الناشر حمزه الياسري للقصائد الحسينيه

(موشح) يالدفنـت ابحــــزن والــد فاطمــه اشلون حال الزهره ياحامي الحمه ــــــــــــــــــــــــــــــــــــــــــــــــ مانلوم اعيونكــــــم لمن بچــــن باللحد محبوبكم حين اندفــــــــن بلله شدگول ابنعيهه ام الحســـن من نعت يمكن بچت حتى السمه ــــــــــــــــــــــــــــــــــــــــــــــــ يالولي خبرنه عن موضوعهــــه ياعلي هم نشفيـــت ادموعهــــــه بلله هم لزمت بديهه اضلوعهـــه هالعزيزه اتشوف ابوهه امعلمــه ــــــــــــــــــــــــــــــــــــــــــــــــ فاگد الاحباب ينهـــــد حيلـــــــــــه چا اشحال الزهـــــره باول ليلـــــه دمع حسرتهه اعله ابوهه اتسيلــــه والله حگهه العين لوصبت دمـــــه ــــــــــــــــــــــــــــــــــــــــــــــــ ياعلي اقرايتكم الراعي الاهــــــل من قريتو اشچان ذاك المستهــــل اشلون حال اولادك ابيوم الرحــل والله ليله ابفگد جدهم مؤلمــــــــه ــــــــــــــــــــــــــــــــــــــــــــــــ صوت احبابك يحيدر يعتلـــي عظم الباري اجركم ياعلـــــي فاطمه ابهاي العزيه سجلــــي والدچ هالليله نحظر مأتمــــه سيد علي الموسوي

https://t.me/boost/aldikan

صلاتي ومجلسك يحسين هذا متاعي للمحشر اذا سألوني روحك وين اصيحن يم ابو الاكبر -------------------------------------- آنه محضر دمع مضموم مثل الضام خرجيته واتاني وبس يهل عاشور باول آه بديته صدري من اللطم مولاي صم تراب سويته آنه الگالو عليه مجنون هايم عاف بزريته واگلهم همه شيفيدون ياهو البلگبر يحضر ؟ اذا سألوني روحك وين اصيحن يم ابو الاكبر -------------------------------------- انه اللابس سواد عليك حتى بجيت اعيادي آنه العبد الله ولجسام ناذر عمري واولادي هيه الدنيا خنگه تصير حتى بنص لحد غادي اذا ما الهه حل يحسين وكت الضيج شٌنادي ؟ دخيلك يا اخو العباس نندبك ندبة الخدر اذا سألوني روحك وين اصيحن يم ابو الاكبر -------------------------------------- اشمك شمة المحكوم بآخر لحظه وي آمه وبعدهه بلحظه راح يموت كل الدنيا متهمه هيچ آنه بدليلي الشوگ من اسمع بابو اليمه وصلت لحضرتك متعوب وانته بچفك النعمه سائل وانته كلك طيب خل عينك على المضطر اذا سألوني روحك وين اصيحن يم ابو الاكبر -------------------------------------- وآنه بحظن امي حسين بسمك چانت اتلولي ثاري بزغري انوح اعليك رأسآ تربه جابولي جوه اوسادتي وحسيت جنة ربي خلولي طفل وانشد رضيع حسين اكبر لو نفس طولي ؟ تربيت اعله آه يحسين يمه الغالي يموذر اذا سألوني روحك وين اصيحن يم ابو الاكبر -------------------------------------- بنفاهه وضيج باقي وياك دارت دنيا ما دارت چفوف الكضت الشباچ لا ماتت ولا حارت بس لله والك يحسين امدهن يا أبو الصارت الخطوه المو الك مولاي كون بگاع لا سارت يلدربك نجاة الناس چفك للعطش كوثر اذا سألوني روحك وين اصيحن يم ابو الاكبر كلمات الخادم / رعد الفريجي 30 _ ذو الحجه _ 1447 ثوابها لروح والدتي

