Biology - الدكتور علي هادي

يعني طالبة تعبت ودرست وتفوقت حتى تستحق تكون بمدرسة للمتميزات، وبالأخير شنو مكافأتها؟ ترجع لبناية قديمة ومتهالكة، وتعيش بظروف ما تليق بمدرسة متميزات؟ إذا أكو قرار بإخلاء البناية وتسليمها لجهة ثانية، زين وين البديل؟ منو فكر بهذني الطالبات قبل لا يصدر القرار؟ ومن يتحمل مسؤولية سلامتهن ومستواهن الدراسي؟ مو معقولة كلما صارت حاجة لبناية، أول حل يخطر ببال المسؤول هو المدرسة! وكأن الطالب هو أضعف حلقة ومن السهل التضحية بحقه! هذني الطالبات مو أرقام بكتاب رسمي، ومو أثاث ننقله من بناية لبناية. هذني بنات تعبن وتفوقن، وأهلهن تعبوا وياهن، ومن حقهن يدرسن بمكان آمن ومحترم. وإذا أكو ضرورة حقيقية لإخلاء المدرسة، وفروا إلهم أولاً بناية بديلة تليق بيهن، وبعدها احجوا عن الإخلاء. مو ناخذ البناية وبعدين نخلي مئات الطالبات يدبرن روحهن وين ماجان حرام مستقبل هالطالبات يصير ضحية قرار إداري. نطالب الجهات المعنية بالتدخل الفوري وإعادة النظر بهذا الموضوع، وعدم نقل الطالبات لأي بناية غير مؤهلة أو غير قادرة على استيعابهن. هذني بناتنا ومستقبل بلدنا، وحقهن بالتعليم الكريم مو مِنّة ولا فضل من أحد. د. علي هادي #ثانوية_نازك_الملائكة_للمتميزات #كربلاء #أنصفوا_طالبات_المتميزات

الف مبروك طالبات نازك الملائكة مدرستكم راح تبقى نفسها و ماكو احد راح ياخذها منكم قناة مدارس المتميزين https://t.me/mtmziraq

نضع بين أيديكم مشكلتنا، ونحن أولياء أمور طالبات مدرسة نازك الملائكة للمتميزات، ونأمل منكم الوقوف معنا وإنصاف هذه الشريحة من الطالبات المتميزات. وصلنا اليوم خبر يفيد بإخلاء المدرسة وتسليم بنايتها إلى المخابرات، بموجب كتاب رسمي صادر من وزارة الداخلية، وإعادة الطالبات إلى البناية القديمة، التي لا تتناسب مع احتياجات مدرسة للمتميزات، سواء من ناحية سلامة البناء أو عدد الصفوف أو الطاقة الاستيعابية. إن إعادة الطالبات إلى بناية غير مؤهلة، مع وجود أعداد كبيرة من الطالبات داخل الصف الواحد واكتظاظ شديد، يثير لدينا الكثير من المخاوف والتساؤلات: هل هذا هو التقدير الذي تستحقه الطالبة المتميزة؟ وهل يُعقل أن تكون مكافأة تفوقها العلمي بيئة تعليمية غير مناسبة؟ هذه الطالبات هن ثروة علمية ومستقبل البلد، ومن حقهن أن يحصلن على بيئة تعليمية آمنة ومناسبة تليق بمستواهن العلمي. لذلك نرجو المناشدة بالتدخل العاجل ومتابعة الموضوع مع الجهات المعنية، والعمل على إيجاد حل يحفظ حق الطالبات ويضمن استمرارهن في بيئة تعليمية ملائمة وآمنة. نحن لا نطالب بأكثر من حق بناتنا في التعليم الكريم والبيئة التي تليق بهن #ثانوية_نازك_الملائكة_للمتميزات #كربلاء

وزارة التربية : لا يوجد تغيير في المناهج الدراسية للعام الدراسي القادم 2026-2027

عمى الألوان… المرض اللي كشف سر الوراثة شخص واكف يشوف الورد، وكل الناس تشوف لونهن احمر …إلا هو. هذا الشخص كان العالم الكيميائي الإنجليزي "جون دالتون" ، وكان مصاب بعمى الالوان الأحمر والأخضر. سنة 1794 نشر أول وصف علمي للحالة، ولهذا جانوا يسمون المرض قديماً ( الدالتونية ) تكريماً للعالم دالتون. وبعدها بسنين… اكتشف العلماء إن أغلب المصابين بعمى الألوان هم ذكور 👨‍🎨 ليش؟ لأن الجين المسؤول عن المرض موجود على كروموسوم X. الذكر كروموسوماته XY ، فإذا ورث الـX المصاب من احد والديه ينصاب مباشرة. أما الأنثى فعندها XX ، وغالباً الـX السليم يعوض الثاني، فتكون فقط حاملة للجين بدون ما يطلع بيها المرض بس راح تنقله لابنائها الذكور. حالة دالتون الشخصية ساعدت العلماء يفهمون واحد من أشهر أمثلة الوراثة

