atheer AlDfa’ai | أثير ألدفاعي

كل سنة واحنه منعرف ليش همه زعلانين ! Happy Women's Day ✨

وكلما حمدت ربي وجدت منه ما يرضيني فـ الحمدلله رب العالمين..“

طاقة الحاقد واضحه طاقه الحاسد واضحه طاقه المغتاب واضحه طاقه المتملق والمنافق واضحه كلها تستشعرها على شكل عدم ارتياح هروب ، ونفور غير مبرر الي ميريدلك الخير روحك تعرفه .

مو بس السنه راح تنتهي راح ينتهي وياها كل الأشخاص الي ميستاهلونا، راح ينتهي وياها كل المواقف الي ضوجتنا ، وراح ينتهي وياها كل الذكريات الي زعلتنا . راح تنتهي هالسنة وتاخذ وياها شكو شي محلو صار بيها وراح تضل بس الذكريات الحلوة باشخاصها ومواقفها طول العمر وراح نبدي بسنة جديدة بـ رغبة جديدة بـ فرص جديدة بـ احلام وطموحات وانجازات جديدة .

يارب سنه 𝟐𝟎𝟐𝟓 تحس بيها احساس الاية هاي .. "﴿ فَرِحِينَ بِمَا آتَاهُمُ اللَّهُ مِنْ فَضْلِةٌ ﴾

خلصت السنة بشرني شسويت ما سويت؟ شغفك سيطرت عليه؟ كم كتاب قريت، الاهم بشنو فادتك هاي الكتب؟ انعكست على واقعك بشكل ايجابي؟ تعلمت مهارة جديدة، اخذت أشياء تطورك ؟ تعلمت لازم تجرب حتى تتعلم؟ تعلمت لازم تخسر حتى تربح، لوبعدك شايف الفلوس هي اكبر قيمة بحياتك ومستخسر تصرف على اي تجربة؟ الموهبة العندك طورتها استثمرت بيها؟ لو بعدك تدور على شغل وتصيح ماكو تعيين! لو انت من الهالكين نفسهم ومنطين كل وقتهم للشغل وشايفين الفلوس اهم من صحتهم وعائلتهم ووقتهم؟ زين صحتك عقلك صرفت عليهم شي لو مسترخصهم وملتهي تصرف بس على بطنك؟ زين شنو الاشياء ناوي تشتغل عليها هاي السنة؟ ناوي تكرر نفس الخطوات لو تعلمت الدرس؟ احجولي شنو الي قدمتوا لنفسكم من إنجازات ونجاحات بهاي السنه وصار تغيير رهيب بحياتكم لو بعد . السنه الجايه لازم تستثمر بيها كل يوم ولاتخليها هم تضيع منك حالها حال القبلها والقبها والقبلها

‏الشغله الوحيدة اللي راح اضل أطلبها من رب العالمين طول عمري بدون ملل هو أن يرزقني الله راحة البال والقناعة والرضا التام بكل ما هو مُقدّر لي، خصوصا اذا متتوافق أقداري مع الشي الي أريده ! لإن طالما رب العالمين كتب الي شيء فهو أكيد خير، فرب الخير لا يأتي إلا بالخير اللهم ارزقني الخير ثم ارضني به يارب.

كل ما رب العالمين يمنع عليك شغله جان نفسك بيها، دائماً اتذكر شغلتين "فخشينا أن يُرهقهما." "فأردنا أن يبدلهما ربهما خيرا منه." واعلم دائمًا أن المنع إذا كان من عند الله فهو قمة العطاء.

بحساباتنا احنا .. الدنيا متخربطة ، ومشوشة ، وممبين اولها من آخرها , بس بحسابات رب العالمين مترتبة، ومتنظمة، ومرسومة بالشكل الأنسب، والأريح ، واللي بيه الخير كله النا .. بسـم الله الرحمـن الرحيـم ﴿وعسى أَن تَكرهوا شَيْئًا وَهُوَ خَيْرٌ لكمۖ وعسى أَن تُحِبُّوا شَيْئًا وَهُوَ شَرٌّ لكم وَالله يعلم وَأَنتُمْ لَا تَعْلَمُونَ﴾. صدق الله العلي العظيم مهما مرينا بظروف صعبة وشفنا الطريق منتهي بنظرتنا خلينه نتذكر دائماً انو الطريق بعمره مينتهي طالما بعدنا عايشين يعني رب العالمين مرتبلنه كل حياتنه بس لازم نتعلم دروس ونمر بطريق صعب حتى نوصل للوضوح والترتيب والحياة الحلوة الي رب العالمين كاتبلنياها ' الصبر مفتاح الفرج '🤍

أنسب شخص الك . مو الي ينطيك حب واهتمام لو أوقات حلوة . انسب شخص هو الي ينطيك راحة البال والي من تكون وياه تنسى اي هموم ومشاكل . انت وتدور على نصك الثاني دير بالك تختار هذا المصطلح الي ميخالف بس خل اعيش وياه . لا اختار الي يحققلك راحه بالك وسعادتك . المشاكل شي أساسي بكل علاقة . بس اكو فرق كلش جبير بين ناس تواجه المشاكل وتحلها وتقوي علاقتهم اكثر وأكثر وناس ثانيه تاخذ الطريق الأسهل وتنهي كلشي . اكو أشياء مراح تلاكيها باي علاقها تدخلها بس من انته متلاكيها أتعامل وياها طبيعي واعتيادي الشي المهم بهذا الوكت هي راحة البال ، انك تشوف نفسك مع شخص ينطيك كل الأشياء الي فوك توقعاتك وفوكاهن راحة البال بدون مايحسسك بوجع قلب وخوف بين قوسين مطمنك , هاي بحد ذاتها توفيق من ربك .