شوط كربلائي ام البنين احب بالدنيا هاي ثنين أكثر والله من ولدي عشگي الأول اني حسين وعشگي الثاني للمهدي ١ــــــــــــــــــ عندي حسين اعز الناس واغلىٰ من النفس بية وتسبيحي وصلاة الليل بأسمه وبية طارية ابني لجيتة دار احزان وبقلبي حسينية بالحب مالك الوجدان سيد اعله الانس والجان هوه قائد وسلطان حبيبي يا ابو السجاد انته وغيرك شعندي ــــــــــــــــــ اسمي وكنيتي والخير كل البية من خيرة لولاه العمر بتراب ما يتسمى من غيرة قران العشك والعين هوه وصعبة تفسيرة من عندة البخت والجاه ريحانة رسول الله بس قربة وصعب فرگاه بغيابة الحزن وياي يبقى ودمعتي بخدي ــــــــــــــــــ بس هوه العرف بالكون يجبر غربة عيوني يا أول وطن مذبوح وبالهم اني ذبحوني كل عمري ولا أنساه وميتة بحزني يلگوني للموت الدمع والنوح حدما تنسحب هالروح ابقى بدمعه للمذبوح وكلما تنتهي الدمعات من نهج الحزن تبدي ــــــــــــــــــ بلكن يرجع المرسال جايب ريحة اخبارك وترد من غربتك ذيج سالم غانم لدارك تلگى الدنيا كلها عليك بس الدمعه بنصارك ياذيني الغياب هواي ما يخلص حزن بلواي يانور البصر مولاي انشد يا عزيز حسين باجر انزل بلحدي ــــــــــــــــــ جمرات الرماد تعيش لو هب الهوه العالي تحت اضلوعي جمرة شوگ لو هب عطرك تلالي وينك يا حنين الروح رسمك بالجفن خالي من تحت الرماد النار لوهب الوعد للثار تنهض والظلم ينهار وتعيد العلم مولاي بيدك يرتفع بدي ــــــــــــــــــ اسئل عن وحي الدمعات لمن ارفع اجفوفي اعطش والسمه بلا غيم صحرة اليبست شوفي عجل يا امان الله بيدك ينذبح خوفي باجر ما يظل الليل والهم والحزن والويل ويعود الأمان بحيل جفك يملي هاي الكاع طيبة وكل طغى يعدي ــــــــــــــــــ انشدمن يروحي عليك عنك اي بشر يعلم شوفي اليعطش لملگاك يالوجهك عذب زمزم ياهوه اليجيب اخبار عنك مثل ابن حذلم تدري بلا ضواها العين انشدمن وادور وين عنك يا بقايا حسين يا اخر حجي المذبوح نحره بنص رمح هندي ــــــــــــــــــ اكثر من ضناي الروح بيكم والله متعلقة فدوه لاسمك وطاريك ولاسمك فده وابقة حد اخر رمق مولاي من توگع ترة الورقة ابقىٰ لاخر الانفاس ما اندب على العباس من قلبي بالم وحساس اندب يا حسين هواي وبأسمك يظل ردي ــــــــــــــــــ الشاعر زين العابدين الشمري

