Bac with Bila |معًا نحو القمة

https://drive.google.com/drive/folders/1U5te9_KUhe-IfwuUByhuxWv980L8HDvw هذا هو رح يكون الدرايف تاعي الخاصة بالباك حطيتلكم فيه لحد الآن بعض الملخصات تاعي ومع الوقت نزيد نكمل الوحدات كامل ان شاء الله يفيدكم 🫶🏻

هذا درايف راح تحتاجوه بزاف انا ساعدني بزاف عام باكلوريا 😭🩷 ومعظم ملخصاتي معتمدة عليهم

افهمولي مثال لقلتو مليح واسقطوه على دراسة عام باكلوريا 🔥😍 وفقكم الله ورعاكم ليلة سعيدة أكثرو من استغفار و الصلاة على رسول 🩷 واذا في اي تساولات كما تعودتم انا هنا في الخدمة 🌸🙈

🌿 بسم الله الرحمن الرحيم الحمد لله رب العالمين، والصلاة والسلام على أشرف المرسلين ﷺ 🤍 أكثروا من الاستغفار 🤲🏻، وأكثروا من الصلاة على النبي ﷺ 🌸 اليوم حبيت نهدر معاكم على حاجة مهمة بزاف، وحابة الفكرة هذي توصل لكل واحد فيكم، خاصة وأننا في بداية الطريق نحو بكالوريا 2027 🎓✨ 📚 شوفوا… الدراسة من الآن مهمة، بصح ماشي معناها نقراو بأقصى طاقتنا كل يوم ونحرقوا رواحنا من البداية. اقراوا، اجتهدوا، ديروا جهدكم… بصح بريتم متوازن. 🌱 لأنك إذا بديت من الآن بطاقة كبيرة بزاف، تقرا ساعات طويلة كل يوم، وتضغط على روحك وكأن الباك غدوة… واش راح يصرا؟ أوت، سبتمبر، أكتوبر، نوفمبر، ديسمبر، جانفي… تبدأ الطاقة تنقص شوية بشوية 😮‍💨 وفيفري ولا مارس تقول: «تعبت… ما بقيتش نقدر نزيد.» 💔 وهنا المشكلة ماشي أنك ما عندكش طموح، بالعكس! أنت عندك حلم 🎯، عندك حماس 🔥، حاب تنجح، حاب تحقق هدفك، حاب تفرح والديك، وحاب تشوف تعبك كامل في النتيجة النهائية 🤍 لكن لازم تتعلم تقرا بذكاء، ماشي غير بجهد. 🧠✨ خلوني نعطيكم مثال بسيط 👇🏻 تخيلوا زوج متسابقين 🏃🏻‍♂️🏃🏻‍♂️ الأول من أول ثانية ينطلق بأقصى سرعة عنده ⚡، يجري بكل قوته، وما يخلي حتى طاقة لآخر الطريق. يوصل لنص السباق… يبدأ يعيى 😮‍💨 يقرب للنهاية… ما بقاتش عنده طاقة. وفي الأخير، رغم أنه بدأ بقوة، ما قدرش يكمل بنفس الريتم. أما المتسابق الثاني 🏃🏻‍♂️✨ استعمل عقله. بدأ بريتم خفيف ومتوازن، شوية بشوية، خطوة بخطوة… ما استهلكش كامل طاقته في البداية. ومع مرور الوقت، يزيد الريتم تدريجيًا، يزيد قوته، ويخلي طاقته الكبيرة للوقت اللي يحتاجها فيه فعلًا 🔥 وفي النهاية؟ يوصل للـ FINISH 🏁 وهو ما زال قادر يعطي أكثر، و يسبق المتسابق الأول😔 💡 وش نحب نوصل لكم بهذا المثال؟ أسقطوه على قرايتكم. البكالوريا مستقبلك🙈🔥🔥 ماشي سباق 100 متر. 🏃🏻‍♀️📚 ابدأ من الآن، نعم. اجتهد، نعم. نظم وقتك، نعم. لكن ما تحرقش روحك من البداية. 🤍 اقرا بريتم يخليك تقدر تستمر… ومع مرور الأشهر، ومع اقتراب البكالوريا، زيد الريتم، زيد المجهود، ركز أكثر، واستغل طاقتك كاملة في الوقت المناسب 💪🏻🔥 لأن الهدف ماشي أنك تقول: «أنا قريت بزاف في أوت.» الهدف أنك توصل لـ جويلية 2027 وتقول: «أنا صبرت، استمريت، تعبت، وما استسلمتش… واليوم نحصد النتيجة.» 🥹🤍🎓 ✨ كونوا طموحين، كونوا شغوفين، وثقوا في قدراتكم. أنت مترشح بكالوريا 2027 بإذن الله، وعندك عام كامل باش تبني مستواك خطوة بخطوة. 🌱 وما تنساوش: النجاح ما يحتاجش منك تكون في أقصى طاقتك كل يوم… يحتاج منك ما توقفش. 🤍 ربي يرزقكم فرحة النجاح، والمعدل اللي نحلموا به، ويفرح قلوبنا وقلوب والدينا في جويلية 2027 بإذن الله 🤲🏻🥹🎓✨ نقراو بذكاء 🧠، نصبروا 🤍، نستمروا 🌱، ونوصلوا بإذن الله 🏁✨

