بوح.. ومشاعر٠بدوي٠

اللَّهُــمَّ صـَلِّ وَسَـــلِّمْ علـى نَبِيِّنَٰــٰـٰـــــــا مُحمَّدﷺ 🤍.

‏تنجذب لي قسوة الايام وتشوف انجذابي ‏مثل مايجذب عروق الصاعقه (راس المناره) ‏من كثر ماعشت ف الضيقه وعايشت اكتئآبي ‏صرت اذوق اللي يسمى مر .. ماحس بمراره ‏ماسلم من ضيق بقعا لارسول ولا صحابي ‏خل عاد اللي يجدد توبته .. تاره وتاره ‏كل ماصور خيالي حلم .. (في مشهد ضبابي) ‏شوش الواقع على التصوير وانقطعت لشاره ‏(في رجا الله) .. ماترجيت المجاند والجنابي ‏كل جهد الادمي من غير عون الله خساره ‏جعل ربي مايبدّي ذنبي .. ويترك ثوابي ‏كثر مابدي على نفسي ونفسي ف الصداره ‏كم قضينا حاجة المحتاج واللي فالمخابي ‏مايطفّي لمبة البنزين .. ويولع زقاره.

شروق الشمس يوحي بالبدايه والحياه اعـداد وتغرب والأمل شيخٍ جلـس لمشاهـد القمـرا يمازحني زمانـي كنـه الا قـال "هيـا عـاد" ترى كل الخطوط اللـي امامـك كلهـا حمـرا قليل اللي يصادق ماله من اللي عرفـه مـراد قليل اللي تشوفه وقت ما غط السمـا غـدرى بخلوتنا ضعوف ولا تواجهنـا نقـول اسيـاد ولا يملا محاجرنا سوى مـد النظـر صحـرا ليا جاء العيد ما يتغير الا ان الثيـاب اجـداد ونعرف كيف نرسم في الوجيه الضحكه الصفرا نسب الحي وليا مات قلنا الحـزن فينـا ازداد ولا نرضى نقول الواقـع ان نفوسنـا قشـرا متى تزهر خواطرنا بنسمات الهبـوب بـراد متى نشوف الصحاري القاحله بعيوننا خضـرا حلمت البارحه كن العطش من ديرتـي منبـاد وكن الأرض محروثه ولا باقي سـواء نـذرا وخذاني البرق في لوحة سماه وغيمه الجـوّاد وسيلا لا جرى يحفر بوجه الأرض له مجرى تصدق.. شفت انا ذيك الغيوم تغازل الرعـاد وحبات البرد لؤلؤ تدحرج من صـدر عـذرا صحيت ولا لقيت الا فـراش الواقـع المعتـاد وحلـمٍ لا تمنيتـه بحاضرنـا غـدى ذكـرى "يجيب الله مطر" كلمـه تعودنـا تقـال عنـاد وتبقى المزنه اللي من زمـان نخيلهـا حـدرا.

شروق الشمس يوحي بالبداية والحياة إعداد وتغرب والأمل شيخ(ن)جلس لمشاهد القمرا.

السلام عليكم ورحمة الله دعواتكم لأمي بأن الله يشفيها ويعافيها لعل فيكم من هو اقرب إلى الله ويُستجاب منّه الدعاء ، جزاكم الله خيرا 🤍.

‏لو بينك وبين بعض الناس عشرة عمر ‏ماتسلم من الظنون اللي يظنونها ‏الشجرة الطيّبه لو هي قليلة ثمر ‏اخير من شجرةٍ ماتثمر غصونها ‏يـ اصحابنا كان فيكم من يهمّه لـ امر ‏لاتفتقون ( الجروح ) ولا تخيطونها ‏تجاوزو كل شي الا الخطوط الحمر ‏مهما تكون الميانه لاتعدّونها.

اللَّهُــمَّ صـَلِّ وَسَـــلِّمْ علـى نَبِيِّنَٰــٰـٰـــــــا مُحمَّدﷺ 🤍.

‏ترا الزمن ما يجي للشخص على هواه ‏والحظ لا بار بك والله ما تمغط شبر ‏العاقل ان ما حذف هرج الاوادم وراه ‏تلقاه ياخذ منظّم ضغط و يدق ابر ‏مجاهد العالم اقوى من جهاد الحياه ‏يبي صبر و العرب مااعاد فيها صبر.

‏مابين هرجة سفيه وبين نظرة فطين ‏تلقى كلام الحقيقه واختصار الكلام ‏ماتشره الطيبين الا على الطيبين ‏ولا ضعاف الروابع ماعليهم ملام.

اللَّهُــمَّ صـَلِّ وَسَـــلِّمْ علـى نَبِيِّنَٰــٰـٰـــــــا مُحمَّدﷺ 🤍.

عن فتنة الدنيا وعن كثرة القيل ‏استغفر الله ... كان يمديك قلها.

والله يا مظلوم ما ندري من الظالم ‏الناس بين الخطا والصح مقسومة ‏ ما عاد ندري من نضدّ ومن نسالم ‏الروية أصلا ضباب وشبه معدومة ‏صدّقني إن الخيال الهادي ؛ الحالم ‏أفضل من الواقع الغرقان بـهمومه ‏في هذِه البقعة الضخمة من العالم ‏هُنالِك أشياء واجد .. غير مفهومة.

إبليس شب النار وإبليس من نار والناس طين وزادوا الطين بله.

دام السماء فيها مجيب الدعاوي لاترتجي حاجه من اللي على الأرض.

‏وان اشغلوك اللي لهم عدة وجية ‏اضحك لهم ضحكة وسيع البنايد.

التشبث بـ الحياة و بـ الاوادم قل دين ، وقل عقل ، وقل هيبه من يطش الهقوة بوجيه العوادم يكره ايامه ويستحقر مشيبه انطح الصدمات بعزوم الصوارم والكريم محزمك لا جتك ريبه.

اللَّهُــمَّ صـَلِّ وَسَـــلِّمْ علـى نَبِيِّنَٰــٰـٰـــــــا مُحمَّدﷺ 🤍.

من محاسن الأخلاق وحفظ المعروف لأهله يقول الشاعر : ‏السنافي لو خدمته وموضوعه صغير ‏شفت معروفك يبيّن على وجه ولده ‏وبيت لـ سعد بن جدلان رحمه الله يقول فيه : ‏الجمايل في بنوك الجمايل ماتضيع ‏وراعي المعروف لاجاء يدور له لقاه ‏والعكس صحيح.

« أحلم ولو ترفض لياليك الأحلام —أحلام ابن آدم مصابيح روحه ».