سفينة النجاه🍀♥️.!"))

نشيد: أنا ما عدت أحتمل قناة أنشودة على تليجرام #أنشودة

💎غداً صيام الإثنين + يوم من أيام البيض | من صام يومًا في سبيل اللّهِ ، باعدَ اللّهُ وجهَهُ عن النّارِ سبعينَ خريفا. ⁠ حتى وإن لم تصم ذكر بها ... فكم ممن سيصوم بتذكيرك ولك أجره بإذن اللّٰه تعالى . ⁠ ( يجوز الجمع بين النيتين فتنوي صيام يوم الإثنين وكذلك صيام يوم من أيام البيض فتحصل على الأجرين مع بعض بصيام يوم واحد).

"مَا مِن عَبدٍ مُسلمٍ يُكثِرُ الصَّلاةَ عَلىٰ مُحمَّدٍ ﷺ، إلَّا نوَّرَ اللّه قَلبَه، وغَفرَ ذَنبَهُ، وشَرحَ صَدرَهُ، ويسَّرَ أمرَهُ؛ فأكثِرُوا مِن الصَّلاةِ؛ لَعلَّ اللّه يَجعَلكُم مِن أهلِ مِلَّتِهِ، ويَستَعمِلكُم بسُنَّتِه، ويَجعَلهُ رَفِيقَنَا جَمِيعًا في جنَّتِهِ، فهو المُتَفضِّلُ عَلينَا برَحمَتِه". ابنُ الجَوزيِّ -رَحمَهُ اللّه-. « بُستَان الوَاعِظين »

في العلاقات الإنسانية بشكل عام الإنسان بيجي عليه لحظات ضعف/انهيار .. حزن .. بيحكي أشياء حساسة .. حاجات بتبقى مينفعش تتحكي ف أي لحظة هو فعلا مدرك اللي بيعمله. الإنسان وهو بيحكي حاجة خاصة دايما بيبقى هَش نفسيا (طبيعي بيقول تروما/نقط ضعف/كلمات بتسبب له تريجر .. إلخ) .. وهَش هنا مش معناها ضعيف ف حياته العادية على قد م ديه بتبقى إن الشخص واثق ف اللي بيحكي له (ودا شيء مش هين أبدا والله). مينفعش .. مينفعش .. مينفعش تحت أي ظرف بعد إنهاء العلاقة/ أو الإختلاف بينك وبين الشخص دا .. تعايره .. تستخدم نقط ضعفه .. تستخدم حاجة حاكيها ضده! رقم ١ مش هتلاقي استفادة من هذا الفعل الحقير (بجد زيرو إستفادة) .. الشخص هيتجرح؟ آه .. هتكسب المناقشة وقتها؟ وارد آه برضه .. بس هتبقى شخص خاين وجبان. الأسباب التانية كلها إن دا هيسبب أذى نفسي كبير وغير محتمل حقيقي للشخص اللي قرر ف لحظة ضعف الإنفتاح معاك. استخدام نقط ضعف الشخص ضده/حاجات شخصية قديمة/أي أسرار كانت بتتقال بينك وبين الشخص .. أفعال أذى صريح .. مهما عدى وقت ع انتهاء العلاقة**

مبحبش ادخل نفسي في الحته بتاعت الآراء وتقييم كلام الناس بس الامر يستدعي التوعيه ، لقيت ناس كتير بتنتقد كلام يوسف ان اي المشكله اخد واحد اقل دينياً وأشده والعكس ، بلاش النظره الورديه لان علي ارض الواقع لما نشوف تجارب الناس والتطبيق العملي مفيش راجل ست هي اللي بتشده أبدا وللأسف دي تعتبر سذاجه منك لما تصدقي واحد يقولك ساعديني علي طاعه ربنا وانا اخترتك عشان تشديني ، لان المرأه الصالحه يبحث عنها الصالح والطالح ف أنتي فرصه للاتنين لكن للاسف هو مش فرصه ليكي أبدا وهتطلعو من دايره انك بتعيني علي الطاعه لدايره عيشي دورك كأُنثي انتي مش وظيفتك ولا دورك انك تربيني ولا تعلميني ولا تنصحيني محدش قالك انك الراجل أنا الراجل وانا القوام وانا اللي هتحاسب ودا اللي بيحصل بنسبه 99% ، وهيكون حقو وقتها أنتي اللي أساءتي الاختيار خدي الاعلي منك درجه دينياً او زيك لكن تخدي واحد تشديه الأرجح هو اللي هيشدك ولو عرفتي تفضلي زي ما انتي وانتي معاه تبقي كوين ، للأسف الواقع مُختلف تماماً عن نظرتنا البريئه للأمر دا بالذات .

