Dr.ayman mehdi 🦷

Dr.ayman mehdi 🦷 pinned «برومت انسخه والصقه ببرنامج cloude Ai وراح يسوي برنامج مهني تعليمي كامل الك لمدة ٣٠ يوم تصرّف كمدرب مهني (Professional Coach) ومستشار تطوير علمي متخصص في طب الأسنان. صمّم برنامجًا تدريبيًا تفاعليًا يوميًا لمدة 30 يومًا لطبيب أسنان يرغب بتطوير معرفته السريرية…»

برومت انسخه والصقه ببرنامج cloude Ai وراح يسوي برنامج مهني تعليمي كامل الك لمدة ٣٠ يوم تصرّف كمدرب مهني (Professional Coach) ومستشار تطوير علمي متخصص في طب الأسنان. صمّم برنامجًا تدريبيًا تفاعليًا يوميًا لمدة 30 يومًا لطبيب أسنان يرغب بتطوير معرفته السريرية ومهاراته التشخيصية والعلاجية بشكل مستمر. المطلوب: • إرسال مهمة جديدة تلقائيًا كل يوم، يومًا بعد يوم، وليس عرض الخطة كاملة دفعة واحدة. • مدة التطبيق اليومية: 30–45 دقيقة فقط. • البرنامج عملي، واقعي، ومبني على الأدلة العلمية الحديثة. يجب أن يحتوي كل يوم على: • موضوع اليوم • معلومة أو مفهوم سريري مهم • حالة سريرية قصيرة للتفكير والتحليل • سؤال لاختبار الفهم السريري • نصيحة عملية قابلة للتطبيق في العيادة • معلومة حديثة مبنية على Evidence-Based Dentistry • تذكير مهني قصير (Professional Reminder) المجالات التي يجب أن يغطيها البرنامج تدريجيًا: • التشخيص السريري • Oral Medicine • Orofacial Pain • TMJ Disorders • Endodontics • Restorative Dentistry • Prosthodontics • Periodontology • Implant Dentistry • Orthodontics • Esthetic Dentistry • Dental Photography • Treatment Planning • Patient Communication • Medical Emergencies in Dentistry الشروط: • التمارين والمعلومات تتدرج في الصعوبة تدريجيًا. • الاعتماد على المبادئ الحديثة والمراجع العلمية المعتمدة. • التركيز على التفكير السريري واتخاذ القرار أكثر من الحفظ. • استخدام أسلوب تعليمي مشجع ومحفّز دون تعقيد أكاديمي مفرط. • إضافة مراجعة أسبوعية للتقدم مع اختبار قصير وتغذية راجعة بناءة. • عدم إعطاء كميات كبيرة من المعلومات دفعة واحدة؛ الهدف هو بناء معرفة متراكمة ومستدامة. طريقة الإرسال: • في كل مرة يتم فيها إرسال يوم جديد، لا تُظهر الأيام القادمة. • اجعل كل رسالة تبدو كجلسة تدريب شخصية قصيرة ومستمرة. • عند نهاية كل يوم، اسأل سؤالاً واحداً لتقييم الاستيعاب قبل الانتقال إلى اليوم التالي. • إذا أظهر المستخدم اهتماماً بمجال معين، زِد التركيز عليه فالأيام اللاحقة.

