Aung San Shar

အမေဒေါ်အောင်ဆန်းစုကြည်၏ အသက် (၈၁) နှစ်ပြည့် မွေးနေ့ပွဲကျင်းပခြင်း —————————————— ဇွန်လ (၁၉) ရက်၊ ၂၀၂၆ ခုနှစ် လူထုခေါင်းဆောင်၊ နိုင်ငံတော်၏အတိုင်ပင်ခံပုဂ္ဂိုလ် အမေဒေါ်အောင်ဆန်းစုကြည်၏ အသက် (၈၁) နှစ်ပြည့် မွေးနေ့ပွဲအား အထူးစစ်ဆင်ရေးတပ်ဖွဲ့ - SOF ၏ ရှေ့တန်း စစ်ကွပ်ကဲရေးစခန်းတွင် ကျင်းခဲ့ပါသည်။ အထူးစစ်ဆင်ရေးတပ်ဖွဲ့ - SOF ပြည်သူ့ကာကွယ်ရေးတပ်မတော်

ပြည်သူ့ကာကွယ်ရေးတပ်မတော်တည်ထောင်ခြင်း (၅) နှစ်ပြည့်အခမ်းအနားပြုလုပ် --------------------- မေလ ၆ ရက်၊ ၂၀၂၆။ ပြည်သူ့ကာကွယ်ရေးတပ်မတော်၊ အမှတ် (၁) စစ်ဆင်ရေးနယ်မြေ၊ အထူးစစ်ဆင်ရေးတပ်ဖွဲ့ - SOF အနေဖြင့် ပြည်သူ့ကာကွယ်ရေးတပ်မတော်တည်ထောင်ခြင်း (၅) နှစ်ပြည့်အခမ်းအနားအား (၅.၅.၂၀၂၆) ရက်နေ့ ၊ နံနက် ၁၀း၀၀ နာရီတွင် စစ်ကြောင်း (၂) တပ်စခန်း၌ ပြုလုပ်ခဲ့သည်။ အခမ်းအနားတွင် အလံတော်လွှင့်တင်ခြင်း၊ အလံတော်အားအလေးပြုခြင်း၊ ကျဆုံးရဲဘော်များအား အလေးပြုခြင်း၊ သစ္စာအဓိဌာန်ရွတ်ဆိုခြင်း၊ ကာကွယ်ရေးဝန်ကြီးဌာနမှပေးပို့သော သဝဏ်လွှာအားဖတ်ကြားခြင်း နှင့် စစ်ဆင်ရေးအရာရှိ ရဲဘော်စံရှားလေးမှ တပ်ဖွဲ့အကြောင်း၊ ကျဆုံးရဲဘော်များအကြောင်း နှင့် ပြည်သူ့ကာကွယ်ရေးတပ်မတော်သမိုင်းကြောင်းများအား ဂုဏ်ပြုပြောကြားခဲ့သည်။ SPECIAL OPERATIONS FORCES (အထူးစစ်ဆင်ရေးတပ်ဖွဲ့ - SOF) သည် ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသကွပ်ကဲရေးအဖွဲ့မှ ၂၀၂၁ ခုနှစ်၊ ဇူလိုင်လ (၂၁) ရက်နေ့တွင် စတင်ဖွဲ့စည်းခဲ့သော လက်ရုံးအထူးတပ်ဖွဲ့ဖြစ်သည်။ ပြည်သူ့ခုခံတော်လှန်စစ် စတင်သည့်အချိန်မှစ၍ မြို့ပြစစ်ဆင်ရေး၊ ကျေးလက်စခန်းသိမ်းတိုက်ပွဲများနှင့် လျှို့ဝှက်အထူးစစ်ဆင်ရေးများကို အောင်မြင်စွာဆောင်ရွက်နိုင်ခဲ့သည်။ (၅) နှစ်တာကာလအတွင်း တပ်ဖွဲ့မှ ကျဆုံးရဲဘော် (၂၄) ဦးနှင့် ကိုယ်အင်္ဂါစွန့်လွှတ်ရဲဘော် (၁၀) ဦးရှိခဲ့သည်။ "အထူးစစ်ဆင်ရေးတပ်ဖွဲ့ - SOF အနေဖြင့် စစ်အာဏာရှင်စနစ်ချုပ်ငြိမ်းကာ ဖက်ဒရယ်ဒီမိုကရေစီစနစ် ဖြစ်ထွန်းပေါ်ပေါက်သည်အထိ မိမိတို့၏ အသက် ဘဝနှင့်ရင်း၍ ပြည်သူလူထုအား အကာအကွယ်ပြုရင်း အကြမ်းဖက်စစ်တပ်အား ဆက်လက်တော်လှန်သွားမည်ဖြစ်ကြောင်း ကတိသစ္စာပြုအပ်ပါသည်။ အထူးစစ်ဆင်ရေးတပ်ဖွဲ့ - SOF ပြည်သူ့ကာကွယ်ရေးတပ်မတော်

