بايولوجيين 😇😇

يسرني أن أتقدم بأصدق التهاني والتبريڪات بمناسبة عيد الغدير الاغر ☘️، سائلا المولى ان يجعلنا ثابتين على ولاية علي بن أبي طالب عليه السلام...عيد غدير مبارك🎊 💕*وكل عام وأنتم بخير...*💕

أتقدم إليڪم بأصدق التهاني والتبريڪات بمناسبة 🌸عيد الاضحى المبارڪ🌸 سائلا المولى العلي القدير ان يجعل أيامڪم ڪلها افراح وٲن يتقبل منا ومنڪم صالح الأعمال والطاعات ويعيده علينا وعليڪم بالخير والأمن والأمان وڪــــــــــــل عــام وأنتم بالف خــــــــــير

أتم الله بالعيد فرحتكم، وأسعد أيامكم، وأقر عينكم بنصرة أمتكم، وأعيادا كثيرا متتالية بلغكم، كل عام وأنتم بالف خير نسأل الله أن يتقبل منا ومنكم صالح الأعمال، وأن يمنحنا السعادة والسلام في هذا العيد وفي كل أيام حياتنا. كل عام وانتم بخير 💕🌸✨️..

باچر..

مساء الخير.. للفائدة كلش مهم تعرفون وين تبحثون مو ترحون لجات جي بي تي وتسالو ويجاوبكم اغلبة خطأ هاي المواقع الي حجا عنها الاستاذ مهمه وباحثين دراسات يبحثون بيها

وَلَدتْهُ في حَرم الإلهِ وأمْنهِ والبيتِ حيثُ فِناؤه والمسجدُ بيضاءُ طاهرةُ الثيابِ كريمةٌ طابتْ وطابَ وليدُها والمولِدُ 🌱💐🌱💐🌱💐🌱💐🌱 نبارك لكم حلول ذكرى ولادة أمير المؤمنين وسيد الوصيين أسد الله الغالب علي بن أبي طالب (عليه السلام). والحلو انو هاي السنة بدأت بولادة الامام علي عليه السلام وتنتهي بولادته 🥹💕..

https://t.me/graduatestudiestrip

السلام عليكم.. طلاب هاي قناة للدراسات الي مهتم وعنده استفسار او شي يدخل الها مسويها طالب من دفعتنا وحاليا هو طالب دراسات

عظم الله اجركم واحسن الله عزاكم..

الما يبچي الليلة ع الإمام الحُسَيْن شوكت يبچي؟ الما يحترگ گلبه الليلة ع الإمام الحُسيّن شوكت يحترگ؟! 💔 - الشَيخ زَمان الحسناوي.

جَدِّدْ وَلاءَكَ في الغَديرْ وقُلِ السلامُ على الأميرْ نفسُ النبيِّ محمدٍ ووصيُّهُ الهادي المُنير متباركين بعيد الله الأكبر عيد الغدير الاغر جعلنا الله وإياكم من الموالين والثابتين والمجددين لبيعة أمير المؤمنين الإمام علي بن ابي طالب(عليه السلام) 🤍💚🕊

كل عام وانتم بالف خير يارب ينعاد عليكم بالصحة والعافية وربي يرزقنا وإياكم زيارة بيته الحرام 💕✨️..

