Шухрат Мирходжаев

Ҳурматли йўл соҳаси фидойилари! Ўзбекистон Автомобиль йўлчилари Ассоциацияси номидан барча йўл-қурилиш соҳаси мутахассислари, муҳандислар, лойиҳачилар, қурувчилар, йўл ва кўприк бунёдкорлари ҳамда соҳа фахрийларини Қурувчилар куни билан самимий муборакбод этамиз! Йўл — тараққиёт, фаровонлик ва юрт равнақининг муҳим асосидир. Мамлакатимизда барпо этилаётган замонавий автомобиль йўллари, кўприклар, йўлўтказгичлар ва бошқа муҳандислик иншоотларида минглаб йўлчиларнинг машаққатли меҳнати, билими ва касбий маҳорати мужассам. Иссиқ-совуққа қарамай, йўлларда меҳнат қилаётган ҳар бир мутахассиснинг фидокорона хизмати халқимизнинг узоғини яқин, оғирини енгил қилиб, ҳудудларни бир-бири билан боғлаш ва иқтисодиётимиз ривожига хизмат қилмоқда. Ушбу қутлуғ айёмда барча йўл соҳаси ходимларига мустаҳкам соғлиқ, оилавий бахт, фаровонлик ва масъулиятли меҳнатларида улкан зафарлар тилаймиз. Бунёд этаётган ҳар бир йўлингиз равон, ҳар бир кўпригингиз мустаҳкам, эзгу меҳнатингиз эса доимо эл-юрт эътирофида бўлсин! Қурувчилар куни муборак бўлсин! Ҳурмат билан, Ўзбекистон Автомобиль йўлчилари Ассоциацияси

https://docs.google.com/forms/d/e/1FAIpQLSezdDLI2C2EPAxxFqpfUSynCtRmuz2APR0MVZK4pKTqdk2Xvw/viewform «Ўзбекистон Республикасида автомобиль йўллари соҳасини маъмурий-ҳуқуқий тартибга солиш муаммолари» мавзуси бўйича СЎРОВНОМА

https://docs.google.com/forms/d/e/1FAIpQLSezdDLI2C2EPAxxFqpfUSynCtRmuz2APR0MVZK4pKTqdk2Xvw/viewform «Ўзбекистон Республикасида автомобиль йўллари соҳасини маъмурий-ҳуқуқий тартибга солиш муаммолари» мавзуси бўйича СЎРОВНОМА

«Тошкент – Самарқанд» автомагистралида илмий-амалий полигон ташкил этилди Президент Шавкат Мирзиёевнинг топшириғи билан «Тошкент – Самарқанд» янги пулли автомобиль йўли қурилиши майдонида Тошкент давлат транспорт университетининг махсус кафедра полигони ташкил этилди. Мазкур ташаббус таълим, илм-фан ва ишлаб чиқариш интеграциясини кучайтириш, йўл қурилишида илмий ёндашувни кенг жорий этишга хизмат қилади. Полигонда бўлажак йўлсоз муҳандислар замонавий қурилиш технологиялари, цемент-бетон қопламалар, кўприк ва туннеллар, рақамли бошқарув ҳамда ҳаракат хавфсизлиги ечимларини бевосита реал лойиҳа жараёнида ўрганадилар. Шунингдек, трассанинг турли қисмларида қўлланилаётган материал ва технологиялар илмий асосда синовдан ўтказилиб, уларнинг мустаҳкамлиги, узоқ муддат хизмат қилиши ва маҳаллий шароитларга мослиги баҳоланади. Талабалар, ёш олимлар ва соҳа мутахассисларининг қурилиш жараёнига жалб этилиши лойиҳа ечимларини илмий таҳлил қилиш ҳамда илғор ишланмаларни амалиётга татбиқ этиш имконини беради. Ушбу полигон «Тошкент – Самарқанд» автомагистралини нафақат йирик инфратузилма лойиҳаси, балки замонавий йўлсозлик технологияларини ўрганиш, синовдан ўтказиш ва такомиллаштиришга хизмат қилувчи муҳим илмий-амалий майдонга айлантиради.   На автомагистрали «Ташкент — Самарканд» создан научно-практический полигон По поручению Президента Шавката Мирзиёева непосредственно на строительной площадке новой платной автомобильной дороги «Ташкент — Самарканд» создан специальный кафедральный полигон Ташкентского государственного транспортного университета. Данная инициатива направлена на укрепление интеграции образования, науки и производства, а также на широкое внедрение научного подхода в дорожное строительство. На полигоне будущие инженеры-дорожники смогут непосредственно в условиях реализации реального проекта изучать современные строительные технологии, цементобетонные покрытия, мосты и тоннели, цифровые системы управления и решения в сфере безопасности дорожного движения. Кроме того, применяемые на различных участках трассы материалы и технологии будут проходить научно обоснованные испытания с оценкой их прочности, долговечности и соответствия местным условиям. Привлечение студентов, молодых учёных и отраслевых специалистов к процессу строительства позволит проводить научный анализ проектных решений и внедрять передовые разработки в практику. Созданный полигон превратит автомагистраль «Ташкент — Самарканд» не только в крупный инфраструктурный объект, но и в важную научно-практическую площадку для изучения, испытания и совершенствования современных дорожных технологий.