اللى مش فاهم الموضوع اصلا بيتكلم عن اي دا يوسف بيحكي انه راح اتقدم لواحده منتقبه وحس من طريقه كلامها انها علي منه درجه دينياً ف قال لأ ورفض الموضوع وسابها ودا ان دل على شئ دل انه شخص سوي متصالح مع نفسه وعارف نفسه كويس شايف انه مش هيكون قوام من الناحيه الدينيه لانها اعلي منه ف هو مش هيكون الشخص اللى ترجعله ف دينها او انتكاستها لانه اصلا بيعين نفسه بالعافيه واقل منها ك مستوي تدين (( هو الىى قال بلسانه انها اعلي منه ف مينفعش)) ف احترم نفسه وسابها علشان شاف انه مش قوام من الناحيه الدينيه وممكن يشهدها للاقل ف خاف عليها حصل هجوم على البودكاست وان عادي الست تشد الراجل وسبق ووضحت دا ف الكومنت السابق ان دا مبيحصلش على أرض الواقع وف الغالب هتتشدي انتى لمستوي أقل لانه هو الراجل لو مكنش قوام عليكي ف كل اتجاهات الحياه واعلي منك درجه ف هتواجهى صراعات كتيررر (( إلا من رحم ربي))

الناس وهي بتبعت للأدمن: "هي أدمن م راحت فين؟ لسه عايشة ولا إيه؟! 😂🔥" * الحمد لله عايشة 😅.. ويلا بينا ننزل بالتقيل بقى! 💥 عندنا حاليًا 3 فعاليات شغالين في الإجازة، ومتاح ليكِ تنضمي ليهم: 📌 1- دورة فقه الطهارة (مجانية) 🏼 الموعد: لايف ساعة كل جمعة 💡 وده أساسي من فرض العين والعلوم اللي لازم تبقي عارفاها في دينك كمسلمة. 📌 2- كورس التجويد من الألف للياء (مجاني) 🏼 الموعد: لايف ساعة كل إثنين 8م 💡 بدأناه من فترة، بس متقلقيش.. تقدري تشوفي اللي فاتك مسجل وتكملي معانا عادي جدًا. 📌 3- المفاجأة الكبرى (بجهّزها أنا وأدمن سارة حاليًا) 🌙✨ 👑 يوم هِمّة أونلاين: لسرد القرآن كاملًا غيبًا في جلسة واحدة بالكاميرا بإذن الله.. يوم إيماني جميل كله صحبة قرآن، همّة، وتشجيع. 💪 المعسكر الإعدادي: هنعمل معسكر أونلاين خلال الإجازة نجهزك فيه خطوة بخطوة، عشان حتى لو حفظك متفلت.. بفضل الله على آخر المعسكر تكوني جاهزة للسرد! 📥 طريقة الانضمام: اللي حابب يعرف التفاصيل أو يلحق التسجيل، يبعت لنا كومنت هنا + رسالة على الخاص 📩 وكلمة السر: "جاهزة + اسم الدورة اللي عاوزاها" 😉👇 ⚠️ تنويه مهم: الفعاليات كلها للبنات فقط 🌸

فيه جملة شديدة البلاغة قالها النبي صلى الله عليه وسلم علشان تكون معيار لـ Self Awareness أو الوعي بالذات .. وهي « فلينظر أحدكم من يخالل » كل فترة لازم تراجع دائرتك المُقربة .. مين الناس اللي بيحبوك .. ايه صفاتهم؟ بيحفزوك للخير ولا للشر؟ مين الناس اللي بتكرهك .. ايه مبادئهم .. عندهم حق ولا لأ، فسدة ولا مُصلحين؟

