١٩٩٩

بعض الاشخاص يصيرون جزء من تاريخك الشخصي و يبقون كـ أثر تحمله وياك وين ما تروح ..

اكو علاقات معقدة تعيشها بحياتك لدرجة تتمنى روحك ما عشت هل حياة او انه يصير كلشي او اي شي بس حتى لا تفوت بيها تعيش وتحب لدرجة يتخلل الحب بعظامك وبالنهاية تلكي ايدينك فارغة ، روحك عارية ، واكف وحدك بالوسط وما تعرف شتسوي ؟ ما تعرف وين الصدك ؟ وين الجذب ؟ تشك بعقلك وبكل اللي عشته .. فجأة توكع من سابع سما وتبقى بذاك الوقت والمكان عايش واحياناً ترجع تعيد شريط حياتك من جديد وتحلل وتفسر وتدور على خطأ حتى تعرف وين صار الخلل ؟ وين انكطع الحبل وانهار السگف على راسك؟ و شوكت انت صرت موجود تحت هل حطام وكل اللي ببالك واعتقادك انك تحت بيت ..

لائِذٌ بكَ من نَفسِي

لله درّ الواضحين، الذين تنطق أعينهم بالصدق وتكون أفعالهم موافقة لأقوالهم، الذين لا يتلوّنون، ولا يتذبذبون، ولا يميلون مع الرياح حيث مالت.

ماعرف كم مرة حجيت عن الألم .. يمكن للحد اللي الألم مل مني ؟ او للحد اللي الناس صارت تشوف ذاك الجزء من داخلي المخفي .. الحنين والحساس لدرجة مو كادرين يصدكون شخص قوي ومتحمل مسؤولية ومسيطر مثلي ( عليه ملامح اللامبالاة ) ممكن يتألم بهالشكل ولهل درجة ونختمها بمحمود درويش من يگول : و وحدي .. كنت وحدي عندما قاومت وحدي وحدة الروح الأخيرة

قاوم …

قاوم …

القوقعة او الفراغ او السيناريوهات اللي موجودة براسك مرات كل اللي تحتاجه هو تطلع منها .. مرة وحدة تكون خارج قناع الشخص الطيب والجيد دائماً لمرة وحدة بس فكر بنفسك قبل ما تفكر بالباقين حتشوف فرق شوي من الضغط والأحمال اللي على ظهرك وداخل روحك راح تخف بعيداً عن كل فلسفات حب الذات وتقدير الذات وتدليل الذات بالاكل والشراء والتسوق حبك لنفسك الحقيقي يكمن بالحدود اللي تخليها لنفسك اولاً وبالسجن ( الزنزانة الموجودة داخل عقلك ) اللي تحرر نفسك منها ثانياً وبأختيارك لنفسك وتسأل نفسك شنو تريد ؟ اني شنو اريد

هوس الكمال او هوس الشي المضبوط ع آخر حبة اني من هل ناس يمكن ضيعت نص عمري بسبب هالشي ؟ اخاف من الشي الناقص ، من النقد ، الخسارة ، الرفض .. وكأن روحي وجسدي انوجدت على هل ارض حتى تتصرف ك روبوت ذو مشاعر منتظمة وذو انتاج عالي عندي فوبيا جنونية من الرفض والنقد بحيث مرات ما افهم النقد دا يكون للشيء مو لذاتي ونفسي

اكو اشياء اذا تبقى تدقق بيها تموت مثل الجرح احياناً لازم توقف النزيف وتسكت كلما دخلت ونزلت للعمق راح تموت عالبطيء ..

التصنع في المشاكل ، طريق للابتعاد

من الطبيعي أن ترى شخصاً يعشقك ، لأن مظهرك الخارجي قد ناله اعجابه ، لكن هذا العشق لان يكون ذو مدا طويل ، لان العين التي رأت مظهرك الخارجي وعشقته،بأمكانها ان ترى مظهراً خارجياً اخراً وتعشقه، وفي النهاية العشق في القلب وليس في العين والعشق للروح وليس للمظهر ،.

انا في تحدي مابيني ومابين نفسي !

الساكت مو غشيم .

الثلاثاء ٢٠٢٦/٨/١١ بعد جميع تلك التنازلات التي قدمتها لإجلك أعلن تنازلي عنك