Таможня Pro

Даврий божхона тўловлари учун график расмийлаштириш қоидалари эълон қилинди. “Даврий божхона тўловларини тўлаш графигини тўлдириш тартиби тўғрисида”ги йўриқнома Адлия вазирлигида давлат рўйхатидан ўтказилди. Ҳужжат даврий божхона тўловларини тўлаш графигини тақдим этиш ва расмийлаштириш тартибини белгилайди. Адлия вазирлигида “Даврий божхона тўловларини тўлаш графигини тўлдириш тартиби тўғрисида”ги йўриқнома давлат рўйхатидан ўтказилди. Рўйхат рақами — 3724, рўйхатдан ўтказилган сана — 2025 йил 12 декабр. Йўриқномага кўра, график декларацияловчи шахс томонидан қуйидаги ҳолларда божхона органига тақдим этилади: товар(лар)ни вақтинча олиб кириш божхона режимига жойлаштиришда даврий божхона тўловларини ҳар ойда ёки йилнинг ҳар чорагида тўлаш маълум қилинган тақдирда; божхона тўловларидан шартли озод этиш бўйича берилган имтиёзларнинг амал қилиш муддати тугаши муносабати билан вақтинча олиб киришнинг кейинги муддатида даврий божхона тўловларини тўлаш лозим бўлганда.

Ўзбекистон Республикаси Вазирлар Маҳкамасининг 13.11.2025 йилдаги 720-сон қарори қабул қилинди. ✅ Ҳукумат қарори билан озиқ-овқат ва қишлоқ хўжалиги маҳсулотларига санитария-эпидемиологик хулоса бериш бўйича давлат хизмати маъмурий регламенти тасдиқланди. Энди санитария хулосаси 3 йил муддатга берилади ва ариза my.gov.uz орқали ҳам расмийлаштирилиши мумкин. ✅ Ҳукумат қарори билан “Озиқ-овқат ва қишлоқ хўжалиги маҳсулотларига санитария-эпидемиологик хулоса бериш бўйича давлат хизматини кўрсатиш”нинг маъмурий регламенти тасдиқланди. 🔹Регламентга кўра, озиқ-овқат ва қишлоқ хўжалиги маҳсулотларига санитария-эпидемиологик хулоса 3 йил муддатга берилади. 🔹Шу билан бирга: четдан олиб келинаётган маҳсулотга хулоса маҳсулотнинг яроқлилик даврига, яроқлилик муддати кўрсатилмаган маҳсулотга эса муддатсиз тарзда расмийлаштирилади. 🔰Ариза берувчилар ушбу давлат хизматидан Давлат хизматлари маркази орқали шахсан мурожаат қилиб ёки электрон тарзда Ягона интерактив давлат хизматлари портали (my.gov.uz) орқали фойдаланишлари мумкин. 🔰Санитария-эпидемиологик осойишталик ва жамоат саломатлиги қўмитаси хулосани QR-код орқали тасдиқлайди ва уни 1 иш кунида ариза берувчининг шахсий кабинетига юбориши белгилаб қўйилган.

