"ОКМК-SEMURG"

Ikkinchi davra boshlanishiga sanoqli kunlar qoldi 🤩

🎉 Tavallud ayyomingiz muborak, Ravshan Irmatov! Bugun O‘zbekiston futbol assotsiatsiyasi birinchi vitse-prezidenti Ravshan Sayfiddinovich Irmatov tavallud kunini nishonlamoqda. OKMK FK jamoasi nomidan Ravshan Sayfiddinovichni tavallud ayyomi bilan samimiy muborakbod etamiz. U kishiga mustahkam sog‘lik, oilaviy xotirjamlik, uzoq umr hamda faoliyatlarida yangi muvaffaqiyatlar tilaymiz. 🕊Telegram | 📱Instagram | 📺YouTube

🔥 АНГРЕНЛИК ФУТБОЛ МУХЛИСЛАРИ, ДИҚҚАТИГА! 🚌⚽ ​📆 Эртага — Душанба куни! ⚔️ 🏆 Суперлиганинг марказий учрашуви: 🔵 OKMK 🆚 Nasaf 🕗 Бошланиш вақти: 20:00 🏟 Манзил: OKMK спорт мажмуаси (Олмалиқ) 🚌 Ангрен шаҳридан футбол мухлислари учун махсус автобуслар ташкил этилган! 📍 Жўнаш жойи: Ангрен Марказий стадиони 🕠 Жўнаш вақти: 17:30–18:00 ✅ Автобуслар сони етарли, барча мухлислар учун жой мавжуд! ⚽️ Барчани Суперлиганинг марказий турида OKMK жамоасини қўллаб-қувватлашга таклиф этамиз! Олга ОКМК!!!

⚽️ «ОКМК-Семург» иккинчи даврага тайёргарликни давом эттирмоқда. Тайёргарлик доирасида жамоа 25 июль куни Тошкент шаҳрида «Бунёдкор» fj жамоаси билан назорат учрашуви ўтказди. Муросасиз кечган баҳсда жамоалар 2:2 ҳисобида дуранг ўйнашди. Иккинчи давра олдидан «ОКМК-Семург» таркибини кучайтириш мақсадида янги футболчилар ҳам жалб қилинмоқда. Жумладан, 2023 йилда «Пахтакор-79» сафида тўп сурган ҳужумчи Абдулазиз Абдусаломов ҳозирда «Бунёдкор» жамоасида тўп суриб, жорий йил Биринчи лиганинг Марказий минтақасида тўпурар бўлган. Ҳужум чизиғини янада кучайтириш мақсадида Абдулазиз Абдусаломов «ОКМК-Семург» сафига жалб этилди. Шунингдек, Қирғизистон Олий лигасида иштирок этаётган «Нефтчи» жамоасида тўп суриб келаётган Сарвар Абланов ҳам «ОКМК-Семург» таркибини кучайтириш учун жамоа машғулотларига жалб этилди. Айни пайтда яна бир нечта футболчилар машғулотларда иштирок этмоқда. Улар мавсумнинг иккинчи қисмига тайёргарлик кўриб, жамоа таркибидан жой олиш учун ўз имкониятларини намойиш этмоқда.