اليوم ألاويها وأكسر اخشومها وخــل اميــة تفـزع بكل گومها ــــــــــــــــــــــــــــــــــــــ اليوم اكسر أخشومهم واطوي الرگاب واگلب العسكـر علــى العسكــر گــلاب اليــوم أوصل ادمومهــا لحد الرچــاب يبين اليــوم الصگــر مــن حـــومهـــــا ــــــــــــــــــــــــــــــــــــــ اليوم اگردسها واسد بيها النهــر اليوم أراويها الزلم من يـــاظهــر اليوم ألــوع گلوبهــا وتشبع قهــر اليــوم اخلــي الفـزعاها يلــومهــا ــــــــــــــــــــــــــــــــــــــ شــد عليهــا وعهد زينب مــانسـاه ومنــه فرت وانكسر جــف الـــواه الروس طارت والجثث ظلت وراه گطــع بيهــا ويـــوم الأكشر يومهـا ــــــــــــــــــــــــــــــــــــــ التمت بنص كربلــه وكــامت تدور وفرت كلوب الرجال امن الصدور لــزم بيــده أرواحهــا كبل النحـور توصـل لـزينب يريـــــد أعلــومهــا ــــــــــــــــــــــــــــــــــــــ توسط الحومة وطواها امن الشمال ودار صــوب الميمنــة وشـــد القتـال کامت امن خيولهــا أطيـح الرجـــال مــن دنـه الموت وگرب محتــومهـــا ــــــــــــــــــــــــــــــــــــــ العمد صوب هامته وزينب تشـــوف وطاح ابوفاضل صريع ويالجفـــوف صاح وحسين اعتنه يشگ الصفوف وغسل وجه المشرعه امن ادمومهــا ــــــــــــــــــــــــــــــــــــــ لزم خاصرته وكعد عد راس اخـوه وشاف طبرت هامته بيوم الولــوه صاح يا عباس اخوك استـوحـدوه وانته نايــم بالشمس واسمــومهــا ــــــــــــــــــــــــــــــــــــــ يابــو فاضل ويـن جــودك والعلــــم وعينك الحلوة شعمــل بيهــا السهـم ارخصني ياخوية ارد اشيلك للخيـم اختك فــراگك مغيــــر رســـومهــــا ــــــــــــــــــــــــــــــــــــــ شوف حالي وشعظم هـذا المصــاب وطاحت جفوفي رميـه اعلى التراب شرد اكـــل لزينب وسكنــه وربـــاب وأنه اخوهــا وبالعهــد ملــزومهــــا ــــــــــــــــــــــــــــــــــــــ كام محني حسين من هضم الجـره وظهره مكسور أعلى قائـد عسكــره ودع عضيــده ودمــع عينــه جـــره وهــاي عملت كربلـــه بمظلـومهــــا رائد الناشي #اللهم_عجل_لوليك_الفرج

https://t.me/aldikan أدعوكم أحبتي خدام سيدي ومولاي الإمام الحسين عليه السلام لمتابعة هذه القناة الخاصة بالنعي والأبوذيات . مع دعائي بالتوفيق للجميع 🌹

‏مقطع صوتي من كن انسان

‏مقطع صوتي من كن انسان

قصيدة ( ضاعت بنيه ) تحكي قصة طفله ضاعت عند الزياره وبعد ان عادت الى ابيها فقد الوعي حينما رأها ساعد الله قلب زينب في عاشوراء بين الاهــل والــزوار      ضاعت بّنيه زغيره بيها الفكر ظل محتار     ما تنوصف هالحيره هل الموقف شگد صاير ذكـرنــي يــوم العـاشـر   ضاعت بنيه زغيره **** بين الضريحين اسمَعــتْ     صـوت اعتلـه للحضـره ضاعــت ابـنيــه بكـربله     وخنگتنـي احـس العبره ذكــرني يــوم الفاجــعـه    وضنوني صارت صحره يا طفله ركضت عالجمر   مــا تطفه ذيـچ الجمــره ومذهول ابوها ودمعات      تجري حزن من عينه للطف خذتني الصفنـات       اه يــا جـرح واليــنــه هــل الدمــع چـم زايـر  ذكرني يــوم العــاشر ضاعت بنيه زغيره **** كـــــل الامـــــان بكـــربله   هسه بحــرس محميه وكلمـن يضيــع مـن الاهـل     لابــــد يـــرد تــاليــه چم طفله من حرگ الخيّـم     بالصحره هجــت هيه نــار وحــرب خـيل وزلــم     وبعــد الجـره مسبيه بين الامس بين اليوم     ردت ألي يا ذكره وزينب مثل طير تحوم      آه يا مصاب الحره چم طفله تحت الحافر   ذكرنــي يــوم العـاشر **** جابـو الطفلـه وشاهَــدتْ    جفن الابو يهل دمعـه ضماها لگليبـه وصــرخ     يبنيتي هــا يالشمعه موقف فجعله شچم گلب    بچه أحّســه السبعـه يا طفله لحسين اطلـعت     ونظرت مهشم ظلعه شبگت ابوها بيا حـال      ونادت يبويه الغالي متگطع شلون اوصال      مكسر مكان آمالي يا ريته يعمى الناظر     ذكرني يوم العاشر   **** رجعت لبوهـا ودمعتـي    فــوگ الجـفـن همالـه وچم زاير ينوح بحزن    من شاهدوا هل الحاله ذكّـرنه يــوم الفاجعـه     حسين شجره بأطفاله مذهوله بالبـر شـارده    مـن هجمـت الخيــالـه چم طفله صاحت بأحزان    يا عمي يا ابو الغيره حرگــو عليـنا الصيـوان   وحيرتنا بعدك حيره مني الفكر ظل حاير ذكرني يوم العاشر   ****   لــو طفــل ضايـع ينلگي     يــرجــع بأمــآن لأهــلـه مـو واحــد بطــف كربله     اثمــانيـن طفـل وطفــله هجـو بعـد حـرگ الخيّـم     وصوت الفزع ظل يعله آه يــا گلـب بــت حيدره       يـا گلــب يحمـل مثــله شافــت رزايـــا وآلام      شافت مصايب كثره محتـاره تجمع ايتــام      بالطف غدت منتشره بين المضه والحاضر  ذكــرني يوم العاشر   **** الشاعر موسى البديري

