خادمه الحرمين 🕊️️

اللهم لاتجعله اخر العهد لنا مع الحسين عليه السلام

وعليكم السلام على        مُحمد      واويلاه على        مُحمد      واويلاه -------------- شافت علي بـي ماشي دفان گلـتله جـيبـه ألگلبي خلصان دخــلي نعـشه أبيت الاحزان خليني وحــدي اتـوادع وياه على           مُحمد      واويلاه ----------- صاحت يحـــيدر دنيا وحشه لمـــن ابــوي انــشال نعشه بــيدك اريــد اســـده رمشه هـــذه ابـوي وصعبة انساه على          مُحمد      واويلاه -------------- بعــده الـدمع مايترك الخد ومن هــسه انه وياي محد شــنهـي لحـــياة بلا محمد بعده الــعمر مايـسوه والله على          مُحمد      واويلاه -------------- عاشـت عـمــر امُ الأبــيها جان الــنـبي ايــقبل اديها راح وبعد  ماضـن يـجـيها هسة التراب الغالي غطاه على        مُحمد      واويلاه -------------- فــگـد الأبــو من يترك اجروح يخلي الجسد بس ياخذ الروح هيج بغـــيابك فــاطـمة تنوح ياخذها مـلك المــوت تنخاه على             مُحمد      واويلاه -------------- تـبجي   الارض ويه السماوات سمعن حبيب الزهره من مات وخله بگـلبهــه هواي لجمات صاحت يعون الهـسه شافاه على           مُحمد      واويلاه -------------- لفلانه     صار      اليوم   موضوع والزهرة فوگ اخدودهه ادموع وتدري     برحيلك كسر الضلوع والمثلك انته     يبقى محلاه على           مُحمد      واويلاه -------------- الشاعر محمد البنداوي من اروع القصائد الحزينه المتنوعه التي تشد العزاء تحصلونه بقناة العبرة الحسينية

#حصرياً قصيدة لرسول الاعظم ص ــــــــــــــــــــــــــــــــــــــــــــــــــ انه الزجيه... انه الزجيه يابويه  عد راسك اون انه الزجيه بس رد عليه بس رد عليه بفرگاك يگضيني الحزن بس رد عليه ــــــــــــــــــــــــــــــــــــــــــــــــــ انه الزجيه بنيتك واسمع عتابي لو رحت عني يلابو يكثر مصابي تتركني بالهم والمصايب وبعذابي وتموت عگبك ياالولي زهرة شبابي كون المنيه كون المنيه تلفيني وياك بعجل كون المنيه انه الزجيه انه الزجيه يابويه عد راسك اون انه الزجيه ــــــــــــــــــــــــــــــــــــــــــــــــــ تمنيت موتي وياك ياعزي ودلالي ولاشوف بيتك يوحش ويضلم يغالي ماعدي غيرك انت الي كلشي يوالي ارحم دمع عيني يبويه وشوف حالي شيصير بيه.. شيصير بيه من تغيب يوليني الدهر انه الزجيه ــــــــــــــــــــــــــــــــــــــــــــــــــ يوليني دهري بغيبتك واشبع مصايب ولو وين اروح من انهضم والوالي غايب مضمومه الي بفرگاك يابويه  النوايب روحي عليك ممرمره والگلب ذايب محمل اذيه محمل اذيه يالدللتني مروتك انه الزجيه ــــــــــــــــــــــــــــــــــــــــــــــــــ ردلي يوالي تريد ملگه وياك العيون كل حيلي تدري وياك ياوالينه مرهون باجر اگضي ايامي كلها شلون بشلون انشد عليك بفرگتك حتى اليمرون العايف بنيه العايف بنيه وعليها هم يرجع بعد انه الزجيه انه الزجيه ــــــــــــــــــــــــــــــــــــــــــــــــــ هل ايست روحي يبويه والامل خاب هيهات ماترجع عليه ونمت بتراب هضمتني كلش روحتك ياغله الاحباب ضليت اناطر گاعده وانحب عله الباب دموعي جريه.. دموعي جريه للحمل وناسيني اون انه الزجيه ــــــــــــــــــــــــــــــــــــــــــــــــــ بقلم خادمة اهل البيت ـ ع ـ #الشاعرة_نورس_الحلفي https://t.me/bxnso

