@Book for all

ዳስ ጣል፥ ፅዮን፥ ኢቶሪካ፥ መሪማ፥ ጭንቄን፥ የአዞ እንባን አካቶ በጥቅሉ 18 ሙዚቃዎች✌️ ጉራጊኛን ጨምሮ በተለያዩ ሀገራዊ ስልተ ምቶች የተዘጋጁ፥ በሬጌ የታጀቡ ጥዑመ ዜማዎች ዛሬ ሀሙስ ሚያዚያ 8/2018 ከስምንት ሰዓት ጀምሮ <ኢቶሪካ> የቴዲ አፍሮን ይፋዊ የዩቲዩብ ቻናል ሰብስክራይብ እያደረግን ሰዓቱን እንጠብቅ፥ ሊንኩ👉 https://youtube.com/@teddyafroofficial?si=mhYnnwoOBv1v-t7N @Bookfor

https://www.youtube.com/@TeddyAfroOfficial/videos

ዛሬም ሆዳቸው አምላካቸው የሆኑ ጥቂቶች የብላቴናው የእውነት ሰይፍ ገና ከአፎቱ ሳይወጣ የሚርዱት ወደው አይደለም። የሚጠሉት ከሚወዱት በላይ የጥበቡን ጉልበትና ልክ አውቀውታል። ወዶ ገቢውም ሆነ በብር የተሸጠው ሁሉ ከመቅለል የዘለለ እጣ ሳይኖራቸው ቢቅበዘበዙም እውነት ሰፋሪው ህዝብ ግን የነገሰውን ሊያነግስ የቀናት ምጥ ይዞታል። በአስራዎቹ እድሜያችን የምናውቀው ቴዲ እሱ ወደ ሃምሳ እየገሰገሰ እኛም ወደ አርባ እየቀረብን ነው። እጅግ በጣም የተወደደ። ያለማቋረጥ ያወዛገበ። በገሚስ የተጠላ ፣ ምርቃትና እርግማን የጠገበ... የጠሉት ቢጠሉት እንኳን በዜማው ከመቆዘምም ሆነ በምቱ ከመወዛዘዝ አላመለጡም። መወደድና ዝና አረቄ ያልሆነበት ብላቴና ከስራው ይልቅ መወደዱን የያዘበት መንገድ ጠቢብነቱን ይመሰክራል። እሱ ወልዶ ከብዶ ቢጎለምስም በመወደድ ብዛት ብላቴናነቱን ሳይለቅ ከፊታችን እየገዘፈ ነው። ሁሌም በኩራት እንደምለው ቴዲ ሽበት ነው በቀለም ልታጠፋው ልትደብቀው ብትሞክር? ከስር በጥበብ በርጋታ ይፈካል! ተደብቆ መጉላት ይችልበታል! በምላጭ ልታጠፋው ስትለፋ ጭራሹን ይበዛል! በጥቁር ሻሽ የማታስረው የሀገር ሽበት! ሳንዘራው ያጨድነው, ያለጊዜው የበቀለ ሽበት! ብቻ አትልፋ ቴዲ ወጣት መሳይ ሽማግሌ ነው ለመጥፋት ስንቃረብ በግጥም መክሮ በዜማ አራርቶ ከልባችን የሚያስታርቀን ወጣት መሳይ ሽማግሌ ነው! ከፍቅር አስከ ሃገር ልብና አድማሱ ለሰፋለት ፣ አኗኗሩ ምሳሌ ፣ አንደበቱ ፈዋሽ ለሆነለት የዘመናችን መልክ ጥበብና እድሜ ይትረፍለፍለት! #ኢቶሪካ ✍🏽 ሙሉቃል ቃል @Bookfor