أحياناً لازم تقلق لو الشخصيات الخطأ بدأت تحبك من المعايير الذكية اللي الإنسان ممكن يختبر بيها سلامة نفسه هي « نوعية الناس اللي راضيين عن أفعاله » بالرغم إن سياقات علم النفس الإجتماعي بتُؤكد إن الإنسان عنده احتياج فِطري لـ قبول الآخرين .. لكن في المقابل هتلاقي إن المَدح والإطراء لو اتقدمولك من شخصيات فاسدة، ده معناه إن حياتك فيها خلل محتاج يتراجع دكتور Henry Cloud كتب قاعدة نفسية بتقول « لو عاوز تفهم كتير عن شخصية الإنسان اللي قدامك، حاول تشوف أنماط الناس اللي بيحبوه » ولذلك، نوعية الناس اللي بتحبك هي دليل عبقري على مُستوى صلاحك أو فسادك .. فـ لو بتمتلك أصدقاء نُبلاء وناصحين، وخصوم غير أسوياء وفارغين يبقى أنت في موضِع يغلب عليه التوازن والإستقامة فـ الإنسان - أحيانًا - بيفتخر بـ عداواته، مش لأنه بيحب الخصومة أو الصراع .. لكن علشان بعض العداوات بتمثل الدليل الأجمل إن الإنسان لسه مُتمسك بالصواب.

الموضوع أكبر من إن العريس يوافق على مبادئك ويعملك إللي إنتِ عايزاه من ضوابط الخطوبة وفرح إسلامي والخ الخ.. الموضوع إن لازم دي تكون مبادئه من الأول وهوّ حابب ده وبيدوّر على حد شبه، مش يوافق على إللي إنتِ عايزاه علشان يمشي الجوازة! لإن لو مزهقش في فترة الخطوبة هيزهق بعد الزواج، الدين محتاج شخص قوي يشيله وجو هاخد بإيده ده بيعصّبني لإن ببساطة مش كل الرجال بتحب إن الست تكون أذكي منّه وأعلم منّه، ومن أول صدام بين الحلال والحرام هيتخنق منّك.. اللهمّ لا تبتلينا بأزواجٍ لا تحمل همّ الدين:"))

•• ما كان عثمان بن عفان ينساها لرسول الله صلىٰ الله عليه وسلم يوم البيعة يوم وضع النبي يده الأخرىٰ نيابة عنه قائلًا: وهذه يد عثمان، وما كان كعب بن مالك ينساها لطلحة يوم أن ذهب إلىٰ المسجد متهللًا بعد أن نزلت توبته فلم يقم إليه أحد من المهاجرين إلا طلحة قام فاحتضنه وآواه بعد غياب واقتسم معه فرحته، وما كانت عائشة تنساها للمرأة التي دخلت عليها في حادثة الإفك، وظلت تبكي معها دون أن تتكلم وذهبت، وما كان أبو ذر ينساها لرسول الله صلىٰ الله عليه وسلم يوم تأخر عن الجيش، فلما حطّ القوم رحالهم ورأوا شبحًا قادمًا من بعيد وأحسن النبي الظن بأبي ذر أنه لن يتخلف فتمنىٰ لو كان الشبح له وظل يقول: كن أبا ذر...فكان. إنما الرفاق للرفاق أوطان، يقيلون العثرات، و يغفرون الزلات، يوسعونهم ضمًا ويغدقون عليهم الحنان، يحلون محلهم إذا تغيّبوا، ويحسنون بهم الظنون، والبر لا يبلىٰ، والنفوس تحب الإحسان، والله من قبل يُحب المحسنين.

الخناقة الشهيرة بتاعة الميكروباص مثلاً والموسيقى والكلام ده، أنت لو في جيبك بونبوناية مثلاً أو هدية وقدمتها قبل ما تتكلم هيحصل حاجة؟ أنت بعت مع الأجرة بونبوني هيقولك: "إيه ده؟" قوله: ده بونبوناية عشان خاطرك يا أسطى، السكة صعبة والله يكون في عونك وبتاع بس! شوية كده قولتله: "ما توطي الموسيقى شوية"، هيقولك حاجة؟ ولا هيرفض يتكلم معاك... خالص! خلاص أنت كسبته خلاص. أنت ممكن حتى ماعكش حاجة في جيبك، أنت قعدت جنبه مثلاً قولتله: الله يكون في عونك يا أسطى، والله أنا بحبك في الله، أنتوا الله يكون في عونكم الطريق والدنيا صعبة، والحالة والبلد، والله أنا بدعيلك وربنا يديك الصحة و... هيفرح بيك أوي.! "أنت عندك عيال؟" "اه عندي عيال"، "طب اسمهم إيه؟ ربنا يوفقهم يا رب" وإيه؟ قعدت أنت إديت مقدمة، أصل عادي مش لازم يطفي دلوقتي ممكن قبل ما أنزل، الفكرة إن أنا وصلتله الرسالة بس، تقوله: خلي بالك الأغاني دي، ما تشغل قرآن ربنا يهدينا ويهديك، كلنا وحشين وبتاع". ممكن يرد عليك وحش؟ مستحيل! فالفكرة أنت أسسني الأول، اديني أخلاق وبعدين اتكلم زي ما أنت عايز، لكن هي الشدة والغلظة أحياناً بتبقى في وقت مش مناسب، وهو متعصب فـ... مش دايماً هو اللي وحش، أحياناً أنت اللي كنت غلط فعايز إن إحنا نبقى فعلاً أخلاق. يعني أنا كنت أعرف بعض الدعاة أو بعض المشايخ كان يعني لو عدى في الشارع كده راح يصلي، الناس تروح تصلي وراه، وهو مبيتكلمش، هو مجرد ما عدى بس من كتر جمايله على الناس! يعني ده جمايله على الشارع كله، ليه جمايل على الناس كلها. ده لو عدى بس يصلي الناس تتكسف لما بتشوفه، يقولك: "أنا لازم نروح نصلي ماينفعش يا جماعة الراجل الشيخ فلان راح صلى يجروا وراه يصلوا، ده لو طلع يعاتب مثلاً، يحتاج كلمة واحدة: "ما جيتش تصلي ليه؟"، يبقى وشك يحمر ويصفر ويخضر بسببه، مع إن ما قالش حاجة بس أنت عارف الجمايل، ماينفعش تتكلم.! الشيخ علاء حامد 🎙️

