لـ رضـا

تلهث ايامي وعُمر تركِض وراك والدقايق غُربة واللحظه قطار وياي طبعك يشبه اوضاع العراق خير للغرُبة وعله اهله يصير نار ركضت شهكاتي ودموعي وراك شلون ركضة عوزنه بوكت الحصار اگبال غيرك بين بروحي الفراغ ويمَ خريفك لبست روحي خضار فحـطت خلگـيَ وبعد زعلك طويل و درب الملاگه علي شبعده صار .. روحي مابيهه عشك خلص عليك وبسِمه جروحي حَنينك كِله طَار فرفحت روحي ونكثت چفوفي حيل مِن سِمعت بواهسك يَم غيري صَار ..

عَليك من انسأل تصفن بَروحي سنين و ما اميز بين اللچمة و الدگة العلي سِألوك هَم سألوني وِ حتاريت سَويتك نَبي و گلِت انجبَر حگه و اناشغ و البَچي يوصَل السابِع ليل و فشلتي ب دمعة تِبدي و تنتهي بـ صفگه

چِنت وَياك صِدگي بكلّ الحِچايات وچِنت وَياي حتّى بدَمعك تچذِب مو ذَنبك دَلالي الخَربك وَياي چِنت ماتِسوه نَضرة وبِيك مِتعجب اعوفك لِزمن وَاتذكرك الايام ياهو الچان يَبني وياهوَ اليخرَب

﴿ فَاصْبِرْ صَبْرًا جَمِيلًا ﴾ 2026/7/30 3:33

لِيش ضَيعت التريدَه؟ شبَيك تايّه مَدري وَين شبَيك شارِد مِن قَصيدَة وتِرجَع تِطيح بقَصيدَة وَين سَارح؟ چَنك مَضيع عُمَر گاعِد إنتَ وحِزنَك إلمَا ينتِهي بگهوَة بعيدَة .

ما أريدك بَعد شتسوي ما معذور كافي أنحب ، جِبتها وياك بتوسل جِنت انه بعَزاكُم ألبس حزامِين وأنتَ بنُص عَزانا وجاينا مكحّل أجيك وبيه واهس طفل بالعِيد وتِردنيّ من الوجَع مكسُور و مَهدَل زرعتَك وردة بيدي وخضرت بُستان وَخَرِيفك بِيّه عاش و گلبي ضَل يذْبل تجازيني بجرح يالبيّه عشت سنين وعفتني بلا ضماد وروحي تتعلعل جِنت لو ماكو مَبرد تحد بيّة السيف برگبتي سيوف هجرك كلها تسلل تبديت على حضنك ما حسبت حساب يكتِل كُل غصن مِن يُحظن المنَجل نيتي وَياك أبيض من شكو شِراع و رخيص هواي أنتَ و نيتَك تفشِل عِذرك ما يفيد ضماد ع المَكتول الينهي العشرة يدري شلون يتحمّل ماسامِح بعد لهنانه و اللّه وياك لأن ذيل الجلب كُل عمره ما يعدل .

ماعشنا بدونك بس عشت أنتَ. عمت عين الغريب البينه بدلته.!

شنو بغيري لگيته وما لگيته وياي حتى تروح مني وياخذك ثاني شبدر مني وعفتني شقصرت وياك ماغزر حضنهن ذني ذرعاني يجي يوم وتحن وتردلي مشتاگ بس لمن ترد ماراح تلگاني

مِن خِنتني سَال دَمعي ورايح يغذّي النَهر وادگ رِجلي وانحبّ واشبع قَهر وانا بغيابَك أكَل عَيني السّهر والعُمر يمشي ويمُر وانا واگف عالجمُر وانتَ رايح ويه غَيري تگَضي العمر

طاحَن بالخَريف اوراقي گلت تِهون تانِيت الرَبيع وطاحَت الشٓجرة اجر بيها بسلاسَل وما اجت وَياي وية الغَير اجت بخيوط بَكرة .