Vazirlar Mahkamasining 2025-yil 6-noyabrdagi "Bojxona sohasidagi ayrim tartib-taomillarni yanada takomillashtirish toʻgʻrisida" qarori qabul qilindi. Qaror bilan quyidagilar tasdiqlandi: Bojxona nazorati shakllarini qoʻllash tartibi yagona hujjatga birlashtirildi. Mazkur hujjat bilan quyidagilarning tartibotlari belgilandi: ✅hujjatlar va maʼlumotlarni tekshirish; ✅bojxona koʻzdan kechiruvi; ✅bojxona koʻrigi; ✅shaxsiy koʻrik; ✅tovarlarni va transport vositalarini inventarizatsiyadan oʻtkazish; ✅tovarlarni pereadresatsiya qilish; ✅deklarant tomonidan tovarlarni koʻzdan kechirish. Shuningdek, bugungi kunda umuman normativ-huquqiy hujjat bilan tartibga solinmagan quyidagi tartibotlar belgilandi: 🔰bojxona nazorati shakllarini qoʻllashda texnik xodimlar, xizmat itlari va texnik vositalardan foydalanish; 🔰tovarlarni qayta yuklash jarayonlarida bojxona nazoratini amalga oshirish; 🔰bojxona nazorati va rasmiylashtiruvi jarayonida tovarning kuzatuv hujjatlarini almashtirish; 🔰chegara bojxona postlarida kuchaytirilgan bojxona nazoratini amalga oshirish. Bojxona auditi boʻyicha qaror qabul qilish, qarorda aks etiriladigan maʼlumotlar, vakolatli idorani xabardor etish tartibotlari belgilandi. Xalqaro pochta joʻnatmalarini bojxona nazoratidan oʻtkazish tartibiga quyidagi yangi normalar kiritildi: ☑️xavflarni boshqarish tizimi orqali xalqaro pochta va kuryerlik joʻnatmalarini bojxona rasmiylashtiruvidan oʻtkazish; ☑️elektron tijoratda tovarlarni eksportga rasmiylashtirish tartibotlari; ☑️joʻnatmalar deklaratsiyasi va ekspres tashuvchi xalqaro normada qoʻllaniladigan tushunchalar kiritildi. Vazirlar Mahkamasining jami 15 ta qaroriga oʻzgartirish va qoʻshimchalar kiritildi. Bunda: ✅bojxona postlarida transport nazorati bojxona organlarining axborot tizimlari orqali amalga oshirilishi (endi transport nazorati Transport vazirligi tomonidan axborot dasturga kiritilgan mezonlar asosida bojxona organlari tomonidan amalga oshiriladi); ✅tovarlarni vaqtincha olib kirishda bojxona toʻlovlaridan imtiyoz berish muddati hamda shartlari aniq belgilandi; ✅elektron deklaratsiyalash tartibotlari takomillashtirilmoqda (sariq yoʻlakda ekspertiza oʻtkazish huquqi berildi); ✅chegara bojxona postlarida ikki yoʻlakli tizimni qoʻllashning tartibotlari belgilandi.

❗️ Халқаро почта жўнатмаларини божхона расмийлаштирувидан ўтказиш тартиби белгиланди Ҳукумат қарори (700-сон, 06.11.2025 й.) билан “Халқаро почта ва курьерлик жўнатмаларини божхона назорати ва расмийлаштирувидан ўтказиш тартиби тўғрисида”ги низом тасдиқланди. 🔰 Низомга кўра, почта ва курьерлик жўнатмаларида юбориладиган ҳамда божхона чегараси орқали олиб ўтиладиган товарлар божхона назоратидан ўтказилиши керак. ✅ Почта алоқаси оператори ва экспресс ташувчи томонидан почта ва курьерлик жўнатмалари божхона кўздан кечируви ҳамда божхона кўригини ўтказиш учун божхона органларига тақдим этилади. ⏭️ Ушбу жўнатмалар орқали олиб кириладиган ва юбориладиган товарлар божхона назоратида ташиш шартларига риоя этган ҳолда манзил божхона постига етказилади. 💰 Жўнатмаларни ташиш, юклаш (қайта юклаш), тушириш, сақлаш ва бошқа шу каби юк операцияларини амалга оширишда юзага келадиган харажатлар почта алоқаси оператори ёки экспресс ташувчи ҳисобидан қопланади. ✳️ Почта ва курьерлик жўнатмаси божхона органлари томонидан хавфни бошқариш тизимини қўллаган ҳолда “қизил”, “сариқ” ва “яшил” йўлаклар орқали рўйхатга олинган жўнатмалар декларацияси асосида божхона назоратидан ўтказилади.