Channel photo updated

Dr.ayman mehdi 🦷 pinned Deleted message

نزلتلكم كتب نادرة وصعب الحصول عليها.. حملوها فوراً

من اهم كتب الاندو

Implant

Endo & microsurgery

الموضوع اللي اغلبنا نعاني منه وهو "رجفة اليد" - Tremor or trembling نتفق اتفاق ؟ انو الرجفة اللي عدنه اسمها essential tremor وهي تعتبر طبيعية وموجودة بكل انسان وتختلف بالدرجة من شخص لآخر .. ونبتعد عن الامراض القوية اللي تسبب هاي الرجفة مثل الباركنسون. هل احنه كلنا عدنه رجفه ؟ اكيد .. ليش من نريد نشتغل حشوة او بروسيجر يحتاج ايد ثابته يزيد الارتجاف ؟ خلي ببالك صديقي انّو كلما حاولت تثبت ايدك وكلما ركزت وياها انو تثبتها راح تزيد رجفتها اكثر واكثر 🙂 من الزم التلفون احس ايدي ترجف ، ليش ؟ هذا هو الـ essential tremor واللي هو حركة لا ارادية وايقاعية للعضلات وممكن تصير بأي جزء بالجسم بس اكثر تصير بالأيدين 🤦🏻‍♂️ وخصوصاً من تسوي شغلات بسيطة مثل تلزم تلفون او تشرب گلاص ماي او من تربط قيطان الحذاء .. الخ صدگ التوتر anxiety تزيد من رجفة اليد ؟ اي كلش .. لان من تكون توتر فجسمك يدخل بحالة الخطر danger يعني يترقب حدوث شي خطير لذلك العضلات تنقبض اكثر وتصير رجفة اكثر وهذا يسموه Psychogenic tremor اسبابه ؟ 🙄 عادةً يصير من وحده وبدون سبب ، ومرات يكون نتيجة لأمراض عصبية معينة (وهذا مو موضوعنا) ومرات اكو اشياء تسببه مثل : استعمال ادوية معينة مثل ادوية الربو او الستيرويدات او ادوية نفسية وعصبية 🤷🏻‍♂️ شرب القهوة بكثرة 🤦🏻‍♂️🤦🏻‍♂️🤦🏻‍♂️🤦🏻‍♂️ (هذا السبب يخصني 🤦🏻‍♂️) شرب الكحول بكثرة 🍸 .. رغم انّو الكحول يخفف من الرجفة ، لكن بس يزول مفعول الكحول راح ترجع الرجفة واقوى من قبل 😬 فرط نشاط الغدة الدرقية overactive thyroid فشل الكبد او فشل كلوي (مستبعد عادةً) واخيرا والاهم هو الـ anxiety 😥 من خلال هاي الاسباب نگدر نگول خفف من شرب القهوة واصنع بيئة مريحة اثناء العمل وتجنب شرب الكحول واذا تاخذ ادوية معينة فحاول تستشير طبيبك وتشرحله المشكلة واذا الرجفة مضوجتك سوي فحص وظائف الكبد والكلية والغدة الدرقية حتى تطمئن مابيهن شي 🤦🏻‍♂️😏 زين اكو علاجات معينة للرجفة ؟؟ اي اكو ادوية وما احب اذكرها حتى لا احد يشتريها بكيفهت ويجربها .. الافضل والاحسن انّو النيورولجست هو اللي يوصفها 🙄 بس اكو نصائح او تمارين معينة 🏋️ اذا نسويها راح تخف الرجفة .. انتبهولي هنا كلش زين لأن هاي الزبدة🧈 موضوع الرجفة هو موضوع محرج ومزعج اذا احد يراقب تحركاتنا .. ممكن اكو ناس يستحون يلزمون كوب گهوة ويرفعوه ويشربون كدام البقية لان ايديهم ترجف .. لذلك او نقطة لازم تصنع بيئة مريحة وتكون ريلاكس من تريد تشتغل .. واذا اول مرة تشتغل فد بروسيجر فحاول تشتغله بالبيت وتدرب عليه بدونما احد يشوفك وبعدين اشتغله گدام احد ثاني يراقبك (سينير او طالب او طبيب مثلك) .. قبل لا تشتغل اي بروسيجر .. فكر بالخطوات اللي راح تسويها او اكتبها ع ورقه وادرس الكيس ، وروح اشتغل ، لان ممكن اثناء الشغل يصير شي مامفكر بيه وتصير anxious 😬 والرجفة تصير رگص 🕺🏼 اذا انت من النوع عندك رجفة مستمرة فلا تخلي احد يوگف ع راسك ابداً ، حتى اذا يريد طالب او طبيب يجي يشوفك تشتغل فد شي ويتعلم منك فلا تقبل لأن اثناء وجودة راح تزيد وتصير مشاكل 🤦🏻‍♂️ لا تركز ويه ايدك من تشتغل .. خلّي تركيزك ويه البروسيجر او ويه الخطوات او سولف ويه البيشنت وابعد تركيزك عن ايديك قدر الامكان لأن بس تفكر 💭 (عندي رجفه ⬅️⬅️ راح تزيد بنفس اللحظة 🥳) لا تستعجل 🙂 .. كلش اخذ وقتك بالشغل واهم شي بالبداية من يجي البيشنت لا تفكر انّو اريد اخلصه بسرعه .. لان بس هيج تفكر راح تبدي الرجفة تزيد .. بالعكس اذا انت تعاني من الارتجاف فلا تستقبل عدد مراجعين هوايه ، واكتفي بالقليل بس انطي وقت لنفسك والهم .. من تحس عندك وقت هوايه حتى تشتغل شي بسيط ، انت اوتوماتيكياً راح تهدأ وتخف الرجفة لذلك استمتع بالبروسيجر وتونس بيه 😏 اذا الرجفة تزيد وانت گاعد ؟ فحاول توگف وتشتغل .. مو كل البروسيجر بس ع الاقل شويه اكعد وشويه اوگف ، هذا راح يشتت دماغك ويبعد تركيزك عن ايديك اذا بعدك قليل الخبرة ، فاقرأ هوايه عن الكيس الراح تشتغلها وشوف فيديوات كومه عن اطباء يشتغلوها واحفظ شيسوون حتى ما تنصدم اثناء وجود البيشنت وتصير stressed واخيرررررراً والاهم الافضل تكون تغذيتك سليمة ومسوي دايت منتظم مو بس هبيط 🤤 وتشريب ، ضروري وجود كل الماكروس بالدايت مالتك Balanced diet between each of carbohydrates, protein & healthy fats طبعاً كـ trick ممكن تخفف الرجفة هي حمل اوزان ثقيلة بالأيد قبل العمل 😬😬 چاااااووو ♥️

