طور نفسك️✨|| لتحقيق هدفك 💙

كيفكن يا حلوين 🤍 اول شي مبروك النصر لسوريا💚 بعرف وقفت النشر فترة بس رح ارجع معكن ونرجع لحل مشاكلكن اليوم الحكي لطلاب البكلوريا #الراسب وعم يعيد رح يكون الحكي طويل شوي بس معلش كملوه🙂 اول شي الرسوب مانو نهاية بالعكس هوي بداية لشي جديد وبهمة اقوى اكيد .. صح اغلبكن حس بفشل وضعف وانو مو قادر يكمل بس اكيد مارح نستسلم رح ناخد هاد الرسوب شي يقوينا كل ما ملينا وقلنا خلص رح نوقف #اول شي التنويع باسلوب الدراسة (كيف يعني 🙃) يعني مو ندرس مادة وحدة كل النهار لانو هيك رح يصير تقصير بباقي المواد ورح تملو من المادة لهيك درسو مادة الصبح مادة الضهر ومادة المسا هيك ما بتملو وبتمرقو كل المواد #تاني شي وانتو عم تدرسو ادرسو ع برنامج (اهممم شي البرنامج ) بتنظمو وقتكن وبتعطو لكل مادة وقتا #تالت شي انكن تدرسو مو يعني تحرمو حالكن من كلشي بتحبوه فيكن تخصصو وقت استراحة لشي بتحبو تعملوه وهيك رح تتحفزو لما ترجعو للدرس #رابع شي تعملو مكافأة الذات يعني حددوا شي تخلصوه اليوم وبس تخلصوه رح تعملو شي بتحبوه او تاكلو شي بتحبوه ايا شي بدكن ياه #خامس شي لا تدرسو متواصل يعني اعتمدو مثلا اسلوب 55دقيقة درس و5 دقايق استراحة (بدون مووبايل🥱) اخر شي اتعودو تفيقو بكير وتنامو بكير رح نزل لسا كتير شغلات تفيدكن 🥰 بالتوفيق بكلورياتي❤️

سنافر السنة الاولى جامعة ايا حدا بدو مساعدة بتسجيل المفاضلة حكوني بساعدكن ويلي عندو أسئلة عن ايا شي فيكن تحكو معي ❤️ بالتوفيق يا سنافر😂❤️ هي حسابي @dalaashehan

- لستَ بحاجةٍ لأحد ، مُدّ يدكَ لِنفسك وانهَض.🤍

أعظم متعة أن تنجز ما يظنه الأخرون مستحيلاً ❤️

#طلاب الجامعات 🤗 هي اشارة الك❤️✉️ رح ترفع موادك وتترفع ورح تتخرج ورح تفرح💜❤️ لاتيأسو وتستسلمو قومو بلشو ودرسو لسا الوقت لصالحكن هالاسبوع بتلحقو فيو وبتقدرو المهم حاولو وربنا مارح يخجلكن اتخطيتو كل الظروف وحتى هي رح تتخطوا💜❤️ #الله_لايخجلكن💜❤️ #بس_قولو_يارب وبلشو💜

كيفن بكلورياتي 🥰 بكرا هوي اول يوم الكن رح يكون في شوية توتر بس انتو قدا 💪 تعبتو كل هالسنة اكيد رح تحصدو ثمرة تعبكن لا تتوترو ولا تخافو كلشي تمام الاسئلة من يلي درستوه ورح تكون منطقية وسهلة اهم شي بكرا ما ننسا البطاقة الامتحانية والاحرار الهوية فيكن تاخدو مي بس شيلو الورقة عنا قبل ما تفوتو ع مركزكن الامتحاني الساعة مسموح فيا بس بشرط ما تكون إلكترونية اول ما تاخدو الورقة بلشو سؤال سؤال لا تقرو الاسئلة كلا دفعة وحدة يلي ما بتعرفوه حطو عندو إشارة وتركوه للآخر لما تخلصو رح تتذكروه بس روقو شوي الإجابة يلي بتكتبوا لا تشتطبوا اذا ترددتو غير اذا متأكدين الف بالمية انو غلط راجعو الورقة برواق انتبهو للعمليات الحسابية الوقت كافي بس استغلوه صح المسا رح ينزل توقعات كتير والكل رح يقول متوقع وهاد النموذج اكيد ووو😅 مافي داعي قلكن انو كلو كذب وكلو ضياعة وقت مو اكتر راجعو المادة بشكل خفيف وركزو يلي مو مركزينو و حضرو تياب بكرا اهم شي 🙃نامو اتكلو ع الله وروحوا بكل طاقة إيجابية انتو قدا مارح يخوفكن امتحان موفقين ابطالي 😍 ايا سؤال ايا استفسار حكوني هون او خاص معكن لبكرا انا الله يوفقكن ولا يضيعلكن تعب يارب🙏❤️

