بنوتات الاول باء 🌺 🌺

نصيحة لكل أم عندها طفل بالصف الأول: لا تشترين له جنطة كبيرة، خليها مناسبة لحجمه. اذا كانت طفله حاولي تشترين قميص وصدريه مناسبات لعمره ومستوره لا تعطينه فلوس، غالبًا يضيعها. لا تحطين له بيض مسلوق أو موز باللانج بوكس، لأن ممكن يخرب الأكل أو يسبب ريحة. لا تعطينه أكلًا جاهزًا بشكل مستمر، حتى ما يتعب معدته أو يتقيأ. لا تشترين له دفتر أبو السيم، التزمي بالدفاتر المطلوبة من المدرسة. لا تدزينه للمدرسة بدون ريوك، حاولي قدر الإمكان يفطر قبل لا يطلع. علميه يفرش أسنانه كل صباح. بالنسبة للمي، الأفضل تكون ببطل محكم الإغلاق، لأن المطارة إذا انكبت داخل الجنطة تبلل الكتب والدفاتر. حاولي يكون اللانج بوكس بيه فاكهة أو أكل صحي، مو كله حلويات. لا تخوفينه من حمام المدرسة، ولا تكليلَه: “لا تدخل”. خلي يعرف يستخدمه بصورة طبيعية حتى ما يحبس على نفسه ويتعرض للإحراج. سبحيه يوميًا، وعطريه بعطر خفيف، وبدلي ملابسه باستمرار. فتشي الجنطة كل يوم، يمكن يبقى بيها أكل أو أغراض تسبب ريحة أو وسخ. علميه النظافة والنظام من الصغر، لأن الطفل يتعلم من أهله. تفقدي قرطاسيته وكتبه ودفاتره يوميًا، مو لأنه ناسي، وإنما لأنه بعده يتعلم المسؤولية. خلي كل كتاب بداخله دفتره حتى تسهلين عليه وعلى المعلمة، وما يتوتر داخل الصف. حاولي تبعدينه عن الأكلات المصنعة مثل النقانق، والإندومي، والجبس بشكل متكرر، وخلي أكله صحي أكثر. ونوميه بوقت مبكر حتى يصحى مرتاح ويكون مستعد لدوامه. إذا التزمتي بهالنصائح، راح تساعدين طفلك يتأقلم بسرعة، وتخففين عنه وعن معلمته، وتزرعين بيه حب النظام والنظافة والاعتماد على النفس من أول سنة دراسيةولاتنطينه مجال للشكوى والتنمر من الدارسه والمدرسه حاولي تحببينه بالمدرسه وكيف من يكبر ويصير واخيرا امنياتي للحميع بعام دراسي جديد كله تفوق ونجاح

اعلان تسليم نتائج امتحانات نهاية العام الدراسي الحالي تعلن إدارة مدرسة الياسمين الابتدائيه للبنات عن إكمال كافه الاجراءات التدقيقيه لنتائج امتحانات نهايه العام الدراسي 🌼🌼 وبهذه المناسبه تسرنا دعوة أولياء ألامور الكرام لتسليم نتائج بناتنا العزيزات🧿,،،يوم الاحد المصادف ٥/١٠ الوقت من الساعه التاسعه صباحا وحتى الساعه الثانيه عشر ظهرا يرجى الالتزام بالموعد المحددلضمان انسيابيه العمل نتمنى لجميع تليذاتنا العزيزات الموفقيه والنجاح ،💐💐

السلام عليكم ورحمة الله وبركاته موعد تسليم النتائج سيكون يوم الأحد مع تمنياتي لكم بالنجاح والموفقيه🌹🌹🌹🌹

السلام عليكم كل من يرغب في تسجيل ابنه او ابنته في الصف الاول    في مدرسه الياسمين للبنات او مدرسة العوالي للبنين من مواليد ٢٠٢٠ ومواليد ٢٠٢١ لشهر الواحد يراجع مدرسه الياسمين حصرااا لسكنة قرية الغدير ولكم كل التوفيق

السلام عليكم ورحمة الله اخواتي الرجاء عدم الدخول خاص والاستفسار عن النتائج. ادارة المدرسة ارسلت منشور في قناة المدرسة ووضحت استلام النتائج.

احبتي تم بحمد الله تعالى امتحانات نهاية السنه وانتهت رحلتنا مع بناتنا الجميلات وكانت رحله شاقه وممتعه فقد تحول فيها الظلمه الى نور والانكسار الى نهوض والعداوه الى صداقه والحزن الى فرح والفوضى الى نظام والكره الى حب والهزيمه الى انتصار والكسل الى نجاح وتفوق وان شاء الله ما قصرنه ويه بنوتاتي وان شاء الله تكونون عند حسن ظني بكم احبتي

سوف يكون خروج التلميذات غداا الخميس الساعه الثانيه والنصف بعد الامتحان ولكم كل التوفيق يرجى تبليغ السواق واولياء الامور بالحضور من وقت لاستلام بناتهم 🎈🌿🎈