Дастлабки, даврий ва тўлиқ бўлмаган божхона юк декларацияларини расмийлаштириш тартиби тўғрисидаги низомга ўзгартириш ва қўшимчалар киритилди.

❗️ Чорвачилик янада ривожлантирилади ✅ Қарорга кўра, чорвачилик хўжаликларига хорижий давлатлардан импорт қилинган наслдор қорамол, қўй ва эчкилар учун субсидия ажратиш тартибининг амал қилиш муддати 2030 йил 31 декабргача узайтирилади. 💰 Наслдор 1 кунлик жўжалар импорти учун белгиланган субсидия 2026 йил 1 январдан 2030 йил 31 декабргача фақат маҳаллий ишлаб чиқарувчилардан гўшт йўналишида ушбу наслдор бир кунлик жўжалар харид қилинганда ажратилади. 📝 2026 йил 1 январдан 2027 йил якунига қадар тирик йирик шохли қорамол (ТИФ ТН бўйича коди 0102) ва тирик қўй ва эчкиларни (ТИФ ТН бўйича коди 0104) импорт қилишда: 🔸 ҳисобланган ҚҚСни 180 кунгача кечиктириб тўлашга рухсат берилади; 🔸 тўланган ҚҚСнинг ўрнини қоплаш (қайтариб бериш) қонунчиликда белгиланган тартибда амалга оширилади. ⏳ 2026 йил 1 январдан: ➖ ветеринария рухсатномаси ва сертификати 2 баравар қисқартирилган муддатда кўриб чиқилади. ➖ чорвачилик маҳсулотлари ишлаб чиқарувчи тадбиркорларга озуқабоп экинларни етиштириш учун электрон онлайн аукцион савдолари орқали ер участкаларини ижарага олиш ҳуқуқини сотиб олиш тўловларини 5 йил муддатда тенг улушларда бўлиб-бўлиб тўлашга рухсат берилади.

❗️ Ўсимликлар карантини чегара пунктлари карантин остидаги маҳсулотларни олиб киришга ихтисослаштирилади Ҳукумат қарори (609-сон, 29.09.2025 й.) билан “Ўсимликлар карантини чегара пунктларини карантини остидаги маҳсулотларни олиб киришга ихтисослаштириш"га доир талаблар тасдиқланди. 🔰 Талабларга кўра, карантин остидаги маҳсулотларни олиб киришга ихтисослаштириладиган ўсимликлар карантини чегара пунктлари ва унга туташ ҳудудларда ташкил этиладиган божхона терминаллари мазкур Талаблар асосида қурилиши лозим. 🏛 Божхона терминалларида ўсимликлар карантини давлат инспектори фаолият юритиши учун қуйидаги хизмат хоналари ташкил этилган бўлиши лозим: 🔹 навбатчи (оператив); 🔹 махсус; 🔹 маиший (хўжалик); 🔹 дам олиш хонаси. 📙 Карантин остидаги маҳсулотларни фитосанитария назоратидан ўтказиш ҳамда божхона расмийлаштирувига қадар сақлаш учун фойдаланиладиган бинолар амалдаги санитария-гигиена ва экологик талабларга жавоб бериши шарт. Жумладан: 🔸 шамоллатиш, ҳавони совитиш ва иситиш ҳамда омборлар фавқулодда ҳолатларда огоҳлантириш тизими билан жиҳозланган бўлиши; 🔸 ёруғлик (табиий ёки сунъий) билан таъминланган бўлиши керак.

