الشِّعرَى اليَمَانِيَّة

صار عدكم موضوعين اليوم تقرونهن وتستشعرون عظمة رب العالمين وعبقرية صنعه من خلالهن 💕✨

الشِّعرَى اليَمَانِيَّة pinned «اريد احجيلكم عن الجهاز العاطفي 🌟 هالشي راح تحبونه لان الأغلبية محتاجين يعرفونه وراح احجي بناء عن قصص كتبتوها الي بالبوت عنكم فراح اخذ جزء من تكوينة هالقصص واخذها مثال عن هذا الجهاز وشنو هوَ !»

الشِّعرَى اليَمَانِيَّة pinned «كل ما اقرا سورة الحجر ، يستوقفني حديث ابليس مع الله سبحانه يعني لما رب العالمين كله اخرج منها فإنك رحيم وعليك اللعنة إلى يوم الدين الغريب انو ابليس رد على رب العالمين بهذا (قَالَ رَبِّ فَأَنظِرْنِي إِلَىٰ يَوْمِ يُبْعَثُونَ ۝ قَالَ فَإِنَّكَ مِنَ الْمُنظَرِينَ…»

بينما بالحقيقة انت داخلك تراكمات زمنية متخزنة جاي تطلب منك تعالجها تلتفت الها تفهمها بالوقت اللي بإدراكك المحدود رحت لأقرب صورة مألوفة وربطت كل شعورك بشخص !

ولهذا السبب احنه شعورنا حقيقي بس تفسيرنا للموضوع احيانًا مو دقيق مثلاً انت تكول أنا اشتاق لشخص فقط لان ربطت شعورك بي بينما يجوز انت بالحقيقة تعاني من فقد داخلي ووحدة او قلة حب او عدم تصالح او خوف فرحت لأقرب صورة بعقلك عن اقرب شخص سدّ هاي الثغرة يوم من الايام وانطاك امان وعاطفة ربطتها بالشعور لان هالشخص ممكن انطاك شي انت فاقده فگبل تدخل اكتئاب وحنين وتتلوع وتتخيل وتگلبها عزاء وعبالك انت جاي تتلوع بنار الفراق عن هالشخص !!

وسبحان الله احنه ما نحس بهاي العملية الكاملة احنه بس يوصل النا الشعور والتفسير بسرعة !

والمفارقة الحلوة والغريبة انو العاطفة مو مجرد احساس بالقلب وخلص لا هيَ عملية كاملة بين الدماغ والجسم والذاكرة والتجارب والتفسير ! ✨ يعني مثلاً تشوفون شي يذكركم بشخص تحبونه صديق او اهل او حبيب او مكان اله تاثير عليكم فجأة شراح يصير هنا ؟ راح الدماغ يتعرف عليه يستدعي ذكريات مرتبطة بي وراها الجسم يدخل بحالة تنبيه وراها تحس بالحنين او الغمتة بعدها عقلك يدخل بالتفسير لهاي الحالة

شوفوا مبدئيًا الجهاز العاطفي مو جهاز مستقل مثل الجهاز الهضمي او التنفسي انما هوَ عبارة عن منظومة عصبية مسؤولة عن توليد المشاعر وتنظيمها او الاستجابة الها مثل عدكم اللوزة الدماغية 🧠 هاي مسؤولة عن الخوف والتهديد والانفعالات اللي تكون بشكل سريع عدكم مثلاً الهرمونات مثل الكورتيزول و والأدرينالين .. الخ عدكم مثلاً الجهاز الحوفي عبارة عن مناطق مرتبطة بالذاكرة والعاطفة والدافع وعدكم الجهاز العصبي هم

اريد احجيلكم عن الجهاز العاطفي 🌟 هالشي راح تحبونه لان الأغلبية محتاجين يعرفونه وراح احجي بناء عن قصص كتبتوها الي بالبوت عنكم فراح اخذ جزء من تكوينة هالقصص واخذها مثال عن هذا الجهاز وشنو هوَ !

