Bacstudies25team🌷

من اليوم تقدرو تبداو بالنسبة للي مازال مابداوش 🌟 توكلو على الله وابداو درجة درجة ماتضغطوش كامل على رواحكم وماتخافوش و اتصرفوا بحكمة خصوصا في اختيار المصادر و الاساتذة ✅

برنامج مادة العلوم الفيزيائية 🪽: فالوحدة الأولى 🌸: رح تقراو المتابعة " الزمنية لتحول كيميائي " وهنا تحتاجو بزاف مكتسبات كيما قوانين كمية المادة ؛ وقوانين التركيز المولي ؛ جدول التقدم ؛ ناقلية محلول ؛ الأكسدة والإرجاع ؛ ورح تقراو متابعة تحول كيميائي عن طريق المعايرة اللونية ؛ عن طريق قياس الناقلية ؛ تقراو السرعة الحجمية والعوامل الحركية و زمن نصف التفاعل ...الخ . فالوحدة الثانية 🌸: رح تقراو "تطور جملة ميكانيكية ؛ تقراو حركة الأقمار والكواكب ؛ السقوط الشاقولي الحقيقي و الحر لجسم صلب في الهواء ؛ القذيفة ؛ حركة مركز عطالة جسم على مستوي افقي / مائل ؛ المعادلات الزمنية ؛ الحصيلة الطاقوية ... الخ الوحدة الثالثة 🌸 : الظواهر الكهربائية ؛ اللي رح تقراو فيها الدارة RC (مكثفة ) شحن وتفريغ مكثفة ؛ الدارة RL ( وشيعة ) ظهور التيار و قطع التيار . الوحدة الرابعة 🌸: تطور جملة كيميائية نحو حالة التوازن ؛تقراو فيها الحمض والأساس ؛ و درجة الحموضة PH ؛ النسبة النهائي للتقدم ؛ كسر التفاعل ؛ ثابت التوازن ؛ التحولات حمض أساس الوحدة الخامسة 🌸 : النووي ؛ رح تقراو فيها البنية النووية لي ديجا تعرفوها من سنة أولى ؛ ثم النشاط الإشعاعي ؛ مميزاته ؛ مخطط سيغري ؛ قانون الانحفاظ لصودي معادلات التفكك ؛ التناقص الاشعاعي ؛ ثابت الزمن و زمن نصف العمر ، النشاط الاشعاعي ؛ التأريخ ؛ طاقة الربط ؛ الانشطار والاندماج ، منحنى أستون ... الخ

طريقة الدراسة 🌨 أهم حاجة فالفيزياء ، سجل التفاصيل ✅ فالفيزيك تتعاود بزاف واحد العفسة ولي هو سؤال ماقريتوهش فالدرس بصح يجي في معظم التمارين ؛ يعني كل تمرين لازم يكون فيه هذاك السؤال و لهذا لازم تسجلو هذاك السؤال و طريقة الحل تاعو وتبقاو شافيين عليهم . بالنسبة للدرس لازم يتفهم مليح ؛ و تحفظو التعاريف راهم يجيو كأسئلة نظرية وتحفظو القوانين ؛ وإذا كاين تحويلات فالدرس احفظوهم ✅ . الدرس مش لازم تفهمو من أول مرة !! لازم تعاودو مرة مرتين حتى تفهمو بحذافيرو . • طريقتي في فهم الدرس كالآتي : في القسم كنت نروح نشوف هذيك الوحدة وش فيها والدرس وش فيه من عناوين ؛ و كنت نتبع مع الاستاذة بصح ماكنتش نفهم عليها بالرغم من أنها مليحة كامل يشكرو فيها غير أنا عييت نفهم 🙂. بعدها نروح لليوتيوب نقرا الدرس من عند الاستاذ زدون ؛ كل مرة شحال كان يشدلي الوقت ؛ مرات شهر نورمال 🥲 بصح نفهم من عندو والحمدلله . بعدها نبدا نحل تمارين ليكور ؛ مع العلم أنا بديت ليكور متأخر بديتو في جانفي . من قبل قتلكم كنت متأخرة بزاااف فالفيزيك خاصة في جزء التمارين . بصح بعدها وليت منظمة ؛ نحل تمارين ليكور ومن بعد نرجع لتمارين الاستاذ زدون ونزيد نحل شوي من تمارين تأشيرة النجاح . وهكا نكون كملت الوحدة . ونكون درتلها ملخص للأفكار و الأسئلة المتكررة 🌱 بصح بالاكو الفيزياء لازملها مراجعة مستمرة ؛ لأنو أصلا بالسيف ماتجي تفهم وحدة تضرب عليها وقت تنساها ! يسما مرة على مرة راجعو الوحدات السابقة .

