهمي نفسك أنه ممكن يتغير بعد الزواج. الزواج مايعالج الاضطرابات النفسية بل بالعكس ممكن يتأزم الوضع أكثر مع المسؤوليات والضغط . #الكوتش_أمل للاستفسار عن الجلسات تواصلي معي 📩: @amelhealing

تواجدك في مكان لايشبهك هو نوع من أنواع تهميشك لذاتك. ارجعي اقريها مرة ثانية . #الكوتش_أمل للاستفسار عن الجلسات تواصلي معي 📩: @amelhealing

الشخص الناضج لايبغى يبهر حد ولا يثبت نفسه لحد هو يبغى فقط أنه يعيش في حالة من السلام مع نفسه وبس . #الكوتش_أمل للاستفسار عن الجلسات تواصلي معي 📩: @amelhealing

ابن اخي مؤخرًا صار بيضرب الأطفال بدون سبب وماكان كذا . حاولت اعرف السبب من خلال الاسئلة بس مافي فائدة . هذه المرة اجو لعندي عشان عطلة الصيف فبدأت اراقب سلوكه . لما نطلع خارج البيت لاحظت انه يكرر جملة " أنا قوي " " أنا قوي " ومباشرة يضرب أي طفل قدامه . هنا عرفت أنه ماهو فاهم معنى هذه الكلمة هو فاهم أنه لما يكون قوي معناه يضرب أي طفل يجي قدامه . فقلت له : أنك تكون قوي مايعني أنك تضرب الأطفال اللي في سنك . القوة هي عشان تدافع عن نفسك وماتسمح لأي حد يأذيك. وطلبت من أمه تعيد له هذا الكلام مرارًا وتكرارًا عشان يتعدل سلوكه . ولله الحمد بعد فترة قصيرة جدًا توقف عن هذا السلوك المؤذي . #الكوتش_أمل للاستفسار عن الجلسات تواصلي معي 📩: @amelhealing

قريبتي تواصلت معايا اليوم عشان تعرف ليه زوجها دائمًا بيزعل منها فجأة وبيظل طول اليوم متحسس منها وزعلان أول سؤال سألته لها : هل تحسي أن تعاملك معاه هو السبب في ردة فعله ؟ بتقول لا ما اعتقد لما تعمقنا اكتر في الموضوع طلع أنه فعلاً مابتعرف تتعامل معاه وكل الحجات اللي يكرهها هي بتسويها والمشكل مو هنا المشكل أنه في كل مرة يتنرفز منها من نفس التصرف وهي تستغرب من ردة فعله سألتها : طيب دام هذا السلوك بيخليه متعصب وزعلان وشايل منك ليه بس تكرريه ؟ بتقول : لأنه لو سويت اللي يبغاه حيتعود وبالتالي حيظل معتمد علي دائمًا . عزيزتي المتزوجة لو الحجات اللي يطلبها منك زوجك هي في اطار واجباتك كزوجة سويها بحب ورضا وشوفي كيف ينعكس هذا على تعامله معاك . #الكوتش_أمل للاستفسار عن الجلسات تواصلي معي 📩: @amelhealing

عميلتي كان عندها مشكلة وهي أنها ماتثق ابدًا بقدراتها ودائمًا لما تسوي أي شيء تشوفه جدًا عادي وممكن أقل من العادي وهذا خلاها تخاف تقدم على وظائف لأنه دائمًا عندها سيناريو الرفض أو أنه ماحيعجبهم شغلها لما تعمقت معاها في أصل المشكلة وجدت أنه عندها متلازمة المحتال اللي قاعدة تأثر على نظرتها لذاتها أول شيء اشتغلنا عليه هو إعادة بناء نظرتها لذاتها لأن المشكلة ما كانت في قدراتها ولكن في الصورة الداخلية اللي كونتها عن نفسها بعدما بدأت تتغير هذي الصورة بدأت كمان تتلاشى مشاعر الخوف من الرفض وعدم القبول وبدأت تثق في نفسها وفي قدراتها. #الكوتش_أمل للاستفسار عن الجلسات تواصلي معي 📩: @amelhealing

عميلتي كانت دائمًا تجذب أشخاص وضعهم المادي صعب لين تعرفت على شخص مقتدر ماديًا بعد الزواج دخل في أزمة مادية خانقة ماقدر يطلع منها فصارت هي اللي تتحمل مصاريف البيت لما بحثت عن السبب عرفت أنه هي كانت المنقذ المالي للجميع أفراد العائلة . ولأنها تعودت على الانقاذ لفترة طويلة عقلها الباطن قاعد يكرر عليها نفس السيناريو المألوف ليبقيها في الدور اللي كانت تستمد منه قيمتها وأهميتها . طبعًا الحل كان يركز على كيف تطلع من دائرة الانقاذ وترجع لمركزيتها : وهي أنها تكون أنثى مستقبلة وتسمح لشريكها يتحمل مسؤوليته المادية بنفسه . #الكوتش_أمل للاستفسار عن الجلسات تواصلي معي 📩: @amelhealing