من ضمن الاسئلة الفكرية الي ضفتها بملزمة الثالث عن صمامات الاوردة .. الصمامات بشكل عام وظيفتها تمنع رجوع الدم للخلف وتخلي يمشي بمسار واحد باتجاه القلب .. زين اذا تعطلت ؟ معناها راح يرجع الدم للخلف .. زين واذا رجع ؟ معناها راح يتجمع بالاوردة وراح يحتاج الوريد يتمدد ويتوسع اكثر وراح يصير عند المريض ما يسمى بالدوالي او Varicose veins منو اكثر ناس يصير عندهم دوالي ؟ الناس الي يوكفون هواي .. مثلا الحلاقين او رجال المرور وطبعا اكو عوامل تزيد من خطورة حدوثها مثل الوزن الزايد الي راح يزيد الضغط وبالتالي ممكن يسبب خلل بوظيفة الصمامات

قبل 200 سنة، طفل عمره سنتين… اهله بدوا يلاحظون ساقيه يتغير شكلها و تنحني بمرور الوقت. وهالحالة ما كانت نادرة… كانت تصير بآلاف الأطفال، خصوصاً بإنكلترا، لحد ما صار اسمه : “المرض الإنكليزي”. الأطباء احتاروا سنوات… ليش عظام الأطفال تلين وتنحني وتتشوه ؟ بعدها اكتشفوا انو هذوله الأطفال المصابين يقضون أغلب وقتهم بالبيت و مامتعرضين للشمس، وعرفوا انو هذا الشي متعلق تعلق رئيسي بالمرض. بالبداية الاطباء كانوا يعالجون المرض بـ زيت كبد الحوت وشافوا عليه تحسن كبير ! لان بي كمية كبيرة من Vitamin D وبعدها اكتشفوا انو أشعة الشمس هي المصدر الرئيسي لهذا الفيتامين والتعرض لاشعة الشمس راح يحمي الاطفال من هذا المرض، وبعدها اختفى مرض كان يشوه عظام آلاف الأطفال باوروبا. القصة بدأت بعظام لينة ومشوهه … وانتهت باكتشاف أن العلاج كان يشرق كل صباح مع الشمس 🌞

الفصل الثالث صف سادس ⏳♥️

تخيل… أخوك بنص الليل يحجي ويه شخص…ماكو أحد غيره يشوفه. ويكلك: “عوفني متشوفهم ديحجون ويايه” وبعدها يكلك لتطفي الضوه… لان اكو ناس هددتني بالقتل من انام ويظل سهران للصبح خايف منهم أنت تباوع حواليك…ماكو أحد. قبل 200 سنة، جانوا يكولون: “هذا الشخص بي مس شيطاني او مسوينله سحر” فيعزلوه ويبتعدون عنه لان يبدي يأذي الي حواليه بسبب الخيالات والضغط النفسي، أو بدال العزل يحاولون يطلعون “الجن” من جسمه بمساعدة رجال الدين. وظل الناس يعتقدون هذا الشي لقرون… انه هذا الشي كله بسبب الجن إلى أن جاء أطباء اكتشفوا الحقيقة. لا جن … ولا أرواح. الحقيقة هو مرض يصيب الدماغ بسبب عطل انزيم معين والي يسوي اضطرابات بالنواقل العصبية وطريقة تواصلها مع بعضها ، وهذا الشي يخلي المريض يسمع أصوات ويصدق أشياء غير موجودة. ظهر طبيب وجراح فرنسي اسمه Henri labroit كان يجرّب دواء ولاحظ المرضى الي ياخذونه مو بس ينامون. وانما يصيرون هادئين، ويقل قلقهم وتخيلاتهم. عام 1952، تغيّرت حياة الاف المرضى بسبب اكتشاف هذا الدواء 💊 Schizophrenia موجوده لكن لأول مرة، صار عندهم أمل يعيشون حياة طبيعية بدل ميخلصون عمرهم معزولين واهلهم يعذبون بيهم بقصد المساعدة.