ادخلولها ديجا راهو بدا يحطلكم 🌱

https://t.me/salemphysique

العلوم الفيزيائية مرعبة الجماهير 🪽 بصح هي مادة عندها أسرار و عندها طرق جد دقيقة في الدراسة يعني لازم تقراها على الشعرة 😌🫶 مادة تحتاج دراسة شبه يومية باش تتميزو فيها 🌟 نبداو بالمصادر ثم طريقة الدراسة ثم البرنامج : بالنسبة للمصادر 🌸 كاين أستاذ وحيد لي ننصح بيه في تقديم الدروس اللي هو الأستاذ زدون ✨ أفضل أستاذ من ناحية كلش ؛ التنظيم ماكانش استاذ منظم كيفو كل الدروس متوفرة على قناتو فاليوتيوب ؛ كل وحدة يمد فيها جميييع التفاصيل ؛ من ناحية الشرح ؛ ولا أروع ؛ الدروس تطبعهم وتبقا تبع معاه و تعمر فراغات برك برك 🌟 بالنسبة للدروس ؛ كل وحدة ب 25 الف يعني مبلغ جد رمزي بدل مانروحو نفزدو دراهمنا في حوايج تافهين اشريو الوثائق والله يستاهلو ✅ اطبعوهم وتبعو مع الاستاذ . بالنسبة للتمارين و الأفكار : الأستاذ لي نرشحهولكم هو الاستاذ عبد اللطيف ماشاء الله عليه قوة 🕯️ نشفا في آخر العام حكمت ورقة وبديت نسجل معاه فالافكار لي حطهم في واحد الفيديوهات هذاك الوقت شرحو بسيط فهمت ثم ثم ؛ و من الجانب التطبيقي 10/10 يعني زوج مصادر فالفيزياء كافيين وافيين باش تجيب العلامة الكاملة وماتكثرش اساتذة بش ماتتخلطش 🌨️ اما بالنسبة للكتب : كتب تأشيرة النجاح 😌 ملخص دروس هايل ؛ تمارين بأفكاى متنوعة مع الحل تاعها ؛ مواضيع كاملة تدربو عليها 🤭 انا شريت الأجزاء الثلاثة ؛ العيب الوحيد هو أنهم غالييين 150 الف للواحد بصح يستاهلو 🐣 بالنسبة لي حب يعتمد على مصادر أخرى من غير الكتب ضك نبعثلكم قناة واحد الاستاذ تكفي وتوفي في مادة الفيزياء من ناحية السلاسل والمواضيع هايلة ادخلولها تفهمو وش قتلكم ⚡

قايز لي عندو معلومة كاين لي ماجبدوش الشهادة تاع التوجيه تاعهم والسيت غلق ؛ كيفاش يديرو؟ 🙂

مع احتراماتي للجميع 🌸 بصح ضك تبداو تقراو و تشوفو وش راني نحكيلكم ؛ واللي مالقاش وش يدير ؛ ينوض يدير دورة تنظيم وقت 😂 ؛ كارثة . كل واحد فيكم عندو خصوصيات و عندو برنامج تاع ليسي محدد وعندو برنامج تاع ليكور محدد وكل واحد وقتاه يحب يقرا و كل واحد كيفاش موالف يعقب اليوم تاعو ! كيفاش رح تنظملوا وقتو نتا؟ نحكيو بالمنطق ؛ شخصيا درت الف برنامج و راعيت فيه ظروفي ؛ و شفت اوقات ليكور و هكاك صدقوني لم التزم به التزاما حرفيا 🤌 جماعة راكم كبااار ؛ ماتتحمسوش للحالة بزاف و ماتخافوش بزاف وتوليو تسجلو برك يعظمو فالباك و هو امتحان عادي جدا ؛ اعرف كيفاه تقرالو برك شوي حيلة مع القراية شوي اجتهاد و طبعا بلا توفيق الله مادرنا والو😊

