អត្ថបទច្បាប់ : រដ្ឋបាលសាធារណ:

អនុក្រឹត្យ ស្តីពី ការអនុវត្តច្បាប់ស្តីពីកាតព្វកិច្ចយោធា អនុក្រឹត្យនេះកំណត់អំពីលក្ខខណ្ឌនិងបែបបទនៃការធ្វើជំរឿន ការជ្រើសរើស ការអញ្ជើញ ការពន្យារពេល ប្រាក់ឧបត្ថម្ភ គោលរបបផ្សេងៗ និងការលើកទឹកចិត្ត ព្រមទាំងបែបបទនិងនីតិវិធី ក្នុងការទទួលយកប្រជាពលរដ្ឋដែលបញ្ចប់កាតព្វកិច្ចយោធាឱ្យចូលបម្រើការងារឬបន្តការសិក្សាវិញ ដើម្បី ធានាការអនុវត្តច្បាប់ស្តីពីកាតព្វកិច្ចយោធាប្រកបដោយតម្លាភាព គណនេយ្យភាព និងប្រសិទ្ធភាព។ 🌐 Hun Manet 🌐 Samdech Thipadei Hun Manet, Prime Minister of Cambodia 🌐 Telegram 🌐 Tiktok 🌐 YouTube 🌐 Instagram 😃X #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

អនុក្រឹត្យលេខ១៤២_អនក្រ_បក_ចុះថ្ងៃទី២ ខែកក្កដា ឆ្នាំ២០២៦ ស្ដីពីការដាក់ឱ្យអនុវត្តគោលការណ៍ណែនាំស្តីពីការកំណត់ និងការពិពណ៌នាមុខតំណែង។

ការកំណត់ចំនួនថ្នាក់រង ឬ «អនុប្រធាន» គឺជាសិល្បៈនៃការរៀបចំរចនាសម្ព័ន្ធស្ថាប័ន។ បើមានតិចពេក មេធំអាចនឹងនឿយហត់រហូតដាច់ខ្យល់ ប៉ុន្តែបើមានច្រើនពេក ស្ថាប័ននឹងធ្លាក់ចូលក្នុងវិបត្តិ «មេរងច្រើនជាងបុគ្គលិក» ដែលបង្កជាភាពស្មុគស្មាញ និងរាំងស្ទះរដ្ឋបាល។ តាមគោលការណ៍គ្រប់គ្រងស្តង់ដារ ការកំណត់ចំនួនអនុប្រធាន មិនគួរផ្អែកលើការនឹកឃើញនោះទេ ប៉ុន្តែត្រូវផ្អែកលើ សសរស្តម្ភទាំង ៤ ខាងក្រោមនេះ៖ ⚖️ ១. ផ្អែកលើ «ទំហំនិងភាពស្មុគស្មាញនៃជំនាញ»៖ អនុប្រធានម្នាក់ៗ គួរតែត្រូវបានចាត់តាំងឱ្យទទួលបន្ទុកលើ «មុខសញ្ញាការងារជាក់លាក់ និងដាច់ពីគ្នា»។ ឧទាហរណ៍៖ ប្រសិនបើអង្គភាពមួយមានការងារធំៗ ៣ គឺ (១) រដ្ឋបាលនិងបុគ្គលិក (២) ហិរញ្ញវត្ថុនិងរជ្ជទេយ្យ (៣) បច្ចេកទេសនិងប្រតិបត្តិការ... នោះស្ថាប័នគួរមានអនុប្រធាន ៣ នាក់ ដើម្បីជំនាញលើផ្នែកនីមួយៗ។ មិនគួរមានអនុប្រធាន ៥ នាក់ តែការងារជាន់មុខគ្នា មិនដឹងអ្នកណាទទួលខុសត្រូវរឿងអ្វីឱ្យប្រាកដនោះទេ។ 👥 ២. ផ្អែកលើ «ទំហំនៃការគ្រប់គ្រង»៖ តើអង្គភាពនោះមានបុគ្គលិកអនុវត្តផ្ទាល់ប៉ុន្មាននាក់? តាមទ្រឹស្តីគ្រប់គ្រង ថ្នាក់ដឹកនាំម្នាក់អាចគ្រប់គ្រងបុគ្គលិកផ្ទាល់ ប្រកបដោយប្រសិទ្ធភាពចន្លោះពី ៥ ទៅ ៩ នាក់។ បើអង្គភាពមានបុគ្គលិក ៥០ នាក់ ការមានអនុប្រធាន ៣ ទៅ ៤ នាក់ ដើម្បីជួយបែងចែកកម្លាំងគ្រប់គ្រង គឺជារឿងសមហេតុផល។ តែបើអង្គភាពមានបុគ្គលិកតែ ១០ នាក់ តែមានអនុប្រធានដល់ទៅ ៥ នាក់ នោះគឺជាការខ្ជះខ្ជាយធនធាន និងបង្កើតឱ្យមានការបញ្ជាជាន់កែងគ្នា។ ⚡ ៣. ផ្អែកលើ «លំហូរនៃចរន្តការងារ» ៖ មុននឹងបន្ថែមតំណែងអនុប្រធាន ត្រូវសួរថា៖ "តើវត្តមានរបស់គាត់ ជួយឱ្យការសម្រេចចិត្តលឿនជាងមុន ឬគ្រាន់តែបន្ថែមរបាំងមួយជាន់ទៀតនៃការស៊ីញ៉េឯកសារ?" អនុប្រធានគួរតែជាអ្នកជួយសម្រួលការងារ ជួយដោះស្រាយបញ្ហាបច្ចេកទេសជូនកូនចៅ និងជួយរ៉ាប់រងការសម្រេចចិត្តជំនួសប្រធាន មិនមែនជាអ្នកអង្គុយចាំតែចាប់កំហុសរឿងកំប៉ិកកំប៉ុក ដើម្បីបង្ហាញឥទ្ធិពលនោះទេ។ 🚫 ៤. ជៀសវាងដាច់ខាត ៖ ការតែងតាំងដើម្បី «កាត់កេរ្តិ៍ ឬសងគុណ» ៖ នេះគឺជាជំងឺរ៉ាំរ៉ៃនៅក្នុងស្ថាប័នជាច្រើន។ ការបង្កើតតំណែងអនុប្រធាន គ្រាន់តែដើម្បី៖ - លួងចិត្តបុគ្គលិកដែលធ្វើការយូរឆ្នាំ តែគ្មានសមត្ថភាពដឹកនាំ - ផ្តល់កៅអីកិត្តិយស ដើម្បីកសាងបក្ខពួក - រុញមនុស្សចេញពីតំណែងអនុវត្តផ្ទាល់ឱ្យទៅអង្គុយលេង ទង្វើបែបនេះ គឺកំពុងបំផ្លាញប្រព័ន្ធគុណាធិបតេយ្យ និងធ្វើឱ្យអ្នកមានសមត្ថភាពពិតប្រាកដបាត់បង់ទឹកចិត្ត។ #ឯកសារច្បាប់និងរដ្ឋបាល #រចនាសម្ព័ន្ធរដ្ឋបាល #រដ្ឋបាល #បុគ្គលិក #អ្នកដឹកនាំ