في الارياف ، يجلس صديقنا الدكتور "وسام" في عيادتهِ المكتضه بالاجهزة والخالية من المرضى .. يتصفحُ هاتفهُ وينتظر ان يفتح مقطع الفيديو القصير ذو العشر ثواني بعد خمس دقائق انتظار كون الانترنت هنا ضعيف ايضاً مثلهُ مثل ينبوع المراجعين الجاف .. وها هو يسمع جلجلة في صالة الانتظار ، تنشرح اساريره، وانبسط وجههُ واعتدل في قعدتهِ متصنعاً كاريزما الطبيب .. المريض اربعيني ، بدين ، يبدوا سليماً معافى .. لكن في يدهِ ورقة تحليل مكتوبٌ فيها : INR = 2.5 فقط لا غير .. يريد المريض قلع ضرسهِ الذي تحمّل ما تحمّل من طحنٍ طوال سنوات ، حيث كان لهذا الضرس الفضل الكبير في تكوين كرشهِ ، ورسم ذقنهِ المتدلي للأسفل .. واثناء تصفح "وسام" لورقةِ التحليل قال في سرّهِ : (ما هذهِ المصيبة يا الهي ، ما هو هذا الـ INR وماذا يعني الرقم 2.5 .. هل هو شيء طبيعي ام لا ! .. آه يا ويلي ويا لتعاسة حظي ، كيف سأتعاملُ مع هذا الموقف اللعين ؟" وهنا قدحَ في بالهِ ان يتصلَ بزميلهِ الشاطر .. وقد طلب من المريض ان ينتظر دقائق في الانتظار متحججاً بتعقيم الادوات .. 1 مرحباً صديقي ، اشتقتُ اليكَ ، لم اسمع اخبارك منذ مدّه … قال وسام 2 نعم اهلاً ، اختصر يا "وسام" ما الحالة التي تريد معرفتها ؟ 3 ها ؟ نعم نعم .. ماهو الـ INR وكيف اتعامل مع هكذا حاله ؟ وهنا ابتدأ الزميل الذكي بالشرح : للمرضى الذين يعانون من امراض معينه في الدم يتم قياس الـ Prothrombin time ويعني الوقت الذي يتستغرقهُ الدم ليبدأ في التخثر .. وعند الاصحاء يجب ان يتراوح بين ١١-١٣ ثانيه ونصف ان كانت النتيجة اكثر من ١٣.٥ فهذا يعني ان الدم يحتاج وقتاً اكثر ليبدأ في التخثر ، وهذا يعني ان هناك مشكلة في كبد المريض حيث لا يقوم بأنتاج كميات كافيه بروتينات الدم التي تساعد على التخثر .. وان كان اقل من ١١ ثانيه فهذا شيء طبيعي ومعناه ان الدم سيتخثر بسرعه ، ولن يحدث نزيف 🩸 لكن هناك قياس اكثر دقه وهو الـ INR وبالأخص للمرضى الذين يتعاطون مميعات الدم ومنها الـ Warfarin (coumadin) ومعنى الـ INR هو قدرة الدم على التخثر .. الحدود الطبيعيه لهُ هي 1.1 or below كلما ازداد اكثر كلما زادت احتماليه حصول نزيف لدى المريض .. لكن هناك حدود يمكننا عمل بها بعض علاجات الاسنان وهي : 1 اذا كان الـ INR اكثر من 4.0 فلا يمكننا عمل اي شيء وتؤجل المعالجه. 2 الـ scalling وعمليات الفم الصغيرة (القلع البسيط) يمكن عمله ان كان الـ INR = 4.0 or below ويتم اعطاء المريض بعدها 1 tnansexamic acid mouthwash 1*4 for 2 days 1 يمنع اعطاء كلاًّ من الـ Aspirin & NSAIDs 1 يمنع قلع اكثر من ٣ اسنان في الجلسة الواحدة. 2 تجنب الـ Inferior alveolar nerve block هذا كل ما في الامر يا صديقي ، فهمت ؟؟ 1 نعم نعم .. اذا كان الـ INR اقل من 4.0 فيمكنني العمل مع الاحتياطات .. وكذلك ان فحص الـ INR يعني ان هذا المريض يأخذ anticoagulants .. جيد شكراً 🧙‍♂️ وهكذا ، صديقنا قام بأستدعاء المريض ذو الـ INR = 2.5 وحيث ان لديه قلع بسيط ، فقد قرر اجراءه بثقه 😏 وشكراً 😁🧙‍♂️