Prezidentimiz O‘zbekiston milliy terma jamoasining futbol bo‘yicha jahon chempionatidagi ishtirokiga to‘xtalib o‘tdi. “Milliy jamoamizning AQSh va Meksika maydonlaridagi o‘yinlarini butun xalqimiz bilan bir tan-u, bir jon bo‘lib, katta his-hayajon bilan kuzatib bordik. Futbolchilarimiz FIFA reytingida 5-o‘rinda turgan Portugaliya, 13-o‘rindagi Kolumbiya hamda ko‘plab futbolchilari Yevropaning yetakchi klublarida toʻp suradigan Kongo terma jamoalari bilan o‘tkazilgan o‘yinlar orqali o‘ziga tajriba orttirdi, mundial nafasini his qildi desak, to‘g‘ri bo‘ladi. Abbos Fayzullayev va Eldor Shomurodov jahon chempionatidagi ilk gollarini kiritib, xalqimizga xursandchilik bag‘ishladi. Milliy terma jamoamizning jahon chempionatidagi ishtiroki to‘g‘risida turli fikrlar bildirilmoqda. Lekin Vatanimiz sharafini himoya qilgan terma jamoamiz a’zolariga ortiqcha his-tuyg‘u bilan e’tiroz bildirish, ulardan ayb qidirish xalqimizga xos ish emas. Aksincha, bugun ularni qo‘llab-quvvatlash, ruhini ko‘tarish har qachongidan ham muhim”, – dedi Prezidentimiz. Katta g‘alabalar hali oldinda ekani, buning uchun futbolni rivojlantirishga yanada keng sharoitlar yaratilishi, bu sohaga investitsiya ko‘paytirilishi taʼkidlandi. Eng avvalo, bolalar futboliga eʼtibor kuchaytirilib, mazkur sport umummilliy harakatga aylantiriladi. Kelasi yilning yanvarida Saudiya Arabistoni maydonlarida o‘tkaziladigan futbol bo‘yicha Osiyo kubogiga tayyorgarlik hozirdan boshlanadi. “Biz jamoamizga ishonamiz va ushbu musobaqada ham butun xalqimiz bilan qo‘llab-quvvatlaymiz!” – dedi Prezidentimiz. Facebook|Instagram|X

Йўлимиз энди бошланди! Энг катта ғалабалар ҳали олдинда. Ҳа, оғриқли мағлубиятлар бўлди. Лекин Жаҳон чемпионатига чиқишнинг ўзи катта ютуқ эди. Бу ерда ҳар бир хато жазосиз қолмайди, ҳар бир рақиб эса дунё футболи элитаси вакили. Биз эса биринчи марта бу даражани яқиндан ҳис қилдик. Тан олишдан қўрқмаслигимиз керак: ҳозирча улар билан орамизда фарқ бор. Аммо бу фарқни кўриб туриб ҳам олдинга интилмасак, ҳеч қачон ўсмаймиз. Мундиал бизга аччиқ ҳақиқатни кўрсатди. Бошни эгмаймиз. Хулоса чиқарамиз, янада кўпроқ меҳнат қилиш керак. Олдимизда Осиё кубоги турибди. Ишончим комилки, бу Жаҳон чемпионатида орттирилган тажриба келажакдаги катта ғалабаларимизга мустаҳкам пойдевор бўлади. Йўлимиз энди бошланди. 🇺🇿

​🇺🇿 ТАРИХНИ КАТАНЕЦ БОШЛАДИ, КАПАДЗЕ ДАВОМ ЭТТИРДИ, КАННАВАРО ЭСА... ​Терма жамоамизнинг Жаҳон чемпионатига чиқишини, адолат нуқтаи назаридан қарасак, фақат биргина инсоннинг номи билан боғлаш тўғри бўлмайди. Бу — яхлит бир тизим ва бир нечта босқичли меҳнатнинг маҳсулидир. ​Сречко Катанец Ўзбекистонни мундиалга олиб чиқиш учун мустаҳкам пойдевор қуриб берди. Унинг қўл остида жамоамиз ўзига хос услубга эга бўлди, иродали, интизомли ва ҳар қандай рақибга қарши бош эгмайдиган рақобатбардош жамоага айланди. ​ Тимур Кападзе эса бу хайрли ишни муносиб давом эттириб, орзу қилинган тарихий натижани расмийлаштирди. Унинг қисқа вақт ичида масъулиятли паллада юкни бўйнига олгани ҳақиқий жасоратдир. ​ Лекин нега айнан Фабио Каннаваро? ​Бу савол кўпчиликни ўйлантириши табиий. Жавоб эса оддий: Каннаваро — шунчаки мураббий эмас. У — жаҳон футболи афсонаси, «Олтин тўп» соҳиби ва Жаҳон чемпиони. Унинг Ўзбекистон миллий терма жамоаси рулига ўтириши нафақат спорт нуқтаи назаридан, балки мамлакатимиз имижи ва брендини дунёга танитиш йўлидаги улкан стратегик қадамдир. ​Мундиал олдидан терма жамоамизга дунё эътиборини жалб қилиш, футболчиларимизни халқаро майдонда янада кенгроқ намойиш этиш ва ўзбек футболининг нуфузини кескин оширишда Каннаваро шахси бамисоли бир визиткадир. Унинг обрўси ва жаҳон футболидаги вазни туфайли бугун хорижий ОАВ ва мухлисларда Ўзбекистон терма жамоасига бўлган қизиқиш бир неча баробар ортди. ​ Бугун футбол олами мундиал дебютантлари ҳақида гапирганда, диққат-эътибор беихтиёр Ўзбекистонга қаратилмоқда. Бунинг сабаби фақатгина жамоамизнинг майдондаги кўрсатган мазмунли ўйини эмас, балки унинг тепасида турган инсоннинг жаҳон футболидаги ўрни билан ҳам боғлиқ. Шу маънода, Фабио Каннаваро терма жамоани мусобақага тайёрлаш билан бирга, Ўзбекистон номини бутун дунёга бренд сифатида танитиш вазифасини ҳам бажармоқда. Чунки футбол — бу фақат 90 дақиқалик баҳс эмас. Бу мамлакатни дунёга танитиш, унинг байроғини энг катта саҳналарда баланд кўтариш имкониятидир. Голлар ва ғалабалар вақт ўтиб тарихга айланади, аммо мундиал орқали Ўзбекистон номи миллиардлаб инсонлар қалбига етиб бориши — бу стратегик ютуқдир. Шунинг учун ҳам Каннаваронинг келиши фақат спорт нуқтаи назаридан эмас, балки Ўзбекистон брендини жаҳонга олиб чиқиш йўлидаги муҳим қадам сифатида баҳоланиши демакдир. 🇺🇿 https://t.me/angrenfutbol25

