Bac 2025 with us✨🫀

للتذكير ✅قبل البداية في أي خطة او عمل لابد من التوكل على الله في كل خطوة ثم تأخذ بالاسباب ألا وهو السعي اي الدراسة في عام الباكالوريا

🌟هديتي لكم هذه المرة عبارة عن DRIVE شخصي، عملت فيه على جمع ملخصاتي و ملخصات أفضل الأساتذة و سلاسل تمارين في مختلف المواد و التي ستساعدكم طيلة عام البكالوريا👀 إليكم رابط الدرايف: https://drive.google.com/drive/folders/1frOoXLjfsBQuh2Cmi4SfbbdRacp0FMS9

🖇️ لتمارين الفيزياء تأشيرة النجاح 💗 https://drive.google.com/drive/folders/1dtCFAMOb55r-aR-Vvhnx4sT5BY-SYj9R كتاب المغني 💗 https://drive.google.com/drive/folders/1zAeoai0W77DmNfLwTFGUWQSld2jXfVQj منصة عقبة بن نافع 💗 https://t.me/nafi3_bac_dz_1954

الأسئلة الشائعة فالوحدة الاولى فيزياء💕

U need discipline not motivation

بما انو معظمكم بداو بالفيزياء ولي تعتبر اطول مادة خلال العام 🤌🏻💔 رح نقلكم كيفاه تعرفو روحكم تمكنتو من وحدة معينة👀✅🥇 ✅تقرا درس من يوتيوب ولا استاذك فلقسم (استاذ تكون خيرتو انت بعناية وتفهم عليه) ✅دير ملخص تاعك وانت تقرا فدرس (يحتوي الملخص على القوانين الافكار ❌ تنبيهات .اخطاء درتيهم وانت تحل تمارين ) ✅اولا تبدا تحل تمارين مع الاستاذ على الأقل خمسة تمارين اعرف فيهم كيفاه يخمم استاذ.منهجية الإجابة .. ✅تبدا تحل تمارين متدرجة الصعوبة وهاذ الميزة نلقاوها في تأشيرة نجاح ومبعد حل باكالوريات ✅ ✅الأسئلة النظرية لازم تحفظ وافكار تمارين من عند استاذ طيايبية ❌تقعد دائما خلال العام طل على ملخص الوحدة لي فتيها وتحل عليها تمارين باه متنساش وتزيد الافكار فلملخص وفقكم الله الى ما يحبه ويرضاه🦋🤍

سلام عليكم انا مرة اخرى🦋🤍 تبقى اسبوعين تقريبا على البداية الفعلية للمدارس سواء احرار ولا نظاميين تقريبا كامل بديتو ✅اهم حاجة ديروها ذرك انكم تجربو طرق دراسة متعددة تحوسو على طرق دراسة مختلفة وتخيرو لي تخرج عليكم ✅تنظمو مكان دراسة والكتب الخارجية تعكم ✅الخطة السنوية ولا البرنامج لشهر سبتمبر من المستحسن تعلقوه امامكم🤌🏻

أبدا 👀

قطة تقرا وش عذرك👀

Be careful 🥇✅

❤️✅حيل حول طريقة الدراسة

سلام عليكم انا مرة اخرى🦋🫶🏻 اليوم رح نحكيو على المجهود الشخصي في الباكالوريا✅ كاين خطأ يوقعو فيه الكثير من التلاميذ ولي هوا الاعتماد الكلي على الاستاذ سواء في القسم او في الدروس الخصوصية❌ وهذا خطأ كبير انت رح تعتاد على الاستاذ يحل كلش❌وتقول بلي ساهلة وراني نهز فطريقة مبعد كي تجي تحل وحدك تلقا روحك حاصل أيا يطيحلك المورال أيا تبطل متقراش👀اذا من الاول لازم تعرف بلي الباكالوريا مجهود شخصي انت كي تتحط قدامك الورقة في جوان رح تلقا روحك وحدك مكانش استاذ 🤌🏻❌ تسما الطريقة الصحيحة✅ هيا اول مرة لازم تحل تمارين مع الاستاذ سواء اليوتيوب سواء الدروس الخصوصوية باه تهز المنهجية  وطريقة تفكير والاخطاء .. مبعد تبدا تحل وحدك✅ وفي اليوتيوب حاول في التمارين قبل متشوف الحل مع الاستاذ ✅ لازم تتعب ولازم تغلط ولازم تحصل فالاشهر اذي خير متوصل جوان تلقا روحك وحدك ومكانش وقت باه تصحح غلطة تاعك🫶🏻 وفقكم الله لنا يحب ويرضاه ادعولي معاكم🦋🫶🏻