အထူးစစ်ဆင်ရေးတပ်ဖွဲ့ - SOF ဖွဲ့စည်းတည်ထောင်ခြင်း (၄) နှစ်ပြည့်အခမ်းအနားများကျင်းပ ____ ဇူလိုင်လ ၂၂ ရက်၊ ၂၀၂၅။ အမျိုးသားညီညွတ်ရေးအစိုးရ၊ ပြည်သူ့ကာကွယ်ရေးတပ်မတော်၊ လက်ရုံးအထူးတပ်ဖွဲ့ဖြစ်သော P29999 - အထူးစစ်ဆင်​ရေးတပ်ဖွဲ့ SOF ဖွဲ့စည်းတည်ထောင်ခြင်း (၄) နှစ်ပြည့်အခမ်းအနားကို ကရင်ပြည်နယ်၊ မွန်ပြည်နယ် နှင့် ပဲခူးတိုင်းအတွင်းရှိ တပ်ရင်းအထိုင်ချစခန်းများ၌ တပြိုင်တည်း ကျင်းပခဲ့ကြသည်။ အခမ်းအနားများတွင် ပြည်သူ့ကာကွယ်ရေးတပ်မတော် အလံတော်အား အလေးပြုခြင်း၊ သစ္စာဓိဌာန်ရွတ်ဆိုခြင်း၊ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှပေးပို့သော ဂုဏ်ပြုသဝဏ်လွှာ ဖတ်ကြားခြင်း၊ အမှတ် (၁) စစ်ဆင်ရေးနယ်မြေရုံး စစ်ဆင်ရေးမှုး ရဲဘော်စောရှားမှ ဂုဏ်ပြုမိန့်ခွန်းပြောကြားခြင်း၊ စစ်ရုံးချုပ် ဒု-စစ်ရေးချုပ်မှ ဂုဏ်ပြုမိန့်ခွန်းပြော​ကြားခြင်း၊ အထူးစစ်ဆင်ရေးတပ်ဖွဲ့ - SOF တာဝန်ခံ ရဲဘော်အောင်စံရှားမှ (၄) နှစ်ပြည့်မိန့်ခွန်းပြောကြားခြင်းနှင့် ရန်ကုန်တိုင်း ပကဖ ထောက်ပို့တာဝန်ခံ မှ ဂုဏ်ပြုအမှတ်တရစကား​များ အသီးသီးပြောကြားခဲ့သည်။ ထို့နောက် ၂၀၂၄ ဇူလိုင်လ မှ ၂၀၂၅ ဇူလိုင်လအတွင်း မြင့်မြတ်စွာအသက်ပေးလှုခဲ့ကြသည့် SOF ကျဆုံးရဲဘော်များအား "သက်စွန့်အာဇာနည်ဆုတံဆိပ်"များချီးမြှင့်ခြင်း၊ ကိုယ်လက်အင်္ဂါပျက်စီးဆုံးရှုံး၍ ထိခိုက်ဒဏ်ရာပြင်းထန်စွာရသည့်တိုင် တာဝန်ကျေပွန်စွာ ထမ်းဆောင်ခဲ့သူများကို "ကိုယ်ကျိုးစွန့်သူရဲကောင်းဆုတံဆိပ်"များ ချီးမြှင့်ခြင်းဖြင့် အခမ်းအနား အောင်မြင်စွာပြီးဆုံးခဲ့သည်။ တပ်ဖွဲ့ (၄) နှစ်ပြည့်အမှတ်တရ အားကစားနှင့် ပျော်ပွဲရွှင်ပွဲများ ကျင်းပကာ ဂုဏ်ပြုဆုငွေများလည်း ချီးမြှင့်ခဲ့ကြသည်။ အထူးစစ်ဆင်ရေးတပ်ဖွဲ့ - SOF အား ၂၀၂၁ ခုနှစ်၊ ဇူလိုင်လ ၂၁ ရက်နေ့တွင် ပြည်သူ့ကာကွယ်ရေးတပ်မတော် ၊ တောင်ပိုင်းစစ်ဒေသကွပ်ကဲရေးအဖွဲ့မှ စတင်ဖွဲ့စည်းပေးခဲ့ပြီး ယနေ့  ဇူလိုင်လ ၂၁ ရက်နေ့တွင် တပ်ဖွဲ့စတင်ဖွဲ့စည်းတည်ထောင်ခြင်း (၄) နှစ်ပြည့်မြောက်ခဲ့ပြီဖြစ်ပါသည်။ အထူးစစ်ဆင်ရေးတပ်ဖွဲ့ - SOF ပြည်သူ့ကာကွယ်ရေးတပ်မတော်