قصيدة للرسول(ص)لسان حال مولاتي فاطمة(ع) ❥━──➸➽❥❂❥━──➸➽❥❂ *وسفه ماترجع بعد … گلبي اعليك انمرد* بويه بويه                        بويه بويه ❥━──➸➽❥❂❥━──➸➽❥❂ بگلبي جمرة تستعر واهملها عيني رحت ياوسفة يغالي وماتجيني ليك احنن يالابو وزايد حنيني *بدارك اگعدت وصحت… ليش يالغالي رحت* بويه بويه         بويه بويه ❥━──➸➽❥❂❥━──➸➽❥❂ بدارك اگعد ليلي ونهاري اون اذكر ايام المضت ذيچ واحن بوية بغيابك اعيش انة بحزن *فرگتك اكبر جرح … چني طير ومنذبح* بويه بويه                  بويه بويه ❥━──➸➽❥❂❥━──➸➽❥❂ فرگتك صعبة علية وعذبتني ليش يالغالي رحت عني وعفتني بدنية وحشة ليش انة تيهتني *ادري عگبك انولي…وضلعي يكسرونة الي* بويه بويه           بويه بويه ❥━──➸➽❥❂❥━──➸➽❥❂ ادري ميرحموني والله اخلاف عيناك من رحت عني يريت اخذيتني وياك شلي ابعمري اعيشة انة بلياك *اگضي باحزان العمر … والگلب يلهب جمر* بويه بويه               بويه بويه ❥━──➸➽❥❂❥━──➸➽❥❂ بعد شيردك علية ياضوة العين وين مثلك الگة يابو گلب الحنين بيك فجعاني يوالي وصابني البين *بيك دلالي انفجع…والله مابطل الدمع* بويه بويه                بويه بويه ❥━──➸➽❥❂❥━──➸➽❥ *بقلم ✍🏻خادمة اهل البيت ع* *الشاعرة العلوية مريم النور نسألكم الدعاء الفاتحه الى روح والدي واختي وأمواتكم:🍃*