السلام عليكم.. عطلة سعيدة للي عطلو والي تخرجو الف مبارك التخرج وان شاء الله يتمم عليكم فرحة التخرج بالنجاح 🌸✨️ طلاب نصيحة اذا تشوفها تفيدكم اخذو بيها لان هاي النصيحة عن خبرة وتجربة الطلاب الي بعدهم يدرسون وعندهم عطل استغلو العطلة الصيفة كلش زين هسه تكولون هيه راحه النا ايي صح بس الراحة مو ثلاث اشهر أو أربعة اخذو اسبوعين وابدو فيدو نفسكم بيها مثلا عطلة المرحلة الأولى استغلوا العطلة طورو بيها من لغتكم الانكليزية كلش هواي راح تستفادون منها بالمستقبل وحتى لو تشوفون افلام هم انتو مستمتعين وهم تتعلمون منها طبعا هسه صارت الوظائف تطلب cv وأكثر سؤال بيها اللغة الانكليزية وأكثر شي مطلوب اللغة الانكليزية انتو استغلو هاي العطلة طورو بيها اللغة عطلة المرحلة الثانية اخذو بيها دورات معتمدة اللكترونية أو حضورية عن التحليلات وكلشي يخصها هم راح تستفادون منها بالتعيين تنضاف نقاط للاستمارة عن كل دورة احنا بفترتنا جان اكو هواي دورات إلكترونية وهذا الشي جان من صالحنا هواي اخذت دورات اخذت دورات إلكترونية كلش هواي واستغليتها افضل استغلال😂 وأخذت حضوريات هم هواي وكلش صقلت من معلوماتي واستفاديت من المعلومات والخبرة عطلة الثالثة هنا حاولو تتدربون بالمستشفى حاجو القسم وشوفو اي مستشفى وتدربو بيها حتى لو مركز صحي لان من راح تداومون بالمستشفى راح تشوفون بيئة العمل شنو طريقة شغلهم واللود الي يصير عليهم والاجهزة الي متوفرة بمستشفياتنا والطوارئ وشلون لازم ياخذون التحليل وغيرها هواي امور اني من تدربت كلش هواي استفاديت بالرغم انو جنت بس اني وبنية علوم باقي الطلاب هم تقنية طبية تحليلات ورغم هذا جانت معلوماتنا أقوى منهم الي همه مفروض عليهم ومطلوب منهم تقييم ودرجات بس جانو ابسط الاسئلة ميجاوبوها مرحلة التخرج هنا اكو طريقين طريق الدراسات الي هو متشعب ما اكدر انطيكم معلومات كاملة عنه لانو بيه هواي امور لان كل طالب راح يختار القسم الي يريده ونوع الدراسة خاص او عام وغيرها من هالامور راح انطيكم قنوات ممكن تفيدكم للدراسات https://t.me/AlQadisiyahUniversity2024 https://t.me/lib2022 https://t.me/irq2022 https://t.me/olakareem98 او طريق العمل هنا يعتمد ع الأمور الي انتو شاطرين بيها والي عندكم خبرة بيها هم راح انطيكم قنوات تعلن عن وظائف ممكن تفيدكم https://t.me/NAJAF_iraqn https://t.me/career_kufa https://t.me/najaf20244 https://t.me/Muhannad_job وها شغلة اخيرة هم طورو من مهارات الحاسوب وبالاخص برامج الاكسل والورود كلش مطلوبات بسوق العمل وانتو ك طلاب هم راح تستفادون منها بكتابة البحث وبالدراسات هم موجود ضمن الاختبارات الي تأهلكم للتنافسي وترا بعدين من تتخرجون راح تعرفون شكد جانت هاي الأشياء الي سويتوها مهمه لان من تتخرجون مراح تلحكون تسون كل هالاشياء ماكو وقت حتى لو ساعتين باليوم تطورون بيها من نفسكم راح تفيدكم مستقبلا حتى لو عندكم مهارات تصميم تسويق الكتروني برمجة ترا هاي المهارات دخلها الشهري يعادل الوظيفة الي ممكن تتعينون بيها .. واخيراً كل التوفيق الكم والنا يارب وربي يكتبلكم الي بيه الخير 💕✨️..

تم رفع كتابنا والكلف المالية من وزارة الصحة الي وزارة المالية وحاليا راح يروح بأيد المعتمد إن شاء الله خير يا رب💙🦋

من البوت : احتاج طالب مرحلة رابعة قسم علوم الحياة @RG0098

مصدر Bailey & Scott’s DIAGNOSTIC MICROBIOLOGY رقم 1 بالاحياء المجهرية و مصدر كلشش مفيد وبيه 79 جابتر حاجي عن أدق التفاصيل للأحياء المجهرية ويفيدكم اذا مقبلين ع امتحان تنافسي