ተከብሮ ማርጀትና የዘመኔ ፍፁም መልክ! ፍቅር ጭራሽ አልገባንም። እድሜያችን ለጋ በጣም ለጋ ነበር ! ፊታችን ፂም አያቅም! እህቶቻችን ጉብ ጉብ አላበቀሉም። በመኖር ብዛት ባልቆሸሸ ልባችን ፈፅሞ ትዝታ በማያቀው እድሜያችን .... የዛሬ 25 አመት አንድ መልከ መልካም ወጣት በማናውቀው አለም ውስጥ በምዕናብ አምነሸነሸን። የወደድኳት በማለዳ.. በልጅነት በአቡጊዳ... የፍቅር ቃል መጠሪያዬ... የመጀመሪያዬ... እያለ.... እየተስረቀረቀ ሆድ በሚበላ ድምፅ በአዲስ የግጥም አፃፃፍ ፣ ስራ ነገሩ ሁሉ የተለየና ትውልዳችንን ያነሆለለ ግሩም ሰው ተከሰተ። በዘመነ ካሴት አንድም ዘፈኑ የማይዘለል ዘፋኝ ተገኝቶ የልጅነት አፋችንን አሟሸው። ሳናፈቅር አፈቀርን ፣ የልብ መደላደል ሳይገባን ፣ የስም መጥፋት ህመም ሳያገኘን ያልኖረውን ዘመን ኖርን። ብላቴናው.... "ተረታና ልቤ ለፍቅርሽ ተገዛ በልቤ ቤት ሰራሽ ሄዋን እንደዋዛ" ን እያቀነቀነ ዛሬም ዘመን ተሻግሮ ያላረጀ ቤቱን በህዝብ ውስጥ ሰርቶ ቁጭ አለ። ወጣትና ህፃናት ጎልማሳና ሽማግሌው አንድ ላይ አበደለት። በየ ቤቱ ፣ ሱቁና ፀጉር ቤቱ ፣ ጫት ቤቱና ካፌው ፣ ታክሲና ባሱ አስፋልቱና መንገዱ አረገዱለት። ሁሉም ነገር ቀጥ ብሎ ፣ ሁሉም የወሬ ጉልበት ዝሎ ሃገር ጆሮውን ሰጥቶ እየሰማው ተደመመ። 'ልቤ መሸነፉን እንዳይነግራት ሰጋ' ን እያዜመ ልጃገረዶች ሁሉ ተሸነፉለት። ተማሪዎች ከደብተራቸው ጠርዝ ስሙን ፃፉት ፣ ጋዜጦች ተነተኑት! መፅሄቶች የየእትማቸው መልክ አረጉት። በዘመን ውስጥ ብዙ ሰው ተወዷል ፣ ብዙ ሰው ገኖ ብዙ ሰው ቀሏል። አንድ የ 23 አመት ወጣት በድንገት መጥቶ የሃገሩ ዜማ ሆነ። ተራው ህዝብ ብቻ አይደለም አንጋፎች ሳይቀር ለውዳሴ ተሽቀዳደሙለት። 1993 እንደ ሃገር የነበሩ የፖለቲካ ትኩሳቶች አመፅና ግርግሮች ሳይቀር በብላቴናው አልበም ደበዘዙ። ሃገር ቆም ብሎ አንድ ነገር ሰማ! ስለ አንድ ነገር አወራ። የመወደዱ ብዛት የፈጠረው የወሬ ግምት ገኖ ገኖ... ቴዲ ከቆነጃጅቶች ጡት ላይ ፈርሟል የሚል ወሬ ሃገሩ ላይ ተዛመተ። ያኔ ልክ እንደዛሬው ጡት በአደባባይ አልዋለም። መሸፋፈን ክብር አለመገለጥ ውበት ነበር። እንደዛሬው ወሬ የሚያዛምት Internet ወለድ የወሬ ማሽን ሳይኖር " እከሌ አበደችለት" "እከሌ በሱ ፍቅር ትዳሯን ፈታች"... የሚሉ አሉባልታዎች አየሩን ሞሉት። ብላቴናው ሃገር እንደ ጉድ ቢያብደለትም መወደዱ አላሰከረውም። አልበሙን ባወጣ በወራት ጊዜ ውስጥ በወቅቱ በነበረው አንድ ለናቱ የቴሌቪዥን ጣቢያ ቀርቦ ጡት ላይ ስለመፈረሙ ተጠየቀ " ጨዋ ኢትዮጵያዊ ቤተሰብ ነው ያሳደገኝ" አለ... ሲዘፍን የሰማው ሁሉ አፉን ከፍቶ አይኑን ሰክቶ ሲያወራ ሰማው። አንገቱን የሰበረ አይኖቹ በትህትና የሚንከባለሉ ሆኖ ተገኘ። ሃገር በስስት አየው። አንጋፋዎቹ ልጄ ልጄ እያሉ ተሻሙበት። አትሌት ሃይሌ ገብረ ስላሴ "እኔ ሩጫ እንጂ ወሬ አልችልበትም" ብሎ ቴዲን ማድነቂያ ቃል አጣ። የዘመኑ አንጋፋዎች እነ ውብሸት ወርቃለማው ቢዘፍንልን ብለው ተመኙ። ቴዲ ከዘመኑ የሚነፃፀር ባለሙያ ታጥቶለት ተንታኞች ከቀደሙት ገናኖች ጋር አወዳደሩት። በብዙዎች ለቴዲ የራሱ አለም ተሰጠው! ብቻውን የሚዳኝ እኩያ የማይገኝለት ሆኖ ማርሽ ቀያሪነት የዜማ ሊቅነት የገጣሚነት ጫፍ ላይ ተቀመጠ! ገና በ 23 አመቱ መሸከም የሚከብድ ፍቅር ፣ አንገዳግዶ የሚጥልን አድናቆት ቢቀበልም ብላቴናው ከአደባባዮች ጠፍቶ ከግርግሩ እርቆ ከአራት አመታት በኋላ "ያስተሰርያል" በተሰኘ ታሪካዊ አልበም