هوسات  للرسول الكريم (ص) ================= هوسن للنبي كابلن ام حسين تراهي معلعله ومكسوره ظلعين ماتكدر  تدك  بس  دمع  بلعين من  تلطم    يأذنه    الظلعين . مكسورة ضلع  /  لطمي وعينيها صدرها معور /  وعللطم مابيها مهضومه يشيعه / وشال واليها ( نواسيها  اليوم  الزهره ) ................😭 لطمي وياها عينيها على الراح تره كلب الوديعه نترس بجراح من غير الكسر منها الطفل طاح ( مطيحينه  محسن  بلباب ) ................😭 شايل   للكبر   يانبي   الاسلام تره اولادي يبويه خلافك ايتام مالومه   عليك   وليلي   مانام رد  لينه  يبويه  الكلب محتام ( حزنانه  الدار  خلافك ) .............😭 .................................... خادمة ال البيت وخادمتكم الحجيه ام علي البصره 🏴 🌷﷽هوسه  للرسول ص اهل دمعي بغيابك ما يجف دوم وانوح الليل وانهار على،فكدك واكولن هم يرد لو مايرد يوم اعيش شلون بويه كلي بعدك حبيبة كلبك انه وروحك تكول شلون تعوفني والروح عندك (من فاركتني،يالولي مابطليت ونيني) غياب وجهك جن عماهن عيني اشلون اعيشن بفركتك حاجيني شلون اهود واستچن وانه الهظم واليني عميانه عيني من البجي يابوي متحاجيني ويلاه يالبيك العزم ماضن ابد ناسيني يالنايم بوسط اللحد فك الكبر،حاجيني انه الزجيه الطاهره بتك يروحي وعيني       (شلون تروح وتنساني ) ام زينب السعداوي /ناصريه 🏴 هوسات للرسول (ص)والزهراء (ع) يـــوم الــنــبــــي المختار غمض عــيــونــه والــــزهــره وعـلــي الـكـرار ايـودعـونــــه امـلاك الله وي جـبـريـل نزلو يـشـيـعـونـه (والــزهــره اتــنــوح اعلى مــصــابــه) ✹✹✹✹✹ــ✹✹✹✹✹✹✹✹✹ ريـض ابـنـعـشـه تصيح حـامـي الـحـمـيـه خـتـودع الـمـخـتــار بــنــتــه الـــزجـــيــــه آخــر وداع اويـاه هــاي الــــمـــــســـــيـــه (وصــحــابــه اتــهــد راح اعــلــيــنــه) ✹✹✹✹✹✹✹✹✹✹✹✹✹✹ الـگـبــر وسـعـه اشـواي بـيـه ادفــنــونــي ولاعــدلــه اظل والگوم تصطر عــيـونــي مـن شـوفـت الـمـخـتـار هــمــه احرمونــي (ومــن مــحــســن راح يــحــرمــونــي) ✹✹✹✹✹✹✹🏴 هوسات للرسول صلى الله عليه وآله حس جبريل ينعى السيد الاكوان شال المصطفى او بيت الوحي حزنان عايف مسجده وامتيه الاوطان ( امحزنينه الكون الليله ) ❥━──➸➽❥❂❥━──➸➽❥❂ حس جبريل صاح ابدمعه هماله الليله المصطفى متراديه احواله اجاه الوحي ابروحه او غسله او شاله ( امغسلينه ابطيب الجنه ) ❥━──➸➽❥❂❥━──➸➽❥❂ بس غاب النبي هجمت عليه كومه على الزهره البكت بلدار مالومه اضلن من عكب عيناك مهضومه ( ايضلموني يابويه اعداك ) ❥━──➸➽❥❂❥━──➸➽❥❂ *تـــمت والـــــفضـــ🤲ـــل لله تعالى* *بقلم✍الشاعره أميره أم محمد الكناني. 🌷﷽هوسات للرسول محمد اليوم ام الحسن ياحالها شلونه ابوها عله افراش الموت ينعونه وداع الموت هاليله يودعونه { يايومك يوجع / دلالي } •───✧◐◐✧───• يوجع يوم ابوي ومااحملنه عله افراش المنايه اليوم اشوفنه تنعاه المنابر يومه فاجعنه { والمنبر يبجي / اعله افراكه } •───✧◐◐✧───• بااسمه تشيد الدين وكمل علمه شلون تروح منه يانبي الرحمه الف وسفه عليه ذاك الكبر ضمه { واحبابه تنوح / ويردونه } •───✧◐◐✧───• بقلم المله والشاعره ام علي الأماره. 🌷﷽☘  هوسات للرسول الاعظم (ص)☘ الكون اظلم على اليحجون بالزود نبينه بالكرم معروف والجود اشترانه ورخص الغالي بلاحدود هااا   هاااا انعازيهه   انعازيهه الزهره اليوم انعازيهه اليوم انعلك الريات بالباب سود ونلبس عله النبي  (جلباب) يلباب ندك وانوح ويه الزهره ياياب هاااا   هاااا مضيعينه مضيعينه ياذخر الامه مضيعينه نتوجه اليوم العلي الكرار ونعازيه سويه بالنبي المختار ونلعن كوم ابن سفيان الاشرار هاااا   هاااا بهادينه  بهادينه ونعازي الحجه بهادينه اليوم اهل المدينه عليك مهضومه تنادي يارسول الله يجيدومه تلهج بسمه وتنتفع  بعلومه هااا   هااا التشييعه  التشييعه كل احنه نروح لتشييعه عجيبه ياعلي بياروح غسلته الله يساعدك وشلون جفنته ورحت لارض البقيع وبيدك دفنته هااا  هاااا تنجينه   تنجينه من يوم الوحشه تنجينه ✍شاعرة اهل البيت عليهم السلام 📖  ام فراس الساعدي https://t.me/bxnso