طلاب البكلوريا كيفكن 🥰 يلي عندو ايا استفسار او مشكلة يبعتلي خاص بعرف بلشت الخربطة والتوتر لهيك رح كون معكن هالكم يوم بأيا شي بدكن ياه ❤️ ركزو ع الفيزيا منيح مشان تكون البداية كتير حلوة 😍 موفقين يا حلوين 💙 @dalaashehan هي حسابي

- نحن نحلم ولا حدود لأحلامنا، ندعو ولا سقفَ لدعواتنا، نأمل ولا قيودَ لآمالنا 💙✨

"يومًا ما سأڪون في المكان الذي طالما أردت أن أڪون فيه"👩🏻‍🎓♥️

- ذڪر نفسك دائمًا ؛ ‏أنّ بعد الظُلمة نور ، و بعد الضِّيق إتّساع ، و بعد العُسر يُسر 🌼 • ‏إن الله لطيفٌ خبير ❤️

- عندما تؤمن بنفسك، لاتحتاج لأحد أن يؤمن بك وبقدراتك، فأنت تستطيع ما دمت تحلم وتسعى جاهدًا لتحقق أحلامك وتعيشها غدًا 💛.

يارب إذا مو مشاني مشان أهلي 🤍 مشان ال 20 منبه إلي حاطتو وبقوم عليه بالزور وأحيانآ عم تروح عليي نومة🤍 مشان فيقتي الصبح لأدرس جزء من درس من مادة لا بتنحفظ ولا بتنفهم🤍 يارب مشان الأيام إلي بكون راجعة بالليل مو شايفة شي من التعب ومطلوب مني أني أدرس إلي أخدتو وإلي عليي الصبح🤍 يارب مشان تختي ومكتبتي المتبهدلين كتب وورق وأسئلة دورات وشكلها بجيب الاكتئاب🤍 يارب كرمال نزلتي الصبح بكير قبل طلوع الضو لروح عالمدرسة لأتعلم 🤍 يارب كرمال الشنتة إلي كسرت ضهري🤍 يارب كرمال كل نومة فقت منا من أحلى نومة مشان لحق المتراكم عليي🤍 يارب مشان كل مرة بكيت فيها أني تعبت وحسيت بالعجز وأني مو قادرة كمل🤍 يارب مشان كل مرة كنت حابسة جواتي حكي وكلام وحاول أني ما بيّن لحدا 🤍 يارب مشان كل شي شفتو وصار معي بهالسنة وأثّر على شكلي و نفسيتي وعدراستي🤍 يارب لأنك جبّار الخواطر وأنت العالم بتعبي ومقويني لحد هلق يارب فرحني ولا تخيبني قدام اهلي يارب🤍 ادعولي انجح لأنو هاد آخر أمل إلي والله🤍 ادعولي انجح لأنو حرفيا مو ناقصني صدمة🤍 ادعولي انجح لأنو اهلي ما بيستاهلوا غير انجح.🤍 ادعولي انجح لأنو جد محتاجة افرح من قلبي🤍 ادعولي انجح لأنو أي شغلة بتمناها مارح تصير إلا بعد ما انجح🤍 ادعولي انجح ﻻني بحاجة هاد النجاح اكتر من اي شي تاني🤍 ادعولي انجح لان في عيون بدي فرحها وعيون بدي اكسرها🤍 ادعولي انجح لانو في ناس منتظرة نجاحي اكتر مني وعم يدعولي 🤍 ادعولي انجح لانو بستاهل النجاح وعيوني بتستاهل تبكي من الفرح🤍 #طلاب البكلوريا الله يفرح قلوبكن🙏