ተከሰተ። በመጀመሪያ አልበሙ አቡጊዳ እያለ የሃገሬውን ሆድ የበላው ሰው አሁን በአልበሙ ጥግጋት "ብልህ ሰው ታናሹንም ይሰማል" እያለ በትህትና ዝቅ ብሎ ሃገር በጥላቻ እያባከኑ ያሉ ሽማግሌዎችን የሚመክርበትን ግጥምና ዜማ ጠምቆ ሃገሩን እንደ አዲስ አሰከረው! ቴዲ በዚህ አልበም በእያንዳንዱ ስንኝ ውስጥ ተከድኖ የሚነደውን መተንፈሻ ያጣውን የሃገሬውን ህመም ከሰው በማይመስሉ ጌጠኛ ቃላትና ልብ በሚያርዱ ዜማዎች ቀምሞ ሃገሩን አስቆዘመው። ብላቴናው "ያስተሰርያል" በሚለው አልበሙ ለሃገሩ የቃተተበት ዜማዊ ፀሎት ነው። ፍቅር ማጣታችን የመራባችን ምንጭ መሆኑን ተናገረ። እየዘፈነ ሰበከ ፣ እየወቀሰ መከረ ፣ እየመከረ ምህረት ለመነ። በሚጣሉ ወላጆች መሃል ቆሞ ግራ እንደገባው ህፃን "መለየት አቃተን የሚበጀንን ሰው" እያለ የነፍሱን ጭንቀት አስረዳበት። ግጥሙ ከዜማው ዜማው ከግጥሙ የተዛመዱበትን መንገድ ብዙዎች በእንባ ሰሙት። ቴዲ የብዙዎችን የልብ ህመም እየፈታ የህልማቸውን ሃገር በጥበብ መስኮት ከሰተላቸው። ኸረ አይነጋም ወይ አይነጋም ወይ ሌቱ..... ቴዲ ለሃገሩ ቃተተላት ቴዲ ከመርቀቁ ብዛት እንኳን በሸውራራ አይናቸው የሚያዩት አብዝተው የሚወዱትም በቅጡ የሚረዱት አይደለም። ከጥቂቶች በቀር የሚወዱትም የሚያወራውን ፍቅር አያወሩም። የሚጠሉትም ያለውን በፈለጉት መንገድ ተረጎሙ እንጂ በልቡ ልክ አልሰሙትም! ያስተሰርያል ፍቅርና አድናቆት ብቻ ሳይሆን የመከራ መስቀል ይዞበት የመጣው ቴዲ የውሸት ክስ ተቀምሞለት በገዢዎች ጉልበት ዘብጥያ ወረደ። ወጣቶች ከፖሊስ ጋር ተፋለሙለት። ቆነነጃጅት ማልደው ከፍርድ ቤት እየተገኙ እናቶች አገልግላቸውን አስረው ተሰለፉለት። በዚህ ሃገር ታሪክ ታስሮ በቅፅበት ያልተረሳ ጉምቱ የለም። ብላቴናው ግን ከክርክር እስከ ፍርድ ከፍርድ እስከ መፈታት ከሰው አፍ ሳይጎድል የመንግስት ራስ ምታት ሆኖ ከወህኒ ቤት ተፈታ። ወትሮም እንኳን ዘፈኑ ቃለ መጠይቁ የሚናፈቅለት ጥበበኛ 'ከእስሩ በኋላ ምን ይል ይሆን?' በሚል ብዙዎች ጆሯቸውን ቀስረው ቢጠብቁትም ለአመታት እስር የዳረገውን የተከሸነ ክስና በቀል " ፍቅር ግን ሁሉን ያሸንፈል በሚል ከደነው። ቴዲ እየደመቀ እንጂ እየበሰለ ያልሄደ ተዐምረኛ ሰው ሰው! ሲጀመር ቃላቶቹ የጣፈጡ ሃሳቦቹ የረቀቁ ናቸው። ባሰበት የሚያስብል እንጂ እዚች ጋር ተወነጨፈ የሚያስብል ክፍተት አሳይቶ አያውቅም። በመሃል ከአልበም በላይ የሚንጡ ነጠላ ዜማዎችን እየለቀቀ ሲለው ተሰርቆና አምልጦ የሚወጣው ስራው ሁሉ የሰው ጆሮ እያጠገበና ልብን እያረሰረሰ ቀጠለ። በዚህ ሁሉ ስኬቱ መሃል ኩራት ከአጠገቡ የለም። ስራው አንግሶት በግርማ ፀጥ ያለ አንበሳን መስሎ ይኖራል። አይንና ጆሮ በበዛበት ልክ "ከአይን ያውጣህ" ብለው የማይመርቁት የረጋ ጥበብ ሆኖ ኖረ። ከዛ በኋላ የለቀቃቸው ሁለት አልበሞቹ የፈጠሩት ድባብ እንዲህ ነበር ማለት የማይፈታቸው የመፃፍንም ሆነ የማስታወስን ልክ የሚፈታተኑ ሃገራዊ ድባቦች ነበሩ። በተለይም ከጥቁር ሰው በኋላ ያወጣው ኢትዮጵያ የተሰኘው አልበም ሲለቀቅ እያንዳንዱ ቤት ሰርግ ያለ እስኪመስል እያንዳንዱ ገበያና ነጋዴ ሳር ጎዝጉዞ የጠበቀው የአውዳመት ዋዜማ ይመስል ነበር። በጊዜና በቦታው ከነበረ ካየና ካልሰማ በቀር ለታሪክ ነገሪ የማይመች አስደናቂ ድባብ። ስለ ብላቴናው ብዙ ከመፃፍ ብዙ አይባልም። ብዙ ተፅፎም ጥቂት አይገለፅም! ልባም ሰው ግን ቴዲን እና ስፋቱን በስራዎቹ ውስጥ ዞሮ ለማየት ጆሮዎቹን ከፍቶ በግጥምና ዜማዎቹ ውስጥ ቢውል የበለጠ ይረዳዋል።