🌷﷽فزاعيه لاستشهاد الرسول ص الناشر رحيل القوافي اليوم مات المصطفى وعمــامته  شالــوها •‏​‏​​‏•❥ًً❀(•«﷽»•)❀❥ •‏​‏•‏​‏ صاحت ملائكة السما اليــوم  عـازو   فـاطما والزهره  تنعى لاطما وعله النعش خلوها ✍🏻ام سجاد الشهيد •‏​‏​​‏•❥ًً❀(•«﷽»•)❀❥ •‏​‏•‏​‏ يا وسفه خالي منبره اليوم المدينه بضغبره تبچي الوديعه مكدره واهل الوحي عزوها ✍🏻نبضي حسين •‏​‏​​‏•❥ًً❀(•«﷽»•)❀❥ •‏​‏•‏​‏ یل بیه دین الله انختم نبینه یا سیـــد الامــم اتغیب یا شمس الهمم واهل الکسا واسوها ✍🏻ام مهدی مجدم •‏​‏​​‏•❥ًً❀(•«﷽»•)❀❥ •‏​‏•‏​‏ جبرئیل ناصب فاتحه والحور کلها نایحه وعله الجنازه طايحه والمدرسه سدوها ✍🏻#زهراء_غالب_الثامری •‏​‏​​‏•❥ًً❀(•«﷽»•)❀❥ •‏​‏•‏​‏ راح الرسول وهيبته وحيدر يلطم هامته وعليه تهمل دمعته وعد فاطمه ضموها ✍🏻 العلويه بتول الهاشمي •‏​‏​​‏•❥ًً❀(•«﷽»•)❀❥ •‏​‏•‏​‏ وزهره ويلي تنتحب فراك الأبو كلش صعب ودموعها من دم تصب ومن البجي منعوهه ✍🏻ام بنين الملايه •‏​‏​​‏•❥ًً❀(•«﷽»•)❀❥ •‏​‏•‏​‏ تمت باقلام شاعرات رابطة ساقي عطاشا كربلاء https://t.me/bxnso

#قصيده_للرسول_محمد { مستهل القصيدة } ابو الزهراء مات وغمض اعيونه نوحو اويه الزچيه بدمعه محزونه •───✧◐◐✧───• ونو اويه الزچيه مات واليها حزينه اخلاف أبوها الدمعه تجريها وخل نلطم سوه والزهره واسيها { ويستاهل ونه / لمولانه } •───✧◐◐✧───• يستاهل لطم مولاي ابا القاسم شيد دين الله من ايد كل ظالم يبچي الكون كله واهل العمايم { والشيعه اليوم / يفكدونه } •───✧◐◐✧───• ركن الدين صبح لجله مهدوم وعلي الكرار يبچي الفكده مالوم يواسي فاطمه والحال معدوم { واليفكد مثله / يعزونه } •───✧◐◐✧───• نون اعله النبي ونه خفيه ندك وانوح وي زهره الزچيه ابوها شال عنهاابهل المسيه { واليلطم همه / يجازونه } •───✧◐◐✧───• المله خادمه وتكتب لمولانه تريدك سيدي بالحشر تحمانه وتحفظ كل وليها التلطم اويانه { بالدفتر يمكم / سجلونه } •───✧◐◐✧───• https://t.me/bxnso

🌷﷽لطميه فزاعيه للنبي محمد صل الله عليه واله ( بنتك لاتخليها )الناشر رحيل القوافي اخذها وياك ... بنتك لاتخليها عگبك فاطمه العدوان تاذيها هاي ام الحسن حملها وياك تشوف الضيم من تنام عيناك ويخلفونهن گلهن وصاياك (( يأذوهه ... بغيابك بنتك )) ياذون الوديعه الگوم بغيابك بس تنام عينك يحترك بابك وتتطشر يبو براهيم احبابك (( ويحرگونه ... باب الگرار )) باب الدار من عگبك يحرگونه وضلع الطاهره گومك يگسرونه يبو براهيم والمحسن يسگطونه (( والمحسن منها يطيحونه )) من عدها الچنين يطيح يالهادي لم حسين رد وخلي الوادي بديرانك تون بنيتك تنادي (( عوف النومه ... لدار ارچع )) رد للدار عگبك تدري شيصير تنبت بالضلع بويه البسامير وبهاي المصيبه المرتضى يحير (( والمحسن يوگع ... چدامه )) المحسن يگع چدامه يم الباب وبالبسمار ترضاها الضلع ينصاب رد خلاف عينك بويه ماننهاب (( من عگبك ... تنصاب ضلوعي )) ✍️لخادمة اهل البيت ع الشاعره ام عون الحلاويه https://t.me/bxnso