ប្អូនប្រុស ហៃ ជ័យសាម៉ុន ជាយុវជនម្នាក់ ដែលបានដាក់ពាក្យចូលប្រឡងប្រជែង ដើម្បីក្លាយជាមន្ត្រីរាជការ ចំនួន៣ ក្រសួង ស្ថាប័ន ៣ថ្ងៃជាប់គ្នា កាលពីថ្ងៃទី ២៩ ៣០ និង ៣១ ខែឧសភា ឆ្នាំ២០២៦ រួមមានក្រសួងយុត្តិធម៌ រដ្ឋលេខាធិការដ្ឋានកិច្ចការព្រំដែន និងក្រសួងការបរទេស និងសហប្រតិបត្តិការអន្តរជាតិ។ ជាលទ្ធផល ប្អូនបានប្រឡងជាប់ ទាំង៣ ក្រសួង ស្ថាប័ន។ សូមរង់ចាំទស្សនា និងស្តាប់កិច្ចសម្ភាសរបស់ប្អូនប្រុស ហៃ ជ័យសាម៉ុន ក្នុងកម្មវិធីសន្ទនាមន្ត្រី ដែលនឹងផ្សាយជូនទស្សនាវេលាម៉ោង ៨:០០នាទីយប់នេះ។ កិច្ចសម្ភាសនេះ ប្អូនប្រុសនឹងចែករំលែកនូវយុទ្ធសាស្ត្រ ក្នុងការបែងចែកពេលវេលាសិក្សា និងត្រៀមខ្លួន សម្រាប់ការប្រឡងដល់ទៅ ៣មុខតំណែងក្នុងពេលតែមួយ។ កម្មវិធីសន្ទនាមន្ត្រី៖ សាមញ្ញ ងាយស្តាប់ ឆាប់យល់! ....................................................... តំណភ្ជាប់ទៅកាន់បណ្តាញសង្គមរបស់យើង៖ 🌐 Facebook 🌐 Tiktok 🌐 Telegram 🌐 Instagram 🌐 YouTube

ព្រះរាជក្រឹត្យ ស្តីពី ការរៀបចំនិងការប្រព្រឹត្តទៅរបស់គណៈបសុពេទ្យ