23-sonli umumta’lim maktabining axborot kanali

♟ Angor tumani 23-son umumtaʼlim maktabida shashka musobaqasi o‘tkazildi! Maktabimizda o‘quvchilarning mantiqiy fikrlashini rivojlantirish hamda bo‘sh vaqtini mazmunli tashkil etish maqsadida shashka musobaqasi tashkil etildi. Musobaqada o‘quvchilar faol ishtirok etib, o‘z iqtidor va strategik fikrlash qobiliyatlarini namoyon etdilar. Bunday tadbirlar o‘quvchilarning intellektual salohiyatini oshirish va ijtimoiy faolligini kuchaytirishda muhim ahamiyat kasb etadi.

⚡️ Ўқувчиларингизга юбориб қўйинг:  Якуний имтиҳондан ўтолмаган ўқувчини синфда қолдириб юборилади Мактаб битирувчилари учун умумий ўрта таълим дастурларини тўлиқ ўзлаштиргандан кейин якуний аттестациядан ўтиш мажбурийдир. Мактаб битирувчиларининг билими, малака ва кўникмаларига қўйилган талабларнинг бажарилиши бўйича якуний аттестация ёзма, оғзаки ёки тест усулида ҳар бир фаннинг амалдаги ўқув дастури асосида ўқув йилининг якуни бўйича ўтказилади. Таълим дастурларини давлат таълим стандартлари талаблари даражасида ўзлаштирган ва ўқув фанларидан йил якуни бўйича ижобий баҳоланган, ёки битта ўқув фанидан қониқарсиз баҳоланган битирувчилар мактаб педагогик кенгаши қарорига асосан якуний аттестацияга қўйиладилар. Халқ таълими вазирининг 2008 йил 4 мартдаги 56-сонли буйруғи билан тасдиқланган «Умумий ўрта таълим олувчиларнинг якуний давлат аттестацияси тўғрисида»ги низомнга кўра, бир ёки икки фандан ўтказилган якуний аттестацияда қониқарсиз баҳо олган битирувчиларга охирги якуний аттестациядан кейин икки ҳафта ўтгач қониқарсиз баҳо олган фанидан қайта якуний аттестациядан ўтиш ҳуқуқи берилади. Йиллик баҳо ва якуний аттестация натижаларига кўра, умумий ўрта таълим давлат таълим стандартлари талабларини бажармай, «қониқарсиз» баҳо олган битирувчилар шу синфда қайта ўқишга қолдирилиши мумкин. 👉 https://t.me/muallimlarga

👨‍👦 9-sinflarda “Otalar yigʻilishi” o‘tkazildi Angor tumani 23-sonli umumtaʼlim maktabida joriy yilning 11-oktabr kuni 9-sinf ota-onalari ishtirokida “Otalar yigʻilishi” o‘tkazildi. Yigʻilishda farzandlarning taʼlim-tarbiyasi, kasb tanlash masalalari va ota-onalarning o‘quv jarayonidagi ishtirokini kuchaytirish borasida fikr almashildi. Shuningdek, yigʻilish davomida ota-onalarga Oʻzbekiston Respublikasi Davlat xavfsizlik xizmati “Temurbeklar maktabi” harbiy-akademik litseyi faoliyati haqida videorolik namoyish etildi. Videorolik orqali ota-onalarga litseyda yaratilgan shart-sharoitlar, oʻquv jarayoni, hamda ushbu taʼlim muassasasiga o‘qishga topshirish tartibi haqida maʼlumot berildi. 📍 Angor tumani 23-sonli umumtaʼlim maktabi

🎥 “Temurbeklar maktabi” haqida videorolik namoyish etildi Angor tumani 23-sonli umumtaʼlim maktabida joriy yilning 8-oktabr kuni 9-sinf oʻquvchilariga Oʻzbekiston Respublikasi Davlat xavfsizlik xizmati “Temurbeklar maktabi” harbiy-akademik litseyi faoliyati haqida videorolik namoyish etildi. Mazkur videorolik oʻquvchilarning taʼlim muassasasi faoliyati, oʻquv jarayoni, yaratilgan shart-sharoitlar hamda yosh avlodni vatanparvarlik ruhida tarbiyalash yoʻnalishida amalga oshirilayotgan ishlar bilan yaqindan tanishishlariga xizmat qildi. Videorolikning asosiy maqsadi – oʻquvchilarda vatanparvarlik tuygʻusini mustahkamlash, harbiy soha va xizmatga boʻlgan qiziqishni oshirish, shuningdek ularni kelgusida ushbu yoʻnalishda faoliyat olib borishga ragʻbatlantirishdan iborat. 📍 Angor tumani 23-sonli umumtaʼlim maktabi