هل اهلال شهر الموت والكون اختلف وضعه جبريل بقميص حسين ومغطي السمى السبعه --------------------------------------------- هليت وصبح عاشور يلچم كل جرح بينه مر ضعن الشرف علبال واحنه أگباله ونينه ردت كربله وي الشام ردت حيرة سكينه وهاي ام الحسن يا ناس وگبال النحر تنعه جبريل بقميص حسين ومغطي السمى السبعه ----------------------------------------- هل شهر الدمع والنوح والموت اعله كل ديره هذا امدمه ثوب حسين هاي اللوعه والحيره ونت فاطمه الزهراء هاي ايام ابو الغيره هم ترجع الخيل اردود تسحگ منحره وضلعه جبريل بقميص حسين ومغطي السمى السبعه ------------------------------------------- ردت زينب اعله الموت رد السوط والمنحر ردت خيمه بيها النار ردت لوعة الخدر آه يا كربله وعاشور هذا العطش وي الحر والعباس طاح هناك واخته بعيد واتودعه جبريل بقميص حسين ومغطي السمى السبعه ---------------------------------- هل أهلال ياخذ روح ميخلي الولي إبحاله عشر أيام ويذبحون راسه وتنسبي أعياله صوب اخيامه ركضة نار سوط ايعذب اطفاله يركض طفل مدري لوين من سوط العده إيوجعه جبريل بقميص حسين ومغطي السمى السبعه -------------------------------------- نلبسلك سواد اهدوم ونخلي الدمع رايه نلطم علصدر لحسين من نحضر للقرايه نذكر عطش ذاك اليوم لمن ما شرب مايه ذاك النهر هم مسجون چبد الوالي ميسمعه جبريل بقميص حسين ومغطي السمى السبعه ------------------------------------------ هاي إيام للمظلوم للمحد وگف دونه بآخر لحظة من ذبحوه شنهي الشاف بعيونه شاف أم عون يا هلناس علتل ماهي مامونه هذا المنظر الاذاه ضيم الشام شيجرعه جبريل بقميص حسين ومغطي السمى السبعه كلمات الخادم / رعد الفريجي ثوابها الى روح والدتي