🔴 #خطة_للدراسة طلاب الجامعات|| كيف بدنا نحط برنامج للدراسة نروح التراكمات بالعطلة اللي جاي؟ أول شي بتشوفوا شو حاملين مواد وبتدرسوها قبل ما تنسوها، وخاصة أنو هلأ لسا متذكرين منها شوي قبل ما تنسوها عالاخر ومشان تتركز معكم منيح، إذا ما حاملين مواد شوفوا عندكم شوفي محاضرات متراكمة وبلشوا دراسة فيها ...❤️ وبعدين: - حط برنامج للدراسة حدد في كم محاضرة بدك تخلص باليوم لنفترض 4 محاضرات، وأعمل جهدك لتخلصهم شو ما كان الوضع ... - دائما المحاضرة قبل ما تبدأ بدراستها بتعمللها قراءة سربعة وبتفهم الأفكار - باليوم لازم تدرس مادتين مختلفين مادة صعبة الصبح، ومادة سهلة المسا - أفضل طريقة لتدرس إذا ما كان جاي عبالك هو أنو تجتمع مع صديق الك ويكون عندكم جدية بالدراسة وإلا راح اليوم كلو وأنتوا ما درستوا ولا كلمة ... - حط ببالك أنو لازم نجيب معدل مو بس علامة النجاح، وتأكد أنو إهمالك للدراسة ممكن يكون سبب لرسوبك السنة لا سمح الله - تأكد أنو في حال بلشت بجدية وبهمة قوية رح ترفع كل موادك ومعدلات بإذن الله ...❤️😍 - لازم بهالعطلة تعمل إنجاز رائع متلك وأنت قدها، وتذكر انو في مواد كنت اخلصها قبل الامتحان بيومين وقت كنت تضغط حالك كتيير، وهلأ في عندك 6 أيام لتستغلهم منيح ❤️

لحظة إدارك: انكن ع بعد 34 يوم من تحقيق أحلامكن و رح تصيروا طلاب جامعة😍😍❤️ لهيك استغلوهن احسن استغلال و ادرسوا فيهن احسن دراسة و اتعبوا لتنالوا نتيجة منيحة بترضيكم ❤️

- و غدًا ستنتهي عتمتك و تشرق ڪالشمس بعد الظلام 💙✨.

لنكتب على حافة الطريق أننا عانينا ومازلنا نحاول🤍

عش لحظات الدراسة بڪل حُب وشغف واستمتاع حط فبالك ان ڪل اللحظات الصعبة والعقبات حتمر وتبقى حلاوة الإنجاز والأجر الڪثير 💕

- سأصنعُ الفُرص والأحلام والأهداف والاماني، مازِلتُ حيًا في مَڪانٍ ما، مادمتُ أعرفُ ما أُريد سأصيرُ يوماً ما أُريد 💜✨.

ايًا ڪان حلمك ايًا ڪان طريقك الموصل له شاقًا امّ يسيرًا لا تتخلى، ڪافح واهزم جميع ماقد يشڪل حاجزًا بينك وبينه، فـ لذة الاهداف تڪمّن بقوه ومدى صبرك لڪي تصل إلى حلمك ، الله معك لا تخف 💕

48# يوم هنن الوقت يلي ضل لامتحانات طلاب البكلوريا 48 يوم نهاية تعب سنة كاملة بكل ظروفا وتعبا وسهرا واللحظات يلي مستحيل تنسوها صح الكل تعب بهالسنة والاكيد انو الكل رح يحصد ثمرة هالتعب الوقت يلي ضالل كرمال تدرسو والله مو كرمال تملو عم استغرب من الطلاب يلي عم تقلي لهلق مو دارسين طيب ليش؟؟ وين كنتو كل السنة وطبعا ما قلت ما بتلحقو يمكن تأنجزو بهالوقت بس بشرط تكون طاقتكن كلا باللي عم تدرسوه وكونوا واثقين الله مارح يضيع تعب حدا فيكن استغلوا الوقت يلي ضل ادرسو اسهروا تعبو كرمال لحظة النتيجة هي اللحظة أصعب واحلا لحظة كونو قد ثقة اهلكن واساتذتكن والناس يلي بتحبكن تعبو لترسمو الضحكة ع وجوهكن بهاللحظة وأهم شي حابة احكي عنو هوي فكرة الاعادة اوعاااا تحطوا ببالكن هلق لسا في وقت تدرسو وعندكن فرصة التكميلية هالسنة لا تنسوها الاعادة مانا كلمة سهلة متخيلين تعيدو تعب كل هالسنة لسا مرة رح توصلو لنص السنة ما عندكن طاقة بقا ولا تنسو قرار السنة الجاية يعني شي جديد تماما لهيك يلي مو دارس في عندو حل يترك 3 مواد للتكميلية ويركز ع الباقي بس بشرط يحط كل طاقتو بهالمواد لانو مارح يكون عندو فرصة يعيدن تعبو لترسمو ضحكة لتفرحو لتحققو حلم 12 سنة 🤍 + الطلاب يلي خلصت منهاجا وما بدا تعيد بقا حضرو مكثفات او حلو دورات المهم ما تضيعو وقتكن كل التوفيق الكن غوالي وانشالله الكل بيفرح بمجموع يرضيه ويرضي تعبو ❤️❤️