بلآل آلعشمآﻭي🫀🖤

متسيبوش حبايبكم لوحدهم في الحزن.. الحزن بياكل من روح صاحبه، وحتى لو مطلبش منك المساعدة، فغالبًا هو بيتمنى إنك تكون جنبه، ويحس إنك حاسس بيه.. أحيانًا مجرد إنك تحس إن فيه حد بتحبه حاسس بحزنك، ومصدقه، ده لوحده بيهوّن.. متسيبهمش للحزن، وترجعوا تستغربوا هما اتغيروا ليه!

وما فائدة الحب إن زادتْ مخاوفي في وجودك؟ خوفٌ أساسه تصرفاتك التي تهمس لي كل يوم، كل لحظة، أن هذا الوجود لن يدوم.

كل ما أفكر، ألاقي إن ربنا مبيحطش إنسان في ابتلاء إلا وهو مديه الطاقة والصبر اللي يُصد بيهم عليه، مبيشلكش شيلة إلا وهو عارف- سبحانه وتعالى- إنك هتقدر عليها، هتعافر وتُصُد وتعدي منها، السَكينة اللي بتنزل على قلبك في وقت اشتداد الألم مش دايمًا بتكون لامبالاة بس، أحيانًا بتكون سَكينة ربّانية، رحمة عظيمة تكتنفك وتقويك على اللي أنت فيه... ربنا أحنّ من إنه يحمّلك بما لا تقدر.

أنا بحب وبحترم جدًا الناس اللي بيقدّروا رغبة أي إنسان في الانعزال لفترة، يتفهموا فكرة إنك فعلًا أحيانًا ممكن متقدرش تتواصل زي العادي بتاعك، من غير ما ياخدوا الموضوع على كرامتهم، من غير ما يئذوك ويضغطوا عليك

هلا هلا بالناس الكويسه💕🕊️

وفي النهاية، هتوصل لمرحلة إنك لا بتجري ورا حد، ولا بتفتكر مين سأل ومين مسألش، ومين خذلك، ومين طلع عيل، ومين بيقعد معاك وهو في ضهرك بياكل في لحمك بالغيبة.. هتبص للحياة حواليك زي الموج اللي بيروح ويجي، وأنت مش عاوز غير إنك تعيش في سلام، وتكبر دماغك.

فيه فرق كبير جدًا بين الشخص اللي بيفترض سوء النية، والنضج اللي بيخلينا نخفض توقعاتنا تجاه معظم اللي بنتعامل معاهم؛ تجنبًا لألم إحنا مش محتاجينه ولا عندنا طاقة له، مش سوء نيّة خالص والله، بس العشم مش لأي حد، بعد اللي شوفناه بنحتاج مواقف كتير، ووقت، عشان نقدر نتعشم في حد، ونبطل حذر.

لسنا بحاجة لمن يفهمنا ويحلل شخصياتنا وتصرفاتنا، بقدر ما نحن بحاجة لمن يستوعبنا، كما نحن، بكل هذا الضجيج الذي يملأنا؛ فأغلى ما تقدمه لمَن تحب هو التقبُّل.

‏"كل شيء سيأتيك في وقته المُناسب، ثق بتدبير الله واطمئن.، "

‏دعاء من القلب لمن فقدناهم ولن ننساهم اللهم أنر قبر من حنّ له القلب اللهم هب لهم سعة في قبورهم لا يرو لها نهاية اللهم هب لمضجعهم طيبا ولظلمتهم نورا ولذنوبهم غفرانا وبرّد قبورهم وزدهم إحسانا فوق إحسانهم واجعل الجنة مسكنهم والفردوس الأعلى دارهم اللهم تقبل منهم القليل وتجاوز عنهم التقصير. اللهم افسح لميتنا في قبره مد بصره وافرش قبره من فراش الجنة.اللهم إن ميّتنا صبر على البلاء فلم يجزع فامنحه درجة الصابرين الذين يوفون اجورهم بغير حساب فإنك القائل”إنما يوفى الصابرون أجرهم بغير حساب”. اللهم اغفر لهم وارحمهم وعافهم واعف عنهم وأكرم نزلهم واغسلهم بالماء والثلج والبرد ونقهم من الخطايا كما ينقى الثوب الأبيض من الدنس اللھم أظلهم تحت ظل عرشك يوم لاظل إلاظلك اللھم طيب ثراهم وأكرم مثواهم وأجعل الجنة مستقرهم ومأواهم وأجعل قبورهم نوراً وضياء. اللهم آنس موتانا في وحدتهم وفي وحشتهم وفي غربتهم وافرش قبورهم من فراش الجنه برحمتك ياارحم الراحمين. رحم الله قلوبً تفيض نقاءً وطهاره اللهم أرحم ابتسامتهم التي لم تختفي من ذاكرتنا اللهم أجعلهم مبتسمين في جنتك يارب العالمين. اللهم يمن كتآبهم ويسر حسآبهم وثقل بالحسنآت ميزآنهم و ثبت على الصرآط اقدآمهم واسكنهم في اعلى الجنآت في جوآر نبيك

من عاش في زماننا محتفظًا بلين قلبه، فقد فاز بمعركته الحقيقية.

صحابك مش صحابك وأنت كويس وبتضحك ومفرفش بس، صحابك هما اللي بيحاوطوا عليك وأنت مهزوم من الدنيا، تعبان ومكتئب وعاوز تمشي، هما اللي يفضلوا ماسكين فيك حتى لو قلت بالكدب من تعبك إنك عاوز تسيب.. صحابنا مفروض يحبونا عشان عارفين إننا فعلا كويسين، شايفينا من جوه، وشايفين إننا نستاهل نتحب، حتى لو فينا حاجات متتحبش.