وش راكم حابين حاجة نحكي عليها

#منقول

السلام عليكم كيف حالكم مع مكتسبات اسفة على تاخري🩷

خلولي وش حابين تعرفو اسئلة انا هنا دوما بإذن الله

دعواتكم لي 🫶🏻 تتيسر حاجات في بالي باذن الله 🤍وويكفيني وقت نحطلكم ملخصاتي وغيرها..

بالنسبة لتلاميذ لراهم يقولو مزال الحال⏳ .. و باينة ياجلو دخول وميبداوش مكتسبات متخلوش تتضغط عليكم وكونو منظمين من بداية🎀

انا قريت عند كتفي علوم نضن كان طويل فيديو فيزيا عند عبد اللطيف رياضيات سجلت زوم عند استاذة رانيا

بديتو تقراو مكتسبات او لا

وش رايكم في قرار اليوم👀

وش حابين فقرات جاية وش محتاجين نحكيلكم في مثل هذا وقت💗

📚 اللغة العربية السلام عليكم أبطال البكالوريا 🤍🌿 اليوم نحكيلكم كذلك على مادة اللغة العربية، وهي مادة معاملها 3، يعني عندها وزن مهم في المعدل وما لازمش نهملوها. 💯 🌸 أولًا: العربية ليست صعبة وليست سهلة اللغة العربية مادة تعتمد على: ✅ الفهم. ✅ التطبيق. ✅ كثرة التدريب. ماشي مادة تحفظها فقط، لازم تعرف كيفاش توظف المعلومات في الإجابة. --- 📖 لا تركز على الشعر فقط! أكبر خطأ يديروه بزاف تلاميذ البكالوريا أنهم يحلوا الشعر فقط، وبعدها يلقاو في الباك نص شعري أصعب من النثر أو العكس. ✨ نصيحتي: - حلوا نماذج النثر. - وحلوا كذلك نماذج الشعر. - عودوا أنفسكم على النوعين باش ما تتفاجؤوش يوم البكالوريا. --- 📝 الملخصات هي سر النجاح اللغة العربية تعتمد كثيرًا على الملخصات المنظمة. ركزوا على: 📌 الكلمات المفتاحية. 📌 التعاريف المهمة. 📌 المصطلحات القوية. لأنها تعطي للمصحح انطباعًا بأنك تلميذ عندك رصيد لغوي وثقافة جيدة. ✨ --- 🌙 تجربتي الشخصية أنا شخصيًا عربية بديت معاها من بداية وختمتها في رمضان مع استاذ حماش في مراجعة نهائية على يوتيوب وحليت نماذج بزاف وبعدها، كي قرب البكالوريا، رجعت لها مرة أخرى وراجعتها بقوة. 💪 وبإذن الله، راح نشارك معاكم جميع ملخصاتي في بداية السنة الدراسية، غالبًا في سبتمبر أو نوفمبر، ونجمعهم في PDF ونحطهم هنا في القناة عبر رابط Drive. 🤍 --- 🧠 كيف تفهم النص؟ البناء الفكري يعتمد على فهم النص قبل الإجابة. أنا كنت ندير هكذا: 📍 نشرح الكلمات الصعبة. 📍 نكتب المرادفات تحت الكلمات. 📍 نحول النص إلى قصة في مخيلتي. بهذه الطريقة نفهم النص مليح، وبعدها الأسئلة تولي أسهل بزاف. --- ✍️ البناء اللغوي البناء اللغوي فيه عدد قليل من الدروس، وبعدها أغلبه مكتسبات. لكن لازم تتدربوا على: - الإعراب. - الصور البيانية. - الأساليب. - المحسنات. - وكل القواعد المطلوبة. --- 🎯 أهم نقطة في المادة البناء الفكري عليه أكبر عدد من النقاط، لذلك: ✔️ حلوا أكبر عدد ممكن من النماذج. ✔️ خلوا الأستاذ يصحح لكم الإجابات. ✔️ تعلموا من أخطائكم. --- 📅 كم مرة نراجع العربية؟ أنا كنت نراجعها مرة واحدة في الأسبوع أو مرتين كل مرة كفاه، لكن مراجعة حقيقية بالفهم والتركيز، وما كنتش نهملها أبدًا. --- 📒 كراس الأفكار كنت مخصصة كراس صغير فيه: 📝 الفرق بين: - وضّح / بيّن. - اذكر / مثل. - علل... - وغيرها من صيغ الأسئلة. هذا الكراس ساعدني بزاف باش ما نغلطش في فهم المطلوب. --- 📚 كيف ندير ملخص؟ ابني ملخصك وكأنك راح تراجعه بعد شهر كامل وما تتفكر حتى معلومة. يعني: ✅ الإعراب يكون مكتوب كامل. ✅ الأمثلة واضحة. ✅ العناوين بالألوان. ✅ استعملوا Highlighters و Sticky Notes. ✅ خلي الملخص مرتب وسهل للمراجعة. صدقوني... الملخص المنظم يختصر عليكم ساعات طويلة من المراجعة. 🌸 --- 📂 استعملوا Classeurs أنا كنت دايرة Classeur فيه: في أجزاء مختلفة من مواد 📁 العربية. 📁 الفرنسية. 📁 الإنجليزية..... وفيه كل مواضيع البكالوريا والـ C.G. بعد كل موضوع: 🟡 نكتب الأخطاء في Sticky Notes. 🟢 ونعلقها مع الموضوع. لما نراجع قبل الباك، نلقى جميع أخطائي قدامي وما نعاودش نكررها. --- ❌ لا تخافوا من الأخطاء الغلط في التمارين اليوم، خير من الغلط في البكالوريا. اعملوا أكبر عدد ممكن من المواضيع. كل خطأ ترتكبوه اليوم، هو فرصة باش ما تعاودوش نفس الخطأ في الامتحان. 💪 ✨ تذكروا دائمًا: "اغلط اليوم، باش ما تغلطش في البكالوريا." --- ❤️ وفي الأخير... أعطوا اللغة العربية حقها، لكن بدون مبالغة على حساب المواد الأساسية. وازنوا بين جميع المواد، وخدموا كل مادة حسب معاملها وأهميتها. ربي يوفقكم جميعًا، وإن شاء الله نشوفكم كامل من الناجحين بمعدلات تفرحكم. 🤍🎓

