8

https://ehsan.sa/donationcampaign/details/2364064 اللهم ارحمها واعفُ عنها ونوّر قبرها

شاحبه ما كنك أجمل بنت في شبه الجزيره ‏وأنتي الِّلي في كنفها لذة العمر القصيّر من تغير غيرك أنتي؟ ذابلة طرف وكسيره ‏ضحكتك تبكي عليك ونظرة عيونك تحيّر أدري مالك أي ذنب وصدمتك بعده كبيره ‏إمسحي دمعك ترا الأقدار ما فيها مخيّر

في بعض الأحيان ما تقبل الموت العقول شفني أصافحك وأشكي عليك من السنين قسوة الفجعه من الموت لو تبطي تزول أكثر من الموت قسوه بقايا الراحلين تاخذ الأيام من وجهي الضَّاحك ذبول كل ما يضحك حجاجي تقول الضحك دين إن جرعت من المراره ، جزعت من الذهول وان صبرت من الصَّلابه ، بكيت من الحنين وإن تمعَّنت الصور ما لقيت إلا القبول ‏وان تذكرت الَّليالي لقيت الصبر زين

أودّع الليل وأصلِّي صلاة الفجر وأستقبل النور وأعيش الحياة بكفاح أدوّر الرزق من ربي ، وأدوّر الأجر وأدوّر النور في وجهك ووجهك فلاح

وإلى مني سمعت أيّــوه قلبي عليك إلتاع ‏دريت إن الهوى ضيعاته أكثر من منافيعه

يصبر على الجفوه ويصبر على الغيره ويمسِّح عيونه ومحاجره غرقا ومقطِّعٍ شفّته من طول تفكيره وأصابعه بارده وأطرافها زرقا

أنا عرفت الناس ما أجهل الناس ‏حتى غدت نفسي من الناس حذره ‏مهوب لازم الّلي زرع يحصد إحساس ‏أحيان تزرع لكن الأرض قـذره

يارب أنا في رجا الغفران لأنك غفور ‏رحمتك تسبق عقابك ياشديد العقاب ‏أشعر بها يوم أقصر وأعترف بالقصُور ‏وأسوي الذنب وألقى دعوتي تستجاب ‏عليك يا خالقي وكلت كل الأمور ‏وقطعت الآمال فالِّلي خلقوا من التراب صدماتي من الطعُون اللي تجي في الظهُور ‏خلتني أحسب لها وأحسب لهلها حساب ‏قبل أمس في هم ما يصبر عليه الصبور ‏والبارحة حزن والليله قلق وإرتياب ما كان للشعر طاري لين ثار الشعور ‏وما صرت كلِّي عذوبه لين ذقت العذاب لحدٍ يعاتبني ليا صار قلبي جسور ‏عاتبت نفسي كثير لين عفت العتاب ‏تعبان وأنا أدري لو تعبت معذور ‏مايتعب إلَّا من يعرف الخطا والصواب

الشعر والشعار صاروا عناوين ‏و مهبّلٍ تشري القصيد وتصمّه ‏الناس تذبح في العراق وفلسطين ‏و قصايده يـا حلو عينه وفمّه ‏عساه يوخذ فـ الضحى قولوا آمين ‏الِّلي بنات الناس شغله وهمّه ‏أحدٍ يحاول ستر عذرا البعيدين ‏وأحد يدوِّر بالردى بنت عمّه

جنّبوني حزة عصير سلال الجريح والرجوم الِّلي عليها السوافي بانيه الدجى تلمع نواصيه والظلما تسيح والظروف تبرّك الِّلي عظامه وانيه ليت يوم الشمس تقفي وتشِّر للمطيح يبتدي من مطلع النور شمسٍ ثانيه

البعد يرهق والسهر ما يخلّي غير الخيال الِّلي يخلّيني أختل

طبوعك زينه قبل يوم الربوع ما زان يومٍ إلَّا بطيب طبُوعك

... وروحي ممْحلـه

وإن عشقتي ما عشقتي غير روقيٍ معرَّب يشرب الفنجال لعيونك ويكتب لك قصيده

«حدٍ يشكي من الحيره وحدٍ يشكي من الحرّه» —علي الدعيّه

الآدمي خيبة ظنونه من يدينه ‏نجم هوى في علوْ النايد الراسي أستغرب الكائن المخلوق من طينه ‏ لا صار طبعه مثل طبع الحجر قاسي عطيتك أكثر من الِّلي تستحقينه ‏وأخذت عدة جروح بوقت قياسي أشيل همٍ عجزتي لا تشيلينه ‏حتى وأنا شايل الدنيا على راسي ‏أقسى الخطايا خطاك الِّلي تعيدينه ‏ وأعلى درجات عز النفس مقياسي ‏ليتك تداركتي الِّلي صار في حينه ‏قدام لا ياصل الموضوع لإحساسي

من المستحيل أنسى حياتي معك وأنساك و أنا أشوف وجهك وين ما تلتفت عيني لا زالت تسرِّيني دروبي على مرباك ولا زال صوتك رغم فقدك يناديني أدوّرك في كل الأماكن عشان ألقاك وأضيع و تمر أيام ما يندرا ويني

يوم لاحت روضة الفرحة وخايلت الغمام ‏ناخت القفر وبكت بين السُّوافي مولدي بعتذر للرُّوح ما شمَّت عطر مسك الختام ‏و الأماكن خانها برد الشتات في موعدي ‏للوجع أرض الدفاتر دامه شعوري سْهام ‏و للغرق دمع نافر سيِّل سطوره مدي

وجودك شروق السعد وللخير خير برهان عسى تسْلم الأرض من غيابك وأنا أسلم