السلام عليكم.. مثل متعرفون مبقى شي ع العيد وقرب يخلص شهر رمضان المبارك وان شاء الله ربي يتقبل منا ومنكم صيامنا وقيامنا وكافة أعمالنا وربي يبلغنا رمضان الجاي واحنا لا فاقدين ولا مفقودين وبأتم صحة وعافية💕✨️... كل سنه او بداية سنوات العشرين مثل هيج أيام تبدأ تنتشر ريلزات وفيديوز انو "اجه العيد واني استحي اعايد اهلي" او "تخيلوا اني بأجر الصبح لازم اعايد اهلي" او "لحضة إدراك اني كبرت وصرت ما اهتم للعيد و لملابس العيد" أو "كآبة عصرية العيد" وغيرها من العناوين وبالتناقض نشوف من تقرب رأس السنة عكس هلشي يبدأون قبل اسبوع يحضرون لزينة راس السنه وشجرة الكرسمس وملابس وغيرها من هلسوالف وينشروف ستوريات وغيرها هسه اني ما عندي اعتراض ع الاحتفال برأس السنة اني وحدة من الناس احتفل بيها بس احتفل بيها بطريقتنا احنا كمسلمين كل سنه اسوي كيكة وشي حار نشربه واجمع اهلي نأكلها ونباوع فلم وهيج جو حلو ننجمع بيه ومن يقرب وقت انتهاء السنه اصلي ركعتين ومن تبدأ السنه هم ركعتين وه‍الركعتين شكر لرب العالمين انو خلالنا عايشين سنه كاملة بصحة وعافية وأهلنا بقربنا وعدينا السنه كلها بحلوها ومرها هذا الي لازم نسوي مو مثل مجاي ينتشر احتفالات بالشوارع وركص وأغاني ما تنتمي النا وحتى همه المسيح بنفسهم ميسون هيج احنا المفروض بالعكس نفرح بهذا العيد هو احتفال النا كمسلمين انو كدرنا نصوم شهر كامل وادينا بيه كل الفرائض وهو من شعائر الله "ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ " ومنخلي هيج اشياء تأثر بينا هسه تكولون منتأثر لا صدكوني تتأثرون اذا مو هسه بعدين لان راح يبدا العقل الباطن يخزن هيج اشياء ها العيد كئيب استحي اعايد اهلي ومن هلاشياء يعني ليش الواحد يستحي يعايد اهلة اني كلش احب اعايد اهلي واكون وياهم لان اذا همه اليوم ويانه احتمال لا سامح الله بأجر عكبة ما موجودين و الله يطول باعمارهم النا احنا لازم نستغل وجودهم ويانا بعدين نتندم ع الدقيقة الي مجانت وياهم أو ماسولفنا وياهم مو لا نستحي نعايدهم ومدري شنو وطبعا هيج اشياء جاي اشوفها منتشرة اكثر شي ع الانستا والتيك توك وحتى غير مواقع بس هاي اكثر تطبيقات استخداماً من قبل العراقيين بالتحديد فئة الشباب والمراهقين هسه احنا نفتهم ونعرف والبعض ما ملتفت لهيج أمور بس المراهقين راح يتأثرون لازم نوعيهم يعني إخوانكم ابنائكم علموهم من همه صغار انو هذا العيد هو عيدنا احنا المسلمين لازم نحتفل بيه ونححية تدرون اني كلش افرح من يجي العيد 😂لأن نكضيها طلعات اول يوم هذا عدنا عادة لازم ننجمع العائلة كلها عمامي وعوائلهم يم بيبي ويكون غدا سفرة كبيرة وكلها متجمعة سوالف وضحك واحد حتى يغير جو وهم صلة رحم ثاني يوم زيارات للائمة ثالث يوم نروح المولات أو حدايق ومتنزهات حتى مرات نسوي اربع ايام نروح لاقاربنا أو نروح اماكن ترفيهيه والحمد لله انو والدي معلمنا ع هيج عادة نحس صدك بطعم العيد ونضوج اذا خلص هسه إذا تكولون منطلع بالبيت لابد يجيكم خطار اقاربكم شي ما معقولة العيد كلة محد يجيكم أو مترحون لأحد هم صلة رحم وهم عيد واتونسو عذرا ع الإطالة بس هالموضوع كلش جاي اشوفة منتشر مدري بعد انتو هم جاي تشوفو لو بس يمي 😂 فحبيت اشاركه وياكم لانو احنا الفئة الأكبر بالمجتمع وبينا راح ينبني المستقبل لازم نوكف هيج اشياء عن حدها ونرجع للشي الصح بالوقت الي صار بيه الغلط عادي والي يسوي زين هذا الموعادي ولحد يكول معلية جا منو الي علية اذا انت كلت معلية اني كلت معلية وهذاك هم هاي خربت المنظومة مالت المجتمع وراح يكون مجتمع متهالك تقودة مجموعة من المخربين ع السوشيال ميديا والترندات هو اكو هواي اشياء أكبر من هاي السالفة ومنتشرة بشكل كلش كبيرررر بس حبيت أشارك وياكم هلشي لان هسه وقته ومنتشر ..... شكرا للي قرأ الرسالة كاملة و عيدكم مبارك مقدما وربي يتقبل منكم الأعمال والطاعات💜💕✨