Эрон терма жамоаси ҳужумчиси Меҳди Таремининг ушбу видеодаги шиддатли ва жуда кучли мотивацияга бой нутқи: ​"Йигитлар, мен сизлардан ҳеч нарса талаб қилмайман! Агар биз улардан кучсизмиз деб ўйласангиз, ҳеч қанақа техника ҳам талаб қилмайман — фақат югуринг! ​10 дақиқами, 60 дақиқами, 90 дақиқами — фарқи йўқ, югуринг! Ким буни қила олмаса, чиқиб кетсин. Ҳамма фақат югурсин! Мен сизлардан бошқа нарса талаб қилаётганим йўқ. ​Кучли футболчиларга қарши сизга энергия керак. Шуни миянгизга қуйиб олинг. Агар кучли рақибларга қарши озгина бўлса ҳам заифлигингизни кўрсатсангиз, улар сизни шу қадар майдалаб ташлайдики, қайтиб ўрнингиздан тура олмайсиз! ​Ҳамма югурсин! Ҳеч кимдан қўрқманг. Агар майдонда қўрқув кўрсатсангиз, улар сизни парчалаб ташлайди. ​Биз югура оламиз, тўғрими? Фақат югуринг!" ​Ҳақиқий сардорлик ва жамоани руҳлантира олиш қобилияти мана шундай бўлади! Кўрсатиладиган натижадан қатъи назар, майдонда бор кучни бериб ҳаракат қилиш кераклигини жуда аниқ тушунтириб берган.

Гарчи бу гол расман ҳисобланмаган бўлса-да, мен уни хотирамдан ўчира олмайман. Бу ҳақиқий гол эди. Ҳатто мундиал тарихидаги энг чиройли голлардан бири бўлишга даъвогар эди. Ҳакам уни инобатга олмаган бўлиши мумкин, аммо бу ҳолат унинг гўзаллиги ва қадрини камайтирмайди. Энг қизиғи шундаки, бу голни урган йигитлар бир вақтлар Криштиану Роналдунинг ўйинига ҳавас қилиб улғайган, уни ўзларига кумир деб билган футболчилар эди. Энди эса тақдир уларни ўз кумирига қарши майдонга олиб чиқди. Футболнинг сехри ҳам ана шунда.