ለሰጠን ሳቆች፣ በጨዋታክ ላስተካከልክልን ቀኖች፣ ጊዜ ለማይሽረው የኮሜዲ ፊልሞች፣ ለቲቪ ፕሮግራም፣ ለድርሰት፣ ለዝግጅት ለሁሉም እናመሰግናለን፤ ለዘላለም በኢትዮጵያ ጥበብ ላይ ስራዎች ይኖራሉ 🖤 ሳንጠግብ ነው ያጣን፣ በብዙ አጉድለብናል፣ ዜናውን ባለማመን ወደ ውሸትነት መቀየር ቢቻል ዛሬ የአንተ እልፈት ይቀየር ነበር ግን አይቻልም 💔 እንወድሃለን ፣ በስራክ ሁሌ እናስታውሳለን እግዚአብሔር ነፍስን ከደጋጎች ጎን ያሳርፈው። ለቤተሰቦቹ፣ ለወዳጆቹ፣ ለሚያውቁ ሁሉ ፈጣሪ መፅናናት ይስጥ ነፍስ ይማር 💔 @Bookfor

የ ድሜ ድውር ልቃቂት ነን ባንድ ጉድጓድ ምንሸመን። ተተርትረን፣ ቀን ከሌሊት.... ልቃቂት ነን `ምንፈታ፤ እስከሚቋጭ ተፈፅመን.... የሸማኔው አዲስ ኩታ። ኄ.ስ ነፍስህ በሰላም ትረፍ ነፂ 😥 @Bookfor