1 октябрдан Ўзбекистонда нималар ўзгаради? 🔹 Енгил саноат корхоналарига қатор молиявий қўллаб-қувватлаш чоралари қўлланади Вазирлар Маҳкамаси ҳузурида Енгил саноатни ривожлантириш агентлиги ташкил этилмоқда. Агентлик қошида Енгил саноатни қўллаб-қувватлаш жамғармаси ташкил этилади. Агентлик томонидан енгил саноат соҳасидаги корхоналарга 2025 йил 1 октябрдан қатор молиявий қўллаб-қувватлаш чоралари қўлланади. Хусусан, ташкилот халқаро брендларни жалб қилиш, стандартлаштириш васертификатлашнинг халқаро тизимларини, молиявий ҳисоботларнинг халқаро стандартларини жорий этиш ишлари билан шуғулланади. Шунингдек, экспорт шартномалари бўйича суғурталашни молиялаштириш харажатларини қоплайди ҳамда мутахассисларни ўқитиш учун грантлар ажратади. Ўзбекистон Республикаси Президентининг 19.09.2025 йилдаги ПФ-174-сон Фармони 🔹 Товарларни олиб кириш ва олиб чиқиш «Ягона дарча» божхона ахборот тизими орқали расмийлаштирилади 2025 йил 1 октябрдан товарларни олиб кириш, олиб чиқиш ва транзит олиб ўтиш бўйича барча сертификат, хулоса ва рухсат этиш хусусиятига эга ҳужжатлар фақат «Ягона дарча» божхона ахборот тизими орқали расмийлаштирилади. Ўзбекистон Республикаси Президентининг 25.03.2025 йилдаги ПҚ-122-сон қарори 🔹 Оқ шакарни акцизсиз олиб кириш мумкин Ўзбекистонга хушбўй ёки бўёқ қўшимчаларисиз олиб кириладиган оқ шакарга акциз солиғи бекор қилинади Ўзбекистон Республикаси Президентининг 18.04.2025 йилдаги ПФ-67-сон Фармони 🔹 Хорижий дори воситаларини рўйхатга олишнинг янги тартиби кучга киради Хорижий дори воситалари Ўзбекистонда (тан олиш йўли билан) давлат рўйхатидан ўтказилади, бунда улар қуйидаги манбаларда рўйхатга олинган бўлиши зарур: - Жаҳон соғлиқни сақлаш ташкилоти рўйхатига киритилган тартибга солувчи органлар (WHO Listed Authorities); - ЖСТнинг Глобал қиёсий баҳолаш воситаси бўйича етуклик даражаси 4 бўлган тартибга солувчилар. Ўзбекистон Республикаси Президентининг 19.08.2025 йилдаги ПФ-137-сон Фармони 🔹 Божхона расмийлаштируви бўйича мутахассисларнинг малака оширганлик сертификати тизимда мавжуд бўлмаса, божхона органларига декларация юбориш чекланади. Ўзбекистон Республикаси Вазирлар Маҳкамасининг 25.12.2022 йилдаги 88-сон ва 18.12.2024 йилдаги 847-сон қарорлари

❗️Техник жиҳатдан тартибга солиш инспекцияси Божхона қўмитасига огоҳлантириш хати юборди. Хатда қайд этилишича, Россиядан импорт қилинган “Persil (Color Gel)” кир ювиш гели белгиланган техник талабларга номувофиқ деб топилган. Шу сабабли, мазкур маҳсулотга вақтинча сотувга чиқаришга рухсат берилмаган. Фуқаролардан бозор ва дўконларда сотилаётган маҳсулотларга эътиборли бўлишлари сўралмоқда.

“Тўқимачилик ва тикув-трикотаж саноатида ислоҳотларни жадаллаштириш ва экспорт салоҳиятини кенгайтириш чора-тадбирлари тўғрисида”ги Президент қарори (ПҚ–290-сон, 19.09.2025 й.) қабул қилинди. 🔰 Қарорга кўра, тўқимачилик ва тикув-трикотаж саноатида 2026 йил учун асосий мақсадли кўрсаткичлар этиб қуйидагилар белгиланди, жумладан: 🔹 ишлаб чиқариш ҳажми 9 фоизга ўсишини таъминлаш ва 146 трлн сўмга етказиш; 🔹 экспортни 3,3 млрд АҚШ долларига етказиш. Тўқимачилик ва тикув-трикотаж саноати корхоналарига имтиёзлар берилади❗️ ✅ 2025 йил 1 сентябрдан 3 йил муддатга: 🔹 белгиланган тартибда шакллантириладиган рўйхатлар бўйича олиб кириладиган ва Ўзбекистонда ишлаб чиқарилмайдиган аралаш мато ва газлама маҳсулотлари, чарм ва ипак саноати учун зарур хомашёлар божхона божидан озод этилади.