إخوتي موضوع مهم ⚡ راني نشووف بلي كاين طلبة ناجحين فالبكالوريا و راهمم يقراو فالجامعة حاليا ؛ وراهم يديرو في دورات!!!!! هذا يدير دورة مراجعة مكتسبات رياضيات ؛ لوخر علوم ؛ لوخرة منهيه فيزياء!! و التالي فيهم منعرف وشمن دورة مدايرهالهم المهم عندها علاقة بالباك؟؟؟ أنا ضدددد ضدد هذا النوع من الطمع ! أخي / أختي نقولها ونعاودها ماتقراوش عند أي كان ؛ لازم يكون أستاذ في أرض الميدان ويقري ولا يكون عالاقل عندو شهادة في هذيك المادة ؛ خصوصا مادة العلوم !! لازملها استاذ بمعنى الكلمة؛ هذي قاعدة امشيو بيها عام الباك . أنا الآن لقيت روحي بديت ننسا وش قريت عام كامل و حفظتو وراجعتو وثبتو وهكاك ونسيت ! يسما هذو الآن راهم يقراو كيفكم و يجيو يفتحولكم دورة يعاودو يهدرولكم وش قراو والسلام عليكم ! حذاري من الاستغلال هذا ؛ دراهمك ماكش لاقيهم في برا🤷 بغيت تراجع مكتسبات ؛ كاين كلش فاليوتيوب ؛ بغيت تقرا ليكور ؛ كاين أساتذة راهم يديرو ليكور حضوري و أونلاين ونتا خير شكون يعجبك 🌱 أتمنى أني نكون وصلت الرسالة🌟

واش راح تقرا فالرياضيات عام الباك؟ ☁️🌱 🐣 الوحدة الأولى : " الدوال " رح تقراو برنامج السنة ثانية ثانوي ولي هوا الاشتقاق و المستقيمات المقاربة و اتجاه التغير ؛ مركز و محور التناظر ؛ نقطة الانعطاف تقرا المناقشة البيانية ؛ التقريب التآلفي ؛ شفعية دالة ؛ المماسات والنهايااااات... باختصار الدوال العددية تاع سنة ثانية ثانوي رح تعاودو تقراوهم✅ و كاين عناصر جديدة و مهمة أيضا في هذه الوحدة ولي هي الدالة الآسية والدالة اللوغارتمية لي فيهم بعض الخواص لازم تحفظوهم و طبقو ؛ الاستمرارية و مبرهنة القيم المتوسطة ؛ التزايد المقارن ؛ الدالة log المعادلات التفاضلية 🌸✋ ساهليين ماتخافوش - وعندك الدوال الأصلية : شفتو الدالة كي نشتقوها؟ هنا العكس ؛ يمدلك دالة مشتقة ويقولك خرج الأصل تاعها 🥲 شوفو هي ساهلة اقراوها مليح برك واحفظو الخواص لي لااازم تحفظوهم وطبقو عليهم مليييح😌 زيد تقراو فيها التكامل ؛ وحساب المساحات والقيمة المتوسطة و المعادلات التفاضلية 🌱 شوفو هي فالبرنامج الدراسي مصنفة وحدة ثالثة لكن لا علينا نحكيو عليها مع الدوال. 🐣 الوحدة الثانية :" المتتاليات " باش نكونو متفقين ؛ حنا ماقريناهمش فالسنة ثانية (ماوصلنالهمش) يعني عام الباك أول مرة نشوفوهم ✅ . أما نتوما فمعظمكم قريتوهم عام الدوزيام ؛ رح تحتاجو فيهم : المتتالية المعرفة بعبارة الحد العام / بعلاقة تراجعية ؛ اتجاه تغير متتالية عددية ; المتتاليات الهندسة والحسابية هذو على ما أظن قريتوهم و تراجعوهم كمكتسبات وأكيد رح تعاودوهم فالقسم 🌱 أما الجديد فهو خاصية الوسط الحسابي و الوسط الهندسي ؛ البرهان بالتراجع وتقارب متتالية عددية / هندسية ؛ التمثيل البياني لحدود متتالية ؛ المتتاليتان المتجاورتان وأهم شي المجاميييييييييع 😭 خاوتي ربي يكون في عونكم معاهم ؛ عييتلهم !!!! حتى فالباك مجموع حليتو وجبتو صح والمجموع لوخر لالا 😂 و المتتاليات وحدة ساهلة و حلوة ⚡ 🐣 الوحدة الرابعة : " الاحتمالات " كيما سابقتها أكيد تكونو قريتوها فالثانية !!يعني عندكم فكرة ؛ بصح هنا فالباك الامر مختلف قليلا ؛ رح تقراوها ب " العد " لي رح تقراو فيه القوائم و توفيقات و التبديلات❄️ ماهمش صعاب 🫶 كيما رح تكملو تقراو المتغير العشوائي ؛ تباين متغير عشوائي ؛ الأمل الرياضياتي ؛ الانحراف المعياري ؛ تلقاو في بعض التمارين شجرة الاحتمالات ؛ قانون الاحتمال . 🐣الوحدة الخامسة : " الأعداد المركبة " وحدة جديدة عليكم ؛ نصيحتي الاولى والاخيرة اقراوها مليح ؛ مشي كعاد آخر وحدة تهملوها لالا ؛ صدقوني العام هذا جا تمرين تافه وأنا ودرت فيه النقاط!! ولنا حديث مطول مع الرياضيات ايضاا في قادم الأيام ؛ هي وحدة فيها شوي معلومات لازم تحافظو عليهم في ذاكرتكم ولازم طبقو عليها مليح مليح ❄️ مايهمش وش تقراو فيها الآن كي يوصل وقتها نحكيو فيها مليح🌟