#جديد #استشهاد_النبي خَل نواســيها ٠٠٠ خَـل نواســيهـا الزهرة بفـكَد ابوها خَـل نواسيـها ــــــــــــــــــــــــــــــــــــــــــــــــــ ١ تــِسحَـن بالــدمع مـكسـورة أُفـّاد هــاي الليـلة فــاطم حــيلها إنبـاد تِلــهـَج يــالأُبــو ويــن الله تــنعـاد ســوالـفنـه الحـنينه ومـِلحة الـزاد ألتــمـوا أعلـيها إلــ مـاخافـو الله ألتــموا أعلـيها٠٠٠ خَل نواســيها ٠٠٠ خَـل نواســيها الزهرة بفكَد ابوها خَـل نواسيهـا ــــــــــــــــــــــــــــــــــــــــــــــــــ ٢ يتـيمة اديــار كِـلـمن فاركـَ أعزاز تـرى الشايل مـحنّه هـوايه يِنعاز ولـ أخَـذو  أبـوها  شلـون تِنـجاز؟ دِفــعـو بابــهـا وظـل الجرح نـاز العرش يِـبجبها بــِت الماكو مـِنَّه العرش يِـبجبها ٠٠٠٠ خَل نواســيها ٠٠٠ خَـل نواســيها الزهرة بفـكَد ابوها خَل نواسيهـا ــــــــــــــــــــــــــــــــــــــــــــــــــ ٣ مـا هــلّـت دمــع  لا هــلـّـت آهــات تِـنعه فاطمة ٠٠ بيت الـوحي ومات رافكَها الحـزن نــِص روحــها يبـات تــِسكت هالهـضـم ميفيــده جلمات وشلون تــاليــها الرايح مَـن يِرده؟ شلون تاليها ٠٠٠٠ خَل نواســيها ٠٠٠ خَـل نواســيـهـا الزهرة بفـكَد ابوها خَـل نواسيـهـا ــــــــــــــــــــــــــــــــــــــــــــــــــ ٤ يوجع حيل جـرح العاش مـظلـوم مــن عنـده الليالي تـِشبـع هــمـوم مثل حال الطفل لو صُبح مفطوم عَلـ وجــنات حِــزنـه يِطبع أرسوم خُربت مـعـانيـها مــن كَـد الـقـهـر خُربت مـعـانيــها٠٠٠٠٠ خَل نواســيها ٠٠٠ خَـل نواســيـها الزهرة بفـكَد ابوهـا خَـل نواسيها ــــــــــــــــــــــــــــــــــــــــــــــــــ ٥ تبجي تريــد  لـمـّــة ذيــجَ الأحـبـاب هــم ادكَول حــيَّ الله الفِــتح بـاب؟ دولبــهـا الوكت وأصـوابـها أصــواب ديــره بــلايا أهــلــهـا ديــرة أغـراب ظل يــتانـيهـا وبنص كـَـبره أبـوها ظل يــتانـيها٠٠٠٠ خَل نواســيها ٠٠٠ خَـل نواســيـها الزهرة بفـكَد ابوها خَـل نواسيهـا تـمَّـت بـقلم لُــبابــة آلــ ياسيــن الثلاثاء ١٩ آب ٢٠٢٥ وزن القصيدة مستهل وتسلوم مقاصير :فاعلن فعلن مفاعيلن فعولن مع شطر تجليبة النصوص : نصاري #لبابة_آل_ياسين #وفاة_النبي https://t.me/bxnso

قصيده للرسول الاكرم مُحَمد صل الله عليه وال وسلم ======== تبجي العيون مُحَمد تبجي العيون لسيد الكون مُحَمد سيد الكون ======== شال ياراعي المعاجز والشيم ابو روح الحلوه ياراعي الكرم غيره واحساس وعقيده والحلم وبلمعارك قائد ورافع علم يرحل شلون مُحَمد يرحل شلون سيد الكون مُحَمد سيد الكون 💛💛💛 يانبي الامه على يومك شگول انته  ياأخر  نبي  اخر  رسول وسفه راحل للأبد يابو البتول چنه من خير وكرم ايدك ننول لاتشيلون مُحَمد لاتشيلون سيد الكون مُحَمد سيد الكون 💛💛💛 محزنه الافلاك في ارض وسما ويه حيدر والزچيه فاطمه بهلخبر  والناس كلها مألمه تدگ وتنوح وتنادي ولاطمه لاتدفنون مُحَمد لاتدفنون سيد الكون مُحَمد سيد الكون 💛💛💛 ياحبيبي يامُحَمد مادريت بويه بغيابك يبو الزهره بچيت مساهره ليلي ابد ماغمضيت شلون بلفرگه يوالدنه رضيت كلبي محزون مُحَمد كلبي محزون سيد الكون مُحَمد سيد الكون 💛💛💛 على امصابك ما ابطلنه الونين من رحت يابويه طيحولي الجنين هجمو على الدار كوم الظالمين وبلورث حقي يبويه   غاصبين ماتورثون مُحَمد ماتورثون سيد الكون مُحَمد سيد الكون 💛💛💛 ماتورثين النبي گالولي وعصرو الباب وظلع كسرولي طفل علتبه بحقد طيحولي باب بيتي بنارهم حرگولي حمره لعيون مُحَمد حمره لعيون سيد الكون مُحَمد سيد الكون ======== خادمة ال البيت الحجيه ام علي البصره نسألكم الدعاء الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع https://t.me/bxnso