Транспорт воситаларини экологик сертификатлаштириш бекор қилинди! Бу “Республикада ғилдиракли транспорт воситаларининг экологик тоифа талабларига мувофиқлигини баҳолаш тизимини янада такомиллаштириш чора-тадбирлари тўғрисида”ги Ҳукумат қарорида белгилаб берилди.

❗️Божхона қўмитаси ташувчилар ва ҳайдовчилардан чегара божхона постлари орқали ҳаракатланишда вазн ва ҳажм параметрларига қатъий риоя қилишларини сўради. Эндиликда автотранспорт воситаларининг вазн ва ҳажм параметрларини аниқлашда ўлчаш асбобининг автотранспорт воситаларини тўхтаб турган ёки 5 км/соатгача тезлик билан ҳаракатланаётганда аввалгидек 2 фоиз эмас, балки 5 фоиз фарқ билан ишлашига йўл қўйилади ва бу юк ташувчи фойдасига талқин қилинади.

Hurmatli yurtdoshlar! Bojxona qo‘mitasi hamda Investitsiyalar, sanoat va savdo vazirligi Sizni respublikamizda ilk bor o‘tkazilayotgan “Mahalliy kontentni oshirishda importni optimallashtirish” mavzusidagi "Uzbek Import Fair 2025" I-xalqaro ko‘rgazmaga taklif qiladi! Ko‘rgazmada O‘zbekiston Respublikasida ishlab chiqarish imkoniyati yuqori bo‘lgan, ammo eng ko‘p import qilinayotgan tovarlar namoyish qilinadi. ✔️ Ko‘rgazma o‘z biznesini yo‘lga qo‘yish istagidagi tadbirkorlarga ichki bozorda import tovarlariga nisbatan real ehtiyoj hajmi bilan tanishish orqali o‘z bizneslarini yanada kengaytirish imkonini beradi! ✔️ Shuningdek, ko‘rgazmaga tashrif buyurgan ishtirokchilar nufuzli xorijiy brendlar va trans milliy kompaniyalar vakillari bilan B2B shaklidagi to‘g‘rida to‘g‘ri muzokaralar o‘tkazishlari mumkin. ✔️ Ko‘rgazmada taklif etilgan tijorat banklari esa import o‘rnini bosuvchi tovarlar ishlab chiqarishni moliyalashtirish bo‘yicha o‘z takliflari bilan ishtirok etishadi. ✔️ Ko‘rgazma doirasida sanoatning 24 ta sohasida ishlab chiqarishni kengaytirish hamda mahalliy kontentni rivojlantirish, bu boradagi muammolarni tizimli tahlil qilish va samarali yechimlar ishlab chiqishga qaratilgan panel sessiyalari tashkil qilinadi. ✔️ Mazkur sessiyalardagi muhokamalarda ilmiy qatlam va turli aql markazlari vakillari, xalqaro ekspertlar, mas’ul vazirlik va idoralar rahbarlari, tegishli mutaxassislari hamda yirik tadbirkorlar ishtirok etadi. 🗓Ko‘rgazma 2025-yilning 7-9-oktabr kunlari poytaxtimizdagi “O‘zekspomarkaz” milliy ko‘rgazma maydonining 3- va 4-pavilonlarida bo‘lib o‘tadi! Ko‘rgazmada ishtirok eting va mahalliy kontent rivojiga o‘z hissangizni qo‘shing! 📞Murojaat uchun telefon: 11-08 (Bojxona qo‘mitasining Call-markazi), +99890 176-33-99, +99893 001-50-09

Суҳбатнинг тўлиқ вариантини шу ҳавола орқали кўришингиз мумкин: 👇👇👇👇👇👇 https://www.youtube.com/live/8efq8njW-CA?si=T47K7KgYqGVn18J9

Кўпчиликни қийнаб келаётган мавзулардан бири божхонадаги "фильтр"лар (мантиқий назорат) мавзусини кўтариб чиқишибди. Батафсил видеода кўришингиз мумкин.