جيت     شچايه       الهلي       بالهيمه يبن أمي دگعد    طاحت  الكم   خيمه يابو الفضل يابو الفضل  -------------------------------------------- يمسكت حلوگ الزلم  يمخورس الرمايه گوم اعله حيلك يلأخو بالگاع هاي الرايه عباس مو وكت النهر  ما ردنه نشرب مايه چلمة سبيه من انحچت  كتلتني  موش حچايه طبو     خيمكم    عباس ركضن حرمكم    عباس بلوه      ابتلينه    عباس خويه   انولينه     عباس يا ضيم  گلبي  ألما       أوصف  ضيمه يبن أمي دگعد    طاحت   الكم   خيمه يابو الفضل يابو الفضل  ----------------------------------------- عباس نركض والرمل  حار ويچوي اعيالك والشامت بچفه الحبل  هذا  الحچي چتالك يبن امي رد اعله الخدر  وأحميهه تبچي اطفالك عباس بس گاع الحرب  يبن الولي تحلالك عيني ونظرهه  ،،  عباس تقبل   شمرهه  ،،   عباس يحدي  بضعنه  ،،  عباس ردنه   الوطنه   ،   عباس تانيت  طولك      الله     كون   أيديمه يبن أمي  دگعد   طاحت   الكم   خيمه يابو الفضل يابو الفضل ------------------------------------------- جيناك خويه اعله النهر  مو ماي ردنه  العونه يا حاضر الشده المدد يابو الفضل وصلونه وينك  يسبع الگنطره  وداعت علي أذونه ذبحونه  بالسب والشتم  يا ريتهم ذبحونه بالطف  ركضنه  ،،   عباس يمك     وصلنه  ،،   عباس طاحت چفوفك  ،،  عباس ما باقي  شوفك  ،، عباس گوم      يا بو الزود     يابو       الشيمه يبن أمي  دگعد    طاحت   الكم   خيمه يابو الفضل يابو الفضل  ---------------------------------------- وين  الهواشم  علترب  محتاجه هسه اخواني غير  انه بت حيدر علي  وام الحسن عنواني عباس  تسمع  يلأخو  مديت  الك  ذرعاني ترضاهه بحبال انچتف  ترضاهه  ما تلگاني أمشي  أسيره  ،،  عباس هاي الچبيره   ،،   عباس ضعن  الهواشم  ،، عباس ما  يبقى  ىسالم  ،، عباس والضعن     بچفوف     العده      تسليمه يبن أمي   دگعد    طاحت   الكم   خيمه يابو الفضل يابو الفضل ----------------------------------------- ماشين  خويه اعله الهزل  يمكم  ولا ظلينه عباس يا حادي الضعن  هسه الشمر حادينه معقوله  يبن المرتضى  بين  العدى اتخلينه گوم اعله حيلك يلأخو  عباس بس حاچينه هسه  افترگنه  ،،  عباس رايح     ضعنه   ،،  عباس منكم  مشينه    ،،  عباس مچتوفه  ادينه  ،،  عباس نمشي  وي وادم      مالهم    كل   قيمه يبن أمي    دگعد   طاحت   الكم   خيمه يابو الفضل يابو الفضل كلمات الخادم /   رعد الفريجي ثوابها  الى روح والدتي

الي يحتاج قصائد محرم نزال ثكيل تراث يدخل لهاي المجموعه وبخدمتكم كلشي جديد موجود مع الالحان https://chat.whatsapp.com/GaEYcHloW6b09oafvVNBFO?s=cl&p=a&mlu=1&amv=1

شباب مجموعه راح تفيدكم الكل تنظم اخوكم وطالبكم حتى الكل تستفاد

إذا كنت من محبّي الإمام الحسين (عليه السلام) وعشّاق المنبر الحسيني، ندعوك للانضمام إلى مجموعتنا المباركة التي تجمع الخَدَمة والموالين في أجواء من الاحترام والأخوّة. 📿 مجالس حسينية • قصائد • لطميات • فوائد دينية 🔗 رابط الانضمام: ضع الرابط هنا👇 https://chat.whatsapp.com/GaEYcHloW6b09oafvVNBFO?s=cl&p=a&mlu=1&amv=1 نسأل الله أن يوفقنا وإياكم لخدمة الإمام الحسين (عليه السلام). إدارة المجموعة: السيد حمزه الياسري 🌹

