- عز 🎧 .

كل عسرٍ لا دارت الدنيا ، يلين ‏وكل ضيق يلقى بأمر الله سعه .

كم واحدٍ يطرد ورا الدنيا وعيت لا تزين مازانت الا عقب مامل الطراد وعافها .

مجاهد النفس أقسى من جهاد الحياة ‏ ما بين عقلٍ ثقيل .. وبين قلبٍ خضر

نبتسم في وجه الايام لو مابه حصيل ‏خاطر الطيب ما كل الظروف تكدره .

جعلنا لا بينت شمس الصبح … المستنيره يتداول ذكرنا بالطيب والفعل المشرف .

مايستغل نية الطيب وتقصيره إلا فطانة رديٍ … شافه فرصه .

النفس خيل وعزة النفس خيال ومن لا عسف نفسه يشوف الهزايم .

إثقال ونحب العلوم الثقيلات وعن غيرها لا والله عيافيي .

محتاج صبر الحليم وسجة الداشر وقلبٍ يبيع المواجع .. بيعةٍ عجله .

لا تزرع المعروف في غير قاعه الطيب في بعض المخاليق ضايع .

حتى صواديف الزمن ماتحب الرخوم تدور اطلق شنب... وتذوقه مرهااا

اليـوم مـدري وش نهايـة .. غلاهـم ‏لا شفت لي هقوة ولا شفت مخراج .

دون وجهك ماحسبت حساب غالي و العسيره لا نصت مثلك بسيطه

حطو حواجز مادرو بـ اني حصان ضاري على القوه .. وطمر الحواجز .

سلامي على الي يبتسم والحمول ثقال وسيع البنايد لا احتمى الوقت كلمته

لا ترخي الهامه على شان دنياك وش قيمة الانسان لا ذل نفسه .

معك ماتقيمني ظروف السنين السود علي الحرام إن راسي اطيب من ظروفي .

كريم النوايا .. مايبي للجميل ردود يحده على درب السخى طيب عاداته .

عسى الله يجملني مع العالم الوافين ربوع السعد والخير والطيب والخوه

مايتكي في عيوني على مركا وكوع غير من وقف عشاني على ركبه وساق .