. Empathia .

انا والضلع

Patchwork فلم رعب دموي وكوميدي بنفس الوقت قصته عن ثلاثة بنات يختطفونهن ويجرون عليهن عملية جراحية يدمجون اجسادهن بجسد واحد ولمن يگعدن البنات الثلاثة راح يبدن يحاولن يتفقن حتى يسيطرن ويتحكمن بالجسد وبعدها يبدن رحلة البحث والانتقام من الشخص الي تسبب بهذا الشي الهن. الفلم عبثي وسخيف لدرجة حتى انا كشخص اتحسس من الدموية جهازي العصبي نسى أن الفلم دموي وطول الفلم وجهي هيچ 😦 غريب وسخيف وعبثي بكل معاني الكلمات تحسه احلام العصر وما ادري شلون المخرج اجت بباله الفكرة أصلا! ملاحظة: غير مناسب لعامة المشاهدين، تصنيفه العمري 18+ تقييمي العام: 4/10

Cinema Night 🎞✨

Sweeney Todd: The Demon Barber of Fleet Street فلم رعب دموي عن قصة حلاق اسمه بنجامين باركر يُتهم ظلم بجريمة ويتم نفيه إلى خارج البلاد، ويرجع بعد 15 سنة حتى ينتقم بطُرق مرعبة. الفلم بالبداية راح تحسه من افلام ديزني لأنه ما تمر دقيقتين إذا ما غنوا (لهذا من تصنيفه موسيقى) بس بعدين تاخذ الصدمة لأنه أصلا gore. وبصراحة النهاية صدمة ورا صدمة خلتني طول الفلم فاتحة حلگي ومنفعلة بس ما أعرف شگول. ملاحظة: غير مناسب لعامة المشاهدين، خاصةً الي يكرهون الدموية. تقييمي العام: 6/10

Charlie and the Chocolate Factory فلم خفيف لطيف مناسب للاطفال وعامة المشاهدين. قصته عن صانع الشوكولاتة ويلي ونكا يقرر أنه يخلي خمسة أطفال يزورون مصنعه لمدة يوم كامل وتصير احداث خلال رحلتهم بالمصنع من تدبر ونكا يختبر بيها حسهم الأخلاقي وللي يبقى للنهاية يمنحه جائزة كبيرة. وبشكل عام تطلع فكرته العامة انه يتحدث عن العائلة واهميتها واهتمام اولياء الأمور بأبنائهم وهكذا أمور. تقييمي العام: 9.5/10

Edward Scissorhands فلم دراما ورومانسي عن مخترع عجوز يخترع رجل وقبل ما يصنع اله ايدي يموت ويبقى بدون ايدي وبس بمقصات ويحاول يتعايش مع المجتمع بمظهره المختلف هذا. فكرته عن شلون ممكن يتم استغلال البراءة، وشلون الشخص يحاول يكون مقبول بطبيعته بين الناس وان الناس ما يتقبلون المختلف عنهم. بصراحة الفلم حزين وثگيل نفسيًا، إذا ما تحب الدراما والرومانسية ما انصح بي اما إذا كنت مستعد فهذا الفلم جميل جدًا. ملاحظة: مو مناسب لجميع الاعمار تقييمي العام: 9/10

الليلة انا وجوني ديب للصبح 🙈🎩

Alice in Wonderland ما راح اسولف عنه هواي. مجرد فلم خفيف لطيف وخيالي من أفلام ديزني، خيالي بكل معنى كلمة خيال وعشوائية بس ممتع وما راح تحسون أن طول الفلم فعلاً ساعتين. واهم شي أنه عائلي ومناسب لكل الفئات العمرية، شاهده وانت مرتاح يمتى ما يعجبك تتابع فلم خفيف. تقييمي العام: 9/10

• حيوان شكله كيوت وحجمه صغير وكيوت همين، مو؟ بس هو المثال لكلمة لا تحكم على الكتاب من غلافه. المخلوق اللطيف هذا اسمه ابن عرس Weasel وهو حيوان مفترس يتغذى بنسبة كبيرة على اللحوم مقارنةً بحجمه الي أصلا يتراوح بين 15-25 سم، يعني شهية كبيرة وابو بطن. • المثير للاهتمام هو أن حجمه الصغير مو عيب بل يساعده يصطاد أسرع لان يقدر يركض بسرعة كبيرة ويدخل جحور ضيقة جدًا وين ما تختبئ الحيوانات الصغيرة ويصطادهم، ولهذا هو يحتاج ياكل هواي حتى يرجع طاقته، يعني الأخ رياضي. • ياكل فئران، الارانب الصغيرة، الطيور وفراخها، البيوض، السحالي والبرمائيات والحشرات أحيانًا. بس هو حيوان صلف لانه مستعد يهاجم حتى الحيوانات الأكبر منه حجمًا تحت ظروف معينة. • اكو نوع من أنواعه عندهم سلوك اسمه فائض القتل، يعني في ظروف معينة قد يقتل عددًا من الفرائس أكثر مما يقدر ياكله فورًا، خصوصًا إذا دخل لمكان مليء بفرائس محاصرة. (گلت الكم هذا صلف) • اكو انواع تشبه ابن عرس اسمه القاقم يتميز أن فروه يغير لونه إلى الأبيض  بالكامل بالثلوج عدا ذيله لونه أسود. يساعده على التمويه وسط الثلج. • لو صنفناه بالانماط الشخصية فهو راح يكون ISTP منشن ابن العرس مالتك 🤓

The Reference: my hand☺️

فعلت هذا البوت @kobaedm7261301_robot واخترق حسابي ديربالكم تفعلوا صديقتي مفعلته مخترق حسابها وضال يدز للناس حتى يفعلون

انكتمت من رسمتها لأن تعودت على الفحم بس هم تخبل

خلصتها الاربعاء ونسيت انشرها🤡😔، صورتها بفلتر خلاها تبين الوانها تقريبا مثل الواقع وصورة ثانية الي بدون فلتر حتى ما يكون اكو خداع شوي بشكل الاساسي، المهم شنو رأيكم وهل تشوفون اكو تطور؟ رسمتها بالالوان الزيتية) هاي ثاني لوحة الي