የጋብቻው ዋጋ ከሠርጉ ድግስ ይበልጣል — ብዙዎች ግን ለጭፈራው እንጂ ለህይወቱ አያስቡም ሁሉም ሰው የተረት ህይወትን ይመኛል። ማንም ግን ለሚመጣው መዘዝ/ውድቀት አይዘጋጅም ወይም አያስብም። ለማሳየት፣ ለማስመሰል አይዞኝ ብለሃል። ለቀናት የአፍ ወሬ ሆንክ። በረራ አደረግክ፤ ብርህን በተንክ። ግን መሠረት ጥለሃል ወይ? የገዛኸው ጥበብን ነው — ወይስ ጊዜያዊ ጌጥና ውጫዊ ውበትን? ብዙዎች የሚያገቡት ድግሱን/ጭፈራውን ነው፣ ሰዉን አይደለም። እናም የእውነተኛው ዋጋ ሲመጣ ይደናገጣሉ። ነገሩን እንየው እስኪ፦ 1. ሠርጉ የአንድ ቀን ነው — ትዳሩ ግን የአርባ ዓመት ለፎቶ አንሺዎች በጀት መድበሃል። ለትዳር ምክርስ በጀት ይዘሃል? አበባ መርጠሃል። የሕይወት እሴቶችንስ መርጠሃል? ቅፅበቱን አግብተህ — ላላሰብከው ረጅም የህይወት ዘመን እስረኛ ሆንክ። ድግስ ለስድስት ሰዓት ነው። ትዳር ግን ስልሳ ዓመታትን ይጠይቃል። በዚያ ልክ ተዘጋጅ። 2. የውሸት የፍቅር ናዳ አታሎህ እድሜ ልክህን በብቸኝነት እንድትማቅቅ አትፍቀድ አንዳንድ ሰዎች ፍፁም መስለው መታየት ላይ የተካኑ ናቸው — እስክታገባቸው ድረስ። ያቆላምጡሃል። በሐሰት ፍቅር ያጥለቀልቁሃል። ይዘውህ ይዞራሉ፣ ያሳዩሃል። እናም የደስታው ጊዜ ሲያልፍና ሲበርድስ? በሚያምር ልብስ የተሸፈነ እንግዳ እንዳገባህ ትረዳለህ። ጊዜያዊ መፈላለግ እውነታውን እንዳይጋርድብህ ተጠንቀቅ። በፈተናው ጊዜ አጥናቸው — የፈገግታ ፎቷቸውን ብቻ አይደለም። ምክንያቱም በራስህ ቤት ብቸኝነት እየተሰማህ 'ለዘላለም' መኖር በጣም ረጅም ጊዜ ነው። 3. ቤተሰብህና ጓደኞችህ የሚገፉህ ከሆነ — ቆም ብለህ አስብ! ሁሉም ትውውቅ ከፈጣሪ የተሰጠ አይደለም። አንዳንድ ቤተሰቦች "ሸክማቸውን ለማራገፍ" ይቸኩላሉ። አንዳንድ ጓደኞች በሰርግህ ለመጨፈር የቋመጡ ናቸው። አንተ ግን? የተሳሳተ ሰዉ ሆኖ ነገር ግን ውብ ፊት ወይም አንደበት ያለው ሰው አይተህ፤ ካመንክ፣ ጥልቁ ውስጥ የምትሰምጠው አንተ ነህ። የትውልድን መሰረት የሚጥል ራዕይ ከሌላት፣ 'ይሆናል'ን ወይም ጸሎትን ብቻ አታግባ። ትዳር የማገገሚያ ወይም የመልሶ ማቋቋሚያ ማዕከል አይደለም። አንቺም ለማድለብና ለመራባት የታጨሽ እንስሳ አይደለሽም። ንቃ! ባክህ/ባክሽ! 4. መውጫውም ቢሆን ቀላል አይደለም "ካልተሳካ እፈታለሁ/እፈታታለሁ።" እውነት? ፍቺ ቀላል መውጫ መንገድ እንዳይመስልህ። ልብህን አስቀድሜ ልስበርልህ፦ ፍቺ የስም ማጥፋትና የነውር ምልክት ይዞ ይመጣል። የተፋቱ አባቶች በህብረተሰቡ ዘንድ ብዙም አይታዩም፣ ድምፃቸው አይሰማም። ብቸኛ እናቶች ይገለላሉ፣ የህብረተሰቡን ነቀፋ ይሸከማሉ። የተፋቱ ሰዎች ሁልጊዜ ራሳቸውን ማስረዳትና ማብራራት ይጠበቅባቸዋል። በዚህ ላይ ልጆች ካሉበትስ? ለዓመታት ለሚቆይ የጠበቃ ክፍያ፣ የልጅ የማሳደግ መብት ክርክር እና ለስሜት ፈንጂዎች ተዘጋጅ። የትዳር አጋርህን ብቻ አይደለም የምታጣው። ጊዜ፣ ገንዘብ፣ የዋህነት — አንዳንዴም ራስህን ታጣለህ። 5. የምታገባው ፀባይን ነው — መልክን አይደለም የወገቧ ቅጥነት የሰመጠች መርከብህን አያድንም። የቁመቱ ርዝመት አመፀኛ ልጅህን አይገስፅም። ፀባይ ግዛትን ይገነባል። ውበትና አንደበት ግን በአየር ላይ ግንብ ይሠራል። በእያንዳንዱ የፈተና ሀሩር የምትቀልጥ ሻማ ካገባህ፣ በጨለማ ለመኖር ተዘጋጅ። ምክንያቱም የሕይወት ማዕበልና ፈተና አይቀሬ ነው። 6. ሸክም የሆነን ሰው ማግባት የትውልድ አሻራህን ዋጋ ያስከፍልሃል መጥፎ ጋብቻ፦ ህልምህን ያዘገያል። ገንዘብህን ያሟጥጣል። ስምህን ያጠፋል። የእጣ ፈንታህን መንገድ ያስታል። አንድ የተሳሳተ ፊርማ የአስር ዓመት ልፋትህን ሊያጠፋ ይችላል። በጥንቃቄ ምረጥ። በጤናማ አእምሮ ምረጥ። ምክንያቱም የምትመርጠው የሠርግ ልብስ አይደለም — ሕይወት ለምትባለው አስቸጋሪ ጉዞ አብሮህ መሪ የሚሆንህን እንጂ። 7. ቅፅበቱን ሳይሆን — የጋራ ዓላማችሁን አግቡ የምታገቡት አስተሳሰብን ነው። ቅፅበታዊ ስሜትን አይደለም። የምታገቡት መላ አካባቢውን፣ ስነ-ምህዳሩን ነው። የማህበራዊ ሚዲያ ገፅን አይደለም። ከባባድ ጥያቄዎችን ጠይቁ። ያለፈ ታሪካቸውን መርምሩ። አማካሪዎቻቸውንና የቅርብ ሰዎቻቸውን አጣሩ። ታማኝነታቸውን ፈትኑ። ምክንያቱም አሁን ያላጣራችሁት ነገር — በኋላ ዋጋ ያስከፍላችኋል፤ ታለቅሱበታላችሁ። 8. ስርዓት የሌለው ፍቅር ለመፍረስ የተዘጋጀ ስሜት ብቻ ነው ስርዓት ልጆችን ያሳድጋል። ስርዓት የቤት ብድር ይከፍላል። ስርዓት ህመምን፣ ክህደትን፣ መሰልቸትንና እርጅናን ለመቋቋም ያግዛል። የጋብቻህ መመሪያና እቅድ "ፍቅር በራሱ መላ ያበጃል" የሚል ከሆነ… ፍቅር በእውነተኛው የህይወት ውጣ ውረድና ግፊያ ውስጥ ለመጥፋት ይዘጋጅ። ስሜቶች ተሳፋሪዎች ናቸው። ስርዓት ነው መኪናውን የሚነዳው። አንዱን ያዝ — ወይም ትሰባበራለህ። የመጨረሻ ቃል፦ እንደ ቤት ሰሪ አግቡ — እንደ ሸማች ሳይሆን ከራዕይ ይልቅ ጊዜያዊ ስሜትን ከመረጥክ — ለጥፋትና ለህመም ተዘጋጅ። ከመዋቅርና እቅድ ይልቅ ቅፅበታዊነትን ከመረጥክ — ለሀዘን ተዘጋጅ። ሠርጉ ማጥመጃው ነው። ጋብቻው ሂሳቡና ዋጋው ነው። እናም ማንም የከፈልከውን ዋጋ አይመልስልህም። አስተዋይ ሁን። በእሴቶችህ ፅና። ራስህን መገንባትህን አታቋርጥ። @Bookfor @Bookfor

የትከሻዬ ጌጥ የጫንቃዬ መፅኛ የአእምሮዬ ትንፋሽ የደሜ ትዝታ ከየት ያደርሰኛል እግሬስ ብሄድበት እታትረው ይዤ በትዝታ አቀበት አካሌ ሸግዬ ነይ ከውበትሽ ጋራ... ኦሆ ገለጠ ሰማይ በ'ምትወጃት እናት ሰው ጠራኝ ሳትይ 🎧 🎼🎼🎷🎸 @Bookfor @Bookfor #meba

