Boxing Uzbekistan

Мирзахалиловда чемпионлик камари, Асадуллаев ва Мамасолиевда навбатдаги ғалабалар! Россиянинг Набережные Челни шаҳрида IBA.Pro 20 профессионал бокс кечаси бўлиб ўтди. Унда хабар берганимиздек, 3 нафар вакилимиз рингга кўтарилиб, барчаси ғалаба қозонди. Биринчи оғир вазн — 90,7 кг тоифасида Ҳалимжон Мамасолиев (8-0, 7 КО) россиялик тажрибали боксчи Герман Скобенко билан 10 раундлик жанг ўтказди. Жанг якунида ҳакамларнинг бир овоздан берган қарорига кўра, вакилимиз ғалабага эришди. 55,3 кг вазн тоифасида эса Миразизбек Мирзахалилов (5-0, 4 КО) IBF European чемпионлик камари учун мезбонлар вакили Чингиз Натиров (10-0, 5 КО)га қарши рингга чиқди. 4 раунддан сўнг россиялик боксчи жангни давом эттира олмади ва Мирзахалилов техник нокаут билан ғалаба қозониш баробарида чемпионлик камарига ҳам эга чиқди! Шунингдек, ярим ўрта вазн — 66,7 кгда Ҳавасбек Асадуллаев (8-0, 5 КО) россиялик Сергей Лубкович (20-0-2, 12 КО)га қарши 10 раундлик баҳсда иштирок этиб, муҳим ғалабани қўлга киритди. Шу тариқа, уч нафар вакилимизнинг барчаси IBA.Pro 20 кечасини ғалаба билан якунлаб, профессионал рингдаги муваффақиятли одимларини давом эттиришди. ОБУНА БЎЛИНГ👉BoxingUzbekistan

“Раунд” рукнининг навбатдаги сони ва унда Олимпиада, жаҳон чемпиони Абдумалик Ҳалоков ҳамда жаҳон чемпионати совриндори, Осиё чемпиони Феруза Казакова баҳс олиб боришди… ОБУНА БЎЛИНГ👉BoxingUzbekistan

🏆 Los-Anjeles-2028 XXXIV yozgi Olimpiya oʻyinlari startiga 7️⃣0️⃣0️⃣ kun qoldi! — 🏆 До старта XXXIV летних Олимпийских игр Лос-Анджелес-2028 осталось 7️⃣0️⃣0️⃣ дней! 👉 @OlympicUz olympic.uz I YouTube  I  Instagram  I

Эркаклар терма жамоамизнинг Янгиободдаги машғулотларидан видео лавҳа. ОБУНА БЎЛИНГ👉BoxingUzbekistan

🥊 "World Boxing Cup Finals 2026" мусобақаси санаси ўзгартирилди "World Boxing" ташкилоти 2026 йилда Тошкент шаҳри мезбонлик қиладиган Жаҳон кубогининг ўтказилиш муддатига ўзгартиш киритилганини маълум қилди. Аввалроқ мусобақа 2026 йил 25 ноябрдан 2 декабрга қадар ўтказилиши режалаштирилган эди. Янгиланган тақвимга кўра эса, Жаҳон кубоги 2026 йил 26 ноябрдан 4 декабрга қадар давом этади. Эслатиб ўтамиз, мазкур турнирда дунёнинг энг кучли боксчилари иштирок этади. Финал босқичига мезбонлик қилиш ҳуқуқи Ўзбекистонга берилган бўлиб, мусобақа Тошкент шаҳрида ташкил этилади. World Boxing маълумотига кўра, сананинг ўзгартирилиши халқаро мусобақалар тақвимини мувофиқлаштириш мақсадида амалга оширилган. ОБУНА БЎЛИНГ👉BoxingUzbekistan

🤩Тарихий рекордни қайд этганимизга 2 йил бўлди. ОБУНА БЎЛИНГ👉BoxingUzbekistan

Миршоҳид Тиллабоев: “Осиё ўйинларида иштирок этувчи таркибда янгиликлар бўлади!” Интервьюнинг тўлиқ қисмини ушбу ҳаволада томоша қилишингиз мумкин. 👉You Tube👈 ОБУНА БЎЛИНГ👉BoxingUzbekistan

Набережные Челнида ўзбек боксчилари рингга кўтарилади 14 август куни Россиянинг Набережные Челни шаҳрида IBA.Pro 20 профессионал бокс кечаси ташкил этилади. Унда бир қатор ўзбекистонлик чармқўлқоп усталари рингга кўтарилади. Биринчи оғир вазн — 90,7 кг тоифасида фаолият юритаётган Ҳалимжон Мамасолиев (8-0, 7 КО) россиялик тажрибали боксчи Юрий Кашинский (22-5, 19 КО)га қарши жанг қилади. Ўн раундга мўлжалланган мазкур қарама-қаршилик Ҳалимжон учун фаолиятидаги муҳим синовлардан бири бўлади. Профессионал бокснинг 55,3 кг вазн тоифасида ҳаракат қилаётган Миразизбек Мирзаҳалилов (5-0, 4 КО) эса IBF European чемпионлик камари учун мезбонлар вакили Чингиз Натиров (10-0, 5 КО) билан куч синашади. Бу жанг ҳам 10 раунд қилиб белгиланган. Шунингдек, ярим ўрта вазн — 66,7 кг тоифасида Ҳавасбек Асадуллаев (8-0, 5 КО) россиялик Сергей Лубкович (20-0-2, 12 КО)га қарши 10 раундлик жанг ўтказади. Профессионал бокс оқшомининг яна бир ўзига хос жиҳати — икки карра Олимпиада чемпиони Ҳасанбой Дўсматовнинг фахрий меҳмон сифатида таклиф этилганидир. Барча вакилларимиз рингда ўзларининг энг яхши жангларидан бирини намойиш этиб, юртимиз шарафини муносиб ҳимоя қилишларига ишонамиз ва уларга муҳим жангларда омад ва зафар тилаймиз! ОБУНА БЎЛИНГ👉BoxingUzbekistan