عميلة كانت دائمًا تعاني من نفس التحديات في كل مكان تشتغل فيه . تبدأ المشكلة ب ملاحظات من رئيس العمل بعدها تحذيرات بعدها فصل لما اتكلمنا عن الموضوع وجدت أن عميلتي ماتحب اي أحد يتحكم فيها وهذا اللي يخليها تظهر وكأنها غير ملتزمة بالقوانين الداخلية للعمل لما رجعت لطفولتها وجدت أن اهلها كانوا يمارسون عليها نوع من القمع والتحكم . أي شيء يطلبوه منها لازم تنفذه بدون نقاش وأي شيء هي ماتحبه سواء كان لبس أو أكل يفرضوه عليها فرض ولو استمرت في المقاومة تتعاقب بالضرب أو حرمانها من شيء تحبه . لما كبرت راحت للتطرف فأي شيء فيه "لازم تسوي كذا" كانت تعتبره تحكم وقمع وبالتالي : تتجاهله أو تخالفه أو ترفضه رفض مباشر . وهذا اللي كان يسبب لها كثير مشاكل في حياتها المهنية والعاطفية . #الكوتش_أمل للاستفسار عن الجلسات تواصلي معي 📩: @amelhealing

قطع العلاقات السامة هو شكل من اشكال تقديرك لذاتك 🌿 #الكوتش_أمل

متابعة سألتني : هل التجنبي هو نفسه النرجسي ؟ الجواب : التجنبي ماهو نفسه النرجسي ولكن فيه تشابه في بعض الصفات مع اختلاف في النوايا . التجنبي أحيانًا تحسيه بارد ومايعبر وهذي تعتبر آلية حماية عكس النرجسي. لما يشغل وضع الصمت والبرود هو متعمد يسوي كذا عشان يتحكم في الطرف الآخر. التجنبي أغلب علاقاته فيها انسحاب ولكن انسحابه سببه خوف : خوف من القرب ، خوف من الالتزام خوف من فقدان الحرية...الخ النرجسي انسحابه مدروس: هو ينسحب لأنه ماشاف فيك مصلحة أو خلصت مصلحته معاك ومرات يستخدم هذا الأسلوب عشان يخلي شريكته تخضعله التجنبي مرات يتصرف بأنانية مو لأنه مايحبك ولكن اهتمامه بالحجات اللي يحبها يخليه يتصرف كذا . النرجسي العكس تماماً : الأنانية طبع متأصل فيه ومايعرف يحب غير نفسه . بس خليني أقول ملاحظة مهمة : على الرغم من أن التجنبي ماعنده نوايا خبيثة زي النرجسي إلا ان العلاقة معاه متعبة جدًا وغالبًا تنتهي ب الفشل . #الكوتش_أمل للاستفسار عن الجلسات تواصلي معي 📩: @amelhealing

عميلتي كانت تنسحب من أي علاقة تقترب من الزواج مع العلم أن كل الأشخاص اللي تعرفت عليهم كانوا واضحين وجادين من الأول لما بحثنا عن السبب عرفت أن والدها اتزوج على والدتها وتركها على الرغم من أنه كان يحبها وكان يعاملها معاملة طيبة البنت تشكلت لديها صدمة أنها "حتى لو اتزوجها شخص يحبها ومتمنيها ممكن يسوي زي والدها " ولله الحمد لما تم تفكيك الصدمة وتحريرها هذه المرة ماسوت تدمير ذاتي للعلاقة وانخطبت هذا الأسبوع الله يتمم لها ويسعدها. #الكوتش_أمل للاستفسار عن الجلسات تواصلي معي 📩: @amelhealing

لما جهازك العصبي يتعود على العلاقات السامة يصبح من الصعب البقاء في العلاقات الصحية. اقرئيها مرة ثانية 🌿 #الكوتش_أمل

اتناقشت مع عميلة عن موضوع تأخر الزواج قالت لي جملة خلتني أتوقف عندها : أنا صحيح أبغى أتزوج و لكن في نفس الوقت حاسة حالي تعودت على هذا الوضع هنا فهمت أن عقلها بدأ يعتبر هذا الوضع هو المنطقة المألوفة وهنا تكمن الخطورة لما يطول التعطيل في حياتك سواء في : زواج أو مال أو وظيفة...الخ عقلك يتأقلم مع الركود وأي محاولة للتغيير يقاومها بشدة عشان كذا لما يظهر عرض زواج أو عمل ..الخ تشعرين ب : تردد ،خوف وممكن تسوين تدمير ذاتي لهذه الفرصة . #الكوتش_أمل إذا كنت ترغبين في كسر " دائرة التعطيل " خاصة في جانب العلاقات أو الزواج تواصلي معي 📩 @amelhealing

أصعب علاقة ممكن تعيشيها هي مع التجنبي مرة قريب ومرة مختفي مرة يحبك ومرة وكأنه مايعرفك مرة متحمس ومرة أبرد من الثلج والأصعب ماحتعرفي ايش مصيرك في هذه العلاقة وللأسف ممكن في أي لحظة تلاقيه منسحب من حياتك بدون سبب واضح #الكوتش_أمل للاستفسار عن الجلسات تواصلي معي 📩: @amelhealing

🌿 • أنثى متشافية • 🌿 pinned «لحد الآن ما عرفت ليه ما تزوجت؟ خليني أقولك أحيانًا يكون السبب : صدمة ترك تعتقدي أنك تجاوزتيها ربما موقف كان فيه تحرش وتجاهلتيه ممكن قصة قديمة عقلك لساته متمسك فيها وأحيانًا العائق مايكون ظاهر إلا إذا نبشنا عليه وطلعناه لاتفكري كثير عزيزتي بمجرد نحط يدنا…»