𝐁𝐋𝐀𝐂𝐊 𝐂𝐎𝐅𝐅𝐄⃤

الناس تقرأ البوست وما تكسل ♥️ مساء الخير يا جماعة، إحنا ياما صرفنا فلوس في أبلكيشن يلا لودو، فلوس راحت في لعب وضحك ووقت وعدّى، وفي الآخر كله كان في الهوا ومفيش منه فايدة حقيقية. فخلينا المرة دي نعمل حاجة عدلة بالفلوس، ونخلي جزء منها سبب في مساعدة إنسانة محتاجة علاج ومبلغ في الوقت ده. ❤️ مش بقولك اتبرع بمبلغ كبير، كل واحد على قد مقدرته، حتى لو مبلغ بسيط، ولو مش قادر تساعد ماديًا فمشاركتك للكلام ممكن توصل لحد يقدر يساعد. يمكن جنيه منك أو من غيرك يبقى سبب في تخفيف حمل عن إنسانة محتاجة. اللي يقدر يعمل خير، دي فرصته… بدل ما الفلوس تروح في حاجة ملهاش قيمة، نخليها المرة دي في حاجة نرجو إنها تكون في ميزان حسناتنا. 🤲❤️ واللي محتاج رقم الكاش للتحويل، يبعتلي رسالة وأنا هبعتله الرقم. وربنا يجعل كل جنيه هيتدفع، وكل مشاركة، وكل محاولة مساعدة، في ميزان حسنات صاحبها. ❤️

فنان ف الرص ولا معاق

بصراحة... بقيت بقرف من لودو بطريقة غريبة فشخ. بقيت طول اليوم مرمي في الشغل، شايل فوق راسي حمل الدنيا، وبطلع من يومي بالعافية، وآخر اليوم بدل ما ألاقي راحة ألاقي حد زعلان عشان مضايق من حد، أو حد شايف إني مقصر معاه، أو داخل يحاسبني على حاجات أنا أصلًا معنديش طاقة أفكر فيها. الناس بقت فاكرة إن اللي قدامها متاح 24 ساعة، ونسيت إن عنده حياة، وشغل، وضغط، ومسؤوليات أكبر بكتير من أي روم أو أي لعبة. ومن النهارده، أنا مش هقف على حد يغلط في غيابي ولا في وجودي. اللي هيقل أدبه أو يتجاوز حدوده، سواء كان عزيز على قلبي أو مجرد شخص معرفوش، هيبقى ليه نفس الرد. مفيش حد بقى له استثناء، ومفيش حد يستحق إني أضغط على نفسي عشانه وهو مش مقدر اللي أنا فيه. اللي يقدر ظروفي أهلًا وسهلًا، واللي مش عاجبه... يكمل طريقه، لأن طاقتي بقت أغلى من إنها تضيع في الهبل ده.

الان... ♥️

استنزاف مش دايمًا بيبدأ بصدمة كبيرة... ساعات بيبدأ بتنازلات صغيرة، وسكوت كتير، ومحاولات مستمرة لإرضاء ناس عمرها ما قدّرت تعبك. لحد ما تلاقي نفسك فقدت طاقتك، وضحكتك، وحتى النسخة اللي كنت فخور بيها. الوجع الحقيقي مش في اللي حصل مرة واحدة... الوجع في اللي كان بيحصلك كل يوم وإنت بتقول: "معلش". تعالوا الليلة نتكلم عن الاستنزاف النفسي... إزاي تعرف إنك بتتعرض له؟ وإمتى لازم توقفه قبل ما يسرق منك نفسك؟ 🖤 BLACK COFFE 🎙️ تقديم الجميلة QUEEN 📅 اليوم 🕚 الساعة 11:00 مساءً مستنيينكم في حلقة هتلمس ناس كتير... ويمكن تخليك تشوف حاجات كنت فاكرها عادية، وهي في الحقيقة كانت بتستنزفك كل يوم.

استنزاف مش دايمًا بيبدأ بصدمة كبيرة... ساعات بيبدأ بتنازلات صغيرة، وسكوت كتير، ومحاولات مستمرة لإرضاء ناس عمرها ما قدّرت تعبك. لحد ما تلاقي نفسك فقدت طاقتك، وضحكتك، وحتى النسخة اللي كنت فخور بيها. الوجع الحقيقي مش في اللي حصل مرة واحدة... الوجع في اللي كان بيحصلك كل يوم وإنت بتقول: "معلش". تعالوا الليلة نتكلم عن الاستنزاف النفسي... إزاي تعرف إنك بتتعرض له؟ وإمتى لازم توقفه قبل ما يسرق منك نفسك؟ 🖤 BLACK COFFE 🎙️ تقديم الجميلة QUEEN 📅 اليوم 🕚 الساعة 11:00 مساءً مستنيينكم في حلقة هتلمس ناس كتير... ويمكن تخليك تشوف حاجات كنت فاكرها عادية، وهي في الحقيقة كانت بتستنزفك كل يوم.

قبل حدوث الزلزال ده جالي نوتفكيشن على الفون ان فيه زلزال قريب لسه بقرأه لقيت الدولاب سايب مكانه وجايلي 😂

ي ساتر ي رب زلزال صعب جدا الحمدلله على كل شي

لا تقلق اخي سمكه.. حالي واقف لوحده 😂♥️

يمكن دي من أصعب المرات اللي أكتب فيها، لأن الكلام بقى تقيل على قلبي قبل ما يطلع على لساني. الحقيقة إني بقيت تايه، مش عارف أرتب أفكاري، ولا عارف إمتى الضغوط دي هتخف. في حاجات كتير جوايا محدش شايفها، وتعب كبير بحاول أخبيه ورا ابتسامة عشان محدش يشيل همي. كل يوم بحاول أبدأ من جديد، لكن الحمل بيزيد، والتفكير مبيهدأش، والنفس بقت مرهقة من كتر اللي شايفاه. يمكن اللي حواليا فاكرين إني بخير، لكن الحقيقة إني محتاج شوية راحة، ومحتاج ربنا يبدل كل الضيق اللي جوايا بطمأنينة. مش بكتب الكلام ده عشان حد يشفق عليا، ولا عشان ألفت انتباه حد، أنا بكتبه لأن الدعاء ساعات بيكون أجمل هدية ممكن يقدمها إنسان لغيره. لو يوم شفت مني خير، أو كنت سبب في ابتسامة على وشك، أو ليَّ عندك أي مكانة في قلبك، فأرجوك ادعيلي. ادعيلي ربنا يشرح صدري، ويهون عليا اللي أنا فيه، ويكتبلي فرجًا قريبًا، ويجبر قلبي جبرًا ينسيني كل لحظة تعب، ويرزقني راحة بال وسكينة تعوضني عن كل الأيام الصعبة. اللهم إني وكلتك أمري كله، فأصلح لي شأني، وافتح لي أبواب الفرج، واجعل القادم أجمل مما مضى. وأسألكم الدعاء بظهر الغيب، فلعل دعوة صادقة من قلب محب تكون سببًا في أن يكتب الله لي فرجًا قريبًا.