قصيد ♌︎ .

جعل المرض من عز نومك يصحيك وامك تشق الثوب من قو بلواك جعلك تنادي الموت والموت يجفيك تفقد لذيذ النوم والناس تجفاك ياجعل ناسك كلها اليوم تبكيك واقرب خويٍ لك مع المر ينساك لا انت بحبيبٍ لي ولاني مخاويك ماعاد باقي شي يجيب ذكراك .

‏وشلون املّ المكابر فالامور الكبار ‏والكبريا جزء من نفسي و تكوينها ‏عجزت لا اناظر الدنيا بـ عين انكسار ‏ ادعس على غارب الايّام واهينها ‏مايعتذر بالظروف الّا عديم القرار ‏وما يبكي من الحياه الّا مساكينها

المواقف تمّسك الرجال من حلقومه يا يداحمها بجنبه ، يا يجنب عنها

لا تشك في حبي ولا تقلّ ماجوبي ‏و أنا عليّ نذر يا حبك ما اشكك به ‏لو اعذلوني و حطوا بك و حطوبي ‏غلاك فالقلب ماشيءٍ تحرك به ‏لو قالوا تتوب .. لا والله ما اتوبي ‏مؤمن بحبك و حكى الناس مشرك به ‏ " صرت اقرب لخافقي من جسمي وثوبي ‏في كل يومٍ اجدد فيه حبك به ".

مَاعاد لي في هزيج المجتمع فاقه .

وانا حالفن ماجوز من جرة الطاروق ولا اخلي المشراف ما دمت ابحتاله

‏- غادر المكان اللي ما ياسعّك .. حتى لو تحبه

سرى الليل وانا لاسرى مالي من الليل سوى شحنةً كنها على الصدر ماموره .

‏" ابشرك طيّب ومستويه أموري ونواقص الناس مافكرت أرقعها لاجاتني الكلمه اللي تجرح شعوري عرّضتها الريح ولا كنّي أسمعها ". سعد بن علوش .

خلي الهموم الى بغى النوم قام ونام وانا لابغيت النوم عيني تقزيني تقارع هواجيس الضماير قريع حيام على جال عد صوعوه الوراعيني . - جفّران المري .

كنت اخاف الصمت حتى صار يقتلني الوضوح وامتنعت من الكتاببه لين ما ضاق نسمي.

كل ما اشيّد من احلامي مشاريع وعماير ‏لا انتهى ليلي تصبحها . . مراسيم الازالة

كل صعبٍ تحدّاني لقى من عزمي الترحيب ‏أحب الصعب و أسعى له كأني أوفى عشاقه "

احبك ايه احبك وان بغيت انساك كيف انساك؟ اشوفك ياعيوني في عيون اهلي وفي اوطاني توهقّت بغلاك وصرت احبك واعشقك واهواك وحاولت أتراجع وانسحب لاشك ما امداني .

ابتسم ما كني اللي من شقى الأيام شاقي وابتسامات الحزين اشد واقسى من دموعه.

‏لاتتصل ماني على الصوت شفقان مرواح جدّي جعلك أتلى همومي ياما فقدنا من حبايب .. وخلان بدري على الفرقا ترخي عزومي أبشرك طيب ، ورايق ، وطربان شفني بعد فرقاك زانت علومي من باعنا بعناه بـ أردى الأثمان يانفس صدي عن هواهم وشومي .

وانا حالفن ماجوز من جرة الطاروق ولا اخلي المشراف ما دمت ابحتاله

‏لا اندبل كبد البنادم وملّ من القصيد ‏ما ازين من الغيبه اللي مايدرا وينها ‏الغياب ابرك من الحاجه اللي ماتفيد ‏والخواطر تنجبر لا انكسر روتينها ‏مابغيت اقاطع المجتمع واجلس وحيد ‏لين شفت النفس مالله عليه يعينها ‏من تبع شف العرب من قريب ومن بعيد ‏ماقدر يملك رضاها .. ويملى عينها

-