بالإضافة إلى مجلات الاستاذ بن خريف مصطفى ؛ لي ماهوش حاب يشري الكتب الخارجية و حاب غير الدروس ننصحك بمجلاتو🌸

ڨااايز نسيت نقولكم 🥲 بلي من بين مصادري فالعلوم هي مجلة الهستونات ✅ للأستاذة كتفي زينة 🌟 تلقاوها مجانية تقدرو تطبعوها ؛ الرابط تاعها تحطو فالوصف تحت فيديوهاتها🌱

خاوتي تفكرت بلي حتى أستاذ ليكور الأول خلاص لي قريت عندو دارلنا مكتسبات من بعد نحطهملكم و جربو تستفادو منهم 🌸

مساء الخير☁️🌸 علابالي علابالي طولت😭 المهم أتمنى أنكم جميعا بخير 🫶⚡ ليلة نحكيلكم على الرياضيات ؛ كانت تجربتي معاها جميلة جدا وكان كلشي تمام التمام و ماواجهت فيها حتى صعوبة ؛ الا انو درت خطأ فااااادح جدا جدا حرمني من العلامة الكاملة🙂💔 ليوم نحكيو شوي على المصادر 🌟 🐣بخصوص أساتذة اليوتيوب : انا شخصيا قريت من عند الاستاذ عبد الباسط ؛ واحد التنظيم في قناتو ؛ روعة🫶 اتفرجو كامل وش يحط بالدروس بالتمارين 🤌 + الاستاذ انفينيتي قريت من عندو ؛ خاصة الحوايج لي مانفهمهمش من عند الاستاذ عبد الباسط ؛ حرفيا طريقة انفينيتي فالشرح رائعة🫠 حليت من عندو تمارين ثاني ✅ أما عن الأستاذ نور الدين ؛ هو أستاذ فالقمة ماشاء الله لكن أنا للأسف ماقدرتش نقرا من عندو ؛ لقيت أنفيني و عبد الباسط اكتفيت بهما 🌸 🐣أما عن الكتب و سلاسل التمارين : كانو عندي كتابات الاستاذ نور الدين ؛ كتب ممتازة فيهم الدروس و القواعد والخصائص 🌸 أي تفصيلة حول الدرس تلقاها . زيد التمارييييين 😭 هايليييين هايلين وزد على ذلك البكالوريات ؛ كل كتاب تلقا فيه التمارين لي وردو فالبكالوريا تاع هذيك الوحدة مثلا كتاب الدوال تلقا فيه تمارين الدوال لي طاحو فالبكالوريات السابقة بجميع الشعب ؛ كيما تلقا فيه بكالوريات اجنبية أيضا ✅ وكل وحدة عندها كتابها : دوال ( اسية لوغارتمية ؛ دوال أصلية) ؛ احتمالات ؛ متتاليات ؛ أعداد مركبة ... تقدرو تكتفيو بهذه السلسلة من الكتب 🌸 🐣بخصوص استاذ ليكور : قبل الدخول المدرسي جربت أستاذ كان مليح بصح أنا عييت نتأقلم مع استاذ بخلاف استاذي تاع ليكور تاع عام الدوزيام✋ فقررت نكمل معاه أحسن وكان هذاك من بين أفضل القرارات لي قررتها عام الباك⚡😭 وماندمتش بالعكس نحمد ربي صباح وعشية🤌 مهما كان مستواك هذاك الاستاذ رح يطلع معاه مستواك باذن الله برك اعرف كيفاه تقرا معاه☁️🫶 اسم الاستاذ : مرج لزهر - باتنة تلقاوه في مشاعل الفكر على ما أظن .

خاوتي تفكرت بلي حتى أستاذ ليكور الأول خلاص لي قريت عندو دارلنا مكتسبات من بعد نحطهملكم و جربو تستفادو منهم 🌸