ممكن تنشر او تشارك بهذا الرابط 🙏🏻 https://docs.google.com/forms/d/e/1FAIpQLSf50w0DpjDMJhhYS6k6G62RYV8W_Fi7e76ZrQiDDQoxxSRqEw/viewform?usp=dialog هذا رابط استبيان حول فيتامين دال جدًا تساعدني احتاجه ضروري لاجراء بحث 🙏🏻 وشكرًا لك

تخيل نفسك بسنة 1921. عمرك 14 سنة. فجأة تبدي تعطش هواي، وكل شويه تريد تتبول. وزنك ينزل يوم بعد يوم، وجسمك يذوب. تروح للطبيب… ويباوعلك وهو عاجز، ويكول “أنت مصاب بالسكر” هذا الخبر جان معناه شي واحد بس السكري = الموت لأن ماكو إنسولين بهذاك الوقت. والطبيب ما عنده إلا حل واحد التجويع، مو حتى يعالج المريض، وإنما حتى يأخر الموت كم شهر. بهذا الوقت، كان أكو شاب كندي اسمه Frederick Banting. كال “إذا البنكرياس يصنع مادة تنزل السكر … ليش منسوي مثلها؟” العلماء ضحكوا عليه وكلوله جان اكتشفها واحد غيرك اشتغل هو وطالب طب على تجارب واستخدم الكلاب، وبعد محاولات نجحوا باستخراج المادة. حقنوها لكلب مصاب بالسكري كان على وشك الموت… وفعلاً شافوا مستوى السكر ينزل. كانت أول مرة يشوفون أن السكري ممكن السيطرة عليه. بعدها انضم الكيميائي James Collip وياهم ونقّى المادة حتى صارت صالحة للبشر. وجاءت اللحظة التاريخية طفل عمره 14 سنة اسمه Leonard Thompson كان يحتضر بسبب السكري. انطوا حقنة إنسولين بدأ السكر ينخفض، ورجع ياكل ويستعيد وزنه. وقف الأطباء مذهولين… *ولأول مرة في التاريخ، صار السكري مو حكم بالموت وانما مرض يمكن التعافي منه

Typhoid fever — ماري تيفوئيد ماري هي مهاجرة أيرلندية تعيش في نيويورك وتشتغل طباخة يم العوائل الغنيه بداية القرن العشرين. الباحث الصحي جورج سوبر George Soper لاحظ شغلة غريبة: وين متشتغل ماري، وره فترة تطلع عدد من إصابات التيفوئيد بين أفراد العائلة. بسنة 1906 اشتغلت يم عائلة، وره فترة بسيطة ستة أشخاص من العائلة انصابوا بالمرض. جورج سوبر ظل يراجع أماكن عملها السابقة، ف شاف غالبا الناس المصابين نفسهم جانت تشتغل عندهم ماري . ليش ماجانت تصدك الأطباء؟ لمن جورج سوبر كال انو هي مصدر المرض، ضاجت ورفضت الفكرة؛ فمن وجهة نظرها: شلون مريضة واني كلشي مابيه ؟ الأطباء طلبوا منها عينات من الخروج والبول، اول شي رفضت، وحستهم يريدون يلزكون الها تهمة بدون دليل. بعدها حجزوها وسووا فحص للعينات، لكوا بكتيريا Salmonella typhi بقت معزولة بمستشفى حوالي ثلاث سنوات. وبعدها طلعوها من العزل بشرط أن متشتغل طباخه بعد. بس هي صارت لوتيه ورجعت كطباخه باسم مستعار وانوب طلعت إصابات جديدة، وبدات السلطات الصحية تتحقق، واكتشفت أن المصدر هو الطباخة هي ماري نفسها. ف اعتقلوها وعزلوها بجزيرة هالمرة لمدة 23 سنة 😃

قصة Hemophilia الملكة فيكتوريا جانت تقريباً أول شخص بالعائلة الملكية البريطانية يحمل الطفرة الجينية للهيموفيليا هي جانت مو مصابة لأن أنثى ، بس جانت حاملة للمرض. خلفت 9 أطفال، وانتقلت الطفرة الهم. ليش سمينا “مرض الملوك”؟ بسبب زواج أبناء وبنات الملكة فيكتوريا من العائلات الملكية في أوروبا، فانتشر المرض إلى: العائلة الملكية البريطانية. العائلة الملكية الإسبانية. العائلة الملكية الألمانية. العائلة الإمبراطورية الروسية. وبعدها انتشر المرض بابنائهم وكان اول المصابين الامير الروسي اليكسي ولهالسبب لقبوا بـ “Royal disease” (مرض الملوك). زين ليش يصير بالميل ونادرا يصير بالفيميل .. هذا من الامراض الي ترتبط بالكرموسوم X كروموسومات الميل هي XY والفيميل XX الميل اذا اكو احد من عائلته حامل للمرض فممكن ينتقل اله بسهوله لان هو عنده X واحد اما الفيميل تحتاج اثنين من عائلتها حاملين للمرض حتى ممكن تنصاب لان عندها XX وبالنهاية هذا الموضوع بي نسب انتقال بس هذا مختصر بسيط امراض ثانية تكون مرتبطه بالكرموسوم X مثل عمى الالوان والصلع الوراثي 😃

مابقى احد مادزلي هاي الرسالة 😃

صف ثالث Colors of blood inside blood vessels 🩸 In arteries: bright red In veins: bluish-red

الفصل الاول صف ثالث اخر تحديث