". . . .ወንጌለ ውዴ የልቤ ማህደር፤ እንዴት ይዞሻል? የገና በአል ስለደረሰ ነው መሰለኝ፡ ሸገር ድምቅ ድምቅ ምቅ ብላለች። ሸገርን እንዲያው ዝም ብዬ ሣያት አለ አይደል ያኔ እማመይ ልጅ ሆነን የገናን በአል ለማድመቅ ስትል ከገበያ ሄዳ የምታትገዛውን የጥድ ዛፍ ታስታውሰኛለች! ወንጌለ ውዴ የልቤ ማህደር ነገሩ እንዲህ ነው። ልጅ አያለን ትዝ የሚልሽ ከሆነ አባቢ አኛን የ ሀገር ባህል ልብስ (ነጭ በነጭ) አልብሶ እንደሚያዚያ ጠሃይ ፍክት ድምቅ ሲደርገን፤ እማመይ ደግሞ የጥዱን ዛፍ በትልቅ ጣሣ ውስጥ አፈርና ድንጋይ ሞልታ ታቆመውና ፊኛውን ነፍታ ፤ አንድም ዛፉን ለማሣመር ሁለትም ከበአሉ ማግስት እኛው ከዛፉ ላይ እየበጠስን እድንበላው በገና ዛፍ መብራት አሽንቆጥቁጣው፤ ከረሜላና ቸኮሌት በክር ታንጠለጥልልን ነበር።..... ወንጌለ ውዴ የልቤ ማህደር ግና ኑሮም ሲከፋ ጊዜም ሲነጉድ የገና ጥዱ ከነ ብልጭልጭ መብራቱ እንደነበረ ትዝ የሚልሽ ከሆነ ከረሜለዉና ቸኮሌቹ ቀርቶ በአሱ ፋንታ ወጉ እንዳይቀር በሚያብለጨልጭ ወረቀት ድንጋይ ታንጠለጥልልን ነበር። .. . . ወንጌለ ውዴ የልቤ ማህደር ሸገርም አሁን እንደዚያ በሚያብረቀርቀው ወረቀት የተጠቀለለውን የማይበላውን ድንጋይ ያንጠለጠለች ውብ የገና ጥድ መሰለችኝ።. . .ውዴ እንዲው እየራበኝ እየሞረሞረኝ፤ አብረቅርቄ፤ ደምቄ፤ ልሞት ነው መሰለኝ፡፡ " ____ ምንተስኖት @Bookfor @Bookfor

MARRIAGE Is Like A Shoe. "MARRIAGE is like a shoe. When you wear oversize, be ready to drag it along through out life, and when you wear under-size be ready to feel the pains through out life". One thing about marriage is that you don't drop your shoe or remove it at any point, no matter how painful or how stressful it is. That is why I thought it necessary to write you this letter. Dear Singles, When you are ready to buy your own shoe please take note of these three things: PHYSICAL APPEARANCE : Do not look for the beautiful ones, the nice ones or the cheap ones. Look for the one that is your size. Not every handsome, wealthy or intelligent guy is for you, not every beautiful woman is for you. Look for the one that is meant for you, the one that aligns with your values and belief, the one who you meet at your life's journey. It is important to know where you're going in life before you think of getting a wife. POSITION : All sizes of shoes are not placed in the same place. There is a place for court shoes, laced up shoes, sport footwear, snickers etc. We have Children sizes, young people's sizes and the adult sizes. Know where to get your own shoe. Your size cannot be everywhere my brother, your type cannot be everywhere my sister. You cannot be a Christian/Muslim/ religious person, and be looking for a wife material at a club. Your wife or husband can't just be everywhere. Stick to your values and therein you shall find someone like you, but when your values are not defined anyone can just match you. Discover yourself and define your values. PERCEPTION : In this kind of shoe purchasing enterprise, you are not permitted to try the shoe before you buy. This is why it is important to seek guidance and counseling, from people who have bought shoes before or are into the business of directing people to the right shoes (religious leaders and Relationship coaches). And most importantly to avoid much time wasting time, simply consult the SHOE MANUFACTURER to tell you your size (GOD ALMIGHTY ). "You do not prepare for wedding, you prepare for marriage." Ladies these days get so motivated when they attend wedding and they will quickly want to say yes to that guy. Wait!!! It is not just the wedding oh. The wedding is just one day. After the wedding WHAT NEXT? Finally, it is not something you rush to the market and just pick a shoe because you like or can purchase it. Ask questions -Where is this shoe made from? (Background) -What's the size (Values) -How much (His/Her interest) -How long will it last (His/Her Character) -Who made it? (Is she/He of the same faith This is compatibility) -Will it match me? (This is whether he/she love you and will accept you the way you are) Dear one, remember many are dragging their foot and they would hardly reach their destinies, many are feeling endless pains and wish they could pull off the shoes but no way!!! I have seen people with beautiful shoes and when they show you their foot, you will see scars. Beloved, it is not about the physical, it is the size, you can't know the sizel from afar so come close, build a relationship first but remember 'you are not permitted to try it before you buy it'. And for those who have purchased the wrong shoes, you can still make it your size again if you'd consult the manufacturer and let Him have His way in your marriage. God bless us all. God bless your relationship 🙏 No copyright infringement intended. Ceessay Phoday @Bookfor @Bookfor