يا أصغر شهيد ومنذبح ضامي .. أودعك لو أودّع عمري وأحلامي .. بسهم موتك .. سكت صوتك يضي عيني .. ................................ للماي ..  عناي  .. ذبلان الورد ويريد كطره .. أعدام .. بسهام .. غصن بأول ربيعه أنذبح نحره .. ويلاه .. بدماه .. تخضب من يسلي الورد عطره .. بالبيت .. خليت .. ألي بس المهد عبد الله ذكره .. وكت المغربيه لو شفت حالي .. كاروكك أهزه والمهد خالي .. رحت عني  .. وكثر ونّي تبجيني .. ................................... لوليت .. ناغيت .. تكبر للعرس أدعي بصلاتي .. ياروح  .. لتروح .. لو فاركتك تكرّب وفاتي .. أشلون .. مدفون .. ياخلك الهوه يبني وحياتي .. بتراب .. لهاب .. خدك نام يا أحلى أمنياتي .. جنت أتمنه أشوفك تكبر أكبالي .. ياغصن الترافه وطولك أيلالي .. يالمدلل .. يالمعدل ضوه أسنيني .. .................................... يحسين .. جاوين .. على عبدالله تسألني أديه .. وتكول .. معقول .. بعد وجه الصبح مامنه جيه .. أحتار .. وأنهار .. شكولن لو عليه تسأل رقيه .. والليل .. بالويل .. أخلصه ودمعتي عالخد جريه .. الكلبي الشيب واصل موفقط راسي .. الحلم مذبوح بعدك يا أعز ناسي  .. أختلف وضعي .. نهر دمعي شينسيني.. ...................................... بهالنور .. معذور ..  أذا نور الشمس ذب أستقاله .. مذهول .. ويكول .. لأن ساحرنه عبد الله بجماله .. منحور .. ويفور .. دمّه على النحر يبعث رساله .. ويصيح .. ويطيح .. وتسحك خيلهم عمره ودلاله .. ثكيله أخيولهم وأبني ترف عوده .. وظل راس الرمح يتباهه بخدوده .. برمح عالي  .. ضوه أيلالي يراويني .. ............................................ ضنواي .. رجواي ..أدري أجفوف أديك أشكد كصيره .. ذبلان .. عطشان .. وحركت جبدتك شمس الظهيره .. والجود .. مفقود  .. وبلايه أجفوف ظل بدر العشيره .. من بعيد .. للعيد ..  أعاين وأدري هالنظره الأخيره .. أذوبن وأشتعل حال الشمع حالي .. يسليني الونين ودمعتي أتلالي .. فلا أكدر .. على المنظر يأذيني .. ............................... حيدر مطر العبادي