#من_ديوان_مسير_الفواطم_ج4 *فزاعيه مع هوسات للرسول (ص) ❥━──➸➽❥❂❥━──➸➽❥❂ اريد وياك ماريد الفراگيه يا بويه لغيابك حيل مابيه ❥━──➸➽❥❂❥━──➸➽❥❂ يابويه غيابك حيل ياذيني صحت صوتين بويه أرجوك تانيني اريد وياك اروحن لا تخليني *((چا ليش لوحدي تخليني))* ❥━──➸➽❥❂❥━──➸➽❥❂ المن بويه عايفني اجر ونه وتدري فراگ وجهك ما احملنه عمري بلا وجودك مااريدنه *((ما اريده العمر خلافك))* ❥━──➸➽❥❂❥━──➸➽❥❂ ما اريد العمر يالوالي من بعدك يهد الحيل ما ينحمل يا فگدك مو انه العزيزه وغاليه عندك *((واشلون الغالي يجافونه))* ❥━──➸➽❥❂❥━──➸➽❥❂ تجافيني وتنام اعله الترب وسفه النومه موش الك يالتحظر الكلفه عفت بيه جرح يالوالي ما يشفه *((من بعدك شيداوي جروحي))* ❥━──➸➽❥❂❥━──➸➽❥❂ شيطيب الجروح اشلون اداويهه وروحي بيش اصبرهه واهديهه ما ترضه تهيد خلاف واليهه *((يالساكن روحي ودلالي))* ❥━──➸➽❥❂❥━──➸➽❥❂ *بقلم ✍🏻خادمة اهل البيت ع* *الشاعرة العلوية مريم النور نسألكم الدعاء الفاتحه الى روح والدي واختي وأمواتكم:🍃* https://t.me/bxnso