فيه ناس طيبين وكويسين والله، بس عندهم مرض الردود الغلط، وحدف الدبش في الكلام.. "فصيلة الدبشة" عادة قلبهم بيكون أبيض، بس اللي يقدر يتفاهم معاهم، ويطنش شوية.

فيه يوم هيعدي عليك ب 100 سنة، من قساه وتُقله، هتتعلم فيه اللي متعلمتوش في عمرك كله.

فعل وموقف واحد، بمليون كلمة حب.. ربنا يديم اللي حبهم فعل وسند، حتى لو مش شطار أوي في الكلام.

مش بأميل للي بيمجدوا في لحظات الحب الملحمية، وبيصورها على أساس إن ده الحب المثالي اللي يستحق الاحتفاء ومشاركته كحكايات.. اللي ممكن يدفع الإنسان إنه يحب ويرتبط ويخطب ويتجوز هو إنه يلاقي إنسان يديله ويشاركه "الونس"، يشاركه الحاجات البسيطة، يقعد يحكي معاه من غير ما يزهقوا، يلاقي حد يطبطب عليه وهو مصدع، تعبان، مخنوق، يسمعه وهو مركز معاه من غير ما يحسسه إنه تقيل. رضوى عاشور، رحمها الله، في كتابها الجميل شديد العذوية: "الرحلة"، في آخر فصلين منه، بتحكي عن تفاصيل أيامها مع زوجها "مريد البرغوثي"، في أمريكا، لما راح يزورها في آخر شهور إقامتها أيام دراستها للدكتوراه هناك، وإزاي كانوا مبسوطين زي الأطفال وهما بيلفوا سوا في الشوارع، بيستكشفوا عوالم "نيويورك"، رحلتهم سوا للغابات في إحدى الولايات، وإزاي كانوا بيقعدوا سوا، في الشقة البسيطة اللي "رضوى" كانت مأجراها، ويتريقوا على بعضهم وعلى السقف اللي بيخبط في دماغ اللي بيدخل الحمام؛ لأنه منخفض جدًا، ومناقشاتهم وتخميناتهم العبثية المضحكة لمصدر الصوت والدوشة في الشارع، اللي مش بيقدروا يشوفوه لأنه الشقة في مستوى أقل من أرض الشارع.. حتى وهي بتحكي عن لحظة وصوله الأولى، بعد غيابه عنها لسنة تقريبًا هي في أمريكا وهو في القاهرة، إنهم "تبادلوا القبلات والحكايات"، كده بمنتهى البساطة بين زوجين محبين. "رضوى" محكتش عن نفى "مريد" بره مصر، وتغريبته المريرة والبُعاد ما بينهم، بنفس العذوبة اللي حكت بيها تفاصيلهم شديدة البساطة والعادية... فإحنا مش عاوزين حد يحبنا ويموت عشانا، أد ما إحنا محتاجين شخص يشاركنا الحب، والونس، والألفة المتبادلة، والحاجات العادية... بس يعني والله.

بتبسط جدًا لما أشوف إنسان كويس بيبدأ من جديد، بداية أفضل: راجل محترم يتجوز إنسانة طيبة وبتحبه، بعد ما يكون مرَّ بعلاقة صعبة أخدت منه.. أو بنت اتظلمت كتير في علاقة خطوبة؛ فربنا يعوضها بزوج يصونها وبيت وسكن وأولاد.. بتبسط وأنا بشوف حد بيسعى لحلمه، مهما كان حلمه ده صغير أو كبير، المهم إنه حلمه وعاجبه.. بتبسط بالبدايات الجديدة، بفرح لما بشوف إنسان موجوع قادر يقوم ويقف تاني ويكمل وهو لسه قادر يحب، قادر يمر برحلة تعافيه من ابتلائه اللي مر بيه، وهو لسه قادر يشوف بعض النور في وسط العتمة اللي اتسجن فيها.. بتبسط وبرضى وأنا بشوف عوض ربنا بيروح لناس تستحقه، ناس عاشوا وقاسوا وجع كبير، وجه أوان إنهم يستقروا شوية، ويطمنوا. بلال العشماوي .🖤

مفيش حد بيحب فعلًا بيستنى وقت أو ظروف مثالية عشان يمد إيده للي بيحبه ويسنده، ويثبتله حبه بأفعال مش كام كلمة.. أسوأ كدبة هي "الظروف"؛ أكتر حجة خايبة بيستخبى فيها عديمي الحيلة والجبنا، اللي فاكرين إن الدنيا بتفرش الطريق بالورد للي بيحب. الحب زيه زي أي هدف أو مسعى في العالم المجنون ده؛ يا تاخده بمعافرتك وتخطفه غصب عن عين أي حد، يا تقعد جنب الحيطة تولول بحجة الظروف اللي مش سامحة. الحب إنك تكتشف في نفسك الضعيفة قوة جبّارة تسند بيها اللي بتحبه، حتى لو أنت شخصيًا كنت قربت تقع؛ فتلاقي روحك سندته، وسندت نفسك معاه. بلال العشماوي .🖤

أسوأ من الاكتئاب الواضح، إنك تبقى متعلق في حالة من اللاإحساس، مش عارف أنت مبسوط ولا زعلان، طب وليه مش مبسوط؟ مش عارف. معظمنا في مرحلة مش عارف مش مهم بلال العشماوي .🖤