PTSD patient (Post traumatic stress disorder) هذا مرض حقيقي، وما يعتبر ادعاء من المراجع لذلك ناخذه على محمل الجد. اتوقع يا عزيزي الدنتست انك راح تواجه هيج مراجع يعاني من صدمة نفسية قديمة تخليه في اعلى حالات الـ Anxiety وهذا مو مبرر يخليك تحوله لغير طبيب لأن انت هسه زيدت همّه وقلقه اكثر، لذلك خلي نحجي ع هالنوع من الحالات : مريض الـ PTSD يعاني من anxiety disorder تطور بسبب حدث ماضي قديم متعلق بتعرضه لصدمة نفسية حادّة مثل اعتداء جسدي او حادث مميت او تعذيب او اسير حرب وعنده اعراض وهي : 1 يربط كل شي يشوفه بالعيادة بذكريات الماضي. 2 يتجنب العلاج قدر الامكان ويخلق اعذار. 3 مزاج متقلب. 4 عصبية في بعض الاحيان، يظهرها مع اهله لكن وياك يغطيها بتصرف هادىء لكن انت تعرف هالشي من اهله. انت كطبيب اسنان ضروري تتعامل ويه هيج مراجع ؟ الجواب : اذا المريض متحول الك لان انت صاحب كفاءة فـ اكيد عندك امتيازات خاصة تخليك قادر على التعامل مع هذا المريض. ثانياً، اذا انت طبيب اسنان شاطر فـ راح تعالج هذا المريض وما تتهرب منه. لذلك انا اكثر من مرّة لگيت نفسي بهذا الموقف، وتعاملت ويه هاي الحالات، وتقريباً اغلبها انتهت على خير وهسه نحچي ع حالة من ارض الواقع حتى توصل الفكرة. اجاني مريض عمره ٥٧ سنة، كان اسير حرب لمدة ٢٥ سنة، وهو الآن متزوج وعنده ابناء صغار بالعمر، وبسبب ثقة عائلته بيه اتصلوا بيه قبل مجيئهم وشرحولي حالته كونه مرعوب من القدوم لكن عنده الم لا يطاق، ويحتاج اسويله عملية حتى اعالجه! هيج مريض مستحيل راح يخليني اشتغل عملية ويشوف الدم وبيئة العمل ويبقى ساكت، اكيد راح يرفض العلاج ويبقى عنده الم ويعاني هو وجميع المحيطين بيه. لذلك ويه هذا المريض نستخدم الاسلوب التالي : 1 كون عيادة الاسنان بالنسبة اله مكان مرعب، وراح يكون بحالة شبه المقيد ويشوف ادوات حاده تفوت داخل فمه فراح يتذكر ماضيه، وتجيه حالة من الهلع وبالتالي يفشل العلاج، لذلك خليت الابواب مفتوحة، وكانت الجلسة الاولى فقط فحص وتعيين المشكلة. 2 بعد تعيين المشكلة اتفقت وياه يجيني بموعد نتكلم بيه عن الحالة وطريقة علاجها، وبالفعل اجاني وشرحت بالتفصيل شراح اشتغل، وشگد ممكن تطول عمليته، وان هو يملك القدرة على ايقاف العملية في اي مرحلة اذا راد(وهذا ينطيه دافع للاطمئنان) 3 كانت الجلسة الاولى تعارف بيني وبينه، وفحص وكلام فقط، وحتى من خلالها تكلمنا بمواضيع بعبدة عن العلاج وهي عن ذوقي بالاغاني وجان معجب ان انا احب محمد عبد الوهاب😅 وهالشي خلّاه يرتاح اكثر. 4 بجلسة الشغل كان هادىء، ومرتاح وغير مكترث بكل شي اسويه، واشتغلت وانا مرتاح ايضاً، وكملت العملية. انا مجرد انطيته وقت وقربته بحيث يحس ان هو في يد شخص يعرفه ويثق بيه، وقسمت الموضوع على جلسات، الاولى للتعارف والكلام، والثانية للعمل. انت هيج كسبت مراجع رائع، عنده ثقة بيك وراح يخلي كل معارفة يجون عليك وبالتالي البزنس مالتك صار اعلى. احنه صح ما نشتغل مجاناً، لكن بالمقابل هيج حالات تمنحك الرضا والراحة كونك تعلمت تتعامل ويه مراجع صعب. وهذا موضوع بسيط جان عن الـ Behavior management of difficult patients

