ئـەیـاز 🖊️📋

خودایێ من بار سڤک نابیت، ئەگەر تو سڤک نەکەی..

اللَّهُمَّ صَلِّ وَسَلِّمْ عَلَى نَبَيِّنَا مُحَمَّدٍ

ئیمامێ موزەنی رەحمەتا خودێ لێبیت دبێژیت: دەمێ ئێمامێ شافعی کەفتییە بەر مرنێ، ئـەز چووم من سەرا وی دا، من گۆتێ: ئەی ئیمام، حالێ تە چییە؟ وی گۆت: حالێ وی کەسییە یێ کو دێ ژ دنیایێ بارکەت، و برایێن خۆ هێلت، و مینتە دگەل کارێ خۆ یێ خراب، و قەستا خودێ کەت، ئەز نزانم دێ رحا من چتە بەحەشتێ دا ئەز پیروزباهیێ لێ بکەم، یان دێ چتە ئاگری دا ئەز تەعزیبا وی بکەم پاشی کرە گری و گۆت: وَلَمَّا قَسَا قَلْبِي وَضَاقَتْ مَذَاهِبِي جَعَلْتُ رَجَـائِي دُونَ عَفْوِكَ سُلَّمَا تَعَاظَـمَنِي ذَنْـــــبِي فَلَمَّا قَــرَرْتُهُ بِعَفْـــوِكَ رَبِّي كَانَ عَفْوُكَ أَعْظَمَا وَإِنِّي لَأَاتِي الــذَّنْبَ أَعْــرِفُ قَدْرَهُ وَأَعْلَــــمُ أَنَّ اللَّهَ يَعْفُــو وَتَرْحَمَا دەمێ دلێ من رەقبووی و ڕێ لبەر من تەنگبووی من هیڤییا خۆ بۆ عەفوا تە کرە پێسترک، گونەها من د چاڤێن من دا مەزنبوو بەلێ دەمێ من ئەو هەڤبەری عەفوا تە کری من دیت عەفوا تە مەزنترە، ئەز گونەهێ دکەم و ئەز دزانم ئەو چەند قەدەر یا مەزنە، بەلێ پا ئەز دزانم ژی کو خودێ ب رەحما خۆ مرۆڤی عەفوو دکەت. - شیرەتنامە ، بپ ٦١ - ٦٢

شاعر دبێژیت: ئێشا خو ل پشت بێدەنگییا خۆ دڤەشێرم و ب کەنیەکێ رۆیێ خۆ بەرامبەر ژیانێ خۆش دکەم د دەمەکی دا د ناخێ من دا چیروکێن نەگۆتی هەنە بەس من باوەری یا هەی کۆ خودێ دلێ بێهنفرەها بێ هیڤی ناکەت

ب ترسترین تشت ل ڕۆژا قیامەتێ ئەوە: تو نەشێی خو خێرەکێ و چاکیەکێ ژی بدەیە دەیکا خو یان بابێ خو، سەرەرایی هندێ کو تو گەلەک حەش وان دکەی، لێ تو نەشێی چ خێرا بدەیێ، بەلێ پا تو دێ یێ مەجبور بی و نەچار بی خێرێن خو و چاکیێن خۆ بدەیە کەسەکی، چونکی تە ئەو کەسە نەدڤییا و تە حەژێنەدکر و عاقلێ تە ژێنەدبری، ژبەر هندێ تە بەحسێ وی کر و تە غەیبەتا وی کر ، تە کێماسی و خەلەتی و گوننەهێت وی دناڤ خەلکی دا گوتن و بەحسکرن، ڤێجا دێ ئەو گوننەهە کەڤیتە سەر تە، و خێرێن تە دێ بو وی چن، پێش وێ غەیبەتێ ڤە یا تە بو وی کری.. و ب ڕاستی ئەڤە گوننەهەکە تەقریبەن ئەم رۆژانە دکەڤینە تێدا، و کەس ژمە زی ب زی ژێ خلاس نابیت، ئیلا ئەو نەبیت یێ خودێ رەحم پێ بری و ژێ پاراستی، غەیبەت ژ گوننەهێن گەلەک مەزنە یێن کۆ مرۆڤی مفلس دکەت ل رۆژا قیامەتێ، نە مفلسیا دەرهەم و دیناران ، بەلکۆ مفلسیا خێران ، و ملێت تە ڤالا ببن، و پارزینکێت تە و تەڕازییا تە ڤالا ببت ژ خێران، و بەرامبەر وێ تژی ببت ژ گوننەهان. - کارزان یاسین دێوالی ب دەستکارییەکا کورت ڤە..

زەلامەکی لدەمێ مرنێ دا گوت: دونیایێ یاری بمن کرن هەتا کو ڕوژێن من ب دویماهی هاتین و ئێکێ دی ل دویماهیا مرنا خۆ گوت: بلا ژیانا دونیایێ هەوە نە خاپینیت هەر وەکی کا چەوا ئەز خاپاندیم. - لطائف المعارف، ص٥٧٥

خولیبسەر.. خۆ ب تەوبەکرن و ئستیغفارا بهێن خۆش بکە.. نێ بێهنا گونەهێن تە هەتک بۆ تە نەهێلا و تو شەرمزارکری.. - اللطف واللطائف ، ص٣٣

حسن البصری رحمە الله دگۆت: ل ڕۆژا قیامەتێ دێ دەمژمێرێن تەمەنێ مرۆڤی بۆ مرۆڤی ئێنە دیارکرن، ڤێجا هەر دەمژمێرەکا مرۆڤی ل تشتەکێ و باشیێ تێدا نەکربیت دێ کول و کوڤانێن پەشیمانیێ لسەر خۆ کێشیت. - حفظ العمر ، ص ٦٣ کول و کوڤان بو نەکرنا کارێن باش و خێرێ، هەر ژبلی کو مرۆڤ کول و کوڤانێن خەلەتی و گونەهێت خۆ ببینت! و کریارێن وی د ڤالابن ژ باشی و وان کارێن خودێ پێ ڕازی..