​Ўзбекистон миллий терма жамоасини қўллаб-қувватлаймиз! ​Ўзбекистон терма жамоасининг Жаҳон чемпионатидаги иштироки давом этмоқда. Ҳа, Португалияга қарши ўйин оғир кечди ва бой берилди. Аммо бу мағлубият учун мураббий ёки футболчиларни айблаш адолатдан эмас. Зеро, рақиб дунёнинг энг кучли жамоаларидан бири эди. Шунингдек, тажрибали ва жуда кучли бўлган Колумбияга қарши баҳсда ҳам йигитларимиз бор кучлари билан ҳаракат қилишди — бундай юқори даражадаги рақиблар билан ўйинни шунчаки ютқаздик деб баҳолаб бўлмайди, бу биз учун катта мактаб. ​Эндиги мақсад — олдинга қараб интилиш. Олдинда турган энг асосий ва ҳал қилувчи ўйин Конго терма жамоасига қарши бўлади. Бу баҳс футболчиларимиз учун ҳақиқий реабилитация вазифасини ўтайди. Жамоамиз ўзини тиклаб, бор салоҳиятини кўрсатиши учун ажойиб имкониятдир. ​Албатта, гуруҳдан чиқиш имкониятимиз ҳали ҳам бор ва бу амалга ошса, жуда катта тарихий натижа бўларди. Лекин ҳозирги вазиятда биз учун энг муҳим вазифа — гуруҳда сўнгги ўринни эгалламаслик масаласини ҳал қилишдир. Сўнгги сониягача жамоамизга ишонамиз ва уларни қўллаб-қувватлаймиз! Олға, Ўзбекистон!

Жаҳон чемпионатидаги илк учрашувимиз кутилганидек осон кечмади. Ўзбекистон миллий терма жамоаси Колумбияга қарши баҳсда 1:3 ҳисобида мағлуб бўлди. Албатта, мухлис сифатида ҳар қандай мағлубият оғриқли қабул қилинади. Рақиб ким бўлишидан қатъи назар, унинг савияси ва мақомидан қатъи назар, мухлис ўз жамоасининг ғалабасини истайди. Бироқ учрашувга ҳиссиёт эмас, таҳлилий ёндашув нуқтаи назаридан қаралса, эътиборга молик ижобий жиҳатлар ҳам кузатилди. Энг аввало, жамоамиз Колумбиядек кучли рақибга қарши тенгма-тенг кураша олишини кўрсатди. Ўз характери ва иродасини намоён қилди. Афсуски, учрашув тақдирини асосан ўз хатоларимиз ҳал қилди. Ўтказиб юборилган уч голнинг деярли барчаси эътиборсизлик ва индивидуал хатолар оқибатида юзага келди. Бундай даражадаги мусобақаларда эса ҳар бир хато жуда қимматга тушади. Индивидуал ҳаракатлар борасида Аббос Файзуллаев, Фаррух Сайфиев ва Абдуллаев ижобий таассурот қолдиришди. Улар майдондаги курашчанлиги ва интилиши билан ажралиб туришди. Умуман олганда, натижа қониқарли бўлмаса-да, дебют учрашуви терма жамоамизда катта салоҳият борлигини кўрсатди. Бу мағлубиятдан тўғри хулоса чиқарилса, кейинги турларда термамиз анча мазмунли ва самарали футбол намойиш этиши мумкин. Яна бир муҳим жиҳатни унутмаслик керак: бу — Ўзбекистоннинг Жаҳон чемпионатидаги илк иштироки. Албатта, натижа муҳим, аммо бугун жамоанинг ўз салоҳиятини намоён этиши ҳам катта аҳамиятга эга.

🇺🇿 ТАРИХИЙ ЎЙИННИ БИРГАЛИКДА ТОМОША ҚИЛАМИЗ! Ўзбекистон миллий терма жамоаси Жаҳон чемпионатидаги илк учрашувини Колумбияга қарши ўтказади! Барча футбол мухлисларини ушбу тарихий ўйинни биргаликда томоша қилишга таклиф этамиз. #Эртага 📍 18 июнь куни 🕡 тонг саҳарда Соат 06:30 да 🏟 «Ёшлар боғи» амфитеатрида 🖥 Улкан мониторда жонли (LIVE) трансляция! 🔥 🇺🇿 Миллий терма жамоамизни биргаликда қўллаб-қувватлаймиз! ⚽ Бир жамоа, бир миллат, бир юрак! 🇺🇿 ОЛҒА, ЎЗБЕКИСТОН! ​кириш бепул