وخلصت التروما المزعجة الصعبة ♥️

Part 2 مادام بعدنه بيها نكمل تروما الاسنان .. البارحه شرحت الـ avulsion وهو السن يطلع بالكامل من مكانه .. واليوم اشرح الـ luxation واللي هو السن باقي بمكانه لكن متعرض لتروما .. وهاي خمس ستوريات راح كل ستوري احچي بيه عن نوع من انواع الـ luxated teeth 🎴 ⚔️ 1. Concussion - ارتجاج او هزّة السن باقي بمكانه ومابيه حركه .. لكن tender to touch وهنا يصير بس Damage to periodontal ligaments with no mobility. بالاشعة ماراح نشوف اي تغييرات وكلشي يبين طبيعي .. علاجه ؟ ممكن تعوفه ع حاله او تسويله Flexible splint for 7-10 days just to comfort the patient. يعني تخليله واير وتثبته بكمبوزت 🧞 ونستخدم واير 0.4 mm diameter 2. Subluxation - خلع جزئي نلاحظ هنا السن باقي بمكانه لكن Mobile + tender to touch 😵‍💫 ونلاحظ نزيف من اللثة Bleeding from gingival crevice 🩸 بالاشعة نشوف كلشي طبيعي ماكو اي تغييرات. يعني يشبه الـ concussion عدا هنا اكو mobility + bleeding from gingiva علاجه .. Flexible splint 7-10 days 3. Extrusion - خروج السن من مكانه جزئياً السن هنا بالفحص راح يبين اطول من الاسنان المجاورة .. وبالاشعة راح نشوف : Increased periodontal space apically بالضبط مثل الصورة راح تشوفون 👇 العلاج : نرجع السن لمكانه بعدما ننطي تخدير طبعاً وبعدين نثبته بواسطة Flexible splint for 3 weeks. 4. Lateral luxation معناه السن متحرك جانبياً بسبب التروما .. يعني الكراون يروح palatally or lingually مثل الصورة 👇 ونلاحظ اثناء الفحص : ⁃ no mobility, no tenderness وبالاشعة اكيد راح نشوف Increased Apical periodontal space العلاج : نرجع السن لمكانه بعدما ننطي تخدير .. وبعدين Flexible splint for 3 weeks واذا صاير كسر بالعظم المحيط بالسن فنمدد فترة التثبيت ٣ اسابيع اضافية 🧞 5. Intrusion- دخول السن نحو العظم هنا السن بسبب التروما راح يدخل بأتجاه العظم ليجوه .. ويبين اقصر من بقية الاسنان ونلاحظ عند الفحص : ⁃ no mobility, no tenderness بالاشعة ماراح يكون واضح كلش ، مجرد نلاحظ الكراون اقصر من بقية الاسنان .. العلاج : بواسطة forceps نلزم السن ونطلعه من مكانه ببطىء وحذر ونرجعة لمكانه بين الاسنان بدونما نقلعه بالكامل .. كونو كلش حذرين بهالخطوة .. مرات يحتاج عملية جراحية حتى يطلع لمكانه .. ومرات نستخدم orthodontic treatment وبعدما نثبته بواسطة Flexible splint 3 weeks نسويله اندو ضروري 🙄 وبكل الحالات الخمسة اللي شرحتهن ننطي تعليمات للمريض وهي كالتالي : ⁃ Soft diet ⁃ Brush teeth with soft brush after each meal 🥘 ⁃ Rinse with chlorhexidine (0.12%) twise a day for 2 weeks. ⁃ Follow up. وهنه ذني كلهن 😁

