Asaka tuman 39-maktab rasmiy kanali

ANDIJON AXBOROTI ASAKA TUMANI 39-MAKTAB 12.05.2026

📢 Asaka tumanidagi 39-maktabda muhim uchrashuv bo‘lib o‘tdi! Andijon viloyati kiber jinoyatlarga qarshi kurashish bo‘limi hodimlari tomonidan o‘quvchi yoshlar bilan kiber jinoyatlar mavzusida profilaktik suhbat tashkil etildi. Uchrashuv davomida yoshlar internet tarmog‘idan to‘g‘ri va xavfsiz foydalanish, shaxsiy ma’lumotlarni himoya qilish, firibgarlik va zararli kontentlardan saqlanish bo‘yicha muhim tavsiyalar oldilar. Shuningdek, real hayotiy misollar orqali kiber jinoyatlarning salbiy oqibatlari tushuntirib berildi. Bunday tadbirlar yoshlar ongida axborot xavfsizligi madaniyatini shakllantirishda muhim ahamiyat kasb etadi. #Asaka #KiberXavfsizlik #Yoshlar #Profilaktika #Andijon

📢 Maktabimizda tartib va nazorat kuchaytirildi 39-umumta’lim maktabida o‘quvchilarning dars jarayoniga e’tiborini yanada oshirish maqsadida muhim nazorat ishlari olib borilmoqda. 📱 O‘quvchilarning mobil telefonlari maxsus telefon qutilariga joylashtirildi. 🔍 Shuningdek, o‘quvchilarda dars jarayoniga aloqador bo‘lmagan turli jihozlar bor-yo‘qligi tekshirildi. Ushbu chora-tadbirlar o‘quvchilarning diqqatini darsga jamlash, tartib-intizomni mustahkamlash va sifatli ta’limni ta’minlashga xizmat qiladi. 🏫 Maktabimizda har bir o‘quvchining bilim olishi uchun qulay va tartibli muhit yaratish ustuvor vazifa hisoblanadi. Kanal:t.me/asaka_39maktab

📚 Yoshlar kuni munosabati bilan kasb-hunar maktabiga tashrif Asaka tumani 39-umumta’lim maktabining 9-sinf o‘quvchilari Payshanba – Yoshlar kuni munosabati bilan 1-sonli kasb-hunar maktabiga tashrif buyurdilar. Tashrif davomida o‘quvchilar kasb-hunar maktabida yaratilgan shart-sharoitlar, o‘quv ustaxonalari hamda turli kasb yo‘nalishlari bilan yaqindan tanishdilar. Mutaxassislar tomonidan o‘quvchilarga kasb tanlashning ahamiyati, kelajakda egallashi mumkin bo‘lgan kasblar haqida batafsil ma’lumotlar berildi. Bunday uchrashuv va tashriflar yoshlarning kelajakdagi kasbini to‘g‘ri tanlashida, ularning qiziqish va intilishlarini yanada rivojlantirishda muhim ahamiyat kasb etadi. ✨ 39-maktab o‘quvchilari uchun tashkil etilgan ushbu tashrif ularda katta taassurot qoldirdi.

📢 E’LON Hurmatli ota-onalar! Asaka tumani 39-umumta’lim maktabida 2026–2027-o‘quv yili uchun 1-sinfga qabul boshlandi. Maktabimiz ko‘p yillik tajribaga ega, malakali ustozlar faoliyat yuritayotgan, o‘quvchilarga sifatli ta’lim va tarbiya berib kelayotgan maskan hisoblanadi. Zamonaviy bilim, yuksak ma’naviyat va vatanparvarlik ruhida tarbiyalanayotgan o‘quvchilarimiz turli tanlov va olimpiadalarda munosib natijalarni qo‘lga kiritib kelmoqda. Shu sababli farzandingizning kelajagi uchun ishonchli ta’lim maskani bo‘lgan maktabimizga taklif etamiz. 📌 2019-yil 1-yanvardan 2019-yil 31-dekabrgacha tug‘ilgan bolalar 1-sinfga qabul qilinadi. 📍 Hujjatlar 39-umumta’lim maktabi ma’muriyatida qabul qilinadi. Hurmat bilan, 39-umumta’lim maktabi ma’muriyati. Kanal:t.me/asaka_39maktab