شده للرسول ص * فاركتني بويه والمدمع يسيل سهم فكدك نار تسعر بالدليل **** اليوم املاك السمه حزنانه ينوح جبريل الوحي ويانه لفكد ابو القاسم بجه قرآنه عالشفيع الهادي والماله مثيل * سهم فكدك بالدليل المنفجع ذاب كلبي من مصابك جن شمع ذكرياتك ترسن عيوني دمع ماتشوف شلون وجهك يالخليل ** نور طاهه الغاب ماشوفه بعد راح ابويه الجان بالدنيه سند مايدك بابي ويجيني للأبد رجعته للدار صارت مستحيل * ياأبو الزهراء بغيابك انوح يلعفتني بيش اداويهه الجروح اليوم احس روحي غريبه بلايه روح شما بجت العيون لفراكك قليل ** من بعد عينك يبويه انغدر وبهجوم الدار مرضوض الصدر راح اجيك وحيف ضلعي منكسر والظليمه وياي والحزن الطويل *** أم علي 💫ریـــــحـــــانـــــة💫 المصـــــطفـــــی💫:🏴أنت المعزى سيدي يا صاحب الزمان ... عظم الله اجوركم شده للرسول ص *** صاح جبريل انكطع وحي السمه وصدرك القرآن يابو فاطمه * اليوم جبريل الوحي كلبه انفطر بالدمع ينعاك ياسيد البشر وظلت الزهره الزجيه بالقهر تنتحب وينوح حماي الحمه * ياابو ابراهيم نادت بالدمع لو صحت يايابه كلبي ينشلع يلعفتني لنوحي ولكسر الضلع وباب داري بنار بعدك مضرمه * ودعتني وبالكلب حسره وألم صوباني البين يابويه بسهم لفركتك مهضومه والحيل انهدم وامست اليوم المدينه مظلمه * راح ابويه اليوم طاحت خيمتي بالكبر وياه دفنو هيبتي مارضو عدوانه تنزل دمعتي ظلت بدار الحزن تهمل دمه * بالصدر عبراتي يانبع الحنان يلخذت وياك يابويه الامان غمضت عينك وعاداني الزمان بهجمة الدار الضلوع مهشمه ** أم علي شده للرسول ص *** تنحب يامحمد فاطمه الزهره يم كبرك تنوح وتسجب العبره *** تصيح بصوت بويه إلمن مخليني يتمني الزمان ودمعتي بعيني يبو الزهره منو بعدك يحاميني اليسموهم صحابه غدرو العتره *** يتميمه من الزغر والنوح خاويته بعد امي خديجه كسري جبريته حنان الأم يبويه بحضنك إلكيته اليتيم بدنيته يعيش بكسر ظهره ** ياهو يالحنين الينشد اعليه وياجف اليدك بيباني يوميه رايح للكبر يالما إلك جيه عفتني بغربتي وسط الكلب جمره ** بويه من المدينه اعداك بعدوني حته من البجي يابويه منعوني بدار احزان انوح اعليك خلوني مارحمو شبابي كلبي شيجبره ** بويه اهل السقيفه هجمو اعله الدار ولاجني الزجيه بضعة المختار جتفو بالحبل بويه علي الكرار وبحبل الوصيه امجتف ايجره * خلف الباب من بعدك يعصروني انكسر ضلعين بيه ومايرحموني يبو الزهره عله عيوني يضربوني شوف عيوني بويه من الضرب حمره * أم علي 💫ریـــــحـــــانـــــة💫 المصـــــطفـــــی💫:🏴أنت المعزى سيدي يا صاحب الزمان ... عظم الله اجوركم شده للرسول ص * يابويه الوكت وياي شد حيله وهذا اول مصاب بفكدك الليله ** تصيح ام الحسن والدمعه سجابه ابويه المصطفه مااحمل غيابه بعد عينك اروحن وين يايابه حملي الطاح بعدك ياهو اليشيله ** مصايب عالوديعه فاطمه صبت كبل دفنك يبويه الوادم اتغيرت نكروهه الوصيه وبتك انظلمت وبدت رحلة عذابي بعدك طويله ** يبويه اهل السقيفه غدرو البضعه خلوني نهاري وليلي بس انعه منعوني البجي يابويه والدمعه بدار احزاني انعه الهادي وابجيله ** عيونك غمضت بويه وتولوني بين الباب والحايط يعصروني وآنه ماعليه حجاب يدروني وإن كال ودفعهه الباب ياويله *** صحت وينك محمد ماشفت وضعي يعصرني النذل حيل ونزل دمعي بسمار النبت بويه بوسط ضلعي لون يندار عمري لعمرك افديله *** ادفنت وياك بويه ايامنه الحلوه بقت نار المصايب بيهن اتجوه يتيمه اخلافك ابلاني الدهر بلوه بضلع مكسور اجيك بموتتي انحيله **** أم علي شده للرسول ص * بويه يامحمد شنهي ماذيك ياكون الوجع بيه ولا بيك **** تودعني يبويه وبيدك ايديه شعملت ونتك ياوالدي بيه تفاركني نويت وتمشي هاهيه وتدريني احبك بويه اموت إعليك * ماأكدر اعيش ايامي من دونك إكبالي يالحنين تسلهم عيونك تعالج بالمنيه وينخطف لونك عميه العين كون ولاتصد ليك * روحك فاطمه الزهره يواليهه ترحل والدمع بالعين غاطيهه انته اللي جنت بالدنيه حاميهه وعفتهه تنهضم مابين اعاديك * تنام بمكبره وتهود الآلام وآنه بالحزن انعاك اظل أيام يمنعوني البجي يابويه هالظلام تغفه باللحد والزهره ترثيك ** مآتم للنعي بالروح انصبهه عله العاف الوديعه والوكت ذبهه والبسمار للضلعين صوبهه بهجوم الدار اصحابك تجازيك *** كومك يالنبي المختار لوعوني بين الباب والحايط يعصروني ولاجني الزجيه بعيني سطروني مكسورة ضلع وبموتي ألاكيك *** أم علي الكاظمي 💫ریـــــحـــــانـــــة💫 المصـــــطفـــــی💫:🏴أنت المعزى سيدي يا صاحب الزمان ... عظم الله اجوركم شده للرسول ص *** نصبت فاتحه الزهره اعله والدهه