Trauma : part 1 : Avulsed tooth عادةً الاطفال يتعرضون لأصابات تخلي اسنانهم الدائمية توگع وتطلع من السوكت بالكامل .. وهذا تعريف الـ Avulsed teeth وحتى الكبار همين تصير عدهم لكن بنسبة أقل لذلك لازم نعرف شنسوي من يجي بيشنت سنه واگع بالكامل ، وشنو الاجراءات والطريقة اللي نرجعه بيها .. عدنه حالتين بهالموضوع : Open apex vs. closed apex اولاً : اذا المريض سنه واگع بالكامل .. وبعده السن close apex في حالة سنه واگع ، واهله رجعوه بمكانه بوقت الحادث ، واجاك للعيادة فأنت كل اللي عليك تغسل المكان بنورمال سلاين او كلورهكسدين وماتطلع التوث من مكانه .. في حالة جابولك السن ومخليه بكوب بيه حليب ، او سلاين ، او باقي بحلگ المريض يعني اكو سلايڤا .. ووقت حدوث الحادث اقل من ساعه : فأنت تطلع التوث وتنظف الجذر بالكامل بواسطة نورمال سلاين ، وترجع تنظف السوكت هم بسلاين .. وتخلي السن بهدوء وبطىء مع ضغط جدا جدا خفيف 🍃 وهسه بعدما رجعت السن بذني الحالتين اللي حجيتها ، تسوي سوچر للثة داير ماداير السن .. وتثبت السن بواسطة splint اللي هي واير وكمبوزت وبحيث يثبت ع الاسنان المجاوره ، وتبقي السبلنت لمدة اسبوعين وتشيلها وهاهيه .. امّا في حالة صار اكثر من ساعه من وقت حدوث الحادث : تنظف السن من التراب او اي شي عالق بيه ، وتشيل ال periodontal ligament اللي ع الروت ، وتنظف السوكت بنورمال سلاين .. وتخلي السن لمدة 5 دقايق بـ sodium fluoride وبعدها تخليه بالسوكت ببطء وهدوء مع ضغط خفيف جدا 🍃 وهمين بهالحالة تسوي سوچر للثة داير ماداير السن ، تاخذ اكس ري وتتأكد ان مكان السن صحيح بالسوكت وتسوي splint لمدة ٤-٦ اسابيع بكل الحالات تنطي انتيبيوتك : 1 Amoxicillin cap. 1*4 for 7 days اذا السن واگع بالتراب فالافضل تحول البيشنت للمستشفى بعدما تثبت السن حتى ينطوه Tetanus booster اذا نسيت هالخطوه فمن المحتمل البيشنت راح يمر بمضاعفات خطيرة ممكن تؤدي للموت 😕💔 Patient instructions Soft diet 2 weeks Brush with soft toothbrush 🪥 after each meal Chlorhexidine mouthwash twise daily for 1 week ثانيا : اذا سن المريض چان open apex في حالة السن واگع والاهل مرجعيه لمكانه بوقت الحادث ، كل اللي تسويه تغسل المنطقة بنورمال سلاين او ماي 🚿 في حالة السن واگع ومخليه بالحليب او سلاين او سلايڤا ووقت حدوث الحادث اقل من ساعه ⏰ تنظف الروت بالكامل بواسطة نورمال سلاين .. وتخلي السن بـ Doxycycline (100mg in 20ml saline) وتنظف السوكت بالسلاين .. وترجع السن لمكانه وبالحالتين تخيط اللثة وتثبت السن بواسطة splint لمدة اسبوعين 🍃 وتنطي انتيبيوتك : 1 amoxicillin syrp 1*4 for 7 days 2 Doxycycline 1*2 for 7 days وهمين اذا السن واگع بالتراب فگبل ثبته ودزه للمستشفى ينطوه Tetanus booster امّا في حالة السن واگع وصارلة اكثر من ساعة 🕰 فالافضل ما ترجعه ابداً لان ماراح تنجح العملية 😕 والتوصيات هي نفسها 🤷🏻‍♂️ وهسه بعدما رجعت السن وبقيته اسبوعين splinted تسويله اندو وتبقى تراقبه كل اسبوعين بالبدايه وبعدين كل شهرين ، وبعدين كل ست اشهر لحدما تتأكد كلشي تمام 👌🏻