مشكور ما قصرت فضلك ببيش اوصفه؟ بصدري غرزت الرمح وتحطلي سم على جرح وتكلي بيه الشفه بكل هذا ما يقتنع كلبي ويحسبك وفي شكد غشيم الكلب يترجه منك وفه

‏﴿ وَأَن لَّيْسَ لِلإِنسَانِ إِلاَّ مَا سَعَى‏ ﴾

مرة اذكر بيك نحچي ومن وصلنا لحرُوف اسمك هب حنينك انت وينك لا قريب ونعتنيلك ولا تجي ونلمحها عينك فاگدينك احنى كلش فاگدينك

اجتني بثوب الابيض والجفن خدران وجان الثوب فاضح يشبه الجامه وضوه الشباج عابر يعكس الموجود وشفت الجان مخفي بديرة الثامه اول مره اشوف الليل من يطيح ويضم حدره الجبال وتبرز الهامه ذيج الساعه نشمي اليلعن الشيطان لعنته وماكدرت اتغاضه جدامه وذكرت ادم تغشمر كبلي بالتفاح شلون اصبر واجه التفاح ببلامه مهره وماتحب مكعاد الصطبلات تريد اليعتليها وشاد حزامه وانا اربات ابوي وعاشگ النزرات غرت بيها وعرگها يضيع الشامه بخور هنود يطلع منها من تسيل ونسيم الصيف ماخذ طيبة نسامة

دليتك اعلى الفرح يالَعلمتني البجي ولو تدري يا صاحبي صدري شكثر بي حجي من كثر ما مبتلي الساني بسكوته اكتفى مشكور ما قصرت فضلك ببيش اوصفه؟ بصدري غرزت الرمح وتحطلي سم على جرح وتكلي بيه الشفه بكل هذا ما يقتنع كلبي ويحسبك وفي شكد غشيم الكلب يترجه منك وفه

هيّه حِلوه وانِي اسِمر وجَهي حِارگته الشِمس هيّه لؤلؤ بَالمتاحِف كاتبيّن عِليه مِمنوع اللمّس انِي صِوتي شگد خِشن فِززله مِيت وهيَه صِوت العِندليّب مِن الصبُح يَهمس هِمس وانِي طِالب مِدّري احيّر بَخدها افِكر.!! مِدّري احيَر بالدرس مِن تِطب للقاعِه ارجّف هِاي عِود انِي الشِرس؟.

جَان اختيارك صعُب تبقالي لو تبتعد مَاجَان شي هين بالحَالتين الوضع مايستُقر يستعُر! والنار من تنطفِي دخانها يَبين بذيج القسَاوة جنت يمك بشر لين خيرتك من النزف كُتلك خيارك ترا يأثُرع ايامَي وماقصرت قررت تختار مستقبلك وتضحّي بأحلامي اليهُضمني مو روحتِك مشلوع كلبي تِرا من احسَاسك البارد تيهت بيك الوفه تخيل هوى اللّٰه اختِفى من كتلي متواعَد .

ثاريها الضنون تخيب وتخيب من ضنيت بيك تصيرلي اوتاد مضيف المبرد يغش المعازيب ما سير عليه السيف لو حاد جنت اتصور اتفوز التجاريب ودمعك ما تكضه جفون العناد جدامك صارن بيوت العناكيب.. واخف من كتلك يلوكلنا البعاد ايد على الصور والثانية تعيب وبس الماي يكسر جنح الرماد نفرض شككتهن خاف ماطيب ولك شك الثوب فوك الميت شفاد طايحلك نشد يعكوب بالذيب ولا بير الحجة وكال انه سداد انا اخ وحجوني بغرف تعذيب ماهزيت شعرة براس جلاد انا مصيوب مو مثل المصاويب حرب والصاحي يرجع بس الزناد المصيبة البال بيك يودي ويجيب اكثر من هلي وحتى من الضماد طفل وكبالي كسرت الملاعيب شتعوضني من تشيلني لغاد تلث اسنين طيفك لو ادري يغيب جا ما خيطت راسي وية المخاد يا كتال يكسر خاطره تغيب المفروض الضمير متاع صياد موهينة العيون ارموشها تشيب بعد حتى من اغمض ظلمة يراد ضوة من يلوحا تصير السراديب مثل سم اليبين طعمه بالزاد