إغلط بحقي وكلي أسف مجنت أقصد ، قصر ويايه وبعدها تعال وكلي ميخالف غصباً عليه ، زعلني وارجع كلي حقك عليه ، كلش جبيرة عندي انك تجي وتراضيني وبساعتها صدكني صفحة الزعل هاي راح تنقفل للأبد .. بس تغلط بحقي وتتجاهل زعلي وتتعامل ويايه كانك ممسوي اي شي هنا راح تشوف معنى التجاهل بعينه .. واني من النوع الي ميحب الناس الي تتجاهل ولا احب حتى أعاتبهم.

انك تراضي بنيه زعلانه هاي ثاني أصعب شغله بالعالم طبعا اول شغلة انك تعرف هي ليش زعلانه !

كعدت ويه نفسي حتى اشوف اني شاطر فعلًا لو رب العالمين ساترها ويايه وموفقني، ومن حسبتها لكيت هواي خطوات بحياتي المفروض مستحيل تصير ومستحيل تكمل بس توفيق رب العالمين كملها على خير، مواقف هواي جان صعب أعديها وعديتها بستر ربنا، لحظات إنكسار عشتها وكمت منها أقوى من الاول بسبب رحمة ربنا .. فالقصة مو شطارة من عدنه .. احنه حقيقة ماشيين بستر ربنا وتوفيقه ورضاه علينا. فالحمد لله حمدًا كثيرًا ❤️

على بركة الله كاعد نبدي نتفق اني وجماعتي على فد يوم نتسحر بي لو نفطر بي بره الي ابد ماراح يصير

مهما كانت النعم جميلة تظل امي اجمل نعمه ❤️

تحبك من صدك ، ماتعرف تجذب ، ولاتنافق ، ولاتتلون ، ولاتتغير ! كل الظروف الي تمر بيها متغيرها . الوحيدة الي تحبك بدون ولاشي ، لا مصلحة ولا طمع ولا مجاملة . الوحيدة الي تفرح من كل قلبها لفرحك ، وتزعل من كل قلبها لزعلك ! مستحيل احد يتحملك مثلها وبكدها وبكل ظروفك ، زعلان وياك ، فرحان وياك ، مريض وياك ، غلطان وياك ، الدنيا كلها ضدك وتضل وياك وين متريد . ماتنتظر منك شي او مقابل ، متريد منك شي غير انك تكون تمام واحسن الناس . محد يحس بيك غيرها ، ومحد يفهم عليك غيرها الكل يجي ويروح وهيه باقيه وياك سندك وبظهرك ! انته زين ؟ صوتك معاجبني؟ زعلان؟ جوعان؟ تريد شي قبل مانام ؟ اني بالسوك اجيبلك شي ؟ تشرب تاكل شي؟ بهمها طلباتك ، واخر شي تفكر بي تطلب منك ، حياتها عبارة عن تقديم وعطاء . الام قصة ، قصة كلش جبيرة متنحچي ولا تنكتب، وماكو شي يوصف مكانة الام . اذا ردنا نحجي عن الام ميكفينا يوم ولا شهر ولا مليون سنة ❤️

اني احب الي يحب امي واكره الي يكرة امي واسأل على الي يسأل على أمي ومستحيل انسى الي يسوي خير ل أمي ، و اكيد مننسى الي يقهر امي بكلمة أو تصرف . الي يعرف قيمة أمي وينطيها قدرها ، نحطه تاج على راسنا لآخر يوم بعمرنا .. والي يقهرنا بمرور الوكت ننساه بس الي يقهر أمي لحد منموت مننسى .. لان ماكو احد بمقام اعلى من مقام امي بقلبنا .. "ياست الكل " أمي إنسانة عظيمة ❤️

الغربة متخونك ابد خوفك من التتعبله.

سوي كل الي تكدر عليه وربنا راح يسوي كل الي ماكدرت عليه ❤️

ماعندي شخص أتنافس وياه ، ولا احاول اصير افضل من واحد ماعندي شخص أفكر اقهره ، لو اشرح لاحد اني شخص ناجح ماعندي الطاقه الي تخليني اتعارك ويه واحد على مكانه . كل الموضوع اريد أسعى للشي الأفضل بحياتي ، شخص يعيش يومه بدون اعداء بدون احزان بدون انظار . شخص عايف الكل وملتهي بنفسه .