لبهاء آلدين🌴

من تتخيّر بين طريقين لا تستعجل وتختار واحد بغض النظر عن السبب مرات الطريقين ثنينهم مو إلك، وكل خطوة بيهم راح تبعدك عن نفسك أكثر. تعلّم تدور على طريق ثالث ، طريق محد رسمه إلك ولا أحد فرضه عليك. طريق تصنعه بإيدك، حتى لو جان أطول وأصعَب وأحلى من البقية الإنسان ما يصير مُختَلِف من اختياراته، يصير مُختَلِف من شجاعته وهو يصنع طريق ثالث ما جان موجود من الأساس

يمكن لأن أعرف شكد الوجع يغيّر ملامح الإنسان ويخلي يفقد شغفه بالحياة، وشكد الحزن يگدر يخلي الروح تتعب حتى من أبسط الأشياء. بس رغم هذا كلّه، من أشوف شخص چان مكسور وجان يحارب أيامه بصمت… وهسه صار بخير، أبتسم من كل گلبي. اليوم شفت كلام لشخص يهمني، ناشر انه تشافى من الأيام السيئة المر بيها، أحب أشوف الناس اللي إتخطت ترجع متعافية، ترجع تنام مرتاحة، ترجع تضحك بدون ما تخفي شي بداخلها، ترجع تحب الحياة بعد ما جانت ثگيلة بعينها. اقسم بالله يفرح گلبي لمن أشوف أحد طلع من الظلام الچان عايش بي، ويبدي يرسم مستقبله الجديد ويحقق أحلامه ينجح، ويتطور، ويتزوج ويسافر ويلگه الأمان ويلگه الشخص المناسب اله وينحب بالطريقة اليستحقها،

شعور أنُ ماكو شي يزعجك أو يقهرك او يقلقك ، شلون ماتجي على راحتها خل تجي، وبالطريقة اليعجبها لأن ماكو بعد أي فعل او ظرف يخليك تتأثر بالسلبي او الإيجابي، جربت كل أنواع المشاعر، صار عندك برود لدرجة الحياة عندك تمشي وانتَ ما دايرلها بال حتى، تحسها فلم شايف كل تفاصيله ومتوقّع بالضبط شراح يصير بعدين والغيب بيد الله، هذا التوقّع يقتل الشعور قبل حدوث الفعل ، ويقتل متعة الألم والفرح، ويخليك تشوف الأحداث من بعيد، وتمشي انت وساكت الجايات هواي

باچر عيد باچر تِعْرض عيونچ يحلوة والعذاب يزيد باچر كل ولف يشتم عطر ولفه وتطبع حنته إعله الإيد باچر والحزن يلگاني واتلگاه يلبسني والبسه إجديد ويا محلة الحزن بالعيد وانتي بعيدة كلش..والقريب بعيد وآني وحيد..أصفكَ إيد..أنشف بإيد دمعات العذاب مطرگه بجفني وتصب شما يمرن عيد باچر والحزن بيا يشگ إشطوط ميهن وي دمعي يزيد يلي إتعودت ملگاك ماكو اصعب من التعويد أخذ عمري ولاكفاه.. خذاچ انتي ولاكفاه.. بعد من عندي چا شيريد ؟ باچر من وكت يصحى الفجر ويغرد التغريد وآني وحيد.. مثل غراب لاوي الجيد.. يل رحتي بدون اوداع..بعدچ والحياه متفيد هنيالي اذا بالموت بلكي انصادفچ ونلوح إيد بإيد يل صرتي بعيدة هواي عن عيني عن الگلب موش بعيد إلچ دگات گلبي تزيد..وابد مايوم مره تهيد راح أصليلچ صلاة العيد..وانتي الوحدچ تنامين ومخليه وراچ الناس..ومخليه حبيب وحيد باچر عيد .. باچر عيد باچر والحزن يلگاني وتلگاه ويامحلى الحزن بالعيد وانتي بعيدة وآني بعيد

بداية جديدة

يا طعم يا ليل من ليل البنفسج للكاتب زعيم الثورة أستاذي مضفر النواب لن ننساك أبدا أجواء الغربة والسجن: كتبت القصيدة في سياق معاناة النواب من السجن والهروب والتنقل بين المنافي، حيث أصبحت الغربة وحشة قاتلة، وصار الحبيب أو الوطن بعيداً، وتصف القصيدة "المامش" (لا شيء) والحنين في ظلمة السجن. الهروب واللجوء بعد أن حفر النواب نفقاً للهروب من السجن، اختفى في بغداد ثم توجه للأهوار ، مما أضفى على قصائده، بما فيها "ليل" البنفسج" ، نبرة التواري، الحنين والجمال الشجي. ثورة جمالية: "ليل البنفسج" لم تكن مجرد غزل، بل كانت انزياحاً لغوياً غير مألوف في الشعر الشعبي، خلق فيه النواب جمالاً حالماً يا طعم يا ليلة من ليل البنفسج). رمزية المحبوب والوطن يختلط في القصيدة حب المحبوبة بحب الوطن، في مناخ عاطفي يصف الوحشة: "جانن ثيابي علي غربة كبل جيتك.. ومستاحش من عيوني".