اذا عندكم اسئلة في انجليزية تقدرو تسألوا 👀💛

🇬🇧 الإنجليزية في البكالوريا... مادة سهلة إذا عرفت كيفاش تتعامل معها! ✨ الإنجليزية من المواد اللي ما لازمش تضيعها، لأنها تعتبر فرصة باش ترفع معدلك. 📈 معاملها 2، يعني بالنظام والتنظيم تقدر تجيب فيها نقطة مليحة بإذن الله. 🤍 📚 وحدات البرنامج عندكم 3 وحدات فقط: 🌱 Ethics and Business 🦺 Safety First 🌌 Astronomy كل وحدة فيها: - 📝 مصطلحات (Vocabulary) - 📖 قواعد (Grammar) - ✍️ وضعيات إدماجية (Written Expression) - 📄 أفكار وأسئلة ممكن يجي منها الموضوع. ⏰ كيفاش تراجع الإنجليزية؟ ❌ ما تخليهاش لآخر السنة. ❌ وما تعطيهاش وقت أكثر من اللازم. الأولوية ديما تكون للمواد الأساسية: 🧬 العلوم الطبيعية ➗ الرياضيات أما الإنجليزية، عطيلها وقتها بانتظام فقط. ✅ 👩‍🏫 المصادر اللي اعتمدت عليها أنا شخصيًا كنت نعتمد على: 👩‍🏫 الأستاذة في القسم. 📺 الأستاذة الناصري. 📺 الأستاذ الجيار. 📺 الأستاذ أمين، لأنه كان يشرح بطريقة بسيطة ومفيدة. ✍️ الوضعيات الإدماجية ما كنتش نحفظ وضعيات جاهزة (Standard). كنت نحاول نكتب الوضعية من عندي، وبعدها نستعمل ChatGPT باش: 💡 نتبادل معاه الأفكار. 📝 يصححلي الأخطاء. 📚 يعطيني كلمات بسيطة وسهلة نفهمها ونحفظها. حاولوا تديروا عدة وضعيات لكل وحدة، وترجعولها كل مرة حتى تولي سهلة عليكم. 📖 الكتاب أشرو كراس حوالي 120 صفحة. 🔹 الجزء الأول: - الدروس. - الملخصات. - مخططات تساعدكم تفهموا. 🔹 الجزء الأخير: - المصطلحات المهمة. ركزوا على استخراج الملخصات من البداية باش ما تتعبوش في آخر السنة. 🌸 📌 نصيحة مهمة كتحبو نحلو سوجيات متنساوش وضعية هي اهم حاجة مش تحب سوجي من أعلى ومتكملوش وإذا كتبتوا وضعية حدو فيها وش كاين من أخطاء، خلو ChatGPT يصححهالكم ويشرحلكم الأخطاء وحدة بوحدة. 🤍 ❤️ تجربتي بصراحة، ChatGPT كان من أكثر الأسباب اللي ساعدوني نطور مستواي في الإنجليزية (وكذلك الفرنسية). كنا نخدم معاه الوضعيات، نصحح الأخطاء، ونتعلم كلمات جديدة بطريقة بسيطة. والحمد لله تحصلت على 17/20 في الإنجليزية، وكنت نقدر نجيب أكثر، لكن الحمد لله على كل حال. 🌹 📚 القواعد القواعد في الإنجليزية ماشي كثيرة. إذا حافظتوا عليها من بداية السنة، راح ترتاحوا بزاف في المراجعة النهائية. ✨ 🌟 الخلاصة ✅ أعطوا الإنجليزية وقتها فقط. ✅ اعتمدوا على الملخصات من البداية. ✅ دربوا على الوضعيات باستمرار. ✅ صححوا أخطاءكم أولًا بأول. ✅ حاولوا تكملوا الإنجليزية والفرنسية بكري باش تتفرغوا للمواد الأساسية في آخر السنة. ربي يوفقكم كامل، وإن شاء الله نشوفوا المعدلات اللي نحلموا بيها. 🤲🤍 دعوة صادقة من قلبكم لي وشكرا🥹

