BUXORO VILOYATI BOLALAR KUTUBXONASI /TANLOVLAR

#Diqqat 🟢"VATANIM ISTIQLOLI – NIGOHIMDA" SHE'RLAR TANLOVI E'LON QILINADI! 🔆O‘zbekiston Respublikasi davlat mustaqilligining 35 yilligi munosabati bilan "Yagona Vatan, yagona xalq bo‘lib, yangi hayot va kelajak yaratamiz!" shiori ostida Buxoro viloyatidagi umumiy o‘rta ta'lim muassasalarining 7–10-sinf o‘quvchilari o‘rtasida "Vatanim istiqloli – nigohimda" mavzusida viloyat she'rlar tanlovi o‘tkaziladi. ➡️Tanlov Buxoro viloyati Maktabgacha va maktab ta'limi boshqarmasi hamda O‘zbekiston Yozuvchilar uyushmasi Buxoro viloyati bo‘limi hamkorligida tashkil etilmoqda. 📌Tanlovning maqsadi – yosh avlod qalbida Vatanga muhabbat, milliy g‘urur va vatanparvarlik tuyg‘ularini yanada mustahkamlash, istiqlol g‘oyalarini tarannum etuvchi ijodiy ishlarni qo‘llab-quvvatlash hamda iste'dodli yosh ijodkorlarni kashf etishdan iborat. 👥Tanlovda umumiy o‘rta ta'lim muassasalarining 2025–2026-o‘quv yilida 7–10-sinflarni tamomlagan o‘quvchilar quyidagi ikki yosh toifasida ishtirok etadi: ✅1-toifa: 7–8-sinf bitiruvchilari; ✅2-toifa: 9–10-sinf bitiruvchilari. ✍️Tanlov shartlari: ✅Har bir ishtirokchi o‘zining mualliflik she'ri bilan qatnashadi; ✅She'r hajmi kamida 8 misra bo‘lishi lozim; ✅She'r avval boshqa tanlovlarda g‘olib bo‘lmagan bo‘lishi kerak; ✅ Ijodiy ish tanlov mavzusiga to‘liq mos bo‘lib, Vatanimiz istiqloli, uning xalqimiz hayotidagi beqiyos o‘rni va muallif qalbidagi iftixorni badiiy ifodalashi zarur. 💠Ijodiy ishlar 2026-yil 10-iyuldan 1-avgustga qadar @sherlar_bvmmtb_bot orqali qabul qilinadi. 🏆 Viloyat bosqichi g‘oliblari qimmatbaho sovg‘alar bilan taqdirlanadi: 🥇 1-o‘rin — planshet 🥈 2-o‘rin — televizor 🥉 3-o‘rin — termopot 📢Tanlov natijalari avgust oyining ikkinchi o‘n kunligida Buxoro viloyati Maktabgacha va maktab ta'limi boshqarmasining rasmiy Telegram kanalida e'lon qilinadi. G‘oliblar Mustaqillik bayrami arafasida tantanali ravishda taqdirlanadi. ✅Buxoro viloyati maktabgacha va maktab ta’limi boshqarmasi kanallariga a’zo bo‘ling👇 Telegram | Facebook | Instagram