“Республикада картошка етиштиришни кўпайтириш ва уруғчилигини янада ривожлантиришга доир қўшимча чора-тадбирлар тўғрисида”ги Президент қарори (269-сон, 08.09.2025 й.) қабул қилинди. ✔️ 2026 йил 1 январдан Қишлоқ хўжалигини давлат томонидан қўллаб-қувватлаш жамғармаси ҳисобидан тижорат банклари орқали картошка етиштириш харажатларини молиялаштириш учун ҳосил қийматининг 50% игача йиллик 12% ставкада 6 ойлик имтиёзли давр билан 12 ой муддатга суғурта полиси асосида кредитлар ажратилади. ✔️ Шунингдек, 2026 йил 1 январдан картошка етиштирувчилар томонидан қуёш панеллари ўрнатиш харажатларининг 50 фоизигача, бироқ 50 млн сўмдан ортиқ бўлмаган қисми Давлат бюджетидан қоплаб берилади. ✔️ 2030 йил 1 январгача картошка етиштирувчилар ва қишлоқ хўжалигига агротехник хизматлар кўрсатувчи тадбиркорлар томонидан ўз эҳтиёжлари учун хориждан олиб келинадиган ҳамда ишлаб чиқарилганига 3 йилдан ошмаган картошка экиш ва йиғиштириш учун мўлжалланган техникалар (ТИФ ТН коди – 8433531000, 8432319000) божхона божидан озод қилинди. ✔️ Уларга эркин муомалага чиқариш (импорт) божхона режимига жойлаштирилган санадан бошлаб қўшилган қиймат солиғини 120 кунгача бўлган муддатга кечиктириб тўлашга рухсат берилди.

❗️ Божхона ҳудудидан олиб чиқиладиган товарларнинг божхона қийматини аниқлаш тартиби белгиланди Ҳукумат қарори (560-сон, 03.09.2025 й.) билан “Ўзбекистон Республикасининг божхона ҳудудидан олиб чиқиладиган товарларнинг божхона қийматини аниқлаш тартиби тўғрисида”ги низом тасдиқланди. 🔰 Низомга кўра, олиб чиқилаётган товарларнинг божхона қийматини аниқлаш товарларнинг ихтиёрий ёки сохта божхона қийматидан фойдаланишга асосланмаслиги керак. ✅ Олиб чиқиладиган товарнинг божхона қийматини аниқлаш қуйидаги усуллар орқали амалга оширилади: ▪️ 1-усул: олиб чиқиладиган товарга доир битимнинг қиймати бўйича; ▪️ 2-усул: айнан бир хил товарга доир битимнинг қиймати бўйича; ▪️ 3-усул: ўхшаш товарга доир битимнинг қиймати бўйича; ▪️ 5-усул: қийматларни қўшиш асосида; ▪️ 6-усул: захира усул. 📙 1-усул олиб чиқиладиган товарнинг божхона қийматини аниқлашнинг асосий усули ҳисобланади. 💹 Агар олиб чиқиладиган товарнинг божхона қийматини аниқлашнинг 1-усулини қўллаш мумкин бўлмаса, бошқа усуллар кетма-кетликда қўлланилади. 📄 Божхона қийматини аниқлашнинг бошланғич нуқтаси ҳар доим ҳақиқатда тўланган ёки тўланиши лозим бўлган қийматни, яъни сотиб олувчи сотувчига тўлаган ёки тўлаши лозим бўлган ҳақиқий харажатларни белгилаш ҳисобланади.