Шухрат Мирходжаев SANY корпорацияси билан ҳамкорлик масалаларини муҳокама қилди Жорий йилнинг 13–19 июль кунлари Ўзбекистон Автомобиль йўлчилари Ассоциацияси раиси Шухрат Мирходжаев SANY компанияси таклифига биноан Хитой Халқ Республикасининг Хунан провинциясида хизмат сафарида бўлди. Ташриф давомида Шухрат Мирходжаев SANY корпорациясининг ишлаб чиқариш корхоналари, ҳайдовчисиз йўл-қурилиш техникалари, электр юк машиналари ҳамда ақлли бошқарув тизимига эга замонавий машиналарнинг ишлаш жараёни билан танишди. Шунингдек, техникаларнинг амалий имкониятларини баҳолаш мақсадида ташкил этилган тест-драйвларда иштирок этди. SANY компанияси раҳбарияти ва мутахассислари билан ўтказилган музокараларда замонавий техникаларни Ўзбекистон иқлим ва ишлаб чиқариш шароитларига мослаштириш, уларни йўл қурилиши лойиҳаларида қўллаш, қурилиш ишларининг сифати ва самарадорлигини ошириш масалалари муҳокама қилинди. Шухрат Мирходжаев ёш механизаторларни замонавий техникаларда ишлашга тайёрлаш, уларнинг малакасини ошириш ва SANY ўқув базаларида назарий ҳамда амалий машғулотлар ташкил этиш бўйича таклифлар билдирди. Шунингдек, механизаторлар ўртасидаги халқаро танловнинг навбатдаги босқичини Тошкент шаҳрида ўтказиш бўйича келишувга эришилди. Мазкур ташриф Ўзбекистонда замонавий ва экологик тоза йўл-қурилиш техникаларини жорий этиш, малакали кадрлар тайёрлаш ҳамда Ўзбекистон ва Хитой ўртасидаги соҳавий ҳамкорликни янада мустаҳкамлаш йўлида муҳим қадам бўлди. Шухрат Мирходжаев обсудил вопросы сотрудничества с корпорацией SANY С 13 по 19 июля текущего года председатель Ассоциации дорожников Узбекистана Шухрат Мирходжаев по приглашению компании SANY находился с рабочим визитом в провинции Хунань Китайской Народной Республики. В ходе визита Шухрат Мирходжаев посетил производственные предприятия корпорации SANY и ознакомился с работой беспилотной дорожно-строительной техники, электрических грузовых автомобилей, а также современных машин, оснащённых интеллектуальными системами управления. Для оценки практических возможностей техники он также принял участие в организованных тест-драйвах. В ходе переговоров с руководством и специалистами компании SANY были обсуждены вопросы адаптации современной техники к климатическим и производственным условиям Узбекистана, её применения при реализации дорожных проектов, а также повышения качества и эффективности строительных работ. Шухрат Мирходжаев выступил с предложениями по подготовке молодых механизаторов к работе на современной технике, повышению их квалификации и организации теоретических и практических занятий на учебных базах SANY. Кроме того, была достигнута договорённость о проведении следующего этапа международного конкурса механизаторов в городе Ташкенте. Данный визит стал важным шагом на пути внедрения в Узбекистане современной и экологически чистой дорожно-строительной техники, подготовки квалифицированных кадров, а также дальнейшего укрепления отраслевого сотрудничества между Узбекистаном и Китаем.