*قصيدة للرسول (بويه بويه)* *من ديوان مسير الفواطم لارض المظالم الجزء4* ❥━──➸➽❥❂❥━──➸➽❥❂ *بويه   يالكلك  حنان* *بفرگتك ضاع الامان* *بويه بويه ... بويه بويه* ❥━──➸➽❥❂❥━──➸➽❥❂ بويه رايح وين يالغالي وعفتني وسفه يالولي مشيت ويتمتني وحدي بالدار مهظومه اتركتني گاعده عليك انتحب ... تدري فراگك صعب *بويه بويه ... بويه بويه* ❥━──➸➽❥❂❥━──➸➽❥❂ عليك اون ابگيت والمدمع اهلة يصعب افراگك علية اشلون احملة خلافك اشبع هظم وآلام ومذلة اشبع هموم وقهر … خدي بعدك ينسطر *بوية بوية … بوية بوية* ❥━──➸➽❥❂❥━──➸➽❥❂ خدي بعدك ينسطر وتهجم اعداي وين گلي آه يوالي ابث شكواي بلوعة وأحزان وقهر خلتني دنياي الدنيه ويايه قست ... وچم عذاب تحملت *بويه بويه ... بويه بويه* ❥━──➸➽❥❂❥━──➸➽❥❂ قاسية الدنيه وابد مابيها رحمة صوبتني بفگدك وصارت مظلمة عيوني ما الومنها لويابوية تعمة شلي بعيوني بعد … ورحت ماشوفك ابد *بوية بوية … بوية بوية* ❥━──➸➽❥❂❥━──➸➽❥❂ شلي بعيوني بعد يغله من العيون گلي يالغالي بغيابك اصبر شلون وليلي كله مساهره وما اطبك اجفون جفني ابد ما ينطبك ... وصدري بالعبرة اختنك *بويه بويه ... بويه بويه ❥━──➸➽❥❂❥━──➸➽❥❂ *بقلم ✍🏻خادمة اهل البيت ع* *الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*https://t.me/bxnso

#الشاعرة_ام_عون_الحلاويه لطميه للنبي محمد صل الله عليه واله وسلم ( بويه بويه ) صاحت الزهره الحزينه بويه شيردك علينه بويه بويه بويه بويه بويه شيردك ينور عيوني شال ابوچ الوادم يخبروني بهل خبر راح وتغير لوني شلون شلت من المدينه بعد شيردك علينه بويه بويه بويه بويه عليك حزنانه المدينه مگدره يارسول الله يهيبه ومفخره عليك حيدر بويه شنهو يصبره علي بس يچذب ونينه. بعد شيردك علينه بويه بويه بويه بويه يچذب الونه علي ودمعه يسيل يصيح ريض يبن عمي ولاتشيل دمعته تلالي الوصي ضلت تسيل يصيح ريض يانبينه. بعد شيردك علينه بويه بويه بويه بويه يصيح ريض وانه وياه هم اصيح بويه ارچع گلبي بفراگك جريح من بعد عينك ابد مااستريح نذل من بعدك يچينه. بعد شيردك علينه بويه بويه بويه بويه نذل من بعدك يطگني بعيني وينگسر ضلعي ويطيح چنيني دخيل ريض بويه لاتخليني ترضه تنضام الحنينه بويه شيردك علينه بويه بويه بويه بويه ترضه تنضام الوديعه فاطمه بويه وضلوعي تضل تنگط دمه وبلوصيه مگيده حامي الحمه بلوصيه مگيدينه بويه شيردك علينه بويه بويه بويه بويه ✍️لخادمة اهل البيت ع الشاعره ام عون الحلاويه غير مبري الذمه من يحذف اسم الشاعرة او ينسب الرثاء لشخص اخر رابط قناة الشاعرة ام عون الحلاويه واتساب👇👇اشتركوا بها ليصلكم كل جديد وشاركوا الرابط للأجر والثواب https://t.me/bxnso

الهي بحزن مولاتنا فاطمه الزهراء (؏) 🙏🏻🤲 على فرأق أبيها 💔 اننا نتوجه اليگ بدمو؏ فاطمه الزهراء (؏) 😞 ڨل لحوائجنا گن فيگون🥺

❤️‍🩹😔