هذا وقت ليحب يروح يشري اداوت باه تبداو رحلتكم أشرو وش تستحقو حقا 💛وكتبداو رحلة مع اوت باذن الله يكون كلشي عندكم حتى ومشريتوش ذك كل واحد وضروفو أشرو ستيلو وزوج كرارس لراح تبداو بيه مكتسبات💛

🩷 "توكل على ربي."🩷 جملة نسمعوها كل يوم... لكن واش معناها بصح؟ بزاف ناس كي تكون عندهم مشكلة، ولا حلم، ولا امتحان، تسمعهم يقولولك: "توكل على ربي." وكأنها كلمة بسيطة، لكن في الحقيقة هي أسلوب حياة كامل. 🤍 التوكل ما يعنيش تقعد تستنى والرزق يجيك، ولا تنام وما تقراش وتقول: ربي ينجحني. هذا ماشي توكل... هذا تواكل. 🔹 التواكل هو أنك تترك الأسباب وتنتظر النتائج. 🔹 أما التوكل فهو أنك تأخذ بكل الأسباب، وتعمل لي عليك كامل، ومن بعد تخلي قلبك معلق بالله، ماشي بالأسباب. مثلاً... 📚 طالب عندو باك. إذا قرا، راجع، تعب، دعا ربي، وبعدها قال: "يا رب، وفقتني ولا لا، أنا راضي بحكمك." فهذا متوكل. أما إذا ما فتحش كتاب وقال: "ربي كريم." فهذا تواكل، لأن الله أمرنا بالسعي قبل انتظار النتيجة. التوكل ماشي أنو تكون ضامن النتيجة، التوكل أنو تكون ضامن بلي ربي راح يختارلك الخير. حتى إذا جاك الشيء مخالف للي تمنيت، يبقى عندك يقين أن اختيار الله أحسن من اختيارك. التوكل يريح القلب. 🤍 لأنك تعرف بلي ماشي كل شيء بيدك، وأن الله يدبر أمورك بعلمه وحكمته، وأنت عليك غير تسعى وتدعي وتستمر. يمكن تنجح من أول مرة، ويمكن تتأخر، ويمكن ربي يبدلك طريق كامل. لكن الإنسان المتوكل ما يفقدش ثقته، لأنه يعرف أن ربه لا يضيع تعبه، ولا يكتب له إلا ما فيه خير. لهذا، كل مرة تسمع "توكل على ربي"، افهمها هكذا: ✨ اسعَ وكأن كل شيء يعتمد على عملك. ✨ واطمئن وكأن كل شيء بيد الله... لأنه فعلًا بيده سبحانه. أسأل الله أن يرزقنا التوكل الصادق، لا التواكل، وأن يجعل قلوبنا مطمئنة مهما تغيرت الظروف. 🤲🤍 https://t.me/bacccbila18