Ўзбекистон миллий терма жамоаси катта шов-шувга сабаб бўлмаслиги мумкин, аммо 2026 йилги Жаҳон чемпионати плей-офф босқичига чиқиш учун кураша олади. Бу ҳақда Россия футбол иттифоқининг фахрий президенти Вячеслав Колосков ТАСС агентлигига берган интервьюсида -:Кабо Верде ва Янги Зеландия каби жамоалар Жаҳон чемпионатида иштирок этаётган бўлса, нега Ўзбекистон яхши савия намойиш этмаслиги керак? Ўзбекистонда яхши футбол мактаби бор, “Пахтакор” каби клуб мавжуд, кўплаб иқтидорли футболчилар етишиб чиққан ва футбол анъаналари шаклланган. Албатта, сенсация бўлиши қийин, аммо Ўзбекистон терма жамоаси плей-офф учун кураша олишига умид қиламан”, дейди Колосков.

Дорогие ангренцы, уважаемые болельщики «ОКМК-Семург»! От всего сердца поздравляем вас со знаменательной датой — 80-летним юбилеем со дня основания города Ангрен! Этот праздничный день является символом глубокого уважения к богатой истории нашего края и созидательному труду многих поколений его жителей. Примите самые искренние пожелания мира, стабильности, крепкого здоровья и успехов во всех благих начинаниях на благо нашей малой родины. Пусть наш любимый город Ангрен уверенно движется вперёд по пути процветания, а футбольный клуб «ОКМК-Семург» продолжает радовать болельщиков красивой игрой и новыми спортивными достижениями. С праздником! С 80-летием города Ангрен! ⚽️

Қадрли Ангренликлар, ОКМК Семург мухлислари! ​Сизларни жонажон Ангрен шаҳри ташкил топганлигининг 80 йиллик юбилейи билан чин қалбимиздан муборакбод этамиз. ​Шаҳримизнинг ҳар бир кўчаси, ҳар бир гўшаси биз учун қадрли. Ушбу қутлуғ кунда барча ҳамшаҳарларимизга, фидойи инсонларга соғлик-саломатлик, оилавий хотиржамлик ва ишларида ривож тилаймиз. Шаҳримиз ҳамиша тинч ва обод бўлсин. Севимли «ОКМК Семург» жамоамиз эса чиройли ўйинлари билан яшил майдонда доимо зафар қучиб, мухлисларини хурсанд қилаверсин. ​Байрам муборак бўлсин! ⚽️🇺🇿

🟡 OKMK Semurg' jamoasi a'zosi Davronbek Sulaymonov Havokand klubi darvozasiga burchak zarbasidan gol kiritdi 🤩 📲 https://t.me/BirinchiLigaUZB

⚽️ 1-лига. Биринчи давра якунланди! 🎉 Ғалаба муборак, Ангрен! "Хавоканд" (Қўқон) 1:6 "OKMK-Семург" (Ангрен) Биринчи лиганинг биринчи давраси сўнгги турида Ангреннинг "OKMK-Семург" жамоаси сафарда Қўқоннинг "Хавоканд" жамоасига қарши майдонга тушиб, рақибини йирик 6:1 ҳисобида мағлуб этди! Жамоамиз учрашув давомида ишончли ва чиройли ўйин кўрсатиб, майдонда тўлиқ устунлик қилди. Натижада ангренлик футбол ишқибозлари яна бир ёрқин ва голларга бой ғалабага гувоҳ бўлишди. 🔥 Ушбу ишончли ғалабадан кейин "OKMK-Семург" биринчи даврани 1-ўринда якунлаб, якка пешқадам сифатида ўз мавқеини янада мустаҳкамлади! 🎁 Шаҳримизнинг 80 йиллик юбилейи арафасида жамоамизнинг бу йирик ғалабаси ва мусобақа жадвалидаги пешқадамлиги Ангрен аҳли учун муносиб совға бўлди. 👏 Футболчиларимиз, мураббийлар штаби, жамоа атрофида меҳнат қилаётган барча инсонларни, шунингдек, бутун Ангрен аҳлини ушбу ажойиб натижа билан самимий табриклаймиз! Олға, "OKMK-Семург"! Олға, Ангрен!