هاي بعد 💫💫💫 https://youtu.be/EpL756jsEkg?si=SeZHXRdCdpEN7J5_

هاي بعد 💫💫💫 https://youtu.be/EpL756jsEkg?si=SeZHXRdCdpEN7J5_

وهذي بعد رهيبة كلش هواي وراح تخليكم تعرفون أشياء طبيًا عنكم https://youtu.be/ffQgX8vFbGY?si=Y5vA7wkTYSiJI11c

https://youtu.be/drfs7dfTFoc?si=YHFn2iviYOp5ZdYM محاضرة من گد ما رهيبة وقوية عدتها 3 مرات حتى استوعبها 🤎

الشِّعرَى اليَمَانِيَّة pinned «كل ما اقرا سورة الحجر ، يستوقفني حديث ابليس مع الله سبحانه يعني لما رب العالمين كله اخرج منها فإنك رحيم وعليك اللعنة إلى يوم الدين الغريب انو ابليس رد على رب العالمين بهذا (قَالَ رَبِّ فَأَنظِرْنِي إِلَىٰ يَوْمِ يُبْعَثُونَ ۝ قَالَ فَإِنَّكَ مِنَ الْمُنظَرِينَ…»

وتذكر انو الجهاد مو فقط بساحات الحرب اعظم جهاد هوَ جهادك ضدّ صوت ابليس وصوت نفسك اللي بداخلك

كل ما اجه الك شعور بحياتك تجاه شيء وتعرف بباطنك ان هالشي غلط تسوي ولو سويته راح تخسر نفسك او تخسر نظرتك لنفسك او هالشي راح يخليك حزين ومقهور تذكر ابليس ، وهذا مو يعني انت ابليس لا انما تذكر ضعف ابليس تجاه شعوره وشلون هبط وخسر مكانته وخسر رب العالمين كل ما حسيت نفسك راح تصير أسير لشعور غلط تذكر انك عندك طريقين اما طريق ابليس وهو الخضوع للنفس الأمارة او طريق رب العالمين وطريق ادم وهوَ النجاة والدرجات العليا اللي راح ترفعك داخليًا وتعلمك شلون تكدر على نفسك وما تصير عبد الها وتبقى حرّ وتستعين بخالق الوجود وهوَ راح ينقذك 🤎.

هالشي راح يخليك تعرف شنو معنى آية أهدنا الصراط المستقيم الموجودة بسورة الفاتحة ✨

لهذا السبب كل يوم احنه نكول اهدنا الصراط المستقيم لاحظوا ما نكول علمنا الصراط انما نطلب الهداية لأن الإنسان ممكن يعرف الطريق ويحتاج مع ذلك أن يُعان عليه ولهذا من اجمل الأشياء اللي نطلع بيها من القصة هيَ ما يكفي أن أعرف خطئي أريد أن يرزقني الله شجاعة الرجوع عند معرفة الخطأ والخضوع له وحده لا غيرّ 🤎✨

تعرفون شنو التمست من قصة ابليس انو المعرفة وحدها فقط ما راح تنقذك رغم انو هي مهمة انك تعرف الله بعقلك لكن ابليس كان يعرف الله ومع ذلك خضع لغروره فالمعرفة إذا ما تحولت لإخلاص ومحبة وتسليم وخضوع للحب لان هذا الخضوع بي رفعة الك مراح تنقذك معرفتك لان حتى وان عرفت الحق مراح تختاره

شكد يشبه هالموقف حياتنا شكد يشبه الظالمين شكد يشبه الاشخاص اللي يأذونك ومع ذلك يرحون ولا كانو شيء كان لان عدهم عذر داخل نفسهم شكد يشبه افعال الانسان القذرة بالقتل والظلم والسرقة شكد يشبه هالشي الجاي يصير كله ورغم معرفة الشخص رب العالمين بس ما زال متكبر بداخله وما يعترف بالخطأ وماشي مع ابليس للأخير