للعليله على لحن أحزاني تابوت ملا محمد الجنامي أحسب دمع ما أحسب الثواني فوك المرض جمر الهجر جواني كل لحظه أشتاك .. بويه بويه ما أحمل فراك .. بويه بويه ................................... يابويه عني من رحت .. بصوتي النحيل شكد صحت .. وينك بجروح البكلبي شفت .. ماتكدر أنت تلتفت .. عينك أعيوني رِدت بشوفتك يابويه تشبع اسمع رقيه الفاطمه أتكلك ارجع كلبك أحسّه ينفطر لو صوتي تسمع ظليت أحس بلوعة اليتيمه حسره بدليلي والمدامع غيمه ما تلتفت ليش .. بويه بويه بدونك فلا اعيش .. بويه بويه .................................... ظليت وحدي بلا أبو ..ولا يمي أخت ولا أخو .. ويلي لاساعه يغمضلي جفن .. حسرات وأهات وأوّن .. ليلي خليتني بدمع الالم أترس وأبدّي طفله وعليله أشلون أظل يابويه وحدي ومفصّل أثيابه الحزن كلها أعله كدي لحظة موادع والدي سمعته يرجعلي الأكبر طوّل برجعته ما ظلّي كل حيل .. بويه بويه وأنطر مراسيل .. بويه بويه ................................... عالباب شابح ناظري .. مكسور ظهري وخاطري .. وأنحب فراك أهلي واقع وأنفرض .. والرمش من فركه ومرض .. شيّب ظليت أناطر كل وكت ترجع أليه كالو عزيزه أعله الأبو حيل البنيه أتصلي يمي أتصورك وأشبك رقيه ظلت صوركم ماتفارك عيني عندي أمل يا والدي تجيني اعيوني عالباب .. بويه بويه تترجه الأحباب.. بويه بويه ..................................... يابويه هد حيلي الألم .. والحلم عندي أصبح وهم .. حيره الليل يذبحني ذبح .. لو حتى راسك عالرمح .. ديره لا لون عنده ولا طعم كلشي بحياتي سالم ترد يا والدي أدعي بصلاتي مدفون جرحي وعلتي بويه بعباتي صدرك حنين وبس ردت أشبكه خاف الحوافر تهجم وتسحكه وتتهشم أضلوع .. بويه بويه والنحر مكطوع .. بويه بويه ....................................... لو حرّك الباب الهوه .. ردو هلي من نينوه .. ظني كلبي كبل جدمي ركض .. لا طفله لا بيه مرض .. جني مشتاكه ياناس شكثر للفاركوني مزروعه عيني بالدرب تكثر ظنوني أتشافه ويطيب المرض لمن يجوني ياطير أخذ شوكي وأخذ سلامي للما نسيته بصحوتي ومنامي أحلامي بالليل .. بويه بويه بيّ تسحك الخيل .. بويه بويه ........................................ مو يوم مر شجم شهر .. مرسال ماكو ولا خبر .. عنك وي الهوه الهاب أنتظر .. هلبت تهب نسمة عطر .. منك الدار وحشه وأنتظر والحاله حاله وأتأمل بشمس الصبح توصل رساله مرفوعه أيدي كل وكت لرب الجلاله علخدودي دمعي بالدعاء يلالي سالم تردلي كون بويه الغالي الساكن الروح .. بويه بويه أبنيتك تنوح .. بويه بويه .................................... حيدر مطر العبادي

موشح .                احزان زينب هل عليهه اهلالـهـه                  اشلون چانت الله يدري بحالـهـه                     *---------------*---------------*                  شافت اهلال الإجاهه ابيا وضـع                  عدهه بس النوح زينـب والـدمـع                  شهر هذا ايجدد اعليهـه الـفـجـع                  مــن يـهــل نار ويـشـب دلالــهــه                     *---------------*---------------*                  اشبـيـه غـيـر الـنـار والـطـف والألــم                  جايب اويـاه السبي وحـرگ الـخـيـم                  ايــذكّــر الـحـره لــمــن طـاح الـعـلـم                  ايجدد ابكـل يــــــوم صـوره ابـالـهـه                     *---------------*---------------*                  ابهالشهر إلـهـه الـجـفـون اتـجـرحـن                  صدر اخوهه حسين بالخيل انطحن                  اجروحه تنـزف دوم ماظـن يـنـسـن                 يوم طـلـعـت مـن وگــــــع كـفـالـهـه                        *---------------*---------------*                  تـذكـر اشـلـون انـسـبـت ام الـخــدر                  مثل هـيـچ ايـام ركـضـت عـالـجـمـر                  خيم مـاكـو بس عـبـايـتـهـه الـسـتـر                  بـيـن خـيـل وبيـن جـمــع اطـفـالـهـه                     *---------------*---------------*                 يـا جــرح ايـظـل بـعـد مـــا يـلـچـم                      عـنـهـه ما غاب الـركـض بين الـزلـم                  اليوم ويـاهـه ابـعـزه إنْـشِـد الـحِـزم                  الـعـيـن لٱم عـون الـدمـع يـحـلالـهـه                     *---------------*---------------*                  من اجاهـه امـحـرم اشـتـذكـر بـعـد                  غير اخـو مذبوح بـالـحـومـه و ولَـد                  زيـنـب ابـهـذا الـعـزه اتـريـد الـسَـنَـد                  اتريد كلمن صـب دمـعـتـه وسـالـهـه                     *---------------*---------------* ✍️خادم الحسين ع الشاعر رعد الچريخي