Channel photo updated

Channel photo removed

Йўл қурилишида инсон омилини камайтириш — сифат ва хавфсизлик сари муҳим қадам. Бугунги кунда автомобиль йўлларини қуришда замонавий техника ва рақамли технологиялардан фойдаланиш фақат меҳнат унумдорлигини ошириш воситаси эмас, балки қурилиш сифатини таъминлашнинг асосий шартларидан бирига айланмоқда. Айниқса, қурилиш жараёнларида инсон омилини камайтириш, техникаларни автоматлаштирилган ва ҳайдовчисиз бошқарув тизимларига ўтказиш жаҳон йўл қурилиш соҳасининг устувор йўналишларидан бири ҳисобланади. Анъанавий қурилиш жараёнида натижа кўп жиҳатдан механизаторнинг малакаси, диққати, иш тажрибаси ва жисмоний ҳолатига боғлиқ бўлади. Узоқ вақт ишлаш, юқори ҳарорат, чанг, шовқин, тунги смена ва бир хил ҳаракатларни такрорлаш ҳайдовчининг чарчашига олиб келади. Бу эса техниканинг белгиланган йўналишдан оғиши, тезликнинг ўзгариши, зичлаш ўтишлари сонининг етарли бўлмаслиги ёки қоплама қалинлигида фарқлар пайдо бўлишига сабаб бўлиши мумкин. Ҳайдовчисиз техника эса олдиндан белгиланган рақамли топшириқ асосида ишлайди. Техниканинг ҳаракат йўналиши, тезлиги, асфальт ётқизиш кенглиги, зичлаш ўтишлари сони, валецларнинг устма-уст тушиш масофаси ва бошқа технологик кўрсаткичлар дастур орқали белгиланади. GNSS/RTK навигацияси, лазерли сканерлар, камералар, LiDAR, ҳарорат датчиклари ва 3D рақамли моделлар техника ҳаракатини юқори аниқликда бошқариш имконини беради. Амалдаги ютуқлар Хитойнинг SANY компанияси ҳайдовчисиз йўл-қурилиш техникаларини амалиётга жорий этиш бўйича сезиларли натижаларга эришмоқда. 2021 йилда компаниянинг иккита асфальт ётқизгич ва бешта турли турдаги катокдан иборат еттита техникаси цемент билан мустаҳкамланган қатламни ётқизиш ва зичлаш ишларини ўзаро мувофиқлаштирилган ҳолда бажарган. Техникалар учун ҳаракат йўналиши, иш тезлиги, зичлаш сони ва устма-уст ўтиш кенглиги олдиндан белгиланган. Асфальт ётқизгичлардаги 3D текислаш ва инфрақизил ҳарорат назорати тизимлари қатлам қалинлиги ҳамда ҳароратини доимий равишда кузатиб борган. SANY маълумотига кўра, компания 2019 йилда ҳайдовчисиз йўл техникаларининг биринчи авлодини ишлаб чиққан бўлса, бугунги кунга келиб мазкур тизим учинчи авлодга етказилган. Замонавий комплекс тўсиқларни LiDAR ва видеокамералар орқали аниқлайди, ҳаракат йўналишини автоматик равишда ўзгартиради ва зичлаш режимини қурилиш майдонидаги шароитга мослаштиради. Компаниянинг маълум қилишича, бу технологиялар қурилиш майдонидаги ишчилар сонини 60 фоиздан ортиқ камайтириш, қоплама текислигини юқори даражада таъминлаш ва чегарадан оғишларни бартараф этиш имконини берган. Мазкур ҳайдовчисиз комплекс Хитойдаги 50 дан ортиқ лойиҳада қўлланилган. 