المفيد في اللغة العربية | عبدالحكيم محمد

اتعجب من الي يكولون الاسئلة منهجية😂😂😂 چا منين يجيبلك بالاحياء خارجي؟ الاسئلة صعبة ولحد يعاند..

الانشاء الاول سواء كتبت عن التعاون او الاتحاد او المساعدة فهو صحيح ولا غبار عليه ١٠٠٪؜ والي يكول غير هالحجي خلي يراجع نفسه بالاحاديث الشريفة… وانا عند كلامي وتجي النتائج ونشوف.

سدوا ملف العربي. اجلت ؟ انت ادرى بمصلحتك عن البقية. امتحنت؟ عفية عليك وانسالي العربي. حاليا ؟ انت امام الانكليزي. شدولها

الاهل ٩٠٪؜ منهم مايراعون ظروف اولادهم وهذا مو شيء غريب . لا تخلوهم يعيقون دراستكم ، اثبتولهم قراركم كان صحيح بالدور الثاني .

- الرساله ؛ استاذ اهلي يأنبولي ضميري لان اجلت 😔😔😔😔

قلبي وربي وياكم ابطالنا ، لا تهتمون 🤝

- الرساله ؛ استاذ انت الوحيد اللي حجيت الصراحة والواقع

ابوية انتم خلص راحت بعد لتهتمون خيرها بغيرها. والتاجيل مو نهاية العالم ، التاجيل هو تاجيل الحسم مو خسارة المعركة.

- الرساله ؛ والله أستاذ أني أشوفها سهلة بس شنو ما لحگت أكمل مراجعة المادة لذلك أضطريت أأجل وحرامات راح علينه العربي شگد ردت أمتحنه من الدور الأول

اني افكر بعقلية الطالب.. اباوع للاسئلة واشوفها من محور ثاني.

- الرساله ؛ عاش تقييمك حجيت الصراحه باقي المدرسين يصيحون سهله او متوسطه!! ع الاستاذ اي سهله بس مو الطالب!

الاساتذة يكولون سهلة. هي فعلا سهلة ، للي ينطوه يومين ثلاثة يراجع " ملاحظات القواعد " الي تعمق بتحليل المادة حيكتشف كلامي صح. الادب سهلة ولكن مطولة، والقواعد بيها ملاحظات هواية. تقييمي ؟ متوسطة تميل للصعوبة.

طبعا الاسئلة اليوم متوسطة برأيي ، ولكن التاجيل هواي بسبب ضيق الوقت.. منو اجل ومنو لا ؟ وشنو اراءكم؟ @Hakimsi_bot

الاسئلة تؤخذ بها ١٠٠ والحمدلله.

تعبت؟ تذكر اني صارلي ٦ سنوات ما ممتحن اسلامية بحياتي ! تخيل باجر اخر مرة تمتحن اسلامية بحياتك.. ماتسوى تشدلها شوية ياعيني؟ لا تخليها عكب الخلاص لواص. بالتوفيق🤍

اسئلة الاسلامية ماتسربت ، ومستحيل تتسرب الاسئلة هالسنة وانا عند كلامي ، التشديد اكثر بالف مرة عن قبل وطريقة توزيع الاسئلة اختلفت.. اي واحد مهما كان يكول عندي الاسئلة ويروج لبيع الاسئلة كذب في كذب. واتعجب على بعض المدرسين الي ركبوا موجة التسريب ، اوكي تمام اكو قضية عن هالموضوع وقيد التحقيق بس الاسئلة ماتسربت خارج هالموضوع. اقروا وكافي تفكرون بهيج مواضيع ، خاصةً سالفة الاسئلة حتجي صعبة ومدري شنو من هالكلاوات . اقرا وخلي عقلك براسك ترا غيرك دياكل الكتاب اكل بالحفظ والفهم والله.

واخيرا رجع التليكرام...♥️