تذكرت شئ للشيخ المنشاوي رحمه الله لم أستوعبه إلا الآن اللقاء الإذاعي الوحيد اللي عمله وهو مشهور وموجود على اليوتيوب كان المذيع طلب منه في بداية اللقاء قراءة بعض الآيات فكان مما قرأ واجعل لي لسان صدق في الآخرين [ الشعراء: 84] ثم في نهاية اللقاء طلب منه قراءة آية مؤثرة بالنسبة له فقرأ ياأيها الذين آمنوا اتقوا الله وكونوا مع الصادقين [ التوبة 119] فهمت حاجة ❓️ قال مالك بن دينار: قولوا لمن لم يكن صادقًا لا يتعنى ماذا الدرس الذي تعلمته من ظهور هذا التسجيل ❓️

هو إزاي موضوع مصحف الشيخ المنشاوي رحمه الله مش واخد اهتمام عالمي 💕

يعني تقصد إن علاج الإكتئاب هو القرب من الله والمُؤمن لا يمرض نفسياً؟ لأ يا لِص : ) .. الإكتئاب اضطراب نفسي بيختلف جذرياً عن كونه مُجرد حزن أو ضيق فالبُعد عن الله مش شرط يكون سبب من أسباب الإكتئاب، لكن القرب منه بالضرورة هيكون سبب من أسباب تهوينه

لما الإنسان يستشعر أي درجة من درجات الإنطفاء أو الحزن بدون ما يكون قدامه سبب نفسي واضح، لازم يسترجع الجملة اللي بتقول « إنه لونٌ من الحنين إلى السماء » أحيانًا بيكون الحل الساحِر لتخفيف شعور الإنسان بالأسى أو الضيق هو إنه يتعلم ذِكر جديد، أو يتدبّر معنى آية أو يزود من عمق إيمانه بتفاصيل القدَر لو قدامي عدد لا نهائي من السرديات النفسية اللي بتناقش شعور الحزن وما وراءه من أسباب وتعليلات، هيفضل عنصر « اشتياق الروح إلى الله » سبب مُهم وغير قابل للنقد فـ حتى لو اكتمل البنيان النفسي للإنسان، ومهما زادت قدرته على مواجهة الصِعاب، هيفضل فيه شيء أعمق من فكرة أزمات الطفولة، واحتياجات المُراهقة، وهوية الكِبار

*_نص السنة خلص انتم متخيلين ؟! الحقوا رجعوا خططتكم قبل ما السنه تخلص ما لا يدك كله لا يترك كله النص التاني هيخلص بنفس السرعة متنسوش ربنا هيسألنا عن اعمارنا سالو الله البركة في اعمالكم واعماركم 🌿🤍*_

متنسوش اخواتنا المستضعفين في كل مكان من الدعاء❤️‍🩹

وتقفلوااااا التليفووون

تحط لك ورد من لا اله الا الله وحده لا شريك له له الملك وله الحمد وهو على كل شيء قدير ما تقولش هقول كتير من غير ما تتابع نفسك علشان هتسرح حط ورد ومتنسوش تشغلوا التكبيرات في البيت 🌿🤍