2025 йилда Пекин–Харбин тезюрар автомобиль йўлида ҳайдовчисиз асфальт ётқизгичлар ва катоклардан иборат комплекс қўлланилиб, ишлаб чиқарувчи маълумотига кўра, қурилиш самарадорлиги 20 фоизга оширилган. Автоном техникаларнинг самарадорлиги фақат асфальт ётқизиш ва зичлаш ишлари билан чекланмайди. Улар грунт ишлари, материал ташиш, карьерларда ишлаш, йўл асосини текислаш ва зичлаш жараёнларида ҳам кенг қўлланилмоқда Ҳайдовчисиз техникаларнинг асосий афзалликлари Ҳайдовчисиз техникадан фойдаланиш натижасида қурилиш жараёнида қуйидаги ижобий натижаларга эришиш мумкин: — қурилиш майдонида инсон иштирокини ва бахтсиз ҳодисалар хавфини камайтириш; — белгиланган технологик тезликни доимий сақлаш; — асфальт қатламини бир хил қалинликда ётқизиш; — катокларнинг ҳар бир нуқтадан белгиланган марта ўтишини таъминлаш; — зичланмай қолган ёки ортиқча зичланган ҳудудларни камайтириш; — техникаларнинг бекор туриб қолиши ва ёқилғи сарфини қисқартириш; — бажарилган ишларнинг барча кўрсаткичларини электрон тарзда сақлаш; — сифат назоратида субъектив баҳолашни камайтириш; — қурилиш ишларини тунги вақтда ва мураккаб иқлим шароитларида хавфсиз ташкил этиш. Автоматлаштириш инсонни қурилиш жараёнидан бутунлай чиқариб ташлашни англатмайди. Аксинча, механизаторнинг вазифаси техникани бевосита бошқаришдан унинг ишини назорат қилиш, дастурлаш ва технологик жараённи бошқаришга ўзгаради. Шу сабабли янги авлод механизаторлари билан бир қаторда рақамли техника операторлари, дастурчилар, диагностика мутахассислари ва автоматлаштирилган тизим муҳандисларини тайёрлаш талаб этилади. Энг замонавий автоном тизимлар ҳам малакали муҳандислар, техник ходимлар ва самарали бошқарув тизимига таянади. Хулоса Йўл қурилишида инсон омилини камайтириш — бу шунчаки ҳайдовчини техника кабинасидан олиб ташлаш эмас. Бу қурилиш жараёнини рақамлаштириш, сифатни доимий назорат қилиш, хавфсизликни ошириш ва ҳар бир бажарилган иш учун аниқ маълумотлар базасини шакллантиришдир. Ҳайдовчисиз техника ишни инсондан тезроқ бажариши мумкин, аммо энг муҳими — у белгиланган технологик талабларни ҳар бир сменада бир хил аниқликда такрорлайди. Шу жиҳатдан, автоном ва ақлли техникаларни жорий этиш Ўзбекистонда автомобиль йўлларини қуриш сифатини ошириш, қурилиш муддатини қисқартириш ва йўлларнинг хизмат муддатини узайтиришда муҳим аҳамият касб этади. Келажак йўл қурилиши — инсон тажрибаси, муҳандислик билими ва ақлли техникаларнинг ўзаро ҳамкорлигига асосланади.

