صَقْر .

200؟

بس تكفي لاتعذبني ولا تنساني ضمني يانور عيني في حشاك شويه كل ماشفتك تدخلني بعالم ثاني عين تنظر لك بشر و الثانيه حوريه فيك شيطان الهوى يامنيتي وصاني بالغلا و الولف والتقدير و الحنيه

فتحت باب الكلام لعمري الثاني وألغيت صمت السنين الي تجرعته مليت وانا اكثر أحلامي تعداني ياكثر ماشلت بالخفاق وأوجعته مرات اقول انت حبك وين وداني ومرات اخاف اني من الطيش ضيعته

مثل رذاذ المطر مايحيي العشبه ‎يحيي فواد المغربل شوقت نوير ‎هنوف بدو طرف قلبي تعشعشبه ‎العين تشفق لها والخاطر مشير ‎لو قالوا الناس لك يوم ورح عشبه ‎حذفت عمري وراي وجيتك مسير ‎وقولى لرمشك اذا جيت آتحرشبه ‎يرحمني أشوي ياملعونة الخير

ماني نبي الله أقاوم حسن خصرك لنحصر انا بشر عبدً ضعيف وكل برقً يجذبه قالت وهي توي تثنى كن مافيها خصر الشعر ياضيدان ورث أجدود والا موهبه قلت الشعر سحرً يصخرلي قلوب ويختصر عمر المسافات الطويله والسنين المجدبه

يقولون القمر لا غاب يضويله على ديره وانا اقول الحبيب ان غاب يضويله على خلان اجل شأسباب هالغيبه ؟ وابي شأسباب تاخيره ؟ وأبي ليه الجفا يا قلب وانت بغيبته حيران شهر واكثر ولا طرش عن غيابه معاذيره يا ليته لو تعذر بالظروف ولايمه غلطان

شيخه والسواد الليل في شعرها ملفوف ولبست الاحمر وزاد القلب مجنون تمشي ونبض القلب لها صار مكشوف غادت غزالٍ بين الرمش وعين مفتون من زينها اكتب لها الشعر واطواف وانثر لها البيتين بيتٍ على الون

زعلوها ورحلت وأخلت قصور الفاخرية وألحقتني شرهة الزعلان وأخطاني رضاها سافرت والله ما أخبر اللي يزعلها عليه وأستباحت يالله الخيرة سهر عيني وماها ليتها يوم أستباحت دمعة العين الشقية ما أستباحت دم قلبي من خلاها في خلاها سامح الله ظلمها واطعونها الخضر الندية والله يسامح خناجرها ويعفوا عن خطاها

عن البيض فارق حسن وأسلوب والملّه يا سبحان من سوى الخلايق وفرّقها عمر مع جنابك و العمر معك ما أملّه الايام ساعتها تسابق دقايقها ولي قلب واحد وأنت من جيت محتلّه معك ذقت لذّات الغلا و أنت ذايقها تعدت مراحل خلٍ يموت في خِلّه أنا أدمنت بك حتى العذاريب عاشقها

أيام معدوده على كف الأصابع لكنها بصدري تنعد بالشرايين ماهي بطول العشره ولا كثر المدامع لكنها عِشره من القلب للعينين

اقول مزيون واشباهك ماهيب أربعين أشباهك اثنين يا امّا شمس والا قمر يكفِي إِنك أوًل ظبي ياخذ من الصقر عين ومن الذلول العمانيّه هيام وضمر معنّقك شبر فوق متونك وقفلتين ويديك منجم ذهب وشفاك حانة خمر مدري وش اللي خذا الله منك وأعطاك زين مالا عطا فارعات الطـول بيض وسمر