#شوط_كربلائي  ( #أهل_الغيره ) يـهـل الـغِـيـره غـيـرتـكـم   عـيـنـوا بـالــعَـزه الـزهـره فـاطــم تحـضـر وتـنـظـر   وتـحـب الـــيــدگ صـدره                          *---------------*---------------* عيـنـوهـه بمصاب حسين   يـهل الـغِــيــره يالـخِـدام لــولاكـم يــمــوت الـنـوح   ومجلــس فـاطـمة مادام الباري ابـفـضـلـه خصّـاكم   تشـدون ابـعزاهـه احزام                          انـــتـــم لـلــزچـــيـــه انـــصـــار                يــالــبــيــكـم شـگـول احـــتـــار                وفـيـتـوا بــضــعــة الـمــخــتــار خــدام ولـطـمـكــم هـــاذ   عـظيم بـقـيـمـتـه واجـره                         *---------------*---------------* ام الـحـــســن تـرعـاهــه   ومتعوف الخدمهه ابيوم هـيـه اتــسـجـل الاسمـاء   للحضـروا عـزه الـمظلـوم هــاي الـلـيلــه واسـوهــه   بٱحـزان ودمـع مسـجـوم                واســوهـه ابــدمـــوع الــعــيـن                يــهـل الـغِــيــره يــاطــيــبــيــن                هــالــنــوح لـمــصــاب حـسـيـن الـظـل امـوسـد الـتـربـان   وبـــدمـــه روه الــغَــبــره                          *---------------*---------------* عقيدتنـه ونظل لـلـمــوت   الـمـئـآتـم واللطم شـاهـد مرّه ابـسـاحـة الـمــيـدان   و مرّه ابمجلس انـجـاهـد عـلـيـنــه تــشـهـد الأيــام   نوافي ابـدمـنـه ونـعاهـد                نـعـزّي فــــاطــــمـــة وحــيــدر                وإنْـخـلّـي الــــــدمـــــع يـــنــدَر                نـعــوف الــغــالـي مــا نـــگـــدر واليتـرك عـزاء حـســيــن   إشـيقـدّم لـلـنــبـي عـذره                         *---------------*---------------* عــهـدكـم ثابت ومعروف   خـلـي الماسـمــع يـسـمـع يـفـرّقـنـه الـزمـن ونـعــود   ابمحرم كـلـنـه نـتـجـمّـع خـيـمـتـنــه عـزاء حسـين   نشارك فـاطـمــة الـمدمع                مــيــهــمــنــــه الـقـلـت والـقـال                لــحــســيــن الـجــفـن هـــمّــال                مـانـنـسـه الــبــديــهــه احـبــال الــعــادانــه نگـلـه الـيـوم   مـحـرم كـلــنــه ننـتـظـره                          *---------------*---------------* إلْـعـاده الـمـجـالـس هــاي   و الــرايـد يـلــف ويــدور نــگـلــه تــتـعـب اويـانــه   خـلـيـنـه ابجـرح عـاشـور بـس الـمــنـكـســر گـلـبــه   يـعـرف لـوعـة الـمكـسـور                مـــحـــرم بــالـلــطــم يـــنــعـــاد                ونــعــاهــد لٱبــــــو الـــســـجــاد                نــفــديــلـــه الـــعـــمـــر لــــو راد لـلـمـوت وعـهـدنـه اويـاه   الـغــالــي الرّخَـص عـمـره                          *---------------*---------------* غـيـرتـكـم تـشـيـل الراس   بوصـفكم يعجز إلـسـاني احـمـِـد ربــي وٱتــشــكــر   خــادمـكــم صــرت أنــي يـخـدام الــزجــيـه انـريـد   واحــد يــلــزم الــثـانــي                إنْــــريـــد الـــشـــمـــل يــلــتــم                وحــچــي اللامــونــه مـانـهـتـم                 نـنـصـب لـلــســــبــــط مـــأتـــم ومـنـعـوف الدمع للمـوت   وتبقـه ٱللـوعـه مـتـوجـره                         *---------------*---------------* ✍خادم الحسين ع الشاعر رعد الجريخي

الكل تنظم بهاي القناه

https://t.me/hedr5567