ስለ ታላቁ የጥቁሮች መሪ የነበር ኔልሰን ማንዴላ የመሪነት ክህሎት የዳሰሰ ትረካ እንድትሰሙት ጋበዝኩ። ©መባ @Bookfor

#life_Style_Fashion በጥራታቸውና በአይነታቸው የተመሰከራለችው የተለያዩ የሴቶች አልባሳትን በልዩነት ይዘን ቀርበናል። ይዘዙን ባሉበት ይዘን እንቀርባለን! Life Style Fashion ለዘመናዊነት የተመረጠ! Join የሚለውን በመጫን የሚፈልጉትን ይምረጡ። https://t.me/+ilLeD1LYh9U3NjQ0

''.....ሰው ሲታመም የምንጠይቀው ከቋጠሮ ሰሐን ጋር ነው... ሰው ሲታሰር ' እግዚአብሔር ያውጣህ ' የምንለው ከፍትፍት አገልግል ጋር ነው ....አራስ የምትጠይቀው ከፔርሙዝ አጥሚት ጋር ነው ... የክርስትና አባታችን ለፋሲካ አክፋዩን የሚጠብቀው ድፎ ዳቦ ና አረቄ ነው ...እዝንተኛ የምናስተዛዝነው ሰባት እንጀራ ከአንድ ሰሐን ወጥ ጋር ነው ...ሟች የምንሸኘው ከገንቦ ጠላና ከለምለም እንጀራ ጋር ነው ...የቅዱሳንና የመልአክታት ተራዳኢነት የሚጎበኘን በስማቸው ከዘከርን ነው...ሰዕለታችን በሬ ወይም በግ ነው ...ሰርጋችን ፣ ልደታችን፣ እርቃችን፣ ሹመታችን፣ አምልኳችን፣ የሚበላ ነገርን ሙጥኝ ያሉ ናቸው ... ...ሌላው ቀርቶ አንድ ሰው ተምሮ ሲመረቅ ይዘን የምንሄደለት ስጦታ ብዕር ወይንም መጽሐፍ አይደለም ፤ ኬክ ፣ ብርቱካን ፣ ሙዝ ...ነው ። በሽተኛ ስትጠይቅ ከብርቱካንና ከሙዝ ይልቅ መጽሐፍ መውሰድ እንደማላገጥ ይቆጠራል ። ጊዜውን ይገፋበት ዘንድ መጽሐፍ ማበርከት በሽተኛው እንዳይድን ከመመኘት እኩል ነው ። ለኛ ለኢትዮጵያውያን መጻሕፍት ከባዶ ገበታችን በስተዚያ የተቀመጡ ትርፍ ነገሮች ናቸው ። መጻሕፍት የሚያስፈልጉት ገበታችን ሞልቶ ከገነፈለ በኃላ ነው ብለን በይነናል። ገበታችንም አይሞላ ፤ መጻሕፍቱም አይነሱም ። ያልተረዳነው ቢኖር ለገበታ መትረፍረፍ ዙሪያ ጥምጥም ጉዞ መጻሕፍት አቋራጭ መንገድ መሆናቸውን ነው ።እንዴት ታዲያ ማንበብ መብላትን ይቅደም ? መቼ ይሆን ከምንኮራባቸው ባህሎቻችን በላይ ማንበብ ባህላችን ሆኖ የምንታወቅበት ናየምንኮራበት?......''''' አለማየሁ ገላጋይ @Bookfor @Bookfor

አራዳ ነው። ሕይወትን በመሠለውና በወደደው መንገድ ኖሯል። ባላገር ነው። ሀገር ፍቅሯ ልቡ ውስጥ አለ። ዕድለኛ ነው። ባህር ማዶ እያለ ደጋግሞ የሎተሪ እጣ ያሸንፍ ነበር። ጌቾ ምን አደረክበት ስትለው " ምን አደርገዋለሁ? Dance and Music ነዋ! " ይልሀል። ሙዚቃ ነው። ከሁሉ የሚልቀው ይሄ ነው። ጌታቸው ሙዚቃን ራሱን ነው ወይም አንዳች አይነት ሚውዚክል Note። የማይጠፋ ግን የማይተካ። ሞተ አንልም። ሙዚቃ አይሞትም። — @Bookfor @Bookfor

ይሔ ስራ ንግድ አይደለም! ይሔ ስራ ስም ሸመታ አይደለም!! ይሔ ስራ ማንገቻም ሆነ መንጠላጠያ አይደለም!!! 💧ሀውልት እድሳት ነው! 💧አንድ ጨዋ ልጅ ለአባቱ መንፈስ ማረፍ የሚያደርገው የነብስ ይማር መታሰቢያ ነው!! ደሞ ደሞ..... 💧ተዘግቶ የከረመን እልፍኝ ከፋፍቶ እንደማናፈስ ያለ ነገር ፤ አቧራ የለበሱ የሳሎን ጌጦችን እንደመወልወል ያለ ነገር ፤ ርጥብ ቀጤማ ጎዝዝዝጎዝዝዝዝ አድርጎ በጠጅ ሳርና አደስ ሽታ መሀል በእጣን ጢስ ስር ደጅ ደጁን በስስ ፈገግታ እንደመመልከት ያለ ነገር......!!! እንደዚያ ያለ ነገር🖐🍻 ዋሸሁ? © ጋሽ ናደው Thank You Dawit Tsige! @Bookfor @Bookfor