Ассалому алайкум ва раҳматуллоҳи ва баракотуҳ! Қадирдоним, сизни ушбу муборак ва файзли Рамазон ҳайити билан самимий муборакбод этаман! Бу улуғ кун қалбларингизга хотиржамлик, ҳаётингизга барака ва хонадонларингизга чексиз қувонч олиб кирсин. Рўза давомида қилган барча сабрингиз, ибодатларингиз, эҳсонларингиз ва дуоларингиз қабул бўлсин. 🌙✨ Рамазон ҳайити муборак бўлсин! Ҳурмат билан, Шухрат Мирходжаев

✔️Ўзбекистон собиқ иттифоқ Республикалари орасида V- йўл иқлим минтақасига киритилган. ✅Бугунги кунда амалда бўлган меъёрий ҳужжат ШНҚ 2.05.02-23 бўйича Республикамизнинг ҳудуди ҳам 4 та йўл иқлим минтақасига ажратилган. Ҳар бир йўл иқлим минтақаси учун алоҳида лойиҳавий ва техник талаблар белгиланади. МДҲ давлатлари учун чиқарилган айрим Давлатлараро стандартларни қўллашда ҳам бунга эътибор бериш керак. 📍Мисол учун биз ГОСТ 9128-2013 бўйича асфальтбетонга талабларни белгилаётганимизда V -йўл иқлим минтақаси учун қўйилган талабларни олишимиз керак бўлади. https://t.me/yolsoz

2025 йил 15–16 октябрь кунлари Тошкент шаҳрида “Цементбетон қопламали автомобиль йўлларини қуриш, таъмирлаш ва сақлаш” мавзусида халқаро илмий-амалий анжуман бўлиб ўтди. Анжуманда Ўзбекистон йўл соҳаси вакиллари билан бирга Россия, Беларусь, Германия, АҚШ, Туркия, Хитой ва бошқа давлатлар мутахассислари иштирок этдилар. Тадбир якунида қатнашчилар томонидан цементбетон йўллари йўналишига қаратилган муҳим Резолюция қабул қилинди. Унда цементбетон қопламали йўллар қурилишида замонавий технологиялар, ёриқларни олидни олиш, чокларни мукаммалллаштириш, “ресайклинг” ва “микросюрфейсинг” каби инновацион усулларни жорий этиш орқали мавжуд муаммоларни бартараф этиш, йўллар хизмат муддатини узайтириш ва экологик барқарорликни таъминлаш зарурлиги таъкидланган. Автомобль йўлчилари Ассоцацияси Сизларга ушбу Резолюция билан танишиш ва унда белгиланган йўналишлар бўйича амалий ишлар олиб боришни тавсия этади.

Таклифнома! Ҳурматли ҳамкасблар, йўлчи муҳандислар ва соҳанинг етакчи мутахассислари! Ўзбекистон Автомобиль йўлчилари Ассоциацияси Сизни жорий йил 15 октябр куни Тошкент шаҳридаги “Azimut Grand Hotel Tashkent” меҳмонхонасида бўлиб ўтадиган “Цементобетон қопламали автомобиль йўлларини қуриш, таъмирлаш ва сақлашнинг замонавий йўналишлари” мавзусидаги Илмий-амалий конференцияга таклиф этади. Конференция дастури: Замонавий ёндашувларда йўл қатламлари шаклланиши; Цементобетон қопламали йўлларни қуришда илғор технологиялар тақдимоти; Самарали таъмир ва узоқ муддатли сақлаш бўйича амалий тавсиялар. Конференция аҳамияти: Тадбир йўл соҳаси мутахассислари билан тажриба алмашиш, замонавий билим ва технологиялардан хабардор бўлиш ҳамда миллий инфратузилмани ривожлантириш йўналишларини муҳокама қилиш учун ноёб имкониятдир. 📍 Манзил: Тошкент, Амир Темур кўчаси, 107А 🗓 Сана: 15 октябр 2025 й. ⏰ Бошланиш: 09:00 👉 Рўйхатдан ўтиш учун ҳавола: eventreg.uz/viaasia Сизни тадбир иштирокчилари сафида кўришдан мамнун бўламиз! Ўзбекистон Автомобиль йўлчилари Ассоциацияси