BOJXONA BROKERLARI VA XALQARO KURYERLIK TASHKILOTLARI DIQQATIGA! Xabaringiz bor, Vazirlar Mahkamasining 2022-yil 25-fevraldagi 88-son qaroriga binoan bojxona brokeri va xalqaro kuryerlik jo‘natmalarini yetkazib berish bo‘yicha faoliyatni amalga oshirish uchun Bojxona qo‘mitasini xabardor qilish zarurligi belgilangan. ✔️ Ushbu normativ-huquqiy hujjatga asosan 2025-yil 1-oktabrdan boshlab, tashkilotning shtatida bo‘lgan mutaxassislar (xalqaro kuryerlik jo‘natmalarini yetkazib beruvchilarning kamida bir nafar mutaxassisi) har ikki yilda o‘quv tashkilotlarida Bojxona qo‘mitasi tomonidan tasdiqlangan o‘quv reja asosida malakasini oshirganligi to‘g‘risida sertifikatga ega bo‘lishi kerakligi belgilangan. ❗️“Litsenziya” axborot tizimidan olingan ma’lumotlarga ko‘ra, hozirda bojxona brokerlari va xalqaro kuryerlik tashkilotlarining ayrimlari o‘zining shtatida mavjud bojxona rasmiylashtiruvi bo‘yicha mutaxassislarning malaka sertifikatlari to‘g‘risidagi ma’lumotlarni tizimda qayd etishmagan. Eslatib o‘tamiz, "Faoliyatni boshlash yoki tugatish uchun vakolatli organni xabardor qilish tartibi to‘g‘risida"gi yagona nizomda nazarda tutilgan talablar va shartlar buzilgan taqdirda xabardor qiluvchilarning xabardor qilish tartibida amalga oshiriladigan faoliyati (harakatlari) vaqtincha to‘xtatilishi yoki tugatilishi mumkin. ❗️ UNUTMANG! 2025-yil 1-oktabrdan boshlab shtatida mavjud mutaxassislarning malaka sertifikatiga ega bo‘lmasligi yoki malaka sertifikati haqida yolg‘on ma’lumotlar taqdim etilishi bojxona brokeri yoki xalqaro kuryerlik tashkilotlari faoliyatining vaqtincha to‘xtatilishi yohud tugatilishiga olib keladi!

Tovarlarni bojxona hududida qayta ishlash tartibi to‘g‘risidagi nizom tasdiqlandi ✔️ Qaror bilan quyidagilar tasdiqlandi: ➡️"Bojxona hududida qayta ishlash" bojxona rejimi to‘g‘risidagi nizom; ➡️ Bojxona hududida va hududidan tashqarida qayta ishlash taqiqlangan tovarlar ro‘yxati (tranzit olib o‘tilishi va olib chiqilishi ta’qiqlangan tovarlar, uran va boshqa radioaktiv moddalar, kaolin va kvars qumi); ✔️Hujjatga ko‘ra: ➡️olib kelinadigan chet el tovarlarini to‘g‘ridan-to‘g‘ri ishlab chiqarish obyektiga olib ketishga ruxsat berildi; ➡️ "Bojxona hududida qayta ishlash" rejimida tayyorlangan mahsulotlarni keyingi ishlab chiqaruvchilar tomonidan “kooperatsiya tartibida” chuqurroq qayta ishlash uchun "bojxona hududida qayta ishlash" rejimiga joylashtirishga ruxsat berildi; ➡️ birinchi mahalliy qayta ishlovchiga chet eldan xomashyo sotib olib, qayta ishlangan mahsulotlarni kooperatsiya tartibida chuqurroq qayta ishlash maqsadida ikkinchi mahalliy qayta ishlovchiga hisob-faktura asosida sotish huquqi berildi.