የአስቻለው ፈጠነ አልበም ተለቀቀ! #Ethiopia | የድምጻዊ አስቻለው ፈጠነ (አርዲ) "አስቻለ" የሙዚቃ አልበም ዛሬ አርብ ጥር 3 2016 ዓ.ም በብርቧክስ ሪከርድስ በኩል ተለቋል። እናትዋ ጎንደር እና ካሲናው ጎጃም በሚሉት ነጠላ ዜማዎቹ ተወዳጅነትን ያተረፈው አስቻለው ፈጠነ ( Aschalew Fetene Ardi ) "አስቻለ" የተሰኘውን የመጀመሪያውን አልበም ለህዝብ ደርሷል። እመት ሸዋ እና ወሎ የሚሉትን ትራኮች ለቅምሻ ያሰማን ሲሆን ጣፋጭ ጠላ ተገፈቱ እንደሚያስታውቀው ሁሉ አልበሙም የተዋጣለት እንደሚሆን ያሳብቃል። አስቼ ትክክለኛ መንገዱን ይዞ እየተጓዘ የሚገኝ ባለ ተሰጥኦ ህልመኛ ነው ። "እናትዋ ጎንደር" በሚለው ስራው አስደምሞኛል። "እነ እቴቴ ጉርሻ ኧረ እንደምን ናችሁ ጉብ ጉብ አለብኝ አፈር ልብላላችሁ " ብሎ አንጀትን ሰፍፍፍ የሚያደርግ ስራ ሰርቷል ። ቃላት እርሷን ለመግለፅ ለሚሽመደመዱላት ሙሽራዋ ጎንደር "እናትዋ ጎንደር ትንፋሽዋ ጎንደር እህልዋ ጎንደር " እያለ በሚያስገመግም ድምፁ ተቀኝቶላታል ። "እናትዋ ጎንደር" አዕምሮዬ ላይ ላይወርድ ተቀርፆ የተቀመጠ ድንቅ ስራ ነው። ከግጥም እስከ ዜማ ፣ ከአጀማመር እስከ ፍፃሜው ከሲኒማቶግራፊ እስከ ክሊፕ ትወናው ጥንቅቅ ያለ ስራ ነው። በ "ካሲናው ጎጃም" "ድግሱን ደግሶ አይነግሩም አዋጅ መንገደኛው ሁሉ ሰተት ነው እንጅ " እያለ መሬት ላይ በአይኔ ያየሁትን ሃቅ በጥበቡ ከፍ አድርጎ አሳይቶኛል። "የነካኸው ይጣፍጥልህ" ተብሎ የተመረቀው ሰው መሆን ይስማው ሰርቶት ደግሞ እንዴትስ የተዋጣለት ላይሆን ይችላል ? እንኳን ደስ አለህ ወንድሜ አስቼ😍 ብራቮ ሶሚክ Sewmehon Yismaw Aschalew Fetene Ardi እንኳን ደስ አለህ! https://youtube.com/BirbauxRecord

Am I the tree? Am I the river? ፟ዛፍን ነው ወይ የኔ ህይወት? ግንዱን ነች ወይ እቺ ነፍሴ? አዲስ ፍሬ አዲስ ቅጠል ይበቅላል ብስል ጥሬው በገላዬ። በጋ ክረምት ደግሞ ይረግፋል ቀን ጠብቆ ። ሰው ይመጣል ሰው ይሄዳል በእድሜዬ። ዛፉን ነሽ ካልከኝ አደራ፦ ከጎኔ የበቀለ ሁሉ ሳያብብ አይክሰም ። እስኪረግፍ ፀደይ መጥቶ ይፍካ ይመርበት አብሮኝ ሲኖር። ላካፍለው ካለኝ ሁሉ። እሱ እንጂ የኔ እንግዳ እኔ መሄዱን አውቃለሁና። ሲረግፍም ቀን ጠብቆ ‘ሂድ መጣሁ’ ልበለው ። እኔስ ብሆን ከመሬት ጎን የበቀልኩ ቅርንጫፍ አይደለሁ? ምን ቢራራቅ ፍጠረተ አለሙ ሁሉ መርገፍ በሚሉት የጋራ ሃቅ የቆመ አይደለ? ፟ወንዙን ነው ወይ ይሄ ልቤ? የጠለቀኝ የጠለቅኩት ይሰራኛል ያለድካም ።የነካሁት የታከከኝ መልኬ ይሆናል ። ወንዝ ነሽም ካልከኝ አደራ ፦ የሰው ልጅ ንፅህና እንደውሃ ብዙ ባለመፍሰስ አይለካምና በወንዝነት ትርምስ ውስጥ ስፈስ በመንገዴ ከምገጨው ተራራ ስር የምንጭነትን ንፅህና አቅምሰኝ። የወደደኝ ሁሉ ሊጠጣኝ አይጠየፈኝ። ከመቀመስ ኋላ የምጠላ የምተፋ አታድርገኝ። ዛፍን ነው ወይ የኔ ህይወት? ወንዙን ነው ወይ ይሄ ልቤ? إن معي ربي سيهدين ©Newal Abubeker @Bookfor @Bookfor

ለመላው የክርስትና እምነት ተከታዮች በሙሉ እንኳን ለብርሃነ መስቀሉ በሰላም አደረሳችሁ። በአሉ የሰላም ፣ የፍቅር እና የጤና እንዲሆንላችሁ በቻነላችን ስም ከልብ እንመኛለን !! @Bookfor @Bookfor

"ቡሄ በዘመን ባሕር ላይ የሚያሻግረን የቂጣ ድልድይ ነው።'' (አዳም ረታ) @Bookfor