غدوة تولي 100 العبو 🤌🏻❤️ Enjoy

للي مزال مبداش هاهي فرصتك🫶🏻💫

بعض الطرق التنظيم لي ممكن تعتمدوها🫶🏻💫

السلام معاكم الطالبة سارة متحصلة على علامة 18❤️ ✅ أنا كنت ضعيفة فيها بزاف طاحلي بروف ف سنة اولى وثانية ثانوي هردني وليت منطلعش م 6 نحلمممم ومنطلعش 🤌🏻❌ لحقت وين توحيد المقامات ونسيتو حتى نوفمبر تاع الباك باش عرفت والحمد لله وفقني ربي ديت فيها 18 ومكملتش موضوع يعني 20 كنت قادرة نديها بديت نقراها من نهاية فيفري بداية مارس. 🟣الأساتذة المعتمدين: ترير/ prince math. ترير قريت عندو كل الدروس والتمارين أما prince عفايس خفاف كيما الدوال الأصلية... فرع من درس إن صح التعبير. وليكور ندمت كي درت لأنو حرفيا كاين كاين كلش فيوتيوب كلشش أنا ليا مضيعة وقت واش ندير ف ليكور زوج سوايع ندير ف ساعة ف الدار ودراهمهم نشري بيهم كتب خارجية، تسما لي ميقدروش يديرو ولا راهم حايرين ولا أحرار أخطيكم🤌🏻. 🟡طريقتي في الدراسة: شريت لارام تاع ورق بيوضا للدروس ولليباك والتمارين يعني ورق بيوضا برك ماشي لازم كراريس  بصح النظام ثم النظام أكتبو بنظام باش تفهمو مليح وبالألوان باش تتفكرو المعلومة مليح والأوراق تاعكم agrifiwhoum ولا حطوهم ف porte fichier لمهم متخلوهمش يتراماو هاكاك. بديت بمحور الدوال راه داير بلايليست بدا من الصفر يعني واش جاز عليكم السنة الأولى والثانية تقراوه تمتم وتفهموووه مليح حتى الضعفاء مراحش يلقاو مشكل بإذن الله بديت بالفيديوهات لولين تاع الأساسيات فهمت الشرح مليح وحليت معاه دوال كثيرات الحدود... وكل درس يديرو يدير فيديو موراه يحل فيه تمرين شامل لذلك الدرس المهم فهمت مليح محور الدوال عندو حتى الأسية اللوغارتمية وعرفت نرسم المنحنى لي أصلا كنت نحلم بيه باش نرسمو هههه وكنت مرة مرة نحل ليباك باش نمشي يدي شوفو في المرة الأولى ندي منهجية الحل من عندو نشوف كل سؤال كيفاش يحلو والمرة الثانية نعرف نحل سؤال واحد برك وهي رايحة حتى نلقا روحي نعرف نحل بمنهجية وكامل الدالة، الدوال معندهومش أفكار بزاف هذه هي لعفسة لمليحة. نفس الشيئ بالنسبة للمتتاليات والأعداد المركبة والإحتمالات والقسمة في زاد بالنسبة لتقني رياضي ورياضي راح تحلو كامل الأفكار معاه وداير بزاف تمارين حتى الإحتراف. بصفة عامة أفهمو معاه مليح الدرس ونظموه ف الورقة تاعكم وحلو كل تمرين وأدو المنهجية بعقلكم حتى تتقنوها وحلو ليباك لي يحلهم خطرش يدير ليباك بتدرج الصعوبة ماشي تفهمو الدرس موراها تروحو تحلو باك من راسكم اومبعد تتبريزاو لالا يعني تبعوه هو واش يدير راح يناقش معاكم كل أفكار الدرس وينفع كامل التلاميذ من الضعيف إلى المتميز وكي تروحو للباك تحسو روحكم راكم حا تحلو تمرين حليتوه من قبل. ⚪أما prince math شفت عندو قراءة بيانية ف الليلة تاع الباك صباح لقيتها طاحت يفهمها في فيديو قصير لكن تخرج فاهم، وتاني دوال أصلية وأفكار تاع احتمالات متلقاوهاش عند ترير. 🔵نصيحة: أفهمو الدرس تاعكم مليح مليح هو الصح نظمو نفسكم، النظام يلعب دور كبير في الفهم والتركيز حتى حبكم وشغفكم للدراسة متفقدوهش. حلو التمارينات وليباك هوما الصح مرجعكم الأول طول العام الدراسي مدو لروحكم على الأقل خمس عشر دقايق راجعو فيهم خواص الأسية قوانين المتتاليات إلى غير ذلك كل مرة واش تراجعو. ربي يوفقكم كامل وإشاء الله العلامة الكاملة واذا نفعتكم الطريقة أدعولي 🫶🏻 .

❤️💫