خول ژبو ژبەرکرنا سورەتێن کورت یێن قورئانا پیروز هەر دەیک یان خشکەکا حەز دکەت زاروکێ وێ یان خشک و برایێن وێ یێن بچیک سورەتا هێشتا لڤی تەمەنێ بچیک ژبەر بکەن بلا داخلی لینکێ ل خارێ بیت https://t.me/+Wc0QE9zJLyo4MGIy هیڤییە بتنێ ئافرەت داخلی لینکێ لسەری بن

سەیدایێ تەحسین دوسکی دبێژیت: قەبر ئەگەر ب ئەزمان کەفتبا من باوەرە ئەو حالێ مە مرۆڤان ئەوێن ئەم قوچانێ لسەر دونیایێ دکەین وەسا دا مە تەصویر کەت وەکی کەرێ پەزی دەمێ بۆ سەر برینێ دبەنە قەصابخانێ، ۆ ل وی دەمی ئەو سرایێ بۆ سەربرینا خۆ دکرن، هندەک ژوان سەرا مستەکا ئالفی یان فرەکا ئاڤێ قوچانێ دگەل هندەکا دکەن، ۆ ژبیردکەن کانێ بۆچی یان ژبەر چ ئەو ل ڤی جهی هاتینە ئامادەکرن..

الحمدللە دائما وأبدا یا رب پاکی بۆ تە بیت، تۆ مەزنترینی، هەر ژ هەژی حەمد و شوکرای.

راستیا دونيایێ دوو تشتن •خوراگرتن لسەر نەکرنا تشتێن تو حەژێ دکەی و صەبر لسەرکرنا وان تشتێن تە نەڤێن• وەختێ طالوتی گوتیە لەشکەرێ خو خودێ دێ هەوە جەربینیت ب ئاڤا رویبارەکێ ، یێ ژێ ڤەخوت ئەو نە ژ منە و یێ ژێ نەڤەخوت ئەو ژ منە تنێ هەکە کێمەک نەبیت، ئینا پتریا وان ژێ ڤەخار و یێ نەڤەخاری کێمتر بوون. بەلێ خودێ سەرکەفتن دا وان یێ کێمتر هەروەکی سەرکەفتن وی دەمی ب دەستڤەدهێن دەمێ تو لسەر نەفسا خو ب سەرکەڤی و د هەمی سەردەمان کێمەک ژ ڤان جورە مروڤا یێن هەین. خودێ مە دجەربینیت دا ڤان مروڤان ژێ بگریت ئەوێن دروشمێ وان ئەڤە بیت دێ صەبرێ ل سەر وان تشتان کێشن یێ بو مە نەخوش و وان تشتا ناکەین یێ ئەم حەژێ کەین. دونیا ژی ئەو ریبارە یێ ل بن پێ مە دچیت و هەر ئێک ژ مە هندەکێ ژێ رادکەت و خودێ صەبرێ دەتە مە ئەم خو لبەر دلچوونێن وێ بگرین و تەحملا نەخوشیێت وێ بکەین.

﴿ الْآنَ خَفَّفَ اللَّهُ عَنْكُمْ وَ عَلِمَ أَنَّ فِيكُمْ ضَعْفاً ﴾ ​•نوکە خودێ (بارێ هەوە) سڤک کر، و ئەوی زانی کو د ناڤ هەوە دا لاوازیەک هەیە•.

ئیمامێ ابن الجوزی رەحمەتا خودێ لێ بیت، د کتێبا خو •صید الخاطر• دا بەحسێ نڤێژێ دکەت و کانێ چاوا نڤێژا مرۆڤی دێ یا تمامتر بت و ب خوشووعتر بت، و دەمێ سوحبەتا وی دئێتە سەر هندێ کۆ دەمێ مرۆڤ نڤێژێ دکەت دڤێت هزرا خۆ باش د هندێ دا بکەت کۆ ئەو ڤێ نڤێژێ یێ بۆ خودێ دکەت، و دڤێت ئەو بیرا خۆ ل مەزنییا خودێ بینتەڤە، دا نڤێژا خۆ بینتە مستەوایێ وی یێ ئەو نڤێژێ بۆ دکەت.. دبێژت : د چیروکێن بەرێ دا یێن کو ل سەر ئەزمانێ حەیوانەتان دئێنە ڤەگێران ، دبێژن: جارەکێ مشکەکێ حەز ژ حێشترەکێ کر ، رابوو هەڤسارێ وێ گرت و کێشا دا ببەتە مالا خۆ، گاڤا هەردو گەهشتینە بەر دەرێ کوونا مشکی ، حێشتر ما بەرێ خۆ دا مالا مشکی، پاشی گۆتێ: یان حەز ژ ئێکێ وەسا بکە ب کێر مالا تە بێت ، یان مالەکا وەسا بۆ خۆ چێبکە ب کێر حەژێکەرێ تەبێت! و پشتی ابن الجوزی ڤێ چیروکێ ڤەدگێرت، دبێژت: ئیشارەتەکێ ژ ڤێ وەربگرە: یان نڤێژەکا وەسا بکە لائیقی وی خودایی بت یێ تۆ عیبادەتی بۆ دکەی، یان خودایەکێ وەسا بۆ خۆ بدانە